မျိုးချစ်သတင်းမှန်

မီးမလာလို့ အစိုးရကို ဆဲတော့မယ်ဆိုရင်... #အာဏာရှင်ဖြုတ်ချဖို့ လျှပ်စစ်တာဝါတိုင်တွေ ဖြို့ကြဆို့ဆိုတဲ့ မင့်တို့အော်ခဲ့တာကို ပြန်ပြီးအမှတ်ရကြပါ...။ Phလိုင်းမကောင်းလို့ အော်ပရေတာကို ဆဲတော့မယ်ဆိုရင်... #စကစကိုတော်လှန်ဖို့ တာဝါတိုင်တွေဖြို့ပြီး လက်နက်လုပ်ကြဆို့ဆိုတဲ့ မင့်တို့ လော်ခဲ့တာတွေကို ပြန်ပြီးအမှတ်ရကြပါ...။ လမ်းတွေမကောင်းလို့ အစိုးရကို ဆဲတော့မယ်ဆိုရင်... #စစ်ကားတွေ သွားလို့မရအောင်ဆိုပြီး လမ်းတွေပေါ် မိုင်းထောင်ခဲ့တာကို ပြန်ပြီးအမှတ်ရကြပါ...။ လမ်းတွေပိတ်လို့ စစ်ဆေးရေးဂိတ်တွေကို ဆဲတော့မယ်ဆိုရင်... #၅ပေ ၁ဂိတ်ဖွင့်ပြီး ဆက်ကြေးကောက်နေတဲ့ မင့်တို့အဖွဲ့တွေရဲ့ ဂိတ်တွေကို ပြန်ပြီးမြင်ကြပါ...။ စာသင်ကျောင်းတွေ ဗုံးကြဲခံရလို့ အစိုးရကို ဆဲတော့မယ်ဆိုရင်... #ဆရာ ဆရာမတွေကို CDMလုပ်ခိုင်းပြီး ကျောင်းတွေမှာ စခန်းချခါ ဖောက်ခွဲရေးပစ္စည်းများ ပြုလုပ်ခဲ့တာတွေကို သတိရပါ...။ ကလေးတွေ ကျောင်းမနေရလို့ အစိုးရကို ဆဲတော့မယ်ဆိုရင်... #ဆရာ ဆရာမတွေကို CDMမလုပ်လို့ဆိုပြီး ဒလန်ခေါင်းစဥ်ကပ်၍ Tတ်ခဲ့ကြတာကို ပြန်မြင်ကြပါ...။ ခေါင်းဆောင်လုပ်သူက သူအာဏာမရတော့ တစ်နိုင်ငံလုံး မွဲပြာကျအောင် တစ်ကမ္ဘာလုံးထံ မြန်မာကို ဆန်ရှင်လုပ်ဖို့ တောင်းဆိုခဲ့မှတော့... နောက်လိုက်တွေကလည်း ပြည်သူပိုင်း ပစ္စည်းတွေကို ဖျက်ဆီးကြတာ မဆန်းပါဘူး။ ဒီနေရာမှာဆန်းနေတာက... ဆန်ရှင်လုပ်ခိုင်းခဲ့တဲ့သူက တိုင်းပြည်ဆင်းရဲနေတာ ခေတ်အဆက်ဆက်က တပ်မတော်ခေါင်းဆောင်တွေကြောင့်တဲ့...🙄 ( သူကိုယ်တိုင် ပိတ်ဆို့ခိုင်းလို့ တိုင်းပြည် ပိုမွဲခဲ့တာပါဗျာ ) ပြည်သူပိုင် ပစ္စည်းတွေကို ဖျက်ဆီးနေကြတဲ့ သူတွေကလည်း သူတို့ ဒီလိုဖျက်ဆီးနေရတာ စစ်တပ်ကြောင့်တဲ့...🙄 (စစ်တပ်က မင့်တို့ဖျက်ကြကွာလို့တော့ မခိုင်းပါဘူးဗျာ ) သူများမျက်ချေးကိုဘဲ မြင်ပြီး ကိုယ့်မျက်ချေးကို မမြင်တတ်ခဲ့တော့ ဘဝရဲ့ ဇာတ်သိမ်းခန်းတွေ မလှပကြတာပေါ့ဗျာ...👌 " ရချင်တာက ဒီမိုကရေစီ၊လုပ်နေတာက တာလီဘန်လုပ်ရပ် " Credit to ဖိုးမှန်

