🌷Далбар Хотун🌷

🐟🐟🐟🐟🐟🐟🐟🐟🐟 Собону хайдах саһарчы ыһаарылыахха сөбүй? Ол туһун киинэ уонна үүнэр көлүөнэ тыйаатырын артыыската Екатерина Хоютанова албаһын үллэстэр. Тускутугар туһаныҥ! ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

🌿Виталий Андросовка анаммыт сүдү тэрээһин Дойду култууратыгар, билимҥэ уонна уопсастыбаннай санаа сайдыытыгар сүҥкэн кылааты киллэрбит, уопсастыбаннай диэйэтэл, учуонай, мэдиссиинэ билимин хандьыдаата, ХИФУ дассыана, Саха Өрөспүүбүлүкэтин култууратын үтүөлээх үлэһитэ, биллиилээх мелодист, 130-тан тахса ылбаҕай ырыа ааптара, ырыаһыт, «Саха» НКИК уопсастыбаннай сэбиэтин бэрэссэдээтэлэ, ХИФУ медицинскай институтун бүтэрбиттэр ассоциацияларын салайааччыта, «Алампа» көҥүл түмсүү түсчүтэ, РФ суруналыыстарын сойууһун чилиэнэ, Мэҥэ-Хаҥалас улууһун бочуоттаах олохтооҕо, ВИТАЛИЙ ТИМОФЕЕВИЧ АНДРОСОВ үтүө аатын үйэтитэн, Мэҥэ-Хаҥалас улууһугар хаһан да буолбатах ураты тыыннаах тэрээһин бу ый 07 күнүгэр буолан ааста. https://dalbarhotyn.ru/main/vitalij-androsovka-anammyt-sүdү-tereeһin/ ✅"Далбар Хотун" сурунаал телеграмҥа ханаала: https://t.me/dalbarxotyn ✅Сайта: dalbarhotyn.ru

🏡🏡🏡🏡🏡🏡🏡🏡🏡🏡 Бу көстөр ураты тутуулаах баараҕай дьиэ «Сатал» түөлбэтигэр дьэндэйэн турар. Икки мэндиэмэннээх мас дьиэни кытта силбэһэ тутуллубут саха балаҕана үгүс дьон болҕомтотун тардар буолуохтаах. Бу – Яна Попова хас эмэ сылы быһа ыралаан, былааннаан туппут көмүс ньээкэ уйата. Сиһилии ➡️➡️➡️https://dalbarhotyn.ru/main/kiһi-dieleehpin-diir-diete/ ✅"Далбар Хотун" сурунаал телеграмҥа ханаала: https://t.me/dalbarxotyn ✅Сайта: dalbarhotyn.ru

🌿🌿🌿🌿🌿🌿🌿🌿🌿 "Далбар Хотун" сурунаал саҥа 5-с нүөмэригэр ааҕыҥ: - "Эпииргэ - ыытааччы Ньургуйаана Ботуева", ааптар Сардаана Кузьмина - "Сибэккини телефоҥҥа тупсаҕайдык түһэрии кистэлэҥнэрэ", ааптар Юлия Пестрякова - "Үлэнэн салаллыбыт саргылаах "Байылыат Хотун", ааптар Сардаана Кузьмина - "Сахаҕа ийэ ууһун суолтата", ааптар Елена Иванова - "Дьахтар доруобуйата үөстэн саҕаланар", ааптар Анна Павлова - ⁠"Киччэй Даарыйа ыһыахтара", ааптар Галина Самойлова - ⁠"Дьолго баҕаран...", ааптар Айталина Никифорова - "Удьуор суруналыыс Татьяна Маркова", ааптар Саргылаана Данилова - "Киһи дьиэлээхпин диир дьиэтэ", ааптар Венера Охлопкова - "Дьиэни тутуу сиэрэ-туома", ааптар Байан Түһүнэй - ⁠"Киимчик", ааптар Ольга Гаврильева-Айсана - ⁠"Дьол амтана", ааптар Анна Павлова о.д.а. интэриэһинэй суруйуулары ааҕыаххыт🙌 ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

