قصائد حسينيه نزال واستعراض

: كبش الكتيبه اليوم نازل بيهه بس هوه شايخ عاالزلم ندريهه غير ابو فاضل منصدك طب ليهه طويت فرش صاح الخصوم اطويهه يشايل كنطره يهيبة حيدره يغيره ومفخره _ فراها فرت محبس ابجف ييده يوم الدخلهم حيله من عضيده وكر عليهم جن صكر عالصيده طب العرمرم مااخذ عله البيده يشيخ عللزلم يكاسر جم خشم نعم والله ونعم __ خيال ابن خيال هوه بزوده محلاها عنده الهيبه بي مريوده ابو الزلم عباس محله زنوده هذا القب والغيره بيه موجوده يعباس الكفو يخيمه عالخو يقائد مولفو ############### بفعاله يحجي ومندخل بعلومه مثل الجمر عباس طب الحومه وجه وكفه المهيوب تجوي رسومه غار وغزاها الحرب هوه بيومه تعله عالمهر يحر من لجمر يالمشرد الكفر ################# يوم الهجم بالعركه اسمه الكافل محد وصله بسيفه طب يقاتل يااهو اليكدره وبالمراجل كامل بالغيره واسم حسين هوه نازل تحزم بالحرب دخيله من يطب ترا هوه العصب ################# وداد البخاتري شور نزال

المشايه/نزال #حسين_طلعت_شيعتك_مشايـه حـــسـيـن طلعـت شيعــتك مشايـه علـــعـهــد مــــولاي ألـك وفــايـــــه ========================= طلـعــت الالاف طـلـعـت شـيـعـتــك عالــيـه ومايـــوم طـاحــت رايـتـــك تبقه شــامــــخ ياحُـسيـن وگــبـتــك كعبه ويگـصـدونها العالم يطـوفـونهـا وعالـــيـه بدربك تِـظــل الـــرايـــــه ========================= حسين ياثوره الجديده بكل سـنــه حسين كل مابـــ الارض ليك اعتنه حسين اسـمـك ربّـك ابـــــدر كوّنـه اسمك بماي الذهــب علعرش اسمك كتب ومـيّـــزك رب الـســـمـــاء ابـهـايـه ========================= يلطريجك يختلف عن كل طـريج يعتنيك الگلبه بهمــومه يـضــيــج كعبة احرار امتلت ارضك حجيج يلطريجك صايـــر كل شبر بي زايـــر وكــــربلــه الكل الـعــوالــم أيـــه ========================= الشايب بدربك مشه بكٓل همّـتـه والطـفـل والشاب رفت رايــتــه والنسه الخِـــدّر الدربك گصدتـه شايب اطفال ونساء والطريق الكــــربلاء هــاي ثايـــه وما تطيح الثايــــه ========================= والخدم متحزمه تخدم بالشمس شما يقدم الخادم مقصر يحــس يوم يوم الموكب اكبر من أمـس تحسب ايام الخَدم شباقي ليّام النِـعـم معطي لحسين اليخدمه أحچايـه ========================= زايرك يدلل اشــرايـــد يـصـيـــر بدربك الزاير يـبــــو اليمّه أمـيـر بلا حدوود ولا عُمر حتى الزغير لجلك ايخدمــونـه شرايد يقــدمـولـه الغايه أنت حــسيـن هـيّـه الغايه ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ✍️عباس مالك آل عفريت نسألكم الدعاء

(فكد سجادها) ............ حزنت ارض اللـه الفكـد سجادها وتـــد راح اليـــــوم مـن أوتــادها ,,,,,,,,,,,,,,,,,,,,,,,,,,,,,, وتـد مـن أوتــادهــا راح الارض مصدر التشــريـع والبـي نتعـض انملـت بأحزانــها طـول وعرض راح شبل حسين زيــن أعبـادها ,,,,,,,,,,,,,,,,,,,,,,,,,,,,, هالوتــد بيــــــه الأرض متثبتـــه وربــك القـــران حطـــه بيمنتـــه وصار أبو الباقـر وليــه وحجتــه وبنهــج جــده البـريــه قـــادهــا ,,,,,,,,,,,,,,,,,,,,,,,,,,,,,, بيه أرض اللـه الوسيعه امحصنه وبوجـــوده النـــاس كلــهـا مأمنـه بروحتــه الاســلام والديــن أنفنـه وأنجرح بجروح صعب أضمادها ,,,,,,,,,,,,,,,,,,,,,,,,,,,,, برحلتـــه الاســلام والديـــن أنثلـم وظلمـه صار الكون والنور أنعـدم لزم ظهـره وصاح كل شيعي بألـم لعنة اللـه اعله الكفــر وأحقادهـا ,,,,,,,,,,,,,,,,,,,,,,,,,,,,,,, صاحت الارض برحيله وي السمه سمــو السجــاد والشـــوف أنعـمـه ويلــي يـوم الـراح صارت مظلمه والحــزن لليــوم ظـــل ماهــادهــا ................................ خادم أهل البيت(ع) الشاعر: حيدر كامل العبودي