​ ၁၀။ အပေါင်းအသင်း ဇကာတင်ဖြစ်လာခြင်း ​ အရင်က သူငယ်ချင်းတွေ အများကြီးနဲ့ ဆူညံချင်ခဲ့ပေမဲ့ အခုတော့ လူစုလူဝေးတွေကို စိတ်ကုန်လာတယ်။ "ငါ့ကို တကယ်နားလည်တဲ့သူ တစ်ယောက်လောက်ပဲ ရှိရင် ရပြီ" လို့ သင် တွေးမိလာတယ်။ ဒါပေမဲ့ လူတိုင်းကလည်း ကိုယ့်ဘဝနဲ့ကိုယ် ရုန်းကန်နေရတော့ သင်ဟာ အပေါင်းအသင်းတွေကြားမှာတောင် "တစ်ယောက်တည်း" ဖြစ်နေသလို ခံစားရတတ်ပါတယ်။ ​ ဒါတွေက မှားနေတာလား? ​မဟုတ်ပါဘူး။ အခု သင် ခံစားနေရတာတွေက "မှားယွင်းနေတာ" မဟုတ်သလို၊ သင်ကပဲ "စိတ်အားငယ်နေတာ" လည်း မဟုတ်ပါဘူး။ ဒါဟာ ဒီအရွယ်မှာ လူတိုင်း ကြုံတွေ့ရလေ့ရှိတဲ့ Mid-life Transition (ဘဝတစ်ဆစ်ချိုး အကူးအပြောင်း) တစ်ခုပဲ ဖြစ်ပါတယ်။ သင့်ရဲ့ အတွင်းစိတ်က "မင်း ကိုယ့်ကိုယ်ကိုယ် ပြန်ဂရုစိုက်ဖို့ လိုနေပြီ" လို့ သတိပေးနေတာပါ။ ​"သတိပြုမိခြင်း (Awareness) က ကုသခြင်းရဲ့ ပထမဆုံးခြေလှမ်းပဲ။" ​ဒီလို ခံစားနေရတာကို ကိုယ့်ကိုယ်ကိုယ် လက်ခံလိုက်ပါ။ သင်က စက်ရုပ်မဟုတ်သလို၊ အမြဲတမ်း သန်မာနေရမယ့် စူပါဟီးရိုးလည်း မဟုတ်ပါဘူး။ သင်လည်း ပင်ပန်းတတ်တယ်၊ သင်လည်း အားငယ်တတ်တယ်ဆိုတာဟာ လူသားဆန်တဲ့ သဘာဝတစ်ခုပါ။ ​ သင် တစ်ယောက်တည်း မဟုတ်ပါဘူး ​ အခု ဒီစာကို ဖတ်နေတဲ့အချိန်မှာ သင်လိုပဲ "ဒါ ငါ့အကြောင်းပဲ" လို့ တွေးနေတဲ့သူတွေ အများကြီး ရှိပါတယ်။ သင့်ရဲ့ ပင်ပန်းမှု၊ သင့်ရဲ့ အထီးကျန်မှုနဲ့ သင့်ရဲ့ မပြောနိုင်တဲ့ ဖိအားတွေကို နားလည်ပေးမယ့်သူတွေ ရှိနေတယ်ဆိုတာ မမေ့ပါနဲ့။ ​ ဘဝက Motivational Quotes တွေထဲကလို အမြဲတမ်း တက်ကြွနေဖို့ မလိုပါဘူး။ တစ်ခါတလေတော့လည်း "ငါ ပင်ပန်းနေပြီ" လို့ ကိုယ့်ကိုယ်ကိုယ် ဝန်ခံပြီး ခဏလောက် နားလိုက်တာက ပိုပြီး သဘာဝကျပါတယ်။ အရာအားလုံးကို ပြီးပြည့်စုံအောင် လုပ်စရာ မလိုပါဘူး။ ဒီနေ့မှာ သင် အသက်ရှင်နေတယ်၊ သင် ချစ်ရသူတွေအတွက် အကောင်းဆုံး ကြိုးစားပေးနေတယ်ဆိုတာနဲ့တင် ဒီနေ့ထိ သင် ထိန်းထားနိုင်ခဲ့တာတွေက လေးစားဖို့ ကောင်းလှပါပြီ။ ​ သင် ခံစားနေရတာတွေက ပုံမှန်ပါပဲ။ သင်တစ်ယောက်တည်း မဟုတ်ပါဘူး။ ​ဒီနေ့တော့ ကိုယ့်ကိုယ်ကိုယ် လက်ဖက်ရည်တစ်ခွက်လောက် တိုက်ပြီး "ပင်ပန်းနေပြီပဲ...အေးအေးဆေးဆေး နေပါဦး" လို့ ပြောပေးလိုက်ပါလား? သင့်ဘဝမှာ အရေးကြီးဆုံးလူက "သင်ကိုယ်တိုင်" ပဲ ဖြစ်သင့်လို့ပါ။

