DA-UYFC News

សារលិខិតគោរពជូនពរពីឯកឧត្តមបណ្ឌិត ហេង សុខគង់ សមាជិកគណៈអចិន្ត្រៃយ៍នៃគណៈកម្មាធិការកណ្តាលស.ស.យ.ក និងជាប្រធានសម្ព័ន្ធគ្រូពេទ្យស.ស.យ.ក និងលោកជំទាវ ព្រមទាំងថ្នាក់ដឹកនាំ សមាជិក សមាជិកាទូទាំងប្រទេសនៃសម្ព័ន្ធគ្រូពេទ្យស.ស.យ.ក គោរពប្រសិទ្ធសព្ទសាធុការពរជ័យជូន សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជាក្នុងឱកាសដ៏មហានក្ខត្តឫក្សប្រសើរថ្លៃថ្លាបំផុត នៃថ្ងៃចម្រើនជន្មាយុគម្រប់៧៣ ឈានចូល ៧៤ឆ្នាំ 🙏❤️🙏

កម្ពុជាស្វាគមន៍ការតែងតាំងប្រធានគណៈកម្មការផ្សះផ្សា ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ Cambodia Welcomes the Appointment of the Chairperson of the Conciliation Commission under UNCLOS

✍️សេចក្តីជូនដំណឹង ✍️ មន្ទីរពេទ្យមិត្តភាពខ្មែរ-សូវៀត នឹងសហការជាមួយក្រុមគ្រូពេទ្យមកពីប្រទេសអូស្ត្រាលី នឹងផ្ដល់ជូន ការពិនិត្យ និងព្យាបាលជំងឺទឹកដក់ក្នុងភ្នែកដោយឥតគិតថ្លៃចាប់ពីថ្ងៃទី១៧-២១ សីហា ឆ្នាំ២០២៦ នេះតទៅ ។ សូមអរគុណ 🙏

នៅថ្ងៃស្អែកនេះ ជាថ្ងៃដ៏សំខាន់សម្រាប់ប្អូនៗថ្នាក់ទី១២ ទាំងអស់។ ក្នុងនាមក្រុមគ្រួសារសហភាពសហព័ន្ធយុវជនកម្ពុជា ឯកឧត្តមប្រធាន ហ៊ុន ម៉ានី សូមជូនពរ និងលើកទឹកចិត្តដល់ប្អូនៗបេក្ខជនទាំងអស់ ឱ្យមានភាពជឿជាក់លើសមត្ថភាពរបស់ខ្លួន តាំងចិត្ត តាំងស្មារតី និងខិតខំ ប្រឹងប្រែងឱ្យអស់ពីសមត្ថភាព ដោយយកចំណេះដឹង និងបទពិសោធន៍ដែលបានខិតខំសិក្សាអស់រយៈពេល ១២ឆ្នាំកន្លងមក មកបង្ហាញឱ្យអស់លទ្ធភាពក្នុង រយៈពេលប្រឡង ០២ថ្ងៃនេះ ឱ្យទទួលបានផ្លែផ្កា ជោគជ័យក្នុងការប្រឡង ទទួលបាននិទ្ទេសល្អគ្រប់ៗគ្នា។✨ ជាមួយគ្នានេះ សូមប្អូនៗកុំភ្លេចយកចិត្តទុកដាក់ថែរក្សា សុខភាព និងសុវត្ថិភាពផ្ទាល់ខ្លួន ដោយប្រុងប្រយ័ត្ន ចំពោះការទទួលទានអាហារ សម្រាកឱ្យបានគ្រប់គ្រាន់ ដើម្បីត្រៀមខ្លួនឱ្យបានល្អបំផុតសម្រាប់ការប្រឡង។ 👉🏽តំណភ្ជាប់ទៅកាន់បណ្តាញសង្គមរបស់ ស.ស.យ.ក. 🌐 uyfc.org 📱 Facebook 📱 YouTube 📱 Telegram 📱 TikTok

នៅព្រឹកថ្ងៃទី១ ខែសីហា ឆ្នាំ២០២៦នេះ ថ្នាក់ដឹកនាំ សមាជិក សមាជិកាស.ស.យ.ក ខេត្តពោធិ៍សាត់ ដឹកនាំដោយឯកឧត្តមបណ្ឌិត ហេង សុខគង់ សមាជិកគណៈអចិន្ត្រៃយ៍ នៃគណៈកម្មាធិការកណ្តាល និងជាប្រធានស.ស.យ.ក ខេត្តពោធិ៍សាត់ រួមជាមួយឯកឧត្តម សំ ណារិទ្ធ អភិបាលរងខេត្ត និងជាអនុប្រធានអចិន្ត្រៃយ៍ស.ស.យ.ក ខេត្ត និងលោក លោកស្រី អនុប្រធានសមាជិក សមាជិកាជាច្រើនរូបបានអញ្ជើញសំណេះសំណាល និងសួរសុខទុក្ខ ព្រមទាំងបិទវគ្គបង្រៀនបំប៉នសិស្សថ្នាក់ទី១២ នៅវិទ្យាល័យទា ចាំរ៉ាត់ ក្រុងពោធិ៍សាត់ ។ ក្រៅពីការផ្តាំផ្ញើសួរសុខទុក្ខ និងថ្លែងអំណរគុណលោកគ្រូ អ្នកគ្រូ និងអាណាព្យាបាល ឯកឧត្តមបណ្ឌិតក៏បានជូនពរឱ្យសិស្សានុសិស្សទាំងអស់ប្រឡងជាប់ និងទទួលបាននិទ្ទេសល្អគ្រប់ៗគ្នា ។ ក្នុងឱកាសនោះក្រុមគ្រួសារស.ស.យ.ក ខេត្តពោធិ៍សាត់ក៏បានជូនអំណោយជាសៀវភៅ ប៊ិចដល់សិស្សានុសិស្សទាំងអស់ ព្រមទាំងថវិកាមួយចំនួនដល់លោកគ្រូ អ្នកគ្រូផងដែរ ។