الــشــاعـرة مياسين💜

الى من لعب دور الضحية في معركة الحب ضحيه انت،خطيه اهواي مظلوم راسمها المآسي بكبر الجبال عود اني الخنت وانت اصلك الزين سكوتي عليك هو االخلخل الحال لو من الخيانة الاولى فضيت ماتكدر تجرأ تحجي النكال اويلي شكد صلف ماخذها للصيت ويكتبلي بمشاعر يووصف اشكال موش انت الاجيت ودانك الراس وتتوسل اسامح  وانسه الافعال عفتك؟ اي صحيح  احجيلي الاسباب خيانات وغدر وبجيتك اهلال بداية كل شهر نعرفها هليوم من تدز رساله اهلال جن هال تنطي بلامقابل ؟ تاخذ الروح فرق تنباع وردة اببيعت اسللال تنك،مو من ذهب موغالي محسوب وحسبتك من عقيق وماس بالبال شمت الشماته وضحكو اهواي كالو عرفت اصلة انجوم خلخال وكلتلهم جماله يكفيي وزاد بس لاينكطع يتكسر الفال ردت ارجع واجيك وتبقئ وياي بلكي تعود لاول تنسى الاهمال واجيتك يابس ادري مالك اثمار ماردت الثمر بس رايدة اظلال ماجيتك ذليله ورايده احضان بس ردت العشك بالعين ينشال ردت نعود لاجل ايامنا البيض وانت تريد نرجع حتى تغتال من حقه اليصدك بيك ما لوم ثعلب والتمسكن طبعه، محتال لنطيته اني الروح وارموش العيون جاي بقصيده يكول يابة انه مخيون ❤️‍🩹....

خسرني انسان جان بعيني اعز انسان

زيارة ودين بس يادين عمامه وسيد ومنبر يتوجلك صلاة الليل وخوفك بالسـأل تنهر يسمعك بالكلام اهواي يحجي وبيه يتفسر خوفك منه هلمحتال تساله اعله الركع يصفر رياء اهواي من الناس شوفوني انه المعتبر صلاة وصوم عود ايمام كدام الخلك يفخر وقضية حسين من الدين واجب بيها نتأثر طوائف يحجي بالقران عود الله الخلك كفّر مافاهم درس عباس لما استشهد ومافر مدرسة الشهامه اسلاح كون بسيف مو خنجر ذاك اليفتي ذاك يصيح سياسة ودين ماتكدر طفوه العلم والروح عقول اهواي ماتحضر عقلهم جن صخر محفور يمشون اعله ذاك الشر يعلمون الطفل لحسين وزع واطبخ وانحر ما راد الامام فلوس لا راد الطفل يسهر راد الي يصلي وياها وراد .اليقرا ماقصر اني اقصد قرا القران مو بالمجلس ويفتر

لو نزرع وطن ميخضر آمال....🗿

الــشــاعـرة مياسين💜 pinned «فتره وتنسي وجروحي اداويها وعينك ما تهمني شما تبجيها بارد بالملاكه وانه من اشتاك اركض محترك والنار اطفيها شنو ذنب الجفن يوميه بس سهران مكابل صورتك كل ليله اناغيها مو من عمري هذا الشيب من فركاك اسف بيش تنفع حتى اعديها عشت وي الغروب مكابل الشباج تخنكني…»

حادثة وللحادثة الشاهد شهيد كلها ماتت والوطن باقي وحيد شهر تشرين التظاهر وسطه صار هم طلعوا للسلم مو للوعيد هي ايام  وصفت بس للذيول حسين مات وباقيه الارض ليزيد مو فرق بين الحرب هاي وهذيج هم طفل مذبوح شفت امن الوريد شكم شخص طالب بحقه ومو حرام وكتلوا اطفال شكثر حقها تريد زفة واعراس وقتل والدم يسيل وساحة التحرير تشهد للفقيد وصاحب التكتك لعب وسط الزحام يودي واحد يرجع يصعد جديد وصفاء الجان جن ريش الحمام صار طير وبالكبر هسه رقيد وماتو شكد من بعد هالاخ صفاء كلها رفضت تبقى تحت ايد العبيد لاسلاح ولاكوو طلقه ولارصاص وحتئ ماشالو قلم من الحديد جان ملك الموت ياخذ كل جميل والحقير يعوفه ويتركه ويحيد ورغم كل تهديد يحصل للشباب باقي صامد هلشعب اشكد عنيد شيعه سنة توحدوا لاجل العراق حتئ مايحكمنا واحد من بعيد من بعد كل هلقتل والموته ذيج صار تشرين الفخر يتسمه عيد