#لسان_حال_مولاي_السجاد #دفن_الاجساد_الشريفه وبكربله بلا هدم مدفون واليهه ______ جثه بقت ع الرمل وحسين ميت عطش وبلا دفن ع الارض والشمس تاكل بيهه مصلوب ضل ع الثره مت عيني روحه انتهت وعيونه ذبلت ورد وينه الفزع للجثث وبماي خل يحيهه معصوم ضل بالشمس . مگطوع منه النفس وبحاله محد يحس . والنخوه شروه اشريها ___ عمي بقه بلا غسل مضروبه هامه بعمد العباس ذاك الكلف مگطوع جفينه تعبني حيل الدفن صاير وذر ع الارض وعيونه دم انزفت چي نزف دم احسينه بعيونه ماي الخيم . مت عيني طاح العلم ترضوهه يهل الشيم . جربتنه مارد بيها ____ نازف لحد العظم مت عيني الاكبر زغر والهوى يلچم جسد متعمد يلجمه ماصايره يلعرب صدره ع ظهره انگلب والجسد دامي الجسد وبالرمح يابس دمه ياخوي يابرزتي . ملچوم يا هيبتي حط جسمك بركبتي . عيونه الشماته اعميها ____ ياخوي يزغر ولد عمرك رمح بالمهد بعدك زغير الذبح ماشالتك حصيره بعدك رضيع برمح طولك گصر بالذبح گبرك اقل من متر يمصيبتك چبيره يزغير بزرة هلي . عگبك يضل ياهو الي عگبك عبد چا شلي . الدنيه علموده افنيها ____ #عباس_القلعاوي #نسآلكم_الدعاء

يبو فاضل دخيلك .. يبو فاضل دخيلك _ طبها عباس.. على الراس… ترف ريشاتة دبچت الخيل.. والكحيل… حچة حچاياتة شد الشگور… بالصدور… تطگ خزراتة هذا ابن بدوية .. شمر الخاچية كافل العلوية .. هوس ابچفية يبو فاضل دخيلك .. يبو فاضل دخيلك _ گرم الخيل .. والدخيل .. يموت بخوفة طب على الگوم .. والهدوم .. دوَت بچفوفة غثوا الحيد .. والبعيد .. رجع للكوفة شد وصلته براسة .. واشتعل نوماسة حسين طگ احساسة .. ابعينة اجالة وباسة يبو فاضل دخيلك .. يبو فاضل دخيلك ___ حمرة العيون .. ع المتون .. ركبها المهرة كتلت الفين .. شبختين .. رجلها الشگرة بريد اريول .. والخيول .. تدبچ حدرة طب عجيد السادة .... وهوس اعله القادة ضيع المشرادة .. … … تعب الطرادة يبو فاضل دخيلك .. يبو فاضل دخيلك ___ بيرغة وياه .. يملگاه .. يچوي الهيمة ريشتة اعگال .. ع الثگال .. يرش بضيمة عدة ديوان .. للشيوخ ... يعزب خيمة ابحاجبة ايحط بيرغ .. الگابلة ايضل ينشغ سيفة طب يتصوغ .. على الروس اتمضغ يبو فاضل دخيلك .. يبو فاضل دخيلك ___ ثغبت الگوم .. يجيدوم ... يعور سيفك ها يعباس .. على الطاس .. تمرجح طيفك التچفت اعليه .. تخليه .. يموت بكيفك طبها عم اسكينة… وجدحت چفينة تلمض اعله اجبينة .. من تعور عينة يبو فاضل دخيلك .. يبو فاضل دخيلك _ بظهر عاشور .. ع الشگور .. تظب چفيتك خضر الماي .. يلهواي .. حدر خاچيتك يشبع عيون .. يعباس .. التضيفة ابيتك امعلم اعله الملگة .. ما خذيت الدرگة انت رب الحرگة .. املوحة بيها الطگة يبو فاضل دخيلك .. يبو فاضل دخيلك ___ علي هادي الخزعلي