၃၅–၄၅ အရွယ်မှာ လူတွေ မပြောဘဲ တိတ်တိတ်လေး ခံစားနေကြတဲ့ အရာများ ─ ─ ─ ─ ─ ─ ─ ─ ─ ─ ─ ─ ─ ​ တစ်ခါတလေ... အလုပ်ကအပြန် ကားပေါ်မှာဖြစ်ဖြစ်၊ အိမ်ရှေ့မှာ ကားပါကင်ထိုးပြီးမှ အိမ်ထဲမဝင်သေးဘဲ ကားထဲမှာ ခဏလေး ငြိမ်ပြီး ထိုင်နေမိတဲ့အချိန်မျိုး သင် ကြုံဖူးမှာပါ။ အပြင်မှာတော့ အရာအားလုံးက ပုံမှန်ပါပဲ။ အလုပ်ရှိတယ်၊ မိသားစုရှိတယ်၊ တာဝန်ကျေတဲ့သူတစ်ယောက်လို့ လူတွေက သတ်မှတ်ထားကြတယ်။ ​ ဒါပေမဲ့ မှန်ထဲကို ကြည့်လိုက်တဲ့အခါ ဒါမှမဟုတ် ညဘက် လူခြေတိတ်ချိန်မှာ "ငါ တကယ်ကော အဆင်ပြေရဲ့လား" လို့ ကိုယ့်ကိုယ်ကိုယ် မေးခွန်းထုတ်မိတတ်ပါတယ်။ ဒီအရွယ်မှာ လူတွေဟာ အပြင်ပန်းကြည့်ရင် အောင်မြင်တည်ငြိမ်နေပုံရပေမဲ့၊ ရင်ထဲမှာတော့ ဘယ်သူ့ကိုမှ မပြောဘဲ တိတ်တိတ်လေး သယ်ဆောင်နေကြရတဲ့ အရာတွေ ရှိပါတယ်။ ​ ၁။ အရာအားလုံး ရှိနေပေမဲ့... “ဟာလာဟင်းလင်း” ဖြစ်နေခြင်း ​ ဘဝရဲ့ Checklist တွေကို သင် တစ်ခုပြီးတစ်ခု အမှန်ခြစ်ခဲ့ပြီးပြီ။ အလုပ်ရပြီ၊ အိမ်ထောင်ကျပြီ၊ ကလေးရပြီ။ ဒါပေမဲ့ ညဘက် လှဲလိုက်တဲ့အခါ "ဒါပဲလား... ငါ့ဘဝက ဒီလောက်နဲ့ပဲ ပြီးသွားတော့မှာလား" ဆိုတဲ့ အတွေးမျိုး ဝင်လာတတ်တယ်။ အောင်မြင်မှုတွေက ရှိနေပေမဲ့ စိတ်ထဲမှာတော့ တစ်ခုခု လိုနေသလိုပဲ။ ဒါဟာ သင် မရောင့်ရဲတာ မဟုတ်ပါဘူး။ တကယ်တော့ သင့်ရဲ့ Inner Self (အတွင်းစိတ်) က သူ့အတွက် အချိန်ပေးဖို့ တောင်းဆိုနေတာပါ။ ​ ၂။ နာမည်ထက် “တာဝန်” တွေအောက်မှာ ကိုယ့်ကိုယ်ကိုယ် ပျောက်ဆုံးသွားခြင်း ​ လူတွေက သင့်ကို နာမည်နဲ့ထက် "ကလေးအဖေ/အမေ"၊ "မန်နေဂျာ"၊ "သား/သမီး" ဆိုတဲ့ Role တွေနဲ့ပဲ ပိုမြင်ကြတော့တယ်။ သင်ကိုယ်တိုင်လည်း ဒီတာဝန်တွေကြားမှာ ပတ်ချာလည်နေရင်း "ငါ" ဆိုတဲ့လူက ဘယ်ရောက်သွားမှန်း မသိတော့ဘူး။ သင် တကယ် ဘာကြိုက်တတ်လဲ၊ ဘာလုပ်ရင် ရင်ထဲက တကယ် ပျော်လဲဆိုတာကို မေ့နေတာ ကြာပါပြီ။ သင်ဟာ အားလုံးအတွက် "ရှိနေပေးသူ" ဖြစ်ပေမဲ့ သင့်အတွက် "ရှိနေပေးမယ့်သူ" ကိုတော့ တိတ်တိတ်လေး ရှာနေမိတတ်ပါတယ်။ ​ ၃။ Social Media က “အတုအယောင်” တွေကြား စိတ်ဓာတ်ကျခြင်း ​ Facebook ဖွင့်လိုက်ရင် သူငယ်ချင်းတွေက ဥရောပမှာ ခရီးသွားနေတယ်၊ ရာထူးတက်လို့ Party ပေးနေတယ်၊ အိမ်အသစ်ကြီးနဲ့ ဓာတ်ပုံတင်ထားတယ်။ ဒါတွေက သူတို့ဘဝရဲ့ "အကောင်းဆုံး အပိုင်းလေးတွေ" သာ ဖြစ်မှန်း သင် သိပါတယ်။ ဒါပေမဲ့ ပင်ပန်းနွမ်းနယ်နေတဲ့ သင့်ရဲ့ Reality နဲ့ ယှဉ်လိုက်တဲ့အခါ "ငါကော ဘာတွေများ လွဲနေလို့လဲ" ဆိုတဲ့ Silent Comparison က မသိမသာ ဝင်လာပြီး သင့်ကို အားငယ်စေတယ်။ ​ ၄။ မပြောနိုင်တဲ့ “ညပ်နေတဲ့” ဖိအားတွေ (Sandwich Pressure) ​ သင်ဟာ အိုမင်းလာတဲ့ မိဘတွေနဲ့ ကြီးထွားလာတဲ့ ကလေးတွေကြားမှာ ညပ်နေတဲ့ Sandwich လိုပဲ။ တစ်ဖက်က မိဘတွေရဲ့ ကျန်းမာရေးကို စိုးရိမ်ရသလို၊ တစ်ဖက်ကလည်း ကလေးတွေရဲ့ ရှေ့ရေးအတွက် ရုန်းကန်ရတယ်။ "ပင်ပန်းတယ်" လို့ သင် ညည်းလိုက်ရင် အားလုံး ပြိုလဲသွားမလားဆိုတဲ့ ကြောက်စိတ်နဲ့ "ငါ အဆင်ပြေပါတယ်" ဆိုတဲ့ Mask ကို အမြဲတမ်း တပ်ထားရတာ ဘယ်လောက် မွန်းကြပ်ဖို့ ကောင်းသလဲ သင်ပဲ သိမှာပါ။ ​ ၅။ ခန္ဓာကိုယ်က ပေးလာတဲ့ “သတိပေးချက်” များ ​ အရင်လို ညလုံးပေါက် မလုပ်နိုင်တော့ဘူး။ မနက်နိုးလာရင် အလိုလို ညောင်းညာနေတတ်တယ်။ အရင်က ဂရုမစိုက်ခဲ့တဲ့ ကျန်းမာရေး သတင်းတွေကို ဖတ်မိရင် ရင်ထဲ ထိတ်ခနဲ ဖြစ်သွားတတ်တယ်။ "ငါ့မှာ တစ်ခုခုဖြစ်သွားရင် ငါ့မိသားစု ဘယ်လိုလုပ်မလဲ" ဆိုတဲ့ စိုးရိမ်စိတ်က အသက် ၄၀ ဝန်းကျင်မှာ ပိုပြီး ကျယ်လောင်လာတတ်ပါတယ်။ ​ ၆။ အလုပ်က ဘဝမဟုတ်မှန်း သိပေမဲ့ ရပ်လို့မရခြင်း ​ "ဒီအလုပ်က ငါ့ကို မပျော်စေတော့ဘူး" လို့ သင် သိတယ်။ ဒါပေမဲ့ သင့်နောက်မှာ အိမ်လခ၊ ကျောင်းလခ၊ ဆေးဖိုးဝါးခတွေက တန်းစီနေတယ်။ အလုပ်ထွက်ဖို့ ဝေလာဝေး၊ ခဏလေး နားဖို့တောင် သင့်မှာ အခွင့်အရေး မရှိသလို ခံစားရတာဟာ "လှောင်အိမ်ထဲ ပိတ်မိနေသလို" ခံစားချက်မျိုးပါ။ ​ ၇။ “နောက်ကျသွားပြီလား” ဆိုတဲ့ အသစ်စဖို့ ကြောက်ရွံ့မှု ​ စိတ်ထဲမှာ ဝါသနာပါတဲ့ အရာတစ်ခုခုကို စချင်သေးတယ်၊ ဒါပေမဲ့ "ဒီအရွယ်မှ စရင် လူရယ်စရာ ဖြစ်မလား" "ရှုံးနိမ့်သွားရင် ပြန်ထဖို့ အချိန်ရှိပါဦးမလား" ဆိုတဲ့ အတွေးတွေက သင့်ကို ခြေချုပ်တွယ်ထားတယ်။ တည်ငြိမ်မှုကို ဆုံးရှုံးမှာ ကြောက်တဲ့စိတ်က သင့်ရဲ့ အိပ်မက်တွေကို တိတ်တိတ်လေး သတ်ပစ်နေတတ်တယ်။ ​ ၈။ အတိတ်ကို ပြန်ကြည့်ပြီး နောင်တ သေးသေးလေးတွေ ​ "အဲဒီတုန်းကသာ ဒီလိုလုပ်ခဲ့ရင်..." "အဲဒီလူကိုသာ လက်မလွှတ်ခဲ့ရင်..." ဆိုတဲ့ အတွေးတွေက တိတ်ဆိတ်တဲ့ ညတွေမှာ ရောက်လာတတ်တယ်။ အကြီးကြီးမဟုတ်ရင်တောင် "ငါ့ဘဝက ဒီထက် ပိုကောင်းနိုင်ခဲ့မလား" ဆိုတဲ့ Quiet Regret လေးတွေက သင့်ကို မကြာခဏ လာနှုတ်ဆက်နေတတ်ပါတယ်။ ​ ၉။ “ငါ မပျော်ဘူး” လို့ ပြောဖို့ ရှက်ရွံ့ခြင်း ​ ပတ်ဝန်းကျင်မှာ သင်က အရာအားလုံး အဆင်ပြေနေတဲ့သူ၊ ခိုင်မာတဲ့သူ။ ဒီတော့ "ငါ မပျော်ဘူး" လို့ ပြောလိုက်ရင် "မင်းမှာ အားလုံးရှိနေတာပဲ၊ ဘာလို့ မပျော်ရတာလဲ" လို့ အမေးခံရမှာကို သင် ကြောက်တယ်။ ဒါကြောင့်ပဲ ရင်ထဲမှာ ဘယ်လောက် လေးလံနေပါစေ၊ အပြင်မှာတော့ အဆင်ပြေပြနေရတာပါ။

ဘန်ကောက်ပို့စ်ကဖေါ်ပြသောမြန်မာနိုင်ငံအကြောင်း ၂၀၂၁ ခုနှစ် နောက်ပိုင်း၌ မြန်မာနိုင်ငံ၏ ဖြစ်ပေါ်တိုးတက် ပြောင်းလဲမှုများသည် အာဆီယံအသိုက်အဝန်းအတွင်းနှင့် အိမ်နီးချင်းနိုင်ငံများအတွက်လည်း စိန်ခေါ်မှုများ ဖြစ်ပေါ်စေခဲ့သည်။ သို့သော်လည်း ဤစိန်ခေါ်မှုများကြားမှပင် မြန်မာနိုင်ငံသည် ဖွဲ့စည်းပုံအခြေခံဥပဒေအရ ပါတီစုံအထွေထွေရွေးကောက်ပွဲကို ကျင်းပခဲ့ပြီး လွှတ်တော်များကို ခေါ်ယူကာ လိုအပ်သော အဖွဲ့အစည်းများကို ဖွဲ့စည်း လျှက်ရှိသည်။ ယခုအခါ နိုင်ငံတော်သမ္မတအဖြစ် ဦးမင်းအောင်လှိုင်ကို ရွေးချယ်ခဲ့ကြပြီး ဦးညိုစောနှင့် ကရင်ပြည်နယ်မှ ဒေါ်နန်းနီနီအေးတို့ကို ဒုတိယသမ္မတများအဖြစ် ရွေးချယ်ခဲ့သည်။ ပြည်သူ့လွှတ်တော်ကို ဦးခင်ရီက ဦးဆောင်ပြီး အမျိုးသားလွှတ်တော်ကို ဦးအောင်လင်း‌ဒွေးက ဦးဆောင်သူဖြစ်လာသည်။ ဒေသတွင်းနှင့် နိုင်ငံ၏ တည်ငြိမ်မှုကို ပြန်လည်ဖော်ဆောင်ရန် ရည်ရွယ်သည့် တရားဝင်လုပ်ငန်းစဉ်များမှတစ်ဆင့် ပေါ်ထွက်လာသော ခေါင်းဆောင်များဖြစ်သည့်အားလျော်စွာ ၎င်းတို့ကို နိုင်ငံရေးယဉ်ကျေးမှုနှင့် အပြုသဘောဆောင်သော ထိတွေ့ဆက်ဆံမှု ဘောင်အတွင်းမှ လက်ခံကြရပေမည်။ အုပ်ချုပ်ရေး၊ ဥပဒေပြုရေးနှင့် တရားစီရင်ရေးတည်းဟူသော မဏ္ဍိုင်ကြီးသုံးရပ် ပြန်လည်နိုးထလာခြင်းသည် ဒီမိုကရေစီလမ်းကြောင်းပေါ်သို့ ပြန်လည်ရောက်ရှိခြင်းကို ဖော်ညွှန်းနေသည်ဖြစ်ရာ လူအများက အကောင်းမြင်ကြိုဆိုကြမည့် ခြေလှမ်းတစ်ရပ် ဖြစ်သည်။ ဤနိုင်ငံရေး ဖြစ်ပေါ်တိုးတက် ပြောင်းလဲမှုများအပြီးတွင် နိုင်ငံတော် တည်ငြိမ်ရေးနှင့် စီးပွားရေး ပြန်လည်ဦးမော့လာစေရန်အတွက် အစိုးရသစ်အပါအဝင် နိုင်ငံတော်၏ မဏ္ဍိုင်အားလုံးသည် ပြည်သူကို ဗဟိုပြုသော ချဉ်းကပ်မှုဖြင့် အတူတကွ လက်တွဲဆောင်ရွက်ကြမည်ဖြစ်ပေရာ တည်ရှိပြီးသား နိုင်ငံတကာ ကုန်သွယ်ရေးလမ်းကြောင်းများနှင့်လည်း ပြန်လည်ချိတ်ဆက်ရမည်ဖြစ်သည်။ ကမ္ဘာ့အင်အားကြီးနိုင်ငံများနှင့် အဖွဲ့အစည်းများ၏ စီးပွားရေးပိတ်ဆို့မှု တချို့နှင့် ကြုံတွေ့နေရသော်လည်း နိုင်ငံအနေဖြင့် ပွင့်လင်းမြင်သာသော အုပ်ချုပ်မှုယန္တရားကို မြှင့်တင်ရင်း ပြည်သူ့ဆန္ဒကို ထင်ဟပ်စေမည့် ဖက်ဒရယ်ဒီမိုကရေစီစနစ်ဆီသို့ ဦးတည်ကာ အဆိုပါစိန်ခေါ်မှုများကို ကျော်လွှားနိုင်ရန် ကြိုးပမ်းသွားမည်ဟု မျှော်လင့်ရသည်။ တိုင်းဒေသကြီးနှင့် ပြည်နယ်အသီးသီးရှိ ပဋိပက္ခများ ချုပ်ငြိမ်းရန်နှင့် ရေရှည်တည်တံ့သော ငြိမ်းချမ်းရေးနှင့် တရားဥပဒေစိုးမိုးမှုများ ရရှိလာစေရန်အတွက် နိုင်ငံတစ်ဝန်းလုံးက မျှော်လင့်ချက်များဖြင့် စောင့်‌မျှော်လျက်ရှိကြသည်။ Ref: ဘန်ကောက်ပို့စ်

တပ်မတော်ကာကွယ်ရေး ဦးစီးချုပ် တာဝန်အား ဗိုလ်ချုပ်ကြီး ရဲဝင်းဦး တာဝန်ယူ မြန်မာ့တပ်မတော်၏ တပ်မတော်ကာကွယ်ရေးဦးစီးချုပ် တာဝန်လွှဲပြောင်းလက်ခံခြင်း ဂုဏ်ပြုစစ်ရေးပြအခမ်းအနားကို ယနေ့ မတ် ၃၀ ရက်နံနက်ပိုင်းက နေပြည်တော်ရှိ ဇေယျသီရိဗိမာန်၌ ကျင်းပရာ တပ်မတော်ကာကွယ်ရေးဦးစီးချုပ် တာဝန်ထမ်းဆောင်လျက်ရှိသည့် ဗိုလ်ချုပ်မှူးကြီးမင်းအောင်လှိုင်မှ တပ်မတော်ကာကွယ်ရေးဦးစီးချုပ် တာဝန်လွှဲပြောင်းလက်ခံ တာဝန်ထမ်းဆောင်မည့် ကာကွယ်ရေးဦးစီးချုပ် (ကြည်း) ဗိုလ်ချုပ်ကြီး ရဲဝင်းဦးထံ လွှဲပြောင်းပေးအပ်ခဲ့သည်။ ဗိုလ်ချုပ်မှူးကြီးမင်းအောင်လှိုင်နှင့် ဗိုလ်ချုပ်ကြီး ရဲဝင်းဦးတို့သည် အလေးပြုခံစင်မြင့်၌ ဂုဏ်ပြုတပ်ခွဲ၏ အလေးပြုခြင်းကိုခံယူစဥ် ဂုဏ်ပြုအမြောက်တပ်ဖွဲ့မှလည်း အမြောက် (၁၉) ချက်ကို စစ်ရေးပြ အခမ်းအနားဖြင့် ဂုဏ်ပြုပစ်ဖောက်ခဲ့သည်။ ထို့နောက် စစ်ရာထူးခန့်ချုပ် ဒု-ဗိုလ်ချုပ်ကြီး ထိန်ဝင်းက ကာကွယ်ရေးဦးစီးချုပ် (ကြည်း) ဗိုလ်ချုပ်ကြီး ရဲဝင်းဦးအား ကာကွယ်ရေး ဦးစီးချုပ်ရုံး၊ တပ်မတော်ကာကွယ်ရေးဦးစီးချုပ် ရာထူးခန့်အပ်ကြောင်း ခန့်အပ်လွှာအားဖတ်ကြားတင်ပြပြီး ဗိုလ်ချုပ်မှူးကြီးမင်းအောင်လှိုင်က တပ်မတော်ကာကွယ်ရေးဦးစီးချုပ်တာဝန်လွှဲပြောင်းလက်ခံ တာဝန်ထမ်းဆောင်မည့် ဗိုလ်ချုပ်ကြီး ရဲဝင်းဦးထံသို့ တပ်မတော်ကာကွယ်ရေးဦးစီးချုပ်၏ အဆောင်အယောင်ဓါးနှင့် တပ်မတော် ကာကွယ်ရေး ဦးစီးချုပ်ရုံး၏ အလံတို့ကိုလွှဲပြောင်းပေးအပ်ပေးပြီး တပ်မတော်ကာကွယ်ရေး ဦးစီးချုပ်၏ ဦးစီးကွပ်ကဲမှု တံဆိပ်ကို တပ်ဆင်ပေးခဲ့သည်။ ထို့ပြင် တပ်မတော်ကာကွယ်ရေးဦးစီးချုပ် တာဝန်လက်ခံထမ်းဆောင်သည့် တပ်မတော်ကာကွယ်ရေးဦးစီးချုပ် ဗိုလ်ချုပ်ကြီးရဲဝင်းဦးက တာဝန်လွှဲပြောင်းပေးအပ်ခဲ့သည့် ယခင်တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်ထံ ဂုဏ်ပြုအဆောင်အယောင်ဓါးကို ဂါရဝပြုပြန်လည်ပေးအပ်ခဲ့သည်။ ထို့နောက် တပ်မတော်ကာကွယ်ရေးဦးစီးချုပ် တာဝန်လွှဲပြောင်းပေးအပ်ခဲ့သည့် ဗိုလ်ချုပ်မှူးကြီးမင်းအောင်လှိုင်နှင့် တာဝန်လက်ခံထမ်းဆောင်သူ ဗိုလ်ချုပ်ကြီးရဲဝင်းဦးတို့သည် ဂုဏ်ပြုတပ်ခွဲ၏ အလေးပြုခြင်းကိုခံယူပြီး ဂုဏ်ပြုတပ်ခွဲက စစ်ကြောင်းပုံပြု ချီတက်အလေးပြုခဲ့ကြသည်။ ထို့နောက် တပ်မတော်ကာကွယ်ရေး ဦးစီးချုပ်တာဝန်လွှဲပြောင်းပေးအပ်ခဲ့သည့် ဗိုလ်ချုပ်မှူးကြီးမင်းအောင်လှိုင်နှင့် ဇနီး၊ တာဝန်လက်ခံထမ်းဆောင်သူ ဗိုလ်ချုပ်ကြီးရဲဝင်းဦးနှင့် ဇနီးတို့သည် တက်ရောက်လာကြသည့် ကာကွယ်ရေးဦးစီးချုပ်ရုံးမှ တပ်မတော်အဆင့်မြင့် အရာရှိကြီးများနှင့် ဇနီးများ၊ ဖိတ်ကြားထားသူများအား ရင်းရင်းနှီးနှီးနှုတ်ဆက်ခဲ့ကြသည်။ ထို့ပြင် မြန်မာ့တပ်မတော်၊ တပ်မတော်ကာကွယ်ရေးဦးစီးချုပ်၏ တာဝန်များအား လက်ဆင့်ကမ်းလွှဲပြောင်းပေးအပ်ခဲ့သည့် ဗိုလ်ချုပ်မှူးကြီးမင်းအောင်လှိုင်နှင့် ဇနီး ဒေါ်ကြူကြူလှတို့ ဇေယျာသီရိဗိမာန်မှ ပြန်လည်ထွက်ခွာစဥ် ဂုဏ်ပြုစစ်တီးဝိုင်းက ဂုဏ်ပြုတီးခတ်သီဆိုကာ ဂုဏ်ပြုမြင်းစီးတပ်ဖွဲ့မှလည်း လိုက်ပါချီတက်၍ စစ်ရေးပြအခမ်းအနားဖြင့် ပို့ဆောင်နှုတ်ဆက်ခဲ့ကြသည်။

တန်ခူးလ သင်္ကြန်ဟောစာ – တနင်္ဂနွေသားသမီးများအတွက် (၂၀၂၆) တန်ခူးလကာလမှာ တနင်္ဂနွေသားသမီးများအတွက် ဘဝအပြောင်းအလဲအသေးစားများ ကြုံတွေ့ရနိုင်တဲ့အချိန်တစ်ခု ဖြစ်ပါတယ်။ သင်္ကြန်အခါတွင် ကုသိုလ်ကောင်းမှုများ ပြုလုပ်ပေးပါက ကံကောင်းမှုများ ပိုမိုတိုးတက်လာနိုင်ပါတယ်။ ⭐ အလုပ်အကိုင်နှင့် စီးပွားရေး အလုပ်အကိုင်ဘက်တွင် အခွင့်အလမ်းအသစ်များ ပေါ်ပေါက်လာနိုင်ပြီး မိမိကြိုးစားမှုအပေါ် မူတည်၍ တိုးတက်မှုရရှိနိုင်ပါတယ်။ စီးပွားရေးလုပ်ငန်းရှင်များအတွက်လည်း အရောင်းအဝယ်တိုးတက်လာနိုင်သော်လည်း ဆုံးဖြတ်ချက်များချရာတွင် စဉ်းစားချင့်ချိန်မှု လိုအပ်ပါတယ်။ မိတ်ဆွေအသစ်များမှတဆင့် အလုပ်အကိုင်အခွင့်အရေးများ ရရှိနိုင်ပါတယ်။ 💰 ငွေကြေး ငွေဝင်ပိုမိုကောင်းမွန်လာနိုင်သော်လည်း မလိုအပ်သောအသုံးစရိတ်များကို ထိန်းချုပ်ရန် လိုအပ်ပါတယ်။ ရင်းနှီးမြှုပ်နှံမှုအသစ်များကိုလည်း အလျင်အမြန် ဆုံးဖြတ်မလုပ်သင့်ပါ။ ❤️ အချစ်ရေးနှင့် မိသားစု