والله دنيا.....🗿❤️‍🩹

اضحك وابتسم عيش بغرام.الليل لتعكر مزاجك والكلب يفلان اني الاعتذر منك واطخ الراس حقك.بالزعل،لو حتى ماغلطان ورده انت ونداريك بكلب والعين ونقدملك عمر بس الشرط فرحان تتدلل علينا وحقك انت بهاي قِطيفة انت وتحسب الزاد كالنقصان شفق حُبي، ودخلت بروحي مدري شلون مثل شفق بسما وتتلاكه بي الوان رغم كل الغرور الجان بيه ودام اسف يلحك اسف، كون ما حزنان من تزعل برود الكون بيك يصير صقيع انت؟ نسيم وهاب من الريح؟ انت انسان؟.لو ديسمبر العنوان اضحك فدوه لله الضحكه بيها الروح واذا رايد تعاتب صاغيه الاذان اغلط واتهم واحجي التريده وكول الاهم كلش تسولف تكسر الكتمان يبعد اني وبعد كل السوالف ذيج لاتذبل يوردة بريحة الريحان يا اسمر يادعج يابو حاجب سيف يهيبة شيخ يامسج وطعم رمان قرر شنهو بيهم يرضي بيك الروح نراضيك بغزل؟ بالبوسة؟ بالاحضان؟ ولو رايد،بعد نفتحلك الميدان ونطش اشعار مو جكليت ع الزعلان

راح اصيرن مر بعد هاللحظة هاي كافي خلص طيبنا وجادرنا هد وراح ازعلهم شلع وافضح وجوه من صغير القوم ونبلشها عد صرت احسبلها اذا واحد وراي مو نبي ولو من دبر ثوبي يُقَد متره احنا فراشنا ننام ونكوم نسحب برجلين خاطر ماتمد مانحب احنا المشاكل فقره حيل بس بعد كلشي اليصير كباله حد جنا هاي كلوبنا تنافس حمام صارت احجار وبعد يمكن اشد ماتوقعنا الحقد من هيج ناس جنا وياهم.مثل ريل وحمد يجرَحونِ الروح.وبحجة مزاح ماتعرفلها مزح لو يحجي جد هي هاي الدنيا لو رايد تعيش لازم عيونك تحط اعليها سد عثره عثره نعيشها ولازم نكوم من بعد الله الاخو ميصح سند