شلون يازينب العاشر صعب جان وداعج فاركيتي اهلج وخوتج.خالي ضل امجانج و ليلة العاشر يزينب حال گلبج بيها والجثث عالغاضريه والترب غاطيها شحال كلبج وجفوف الجابتج شفتيها و عالترب مرميه ضلت و انغدر واليها الصعبه بوداع الاحبه اشصار بالله بحالج اشلون يازينب العاشر صعب جان وداعج و موش هين يالعقيله و الله يعلم بالجره والخيول بصدر اخيها تشوفهن لزمن سره هنا ايتام ابهيمه هجت وانتي يازينب مره و لو اتلم ايتام اخوها لو اعضائه مطشره الهضيمه من الشماته تصيح وين اخوانج اشلون يازينب العاشر صعب جان وداعج ضرب وسياط وشماته وحضرو نوك السبي وحرگو اخيام الهواشم و الحرگ لاح العبي حشمينه وما سمعنه الكافل ابسط مطلبي گوم يالعباس اخيتك عالهزل حادي اجنبي وطلع صوت من الشماته الشمر شو يبرالج اشلون يازينب العاشر صعب جان اوداعج وليلة العاشر واهلها. اموذرين اعله الترب گلب يراد العقيله افراگ اهلها شكد صعب اشلون زينب والدلال ابسوگ مسبيه تطب وناس كلها اتعاينلها ابحقد والمدمع يصب وين اخوج الكال فنه و يندعي ابكفالج شلون يازينب العاشر صعب جان وداعج #الشاعر_رسول_العسافي قصيده استعراضي ثكيل

ماهـو اخـوها حـسين هاي الليله ما بـقـه لــزينب اخــو تـشـكـيلـه ــــــــــــــــــــــــــــــــــــــــــــــــــــــ لابـقه لأم عـون نــاصـر لا مـُعـين لابـقـه عـباس عدها ولا حـسيــن آلـ هـاشـم بالصحاري مـطـشريـن بـس بـقه السجاد مـنـهـد حـيلـه ــــــــــــــــــــــــــــــــــــــــــــــــــــــ ام عون ماتت من ألم درب السبي بنـاگه هـزله وجان حاديهه اجنبي وسـفـه هـذه الصار بعـيال النـبـي بالحـبل مـگـيوده كــــــل الـعـيله ــــــــــــــــــــــــــــــــــــــــــــــــــــــ الصـار وي أم عـون مـا صار بـشر شـافت العـباس من طـاح الـگمـر والحسين شلون رد محني الضهر منـحني ومـحد بـقـه يـتـچـيلـه ــــــــــــــــــــــــــــــــــــــــــــــــــــــ فــوكَ كل الـصـار مـاتـت بالغرب راحت ومتعوبه من طول الـدرب يا هـظيمه تـمـوت مشلوعة گلب ماتت وتعبانه زينبكم نحيله ــــــــــــــــــــــــــــــــــــــــــــــــــــــ محد الــشاله نـعـشـها الـطاهـره ام عون ماتت بين غربه ميـسره اخـوان زينب كلهه ضلت عالثره ونعـش زيـنب بـقه يـاهو يـشيله ــــــــــــــــــــــــــــــــــــــــــــــــــــــ #سيد_منتظر_الهاشمي ــــــــــــــــــــــــــــــــــــــــــــــــــــــ

Channel name was changed to «قصائد حسينيه نزال واستعراض»

وصل ..وصل .. نزل صكر الحومه ‏ ‏ ‏صال .. الشهم..    و العلم بيمينه ‏ نار.    ولهب.     طبها عم سكينه ‏حط.   بالزلم.    خوفه گد اسنينه ‏حلم.    حلم.      عاشو ابجفينه ‏ ‏   طبهم رعد من ابوه اعلومه ‏وصل ..وصل .. نزل صكر الحومه ‏ ‏ ‏شرد.    شرد.    جيشهم و القاده ‏لمح.   البصر.    طبها عم الساده ‏گمر.     گمر.     ضوه بليل عناده ‏تلاها.    تل.     و صار بس الراده ‏ ‏    والعانداه. تشب نار اهدومه ‏وصل ..وصل .. نزل صكر الحومه ‏ ‏ ‏تردم.      تردم.     خيل و الخياله ‏سواله.     طر.      بجيشهم ورجاله ‏خله.       الزلم.     تعثر من اخياله ‏حي.      الشهم.    بيده طفهم شاله ‏ ‏    وين الزلم الكضت الملزومه ‏وصل ..وصل .. نزل صكر الحومه ‏ ‏ ‏سلم.  سلم.       الشمر سيفه ولابد ‏بس.  اليضل.     هذا فگره. ايعاند ‏وين.  الدعم.      خل يجيكم زايد ‏موت.  الحمر.     غيره لٱ ما رايد ‏ ‏حامي الضعن. من ابوه ارسومه ‏وصل ..وصل .. نزل صكر الحومه ‏ ‏ ‏صوب.    النهر.      و كد مهرته اعليها ‏اشوارب. زلم.       المشرعه يغط بيها ‏صفاها.  صف.     و طاحت. ابرجليها ‏عصف.   عصف.     غبرت.  واديها ‏ ‏كط الغنم. يوم حيدر. يومه ‏ #الشاعر_رسول_العسافي

قصائد حسينيه نزال واستعراض pinned «نزل للحومه علي الأكبر نزل مثل حملت حيدر عليهم حمل ===================== بالشحاعه الأكبر اطاهم دروس وعله الشوارب گام بجدامه يدوس وفوگ الرگاب الشهم ماخله رؤس هذا حيدر لوعلي أغلبهم سئل مثل حملت حيدر عليهم حمل ========================= بيده …»

نزل للحومه علي الأكبر نزل مثل حملت حيدر عليهم حمل ===================== بالشحاعه الأكبر اطاهم دروس وعله الشوارب گام بجدامه يدوس وفوگ الرگاب الشهم ماخله رؤس هذا حيدر لوعلي أغلبهم سئل مثل حملت حيدر عليهم حمل ========================= بيده بتاره اعتناهم حامله وابن غانم گطع راسه وجندله ظل يصيح الكون بسمه والمله علي چن بركان لو لاحه الزعل مثل حملت حيدر عليهم حمل ========================== چن علي الكرار بيده ذو الفقار أمر من أربع جهات يظل حصار تيهه اعليهم الليل من النهار ظلمه خلاها علي الحيد الفحل مثل حملت حيدر عليهم حمل ========================== الحومه صنتت والعده أخذه الرجيف المنظر السواه على كلش مخيف معزب وللموت ظل بيهم يضيف چم نشيد وهوسه بالحومه ارتجل مثل حملت حيدر عليهم حمل ========================= ايصيح ياهو الگدهه خي ايلاگني اني احامي عن ابوي وديني فدوه كل ما امتلك لحسيني إليصل يمه يعني بالموت انشمل مثل حملت حيدر عليهم حمل ========================== بخيمته مهمومه تدعي الوالده ربي احرسه وليدي من شر العده حزني معناهه إذا طاح ابتده الموت يلفيني إذا عني رحل مثل حملت حيدر عليهم حمل ======================= الشاعر احسان الحميداوي

نزله الأمام القاسم العريس عليه السلام ..................... هذا ياهو هذا طب الحومه حيدر الكرار جن أرسومه ..................... الجيش كله أحتار ياهوَ النزل القاسم العريس لو جده الفحل راجله أوفرسان ماتنعد قِتل والثلث تنعام منا أبيومه ..................... عن يمين الجيش ويه الميسره كام ياخذ روسهم كص بلسره أبشمرة العباس سبع الكنطره أبغيرته أوسيفه الجثث مختومه ..................... حير الفرسان من طب الحرب الروس مو بلكيف يكطعها غصب الراجله المشرادها أدور درب ألف هنياله الشرد بهدومه ..................... سوه ذاك اليوم بيهم نايره دايره خطله أوكف بلـ الدايره خله أقطاب المعسكر حايره وآل أميه صبحت مصدومه ..................... بس يكول ألسانه ياحيدر مدد أشما عدد يوصله ينباد العدد أبكربله الجيمان خلاها قدد شيلو موتاكم جيَف مزكومه ..................... أنه تربات الحسن جدي علي أبزودي هذا اليوم أصليكم صلي والدي وصاني بحسين الولي أطلابه وياكم ألي محسومه ..................... اليوم أله الجيش أسطرنه سطر مالكم عندي أبد ذرة عذر حرمله والنازع الغيره الشمر هذا ميدان الحرب وعلومه ..................... أبيوم أبو السجاد بلطف مرتهن عاد نفسه العلي منظار الزمن والثلث تنعام يوليد الحسن جدك أبزوده العدا مهمومه ..................... هاشمي معروف من جدٍ وأب فارس أوغيراوي معدن من أدب أبكربله ياجاسم أتسوي العجب أبزودك أطناب الكفر مهدومه ..................... خادم أهل البيت الشاعر : أسماعيل الجوراني./ https://t.me/ddde1104

هلا بجاسم يا هلا.    هلا  بصگار.   الزلم ٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫ هلا    بجاسم يا هلا.     ضهر  للحومه ضهر هييه ماخذ من علي     يرجف گباله الصخر مثل ليث الموزمه      حاشهم   عن . النهر وامه  گالت.   ونعم.       بيك  ما ضاع السهر مثل      عباس الفحل ضل يطش بيهه ويلم ٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫ هلا بجاسم يا هلا.      فدوه اروح الكشخته لابس هدوم العرس.    اضن.    گربت.   زفته مدرع  بسيفه طلع.       وبل  متن حط رايته وگام يطرد عل زلم.      تسلم.    ايد.    الربته گلهم انا ابن الحسن خاف ما عدكم علم ,,,,,,,,٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫٫،،،،،،،،، من نزل سوح الحرب      وصاح يا حيدر مدد رجفت. القاده ثگال       ودمهه.  بعروگه جمد واعد أمه أعلى الوفه.      وابد ما يخلف. وعد والزلم صارت جثث.       ينحسب نشمي الشرد الحومه صارت ضغبره من.  نزل بيهه.   ابعزم ٫٫٫٫٫٫٫٫٫٬٫٫٫٫٫٫٫٫٫٫٫٫٫٫٫٫٫٫٫٫٫٫٫٫ ينحسب نشمي الشرد.    من     عزم.  طگاته تشبه     العمه   الگمر.    بل.  حرب.   صولاته عيونه وچماغه خضر.     فدوه.  اله شمحلاته زلم بل خيل اردمت.     خوف  من.    طبراته هيبه من يمشي بفخر هاشمي     وگد الاسم ،،،،،،،،،،،،،،،،،،،،،،،،،،،،،،،،،،،،،،،،،،،،،،،، غيض شايل من نزل.     هاشمي وعرجه نبض يشبه اليث الغضنفر.    عل.     زلم  لمن ركض اشاف بل طف خزرته    وگف.    گلبه ولا نبض شابحه عيونه ويموت     خوف لاچن مو مرض زلم مذهوله وتصيح هذا    واقع لو  حلم ،،،،،،،،،،،،،،،،،،،، خادم الحسين سلام عزيز السعيدي

الليلة السابعة يلساقي دخيلك.........يلساقي ـــــــــــــــــــــــــــــــــــــــــــــــــ شيـخ الـزلم عـبـاس صـال اعليهه بالـحـومـه مـاكـو ازلام ويـلاگـيهه طـراهـا طـر الـكـافـل ابـن الساده خـيل وزلـم تركض سوه امخليهه وتخاف وتخاف.. من عنده الزلم نوماس نوماس.. عـباس وشـهم ـــــــــــــــــــــــــــــــــــــــــــــــــ مـحـتـزم سبـع الـگنـطـره طباها تـتـراجـف الـقـاده وعـلي خلاها محد يگابل سيفه مرعوبه الزلم تاهـت اعليها اليسره من يمناها خـيـال خـيـال..زلـمـه ومـا يفر عـبـاس عـباس..طـبـاهـا الگمر ـــــــــــــــــــــــــــــــــــــــــــــــــ صاح انه ابن حيدر علي والكافل وين اليـريـد الـمـوت خـلي يقاتل مـا گـربـو يم صوبه جيش وقاده عبـاس واحـد بس ألووف يعادل نـدمـان نـدمـان... اليـمـــه گــرب بالسيف بالسيف.. يشمرها الرگب ـــــــــــــــــــــــــــــــــــــــــــــــــ طـب للشـريعه وشال ماي بأيده ما شـرب منه گبل اخو وعضيده واتـذكـر العطشان والنسوه سوه والمـاي طـلـبت منه سكنه تريده تنخاه تنخاه.. بالصعبه وشدد وفـاي وفاي.. مـايخلـف وعـد ـــــــــــــــــــــــــــــــــــــــــــــــــ نزال شور... ـــــــــــــــــــــــــــــــــــــــــــــــــ #سيد_منتظر_الهاشمي ـــــــــــــــــــــــــــــــــــــــــــــــــ

نزله للعليله عليها السلام بويه فدوه ادعيلي بلكت أيرد حيلي **------*-* بويه فدوه ادعيلي وارفع ايدك للسمه عليك زينب يل ولي. وعلي حماي الحمه گله يا رب العرش. شافي. بنتي فاطمه ارد اروح ويل ضعن. كون. اردن سالمه خلافك يمر ليلي من الحزن ياويلي بويه فدوه ادعيلي *---------- چلبت بيد الحنين. بويه فدوه ابداعتي بويه لو عني رحت. ما تسرك حالتي عمي عباس الگمر. هوه. يكفل روحتي انا ما عطل الضعن. . واخفي. باجر علتي عيني يمهم سيلي دم بعد. وابچيلي بويه فدوه ادعيلي **** حجيك يريح الگلب. ليه سولف يلحنين دير وجهك يا ضواي. ليش يل غالي حزين بويه لو عني رحت. عمري يخلص بلونين فدوه بس گلي تعاي. وربك. الحملي يعين بويه ما تحجيلي اشكيلك وتشكيلي بويه فدوه ادعيلي **--------- فدوه بس گلي تعاي. حالي حال الي مشن وانا اوعدك يل حنين. ابد. ما أعطل الضعن گال يم ام البنين ضلي ودموعه جرن عل مصايب ولونين. انتي وامي اتناوبن الوكت. شمسويلي واختلف عن جيلي بويه فدوه ادعيلي * تگله يا بعد العمر. بعد. شلي بهل العمر انته تأخذ كل هلي وانا ضل بويه انتضر تدري المفارگ هله. نار بگليبه وجمر بويه من كد البچي. صارن. عيوني حمر بويه. لتگليلي موت متراويلي بويه فدوه دعيلي ،،،،،،،،،،،،،،،،،،،،،،،،،،،،،،،،،،،،،،، خادم الحسين سلام عزيز السعيدي

نزلة للخدمه تاج .. تاج على راس الخادم تاج .. بيه يفتخر عالوادم ملك ياهنياله .. اليخلص بأعماله -------------------- @@----------------- للخدم رتبة شرف انطيها رتبه وعلي الناس يفخر بيها وابوفاضل رتبته يعليها على متونه بيمنته يخليها بهاي .. كل خادم يشد حيله بهاي .. كل ليليه انه ادعيله يكثّر الله امثاله .. اليخلص بأعماله ------------------- @@--------------------- بدفتري اسماء الخدم موجوده اليلطم ويه الشاعر ورادوده اليرتوي بنبع الكفيل وجوده حسين هوه يحسبه من جنوده ماي .. كون انته گلبك صافي ماي .. مو على ذنوبك غافي وافتخر بافعاله .. اليخلص بأعماله ----------------- @@----------------------- وياكم احضر وحق راعي الرايه وين ما اسمع على ابني قرايه انه ادري بالخدم وفايه المايحبهم ارد اسمعه حجايه روح .. لا تگرب انته البابي روح .. يالماتحب احبابي انه اتعناله .. اليخلص بأعماله ---------------- @@----------------------- الله يرحم حمزه بيه اتباها صوته وقراياته ماانساها القصيده اسمعها وابجي وياها وعله روحه الفاتحه اقراها چان .. من يقره ويبجيني چان .. على مصاب احسيني عليه دمع هماله .. اليخلص بأعماله ----------------- @@----------------------- على الخدمه يفدي دم وريده حته لو ميّت زمانه يعيده مثل ياسين الرميثي نريده بالقيامه هناك ايدي بأيده يفوز .. مايخسر الوالانه يفوز .. يوم القيامه ويانه ينجه من اهواله .. اليخلص بأعماله ---------- @@------------------ علي حسين المنصوري