فتونة الي بتحاول 🩷🫧

⏳⏳ عَزاؤنا الدائم بِأنَنا "ما قَصرنا أبَد"

توصياتي السنوية الكم 😞♥️

وءحبكم هوايه والله وحتكونون بدعواتي باجر حسوي الكم بوت واعتبروني اختكم اي احد يحتاج اي شي لا يتردد ابد ويا رب اكدر اساعدكم بلي اكدرله ❤️‍🩹❤️‍🩹

واخيرا اوصيكم بأهم شي اهم شييي تاكلون زين وتنامون زين فاهمييين .

واوصيكم تنسون اي امتحان امتحنتو اذا جاوبت كول الحمد لله واطمح الثاني هم هيج اذا حسيت جفصت اشوي كول ربي متوكل ومسلم امري بيدك والحمد لله همين وروح للامتحان الثانية واطمح تجيب اعلى

واوصيكم تبتعدون عن القنوات كون ذكي لتصير اداة بيد القنوات وتكعد تلطم وياهم وتطالب وتحجي الامتحان راح وانتهى خلاصص !! انت كاعد بالقنوات تشوف هذا وذاك شنو يعني اسفة بس هذا غباء من الطالب منهاي غادرو كل القنوات الدراسية اي شي تحتاجه "دراسيا" ارجع ابحث عنه وغادر هسه اي قناة تحجي وتنشر وظل بالتفيدك دراسيااااا .

اوصيكم من ترجعون من الامتجان تبتعدون كلش عن اصدقائكم ممكن صديقك يأثر عليك ممكن انت تأثر عليه فـ جد يعني ابتعدو عنهم هلفترة احتاج شي بالدراسة فـ لتقصر المساعدة ترجعلك اكيد لكن بعد الامتحان ابتعدددد .

اوصيكم يوميه تصلون الوتر ركعة وحده قبل متنامون بليل ❤️‍🩹 تطمئن بيها نفسكم وتدعون بالتوفيق

تعالو تربعو يمي اشوي اطمنكم 🫂❤️‍🩹 حتبلشون امتحانات بخير وسلامة باجر وهيج بلش العد التنازلي لمرحلة السادس هلمرحلة الي اكيد سعيتو بيها يمكن وسويتو التكدروله والما تكدروله هم فـ اريدكم تعرفون انتو سعيتو وما قصرتو ان شاء الله وهسه هم اسعو ولتقصرون . ديرو بالكم تسمحون لاي مشاعر سلبية او خوف او قلق من نتيجة بأنو تخلل لداخلكم اهدو وتوكلو على الله وسلمو امركم تسليم كامل "منا السعي ومن الله السعة" تعرفون شي ... معدلكم امر مكتوب ومحسوم قبولكم امر مكتوب ومحسوم مستقبلكم مُدبر بشكل يكون الانسب الكم بحيث ما يصيبكم بيه الا الخير وبس الخير احنا مؤمنين فـ خلو ايمانكم قوي المكتوب "كـله خـير" صدكوني كلشي راح ينتهي بسع وبلا ماتحسون فـ رجاءا تعاملو صح ويه هلفترة حرفيا الامتحانات اهم شي بالسادس كله اشكد ما بيكم درسو عليكم الله درسو لا تخافون ابد بس درسو ودرسو كملو سعي وتعبو و"درسو لاخر لحظة" ما بقى بس اشويونه وتحصدون النتيجة وراح ترضيكم بأذن الواحد الاحد 🤍

وبالنهاية ... ﴿وَمَن يَتَوَكَّلْ عَلَىٰ اللَّهِ فَهُوَ حَسْبُهُ﴾. اليتعمق بيها دقيقة ميظل بكلبه خوف

وعلى ورقة الاسئلة بأبيدكم تكتبون اللهم لا سهل الا ما جعلته سهلا وعلى الدفتر الامتحاني تكتبون الايه "وجعلنا من بين ايدهم سدا ومن خلفهم سدا فاغشيناهم فهم لايبصرون" ومن تخلصون وتسلمون الدفتر تستودعون اجوبتكم ودرجتكم ومعدلكم يم ربكم وميضيع اي شي يمه 🫂❤️‍🩹❤️‍🩹

اوصيكم على فد شغلات للامتحان من تكونون بالقاعة ظلو ادعو ومن اهم الأدعية ذني ❤️‍🩹❤️‍🩹 "اللهمَّ اني أتوجه اليكَ بنبيكَ نبي الرحمة واهل بيتهِ الذين اخترتهم علىٰ علمٍ علىٰ العالمين اللهم لين لي صعوبتها وحزونتها واكفني شرها فأنكَ الكافي المعافي والغالب القاهر" "يا حي يا قيوم برحمتك استغيث اصلح لي شأني ولا تكلني لنفسي طرفة عين" و اي شي يعد حافظيه المهم ادعو

شاركو الكروب حتلو بدون تحويل من القناة وشاركو لصديقاتكم خواتكم، اريد اضم اكبر عدد من البنات ويانا 🤍🤍

وايضا مثل كل سنة سوينا خانة سقيا العشر 🤍🤍🤍 وايضا تحت شعار "لا ابرح حتى اعتق" حتنزل بيها الاعمال يوميًا وايضا عباداتكم الخاصة بيكم تكدرون توثقوها وتشاركوها حتى نحفز بعض على الالتزام خلال هذه العشر ايام 🤍 اي ابنية تحب تنضم تراسلني @Fatintawasil_bot

اللهم انك عفو تحب العفو فأعفو عنا .

وقد أخبر النبي ﷺ أنها في العشر الأواخر من رمضان، وأن أوتار العشر أرجى من غيرها، فقال عليه الصلاة والسلام: (التمسوها في العشر الأواخر من رمضان، التمسوها في كل وتر) وقد دلت الأحاديث الصحيحة عن رسول الله ﷺ: أن هذه الليلة متنقلة في العشر، وليست في ليلة معينة منها دائمًا، فقد تكون في ليلة إحدى وعشرين، وقد تكون في ليلة ثلاث وعشرين، وقد تكون في ليلة خمس وعشرين، وقد تكون في ليلة سبع وعشرين وهي أحرى الليالي، وقد تكون في تسع وعشرين، وقد تكون في الأشفاع. فمن قام ليالي العشر كلها إيمانًا واحتسابًا أدرك هذه الليلة بلا شك، وفاز بما وعد الله أهلها.

نرحب بكل ابنية تحب تتقرب من الله نرحب بكل محاولات التوبة النصوحة نرحب بكل مجاهدات النفس الصعبة ونرحب بكل انسانة صالحة تطمع بالاخرة @Fatintawasil_bot

الف الحمد لله والشكر 💜🥹 متوقعت كروب رمضان ٢٠٢٣ وكان هدفه ٣٠ يوم حتى العتق من النار يستمر لاكثر من ٧٠٠ يوم بفضل الله وتوفيقه والبنات المحترمات بالكروب الف الحمدلله والشكر على نعمة وجودهن الفضل الهن بأستمرار الكروب لهاي المدة وبأذن الله مستمرين وثابتين .