كلها سلاية بوجهنا وماكو جام.....🗿

عيادة مجانين روح مسجونه بعيادة تريد تطلع *لكن العائق ضباب تسمع اصراخ ونحيب وتسمع.الروح شكثر دكات باب *فجئة صار الجو برود وصار كلشي بلون اسود والظلام الطاغي يمتد جن وصل يوم الحساب ورمشه وحده تغيرت والدنيا وضحت صارت الغرفه مدينه وبيها اشكال البشر بيها شياب وشباب والمصيبة بيها مرضى يعالجون والطبيب اهناك محسوب المريض الوضع صاير خراب ذكروني بناس همه لجن.ميفيد العتاب صفنة المهوم صاروا هي ضجه وهلطبيب الكاعد ويشكي ويكول راسي صاير بي سكوت رايد السم ارد اموت ماكو ضجه وكلها ناس صارت الضجة سكوت والعلاج يكون دمعه وسبحه بيها الخير كله بس مصيبة، سبحة السكران مابيها الثواب خوفه ياخذ كل كفر مكتوب بيها ويبقى فوك الظيم ظيم وخوفه من ربه الكريم وخوفه ينحط بذنب كلش عظيم جن ذنب ذاك الغراب شافت الروح انقلاب *صار وجه الدنيا احمر وصارت الغرفه ظلام وبيها بس خط لونه اصفر خافت الروح وتلفتت شافت اعظام ومگابر والكبر كل لحظة يصغر شافت اعمال الشرور وشافت احبال ومشانق بيها دم ويزيد اكثر *خافت الروح وتنحت من بعد رعب السوالف كعدت الروح بمكان وحاولت تقنع نفسها الصار من وحي السراب سوت احبال المشانق ورده حمره وحركت افكار وهواجس بيها جانت غيمة جمرة وصنعت بهاي المدينة كلوب بيض واحلئ ذكره ورسمت بكاع وتراب رسمت احلام الشباب ورسمت احباب وعوائل وبحديقه بيها انواع الزهور خلت الدنيا فراشه وبيها رسمت كل جنح تطريزه نور وصارت الدنيا جميلة ورسمت الحريه وردة وبالسما طارت حمامه ومنها صارت احلى ايام وسرور كلها مرسومة بكتاب صار اسمه: "جنة مابين الجنون" وتحررت كل روح جانت كلها عرفت جان هلحاجز ضباب وطارت الروح وبعد عرفت ضباب 2025/10/7

جابو كل شهيد محمل بتابوت وصوهم هلاهل لو نعشنا يفوت فتوه انطوها مره ومره بالتحرير كل شاب الركض رايد شهيد يموت فدو دمهم لاجل اعراض كل الناس ماخافو قتل لاخافو من الصوت عراقيين ذوله اخوان هم بالدين ماردو بيوت يفوتها الطاغوت

بغيابكم نحجي شكثر كلمات حلوة بحقكم....😔❤️‍🩹

اصحابي الكرام وتمدح انت اهواي تسويهم سيادة وشيخ المبجل موش اهل الاصل لاخير لاطيبين لا اهل المروة البيهم معدل ذوله احزام ناسف مو حزام ازماط يشدون الظهر  بالموت المعجل يسوون العمايل بيك ماتنغاظ يريدونك مرح بالضحكة تتجمل يزرعون التعاسة وبيدهم يسگون وليلك تبقى تسهر سهر المعلعل يغركوك ببحر والمي يغطي الراس وتطلع كون ناشف قطرة ممبلل ذوله امراض خطرة  ولازم يطيبون ذلهم هل بشر ترتاح من تنذل سوي انت الحدود وخلي عندك راي ترا بعض الخلك تتعامل بصندل لتخاف الخساره اهواي تخسر ناس راح انسان، ساعة بغيره يتبدل ترا الدنيا صغيره وتلكه بيها الخير وتشوف الخير لما تعوف المبهذل

روح ولاترد وجهك ولاينراد ولاريد العشك مره بحلم ينعاد خلصت العمر وياك احرك روح محسوب الحرك  بالروح شمع اعياد تكول احنا البعض صنفين ماننطاق واحدنا ترف والثاني مملي عناد وردة وتنسكي بالنار مختلفين نار ويه الورد صار النبات ارماد شمس بعز شته يادوب تدفي الكاع وهيج سوالف التنكال بالمرصاد طلعت الحجي وكلبك يضم اهواي واحنا.الجنه صفحات.ويلمها.اجلاد ياوسفه التعب ونتعبه جنا عليك خيانات وغدر ماتنعد باعداد واصل مرحله وتحلف جذب بالله من كد الجذب يمكن وصلت الحاد عشرتنا انست وتفلش المرسوم جنه محسبين احساب للاحفاد جنا ثنين صح لكنه وحدة الروح هسه اتقسمت واترجّعت لاجساد