*Кинигэтэ ааҕыах*📖 *Прокопий Чуукаар “Өлүү-тиллии икки ардынан” кинигэтин* ахпыккыт дуо? Бу айымньы суруналыыс уонна суруйааччы кыттыһан суруйбуттарын курдук. Суруналыыһа хайдах-туох буолбутун чахчыларга олоҕуран билиһиннэрэр, оттон суруйааччыта ыһыытыыр хоту уһугун Аччыгый Лээхэп арыыларыгар олоҕу илэ-бааччы көрдөрөр. Инньэ гынан итэҕэтиилээх, умсугутуулаах, олус баай ис хоһоонноох кинигэ буолан тахсыбыт.  “Уол оҕо уон уһуктааҕа” Иван Кривошапкин  истэн эрэ билэр Лээхэп арыытыгар “Холбос” кадровай булчута буолан, олохсуйа барар. ”Кривошапкиннар курдук оҕолоох-уруулаах көһөн ньиккирээн киирэн олоҕурбут ыал урут да, кэлин да суоҕа”, - диир ааптар. Намҥа ат сүүрдэр улахан дьиэлэрин атыылааннар, көһөн барар ыал наадыйар малын-салын, аһын-үөлүн атыылаһан, кытаанах айаҥҥа туруналлар.   “Халлаан уонна хаар куйаара силбэспит курдук” дойдутугар күннэтэ олох иһин охсуһуу манна буолар... Кинигэни ырытыыны сиһилии бу сигэнэн киирэн ааҕыҥ: https://dalbarhotyn.ru/main/dol-k%d3%a9rd%d3%a9%d3%a9n-leehepke/

"Далбар Хотунтан" кынаттаах ыра🪽❤️🤗 Үтүө сарсыарданан, сурунаалбыт ааҕааччылара!🙌🏻🌿☀️ Күннээҕи түбүгү санаабакка, таһырдьа тахсан салгынна сиэ, халлааны, күнү көр, тыынна иҥэрин. Ыксаама, эн кулут буолбатаххын, көҥүл киһигин, ону куруук өйдүү сырыт уонна туох баар үлэҕин-хамнаскын "үлэһит муҥнаах" туругар сылдьан буолбакка, айар-тутар аналлаах Айыы киһитин таһымыгар оҥор. Ол аата тыыппалаахтык, кэрэхсэбиллээхтик, ис сүрэхтэн. Сөбүлээбэт үлэм диэн сирэ-тала сылдьыма, оҕолоргун эмиэ судургу, бор буоларга үөрэт. Оннук киһи өлөн-охтоһ биэрбэт дириҥ үөстээх буолар. Кулан хаан. Социальнай ситимҥэ бөлөх: ✅Телеграмҥа ханаал: https://t.me/dalbarxotyn ✅Сайт: dalbarhotyn.ru ✅https://chat.whatsapp.com/DMFO9aroCRqLtaYY4dFfqi

🍍🍍🍍🍍🍍🍍🍍🍍🍍 КАБАЧОКТААХ ХОМПУОТ Ирдэнэр: 2 кг кабачок 900 мл ананас утаҕа 250 гр сахар 1 ч.нь. лимоннай кислота Астааһына: Кабачогу түөрт муннуктуу кырбаан баран ыйыллыбыт ингредиеннары кытта холбоон кыра уокка уурабыт. Оргуйбутун кэннэ ессе 15 мүнүүтэ тэптэрэ түһэбит. Судургу уонна минньигэс хомпуот бэлэм буолла! Астаата Туйаара Игнатьева ✅"Далбар Хотун" сурунаал телеграмҥа ханаала: https://t.me/dalbarxotyn ✅Сайта: dalbarhotyn.ru

Эбэтэр кыайан барсыбакка хааллаҕына бу тиэргэҥҥэ хаалан кыра дьиэҕэ киирэн олохсуйуон, мэһэй-таһай буолуон сөп. Ол иһин, дьиэни, тиэргэни ыраастыырга, эргэ дьиэни көтүрүүгэ сыһыаннаах дьоннор сиэр-туом оҥоруохтаахтар. Ол аата чараас эйгэни ''көрөр харахтаах, истэр кулгаахтаах'' дьоннор. Бастаан туох, ким баарын көрөн-истэн баран сөптөөх туому оҥоһуллуохтаах. Алҕас хантан эрэ кэлэн ''олохсуйбут'' үөрү барыахтаах сиригэр утаарыллыахтаах. ''Аһаҕас'' сири бүөлэниллиэхтээх. Дьиэ, тиэргэн, оһох иччилэрин кытта кэпсэтэн көҥүллэтиэхтээх. Дьоннор олохторо тупсарын туһугар барыта этэҥҥэ буоллун диэн алгыс сиэрин-туомун оҥоһуллуохтаах, харысхал туруоруллуохтаах. Хантан эрэ кэлэн олохсуйбут үөрү барыахтаах сиригэр ыыппатахха, көннөрү үтэйдэххэ төптөрү кэлиэн сөп, эбэтэр атын сиргэ тиийэн олохсуйуон сөп, чугастыы баар д. ''Аһаҕас'' сирдэри бүөлээбэтэххэ атын эйгэ күүстэрэ киирэ-тахса олорор дьону буулуохтарын сөп. Оччотугар итиннэ олорор дьон кыһалҕаҕа ыктарыахтарын, арыгыга ылларыахтарын, ыарытыйыахтарын сөп. Өбүгэлэрбит киһи олорор сирин уонна дьиэтин эйгэтиттэн олоҕо уонна инники дьылҕата тутулуктааҕын билэр буолан төрүт үгэһи тутуһара. *** 🏡 Саҥа дьиэни туттуохтарын иннинэ былыр ойуун эбэтэр кырдьаҕас билгэһит саҥа дьиэ тутуллар сирин чинчилиирэ. Санаалара тохтообут сиригэр билгэһит хонон турара. Ол сиргэ дьиэлэрин тутталлара түүллэрин тойоннооһуннарыттан тутулуктааҕа. 🏡Сороҕор дьиэ тутуллуохтаах олоҕор суоруллубут мас хатырыгын көпсөлүү уураллар, ону нөҥүө күнүгэр көрдөхтөрүнэ, кымырдаҕас мустубут буоллаҕына, үчүгэй эркиннээх сир диэн сыаналыыллара. Сороҕор түөрэх быраҕаллара. 🏡Дьиэ олоҕун таһыгар үүммүт мастары эмиэ чинчийэн көрөллөрө. Тиит мас лабаата үөһээ диэки үмүрүччү үүнэн турар буоллаҕына, “бүтэй сир”, оттон лабаата туора үүммүт сатаҕай көрүҥнээх мастаах сири “аһаҕас сир” диэн ааттыыллара уонна маннык сиргэ дьиэни туттубаттара. 🏡Дьиэ акылаата түһүөхтээх сиригэр чөҥөчөк баар буоллаҕына, хайаан да түөрэллэрэ, силиһин үчүгэйдик ыраастыыллара. 🏡Былыр акылаат түһэрэллэригэр, туруорбах балаҕан тулааһыннарын туруоралларыгар, сир кырсын алдьаталларыгар сир-дойду иччилэриттэн көрдөһөн, көҥүллэтэн алгыстарын аныыллара. Акылаат түһэр муннуктарыгар, тулааһын оҥкучахтарыгар харчы уонна сиэлинэн суулаан арыы уураллара. 🏡Дьиэ тутуутун сүрүн түһүмэхтэригэр: акылаат түстэҕинэ, түннүк баайыытыгар, өһүө түһүүтүгэр дьиэлээх ыал хайаан да бэлиэтээн сирин-уотун аһатар. 🏡Дьиэ тутуутун саамай сүрүн өттө – өһүөнү түһэрии. Бу – дьиэ тутуллан бүтэн, үлэ үмүрүйэн эрэр үөрүүлээх түгэнэ. Өһүө ууруллар муннуктарыгар сиэл уонна харчы эмиэ ууруллар. Бу – билиҥҥэ диэри тутуһуллан кэлбит сиэр. Дьиэ өһүөтэ түстэҕинэ, тутуллан бүппүтүн кэриэтэ сананыллар, онон малааһын тэриллэр. 🏡Итэҕэл быһыытынан, Айыы аартыга аһыллар сиринэн – илин диэкинэн – ааннанар. 🏡Дьиэ тутуллан бүттэҕинэ, саҥа дьиэҕэ киирии малааһына тэриллэр. Малааһын үксүн алтынньы, сэттинньи ыйдарга – идэһэлэнэр кэмҥэ оҥоһуллара. Кырдьаҕас баар буоллаҕына, аал уоту кини алҕаан аһатара. Дьиэ иччитэ Дьиэрдэ Бахсыттан ыччат дьоно көмүс ньээкэ уйаларыгар этэҥҥэ олороллоругар көрдөһө, дьиэлээхтэргэ айыы дьонун сиэринэн олороллоругар алгыһын аныыр. Өбүгэбит үйэлээх үтүө үгэһин ытыктаа, тутус, кэнчээри ыччакка утумнаа. "Кистэлэҥ күүс" бөлөхтөн

🌿ЭРГЭ ДЬИЭНИ КӨТҮРҮҮ, КӨҺӨРҮҮ, КӨҺҮҮ, МАЛААҺЫН СИЭРЭ ТУОМА» 🌿    Сиэр - туом ыытарга анал алгысчыт идэлээх саастаах киһини ыҥыраллар.    Үчүгэйдик олорбут дьиэттэн сонурҕаан, үтүөттэн ордукка үлүһүйэн дьиэни уларыта сылдьартан ыал олоҕо огдолуйар, дьоло кэскилэ ыһыллар диэн анньыырҕааннар мэнээк көспөт этилэр.    Көһөллөрүгэр оһохторуттан күллээх чоҕу көһөрөн илдьэ барар үһүлэр.    Быһылаан тахсыбыт дьиэтиттэн куһаҕан тыын батыспатын диэн судургу соҕустук, айдаана - куйдаана суох көһөллөр.    Дьиэни көтүрүү сүпсүлгэнэ суох буолуохтаах. Эрдэттэн былааннаан, бэлэмнэнэн баран сып сап бүтэрэ охсор куолу. Көтүрэн иһэн быраҕыллыбыт дьиэ өтөхсүйэр, иччилэнэр.    Сэргэни - ыал ымыыта, удьуор маһа буоларын быһыытынан - кэрдэр, уокка оттор төрүкү сатаммат. Туран эрэ бэйэтэ кырдьан эмэҕирэн суулуннаҕына, тыаҕа таһааран, кэккэлэһэ үүммүт тииттэр икки ардыларыгар кыбыталлар. *ДЬИЭНИ КӨТҮРҮҮ СИЭРЭ-ТУОМА* Сахаҕа дьиэни көтүрүү уонна көһөрүү кэлиҥҥи кэмнэргэ үгүстүк көстөр быһыы. Урут туруорбах дьиэлэр, үксүн, көтүрүллүбэккэ эрэ турбут сирдэригэр, "өтөҕүрэн" хаалаллара. Ити курдук ойуун уонна удаҕан олорбут дьиэлэрин, үөрдэр хонуктуур сирдэрэ диэн, ырааҕынан тумнан аахаллара. Кэлин, ХХ үйэгэ, ордук советскай былаас кэмигэр, "атеизм" үйэтигэр, эргэ дьиэлэри көтүрүү, көһөрүү (ордук ампаар дьиэлэри) тарҕаммыта. Туруорбах дьиэлэр, хотоннору тракторынан күрдьэн, ол оннугар колхоз, совхоз дьиэлэрин туталлара, ол курдук саҥа бөһүөлэк олохсуйара. Ол гынан баран, ханнык баҕарар үйэҕэ өбүгэ үтүө үгэһин ытыктаан, хас да көлүөнэ дьон олорбут алаһа дьиэлэрин, туох эрэ уһулуччу суолталааҕа күһэттэрэн көтүрэр түбэлтэлэригэр, сиэри - туому тутуһан, алгыс алҕаан иччилэри кытары "кэпсэтэн", "манньалаан" баран көтүрүү хамсаныытын оҥороллоро. Бастатан туран, алгысчыт олохтоох, алта уон сааһын туолбут ытыктанар киһи буоллаҕына ордук. Иккиһинэн, алгысчыт көтүллүөхтээх дьиэ иннигэр, тэлгэһэҕэ, аан утары уот оттон Дойду иччитигэр, тэлгэһэ иччитигэр, сэргэ иччитигэр, алаһа дьиэ иччитэ Дьиэрбэ Бахсыылаҕа сиэли, үрүҥ аһы аһатан туран көрдөһөр, тоҕо көтүрэллэрин этэн туран. Үсүһүнэн, дьиэ иһигэр киирэн дьиэ түөт муннугар, оһох төрдүгэр кыракый уот таһааран тус туспа "алгыстаан кэпсэтэн" ахатар. Ол эрэ кэнниттэн хоту хотон үрүт сиксигиттэн үс лаппаакы буору сиргэ ыһар. Ити кэнниттэн көтүрүү, көһөрүү үлэтэ саҕаланан барар. Бүтүн эргэ бөһүөлэги көтүрэргэ алгыс биир дьиэҕэ оҥоһуллара ордук. Онно урукку олохтоох дьон кэлэн кыттыахтарын сөп, алгыс кэмигэр. Төһө да советскай кэмнээҕи тутуу буолбутун иһин, өбүгэ ытык үгэһинэн, алгыс этэн, олохтоох сиэри - туому тутуспат буолуу - биһиги былыргы өбүгэлэрбит итэгэллэрин ытыгылаабат буолуу бэлиэтэ. Олохтоох саха сиэрин тутуһуу сүнньэ итинник. Өссө ордук ситиһиилээх ытыгылааһын буолуон сөп - олохтоох, айылҕаттан айдарыылаах ытык кырдьаҕас көрүүтэ, сүбэтэ итиэннэ бу эрэ сиргэ - уокка сөптөөх сиэр -туом көрүҥнэрин билэн туһаныы. В.Ф. Яковлев, этнограф, СР культуратын үтүөлээх үлэһитэ. Ф.С. Федоров, фольклорист, РФ культуратын үтүөлээх үлэһитэ. *** Дьиэни-көтүрүү, тиэргэни, дьиэни ыраастааһын сиэрин-туомун уратыта. Бу сиэри-туому оҥорууга араас түгэннэр буолаллар. Барыта туох эйгэлээх тиэргэнтэн, дьиэттэн уонна аттыгар туох сир, дьиэлэр баалларыттан эмиэ тутулуктаах буолар. Дьоннор эргэ кыра дьиэлээх уһаайба ылбыттар. Атыылааччылар улахан уһаайбаларын аҥаардаан баран атыылаабыттар. Анараа аҥаарыгар улахан көһөрүллэн кэлбит эргэ дьиэ баар. Анарааҥҥы участокка турар эргэ дьиэни чэпчэкигэ көтүрэн ылыҥ диэн биллэрии таһаарбыттарыгар ылар киһи көстүбүт. Биригээдэ кэлэн үлэтин саҕалыырыгар билэр киһилэригэр сиэр-туом оҥотторбуттар уонна үлэлэрин саҕалаабыттар. Дьиэ көтүрүү кэмигэр тиийэ сылдьан дьиэни ''көрбүппүтүгэр'' дьиэ иһигэр хантан эрэ кэлэн олохсуйбут үөр баара биллибитэ, аантан өҥөйөрө көстөрө. Маннык түгэҥҥэ көтүрээччилэр уонна эргэ дьиэни ылбыт киһи тугу гыналларын билбэттэр. Көтүрэргэ диэн сиэр-туом оҥорбуттара эрэ дииллэр. Бу түгэҥҥэ ол үөр мин дьиэм дии сылдьар буолан ол дьиэни кытта барсан, онно олохсуйуон сөп.

🍹🍹🍹🍹🍹🍹🍹🍹🍹 МОХИТО УТАХ Бу курдук мохито утаҕы үстээх бааҥкаларга оҥорон кыһыннары иһиэххэ сөп👍 Ирдэнэр: Апельсин🍊 Лимон 🍋 Мята 🌿 250-270 гр сахар 🍚 Астаата Евдокия Дьячковская ✅"Далбар Хотун" сурунаал телеграмҥа ханаала: https://t.me/dalbarxotyn ✅Сайта: dalbarhotyn.ru

Баттах харысхала 🌿🌿🌿 Манна даҕатан, былыргылар, бэл, баттаҕы кытта сибээстээх сиэргэ-туомҥа улахан суолтаны биэрэллэрин санатан ааһар тоҕоостоох. *Баттах киһи кутун-сүрүн, ис күүһүн уонна дьылҕатын кытта быһаччы сибээстээх*, харысхал суолталаах диэн итэҕэйэллэрэ. Ол иһин бэйдиэ ыһа сылдьыбаттара. Ийэ оҕолорун бастакы баттаҕын мөһөөччүккэ уган уурара. Баттах күннээҕи куһаҕан тылы-өһү, санааны-тыыны илим курдук тутан, киһини харыстыыр суолталаах, баттахха иҥмит күннээҕи кыһалҕаны, сылайбыты уо.д.а. тараан, куһаҕантан ыраастанабыт дии саныыллара. Баттаҕы уокка быраҕары аньыынан ааҕаллара. Ол иһин хомуйан ылан айылҕаҕа, мас анныгар эбэтэр талах быыһыгар, туора харахха көрдөрбөккө, уурар үгэһи тутуһаллара биллэр. Аны туран, дьахтар баттаҕын эрин эрэ иннигэр ыһара көҥүллэнэрэ. Кини өссө биир харыстыыр албаһынан эрин баттаҕынан имэрийэн, күүстээх харыс оҥорор, күүс киллэрэр, оттон эр киһи кэргэнин баттаҕын тараатаҕына, дьахтар ыраастанан, саҥаттан сэниэ-күүс ылан, туохха да бэриммэт харысхалланар диэн өйдөбүл баара умнуллан эрэр.   Салгыы саха итэҕэлигэр олоҕурбут олоххо-дьаһахха туттуллар сиэр-туом туһунан кэлэр нүөмэрбитигэр ааҕаарыҥ. «Далбар Хотун» сурунаал❤️ Социальнай ситимҥэ бөлөх: ✅Телеграмҥа ханаал: https://t.me/dalbarxotyn ✅Сайт: dalbarhotyn.ru ✅https://chat.whatsapp.com/DMFO9aroCRqLtaYY4dFfqi