အချစ်ရေးတွင် နားလည်မှုနှင့် သည်းခံမှု လိုအပ်သောကာလဖြစ်ပါတယ်။ စကားပြောဆိုရာတွင် သတိထားနိုင်ပါက မလိုလားအပ်သော ပြဿနာများကို လျော့နည်းစေနိုင်ပါတယ်။ မိသားစုဘက်မှလည်း အထောက်အပံ့တစ်ခုခု ရရှိနိုင်ပါတယ်။ 🧘 ကျန်းမာရေး ရာသီဥတုအပူကြောင့် ပင်ပန်းနွမ်းနယ်မှုများ ဖြစ်ပေါ်နိုင်သောကြောင့် ရေဓာတ်လုံလောက်အောင် သောက်သုံးပြီး အနားယူခြင်းကို ဂရုပြုပါ။ 🙏 ယတြာနှင့် ကုသိုလ်ပြုခြင်း တနင်္ဂနွေနေ့တွင် ဘုရားရှေ့တွင် ရေသပိတ် ၉ခွက် ကပ်လှူပြီး အဝါရောင်ပန်းများ ကပ်လှူပါ။ ထို့အပြင် မေတ္တာပို့ခြင်း၊ တိရစ္ဆာန်များအား အစာကျွေးခြင်းတို့ကိုလည်း ပြုလုပ်နိုင်ပါတယ်။ ✨ အထူးအကြံပြုချက် တန်ခူးသင်္ကြန်ကာလအတွင်း စိတ်တည်ငြိမ်စွာ နေထိုင်ပြီး ကုသိုလ်ကောင်းမှုများ ပြုလုပ်နိုင်ပါက တစ်နှစ်တာအတွက် ကံကောင်းမှုများ ပိုမိုတိုးပွားလာနိုင်ပါတယ်။

ဒါ့ထက်ပိုဆိုးတာက လောင်းကစားနည်း တစ်ခု လုပ်ဖို့ရာ ဒိုင် ၊ အခြားကစားဖော်တွေနဲ့ အခြေအနေ အချိန်အခါ လိုပါတယ်။ ဘောလုံးဆိုလည်း ကန်မယ့်ရာသီ ၊ ကန်မယ့်အသင်း ရှိမှ.. ဖဲဆိုလည်း ကစားဖော် ကစားဖက်ရှိမှ.. ကြက်ပွဲဆိုလည်း တိုက်ကြက်ဝိုင်းရှိမှ.. ၂ လုံး ၊ ၃ လုံး ဆိုလည်း ဒိုင် ၊ ကော်စား ၊ ထွက်မယ့်ရက် စသည်ဖြင့်.. စလော့မှာကျ ဒိုင်လည်းမလို ၊ ကစားဖော်လည်းမလို... ဖုန်း နဲ့ လိုင်းရှိရုံနဲ့ အိပ်ခါနီးငါးမိနစ်လောက် ကစားမလား ၊ အိမ်သာတက်ရင်း ကစားမလား ၊ ထမင်းစားရင်း ကစားမလား ...။ တစ်ယောက်ထဲ နေရာမရွေး အချိန်မရွေး ကစားနေလို့ရတယ်။ (ဘယ်သူမှ သိစရာလည်း မလိုတော့ ဒုက္ခရောက်ပြီး အကြွေးပတ်လည်ဝိုင်းသွားမှ မိသားစုက သိရတယ်...) စလော့ဂိမ်းကို ဘွဲ့ပေးရမယ်ဆို "ဘက်ပေါင်းစုံက ပြည့်စုံနေတဲ့ မွဲဆေးကြီး...'' လို့သာ အမည်ပေးလိုက်ချင်တယ်။ ကိုယ့်အသိမိတ်ဆွေတွေထဲမှာ စလော့ဂိမ်း စ ဆော့နေတဲ့ လူတွေရှိပါတယ်...။ မိတ်ဆွေတို့ ဝတ္တရားနဲ့ ကျွန်တော် တစ်ကြိမ် နှစ်ကြိမ် တားပါတယ်။ (ဒီထက်ပိုပြီးတော့ မတား...သူ့ထိုက်နဲ့သူ့ကံ) ဒီပိုစ့်ကိုလည်း ခုမှ စဆော့မယ့် လူတွေအတွက် ရည်ရွယ်ပြီး ရေးပါတယ်။ စွဲနေပြီဆိုတဲ့ လူတွေကိုတော့ သိကြားမင်းလည်း ဆင်းမကယ်နိုင်။ ဒုက္ခရောက်မယ့် ကံတရားက သူတို့ဆီ ဆိုက်ဆိုက်မြိုက်မြိုက် ရောက်လာလေပြီ ဆိုပြီးတော့သာ ဥပေက္ခာပြုထားရပါတော့တယ်။ ကိုစိုးထိုက် (ဖဒို)