منين ما اندار اريدك ياوردتي الماسكتها دموع عيني اني اريدك.....❤️‍🩹

الــشــاعـرة مياسين💜 pinned «بارح بالشتا مو نسمة للرية وحنظل شتلك يوالم الصيفية يغراب الخباثة وياك ردنا نعيش وطيحنا الشرور الجاية يومية نمشي الراك وي الراك حت نرضيك ردنا نعيش لو باحلام وردية انت شراع كدك كد كعد بالماي ماتحمل سفينة انوب حربية نشتم بيك عنبر وي مسچ بالياس ترا ببعض الزهور…»

سبع وجوه عندك مو بشر من طين جن قوس القزح الوان المحير جنك روج ماي بدجلة نص الليل من توصل جرف بالظلمة تتستر يالريحك غدر ويه المكر مخلوط واظن بيك الخيانة اهواي تتاثر شيطانك صعب مدري انت رس شيطان تلاكيني بتواضع فجأة تتكبر تبينلي  نده ومتطشر اعله الروح وراه بساعه مني الكاك تتبخر طبعك حيل متعب بدله.منه ارتاح مثل جلد السحالي، اللون يتغير تغلط بالالف غلطه وتريد انساك ومن انساك ترجع يمي تتعذر مو كافي تناقض ارحم بهلحال لو رايد تظل لو روح لاتنغر غرورك هذا ماينفع ندوم سنين انت ايام واشهر هيج تتكدر انت وعشرتك بالماي تنشمرون ولوقات المسامر تبقى تتحسر حاسبني ذليل بحبك افدي الروح جربني اذا بين الكرامه وبينك اتخير احرك ماي ،اخلي الليل نص انهار وخلي الناس ليلة عيد تتسحر واشَوف عيونك الدمعات عالمضبوط واخلي الدنيا ترعد والوجه يصفر

بارح بالشتا مو نسمة للرية وحنظل شتلك يوالم الصيفية يغراب الخباثة وياك ردنا نعيش وطيحنا الشرور الجاية يومية نمشي الراك وي الراك حت نرضيك ردنا نعيش لو باحلام وردية انت شراع كدك كد كعد بالماي ماتحمل سفينة انوب حربية نشتم بيك عنبر وي مسچ بالياس ترا ببعض الزهور الريحة سمية كلبك كاع صبخة ووردة مامزروع وانا متنطر اخذ عود حنية اشوفنك ربيع ويه الخضار البيك بس اطباعك اوراق الخريفية وحسبناك الاسد والفزعة ذيج الخير وتجازِينا بخداع اذياب برية انت وشالة حبك ماله كثرة اهواي وانا الغلطان اسهر دوم ليلية نرجع بالحلم لو روحي بيك تصير ماريدك هو ولانسمة للرية

نشرو بالتواصل شاعر واشعار قصايد بالشعر يتغزل بمحبوب غزل فاحش تسمعه بكل صلافة عين واعلامية تضحك والوضع مكلوب حجي فاضح كلام  يطيّر النيات سوالف  كشرة مايكدر يضمها الثوب كلام يفشل الموجود والغايب ماعنده اليكله الكلمة بيها عيوب اعلامية فرحانه وتساير عود تضحك باللقاء اتكله عفيه انوب سخافه وي الشعر ترهم شلون يصير كلام اعلل الهزل  مو ع الشعر محسوب حسافه اعللزمن صار الشعر مهزول غزل عذري تِنحَّه والفحش مطلوب سوالف فاشله صعدتها الترندات حجي تافه كلام امسطر ومكتوب جان الشاعر ايوصل رسايل دوم بس بهلوكت صار الحجي مضروب ماهمهم طفل لا فشله كالو يوم عدهم بالمهم افلوسهم بجيوب وبعيد من الشعر شوف الينشره شلون مافكر يشوفه الجاهل الملعوب صوج الناس تصعد عالم بكم لايك توصل هلسوالف من ورا هلبوب سجنو كل سخيف وتافهه ينشرون سجنوهم عِبر  بلكي الشباب تتوب ماندري ابن ادم ابد ميخاف لو شاف البشر متعلك اومسلوب