“*Далбар Хотуну” Михаил Ефимович төрүттээбитэ* ❤️ 📝🪶🪶🪶 Билэрбит курдук, 2023 сыл атырдьах ыйын 4 күнүгэр Саха сирин бастакы Бэрэсидьиэнэ Михаил Ефимович Николаев 86 сааһыгар орто дойду сирдээҕи олоҕуттан барбыта.  Кини олоҕун норуотугар анаабыт улуу киһибитинэн буолар. Хас биирдии саха тыллаах кинини сүрэҕэр-быарыгар чугастык тутар. Биһиги, “Далбар Хотун” сурунаал эрэдээксийэтин үлэһиттэрэ, элбэх ахсааннаах ааҕааччыларбыт  ис сүрэхтэн тахсар махтал тылларын Михаил Ефимовичка өрүү аныыбыт. Кини өйөөн саха дьахталлара бэйэбит “Далбар Хотун” диэн сурунааллаахпыт. Дьахтар сурунаала буоларынан ийэлии дьиэ кэргэн эйгэтин  толору хабар, иитэр-үөрэтэр, үтүөҕэ-кэрэҕэ сирдиир аналлаах буолан, отуттан тахса сыл устата дьон кутун тутан кэллэ. Олохпут туох баар эйгэтигэр үтүмэн сайдыыны киллэрбит Бэрэсидьиэммит дьиэ кэргэн олоҕор, тыа сирин уйгутугар туох даҕаны улахан кыһамньытын уурара маныаха эмиэ көстөр. Бу күн бары тапталлаах Михаил Ефимовичпытын ахтан-санаан ааһар курус эрээри сырдык күммүт. «Далбар Хотун» сурунаал. Социальнай ситимҥэ бөлөх: ✅Телеграмҥа ханаал: https://t.me/dalbarxotyn ✅Сайт: dalbarhotyn.ru ✅https://chat.whatsapp.com/DMFO9aroCRqLtaYY4dFfqi

🍹🍹🍹🍹🍹🍹🍹🍹🍹 ОТОННООХ ЛИМОНАД Ирдэнэр: 🍋1 уст лимон 🍒100 г отон 🍚120-140 г сахар 🫖1 л гаастаах уу 🌱Мята 🧊Муус Салгыы устууга көстөрүн курдук оҥоробут. Куйаас күҥҥэ сөрүүкэтинэргэ олус минньигэс утах👍 Айыына Рожина ✅"Далбар Хотун" сурунаал телеграмҥа ханаала: https://t.me/dalbarxotyn ✅Сайта: dalbarhotyn.ru

🌸 "Айар Уустар" үөрэх кыһатын уһуйааччыта, дизайнер Евдокия Иннокентьевна Романова оҥорбут үлэтин көрөҕүт. Бу кини иллэҥ кэмигэр дьарыктанар дьарыга буолар. Билигин да ситэ бүтэ илик эбит. Олоччу илии оҥоһуга буолан бытаан диэн маастар кэпсиир. Бу матрешка иһигэр өссө алта матрешка баар буолуохтаах. Ол иһин, "Кэрэ Куолар" диэн ааттыан баҕарар. Бары үрүҥ көмүстэн симэхтээх буолуохтаахтар. Үксэ акриловай кыраасканан ойуулуур. "Далбар Хотун" сурунаал ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

*Ил Тыыннаах Иччилэрбит* ааттара: ✅1.Аал Уоппут иччитэ- *Аан Уххан Тойон* ,*Чүүччү Кыламан, *Бырдьа Бытык, Хатан Тэмиэрийэ* *Саалыр чанчык, Алтан Баһырҕас, Аан Уххан Тойон Эһэккэм!* (хас да ааттаах). ✅2. Сир-Дойду иччитэ- *Аан Алахчын Хотун.* ✅3.От-мас иччилэрэ- *Эрэкэ-Дьэрэкэ Оҕолор.* ✅4.Баай Хара Тыа иччитэ- *Баай Байанай.* ✅5.Уу иччитэ- *Улуу Уукун, Күөх Боллох Тойон.* ✅6.Алаһа дьиэбит иччитэ- *Дьиэдэ Бахсыыла-Тойон Эһэ.* ✅7.Хотон иччитэ- *Ньаадьа-Ньаҥха.* ✅8.Тойон Сэргэ иччитэ- *Тойон Түһүмэл.* ✅9.Аартык иччитэ- *Моһол Тойон, ойоҕо Буомча Хотун.* ✅10.Күрүө-Хаһаа иччитэ- *Көөкөнөй Тойон.* ✅11.Ыарыыны Үтэйэр иччи- *Улуу Суорун.* ✅12.Тыл иччитэ- *Ытык Чыыбыстаан эбэтэр Чупчурукаан* дэнэр. ✅13.Уустар иччилэрэ-  *Кудай-Бахсы.* ✅14.Сэргэ иччитэ— *Тойон Түһүмэл*, *Маҥан Күскэн Хотун.* ✅15.Салгын иччитэ- *Аламай Күн Сарыаллаах Айыыһыт Хотун.* Ол курдук өссө бааллар Улуу Туймаада Хочотун  иччитэ, Улуу Элиэнэ Эбэ Хотун иччитэ, Элиэнэ Очуостарын иччитэ, Сайсары Эбэ иччитэ, Мырааннар иччилэрэ, Хайалар иччилэрэ, Үрэхтэр, күөллэр, эбэлэр иччилэрэ. Ытык сирдэр иччилэрэ. Ол курдук: Сир түннүктэрэ-*Улуу Кырдьаҕастар,* *Көмүскэс Санаалаах Хотун Эдьиийдэр.*

🌿🌿🌿 🌿 🌿 🌿 🌿 🌿 🌿 УКУРУОПТААХ КҮӨХ АРЫЫ Горнай улууһун Бэрдьигэстээҕиттэн сылдьар Елена диэн ааҕааччыбыт бэрт судургу уонна сонун укуруоптаах арыы ырысыабын үллэстэр🙌 Ирдэнэр: 🌱Укуруоп 🧄1-2 өлүү чеснок 🧈Сиир арыы (арыы сымныар диэри ирбит буолуохтаах) Арыыны төһө элбэҕи астыаххытын баҕараргытынан туттаҕыт👍 ✅Социальнай ситимҥэ бөлөҕө:https://chat.whatsapp.com/FbLnhlZbm4XJb6kHzdCB9i?mode=hqrt1 ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

#кэпсээн ИЙЭБИН! ЭРЭЭДЭКСИЙЭБИТ БУОСТАТЫГАР АММА УЛУУҺУН СУЛҔАЧЧЫ НЭҺИЛИЭГИН ОЛОХТООҔО БИИР КЭПСЭЭНИ ЫЫППЫТ. УУС-УРАН СУРУЙУУГА ХОЛОНОР ААҔААЧЧЫБЫТЫН ӨЙӨӨММҮТ, БАР ДЬОН ДЬҮҮЛҮГЭР ТАҺААРАБЫТ. ➡️https://dalbarhotyn.ru/main/ijebin ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

🌿🌿🌿Сурунаалбыт эрэллээх ааҕааччыта Агафья ыыппыт сүбэтин таһаарабыт. Ол курдук, маннык ыал аайы баар электрическэй хобордооҕу бу курдук ньыманан кылбаччы ыраастаан саҥатыгар түһэриэххэ сөп эбит. Тускутугар туһаныҥ👍🙌 Далбар Хотун сурунаал ✅Телеграмҥа ханаала: https://t.me/dalbarxotyn ✅Сайта: dalbarhotyn.ru

🌸🌿🌸🌿🌸🌿☀️ Дьокуускайга Лермонтов уулуссанан айанныыр дьон бу икки этээстээх эргэ дьиэ биир түннүгэ сибэккинэн киэркэйбитин, кыракый сирэ букатын күөҕүнэн, араас дьэрэкээн сибэккинэн симэнэн турарын өйдөөн көрөр буолуохтаахтар. Хайа да дьиэни бу курдук кэрэтик тутан олоруохха сөбүн этэргэ-кэпсииргэ дылы буолбат дуо? Олоҕу бэйэбит оҥоробут ээ🤗 Социальнай ситимҥэ бөлөх: ✅Телеграмҥа ханаал: https://t.me/dalbarxotyn ✅Сайт: dalbarhotyn.ru ✅https://chat.whatsapp.com/DMFO9aroCRqLtaYY4dFfqi