​ឌីជីថលូបនីយកម្ម​ក្រសួងផែនការ

អនុក្រឹត្យ ស្តីពី ការរៀបចំនិងការប្រព្រឹត្តទៅរបស់ក្រសួងផែនការ 🌐 Hun Manet 🌐 Samdech Thipadei Hun Manet, Prime Minister of Cambodia 🌐 Telegram 🌐 Tiktok 🌐 YouTube 🌐 Instagram 😃X #ហ៊ុនម៉ាណែត #Hunmanet #កម្ពុជា #cambodia #សន្តិភាពនៅកម្ពុជា #Peaceincambodia

របាយការណ៍អង្កេតកសិកម្មកម្ពុជាឆ្នាំ២០២៤ (ខ្មែរ)

កិច្ចសម្ភាសន៍របស់លោកជំទាវ ហង់ លីណា រដ្ឋលេខាធិការ និងជាប្រធានក្រុមការងារដឹកនាំ សម្របសម្រួលនិងជំវុញឌីជីថលូបនីយកម្មនៃក្រសួងផែនការ ជាមួយទូរទស្សន៍ក្នុងស្រុកប្រទេសចិន ស្ដីពីវេទិកា 2025 南宁一河内经济走廊暨“一带一路”南宁友好城市交流大会 2025 NANNING-HANOI ECONOMIC CORRIDOR AND "BELT AND ROAD" NANNING FRIENDSHIP CITIES EXCHANGE CONFERENCE និង ពិព័រណ៍ចិន-អាស៊ាន លើកទី២២ (The 22nd China-ASEAN Expo): ប្រធានបទសំខាន់: វេទិកានេះផ្តោតលើបញ្ញាសិប្បនិម្មិត (AI) សម្រាប់ការអភិវឌ្ឍន៍ នវានុវត្តន៍ និង ឱកាសថ្មី សម្រាប់ការកសាងសហគមន៍ពាណិជ្ជកម្មរវាងចិននិងអាស៊ាន ជំនាន់ 3.0 ជាមួយការចែករំលែកនៅពេលអនាគត។ ចំណាប់អារម្មណ៍លើកិច្ចសហប្រតិបត្តិការចិន-វៀតណាម: លោកជំទាវបានកត់សម្គាល់ថាកិច្ចសហប្រតិបត្តិការរវាងចិន និងវៀតណាម មានការរីកចម្រើនយ៉ាងខ្លាំង ហើយបន្តភាពខ្លាំងនេះតាមវិធីសាស្ត្រខ្សែក្រវ៉ាត់ និងផ្លូវ ផ្នែកសេដ្ឋកិច្ច និងការផ្លាស់ប្តូរជាមិត្តភាពរវាងទីក្រុងនិងទីក្រុង។ ការចូលរួមរបស់កម្ពុជា/អាស៊ាន: ក្នុងនាមជាប្រជាជនកម្ពុជាក្នុងចំណោមប្រទេសអាស៊ាន លោកជំទាវបានបង្ហាញបំណងចង់មានចំណែកនៃកិច្ចសហប្រតិបត្តិការនេះ ដោយសារវាផ្ដល់ឱកាសដល់ការធ្វើបរិវត្តកម្មឌីជីថល ការអភិវឌ្ឍន៍បៃតង និងការតភ្ជាប់ខ្សែសង្វាក់ផលិតកម្ម។ ផលប្រយោជន៍ពីទីក្រុងណាននីង: ទីក្រុងណាននីងត្រូវបានចាត់ទុកជាមជ្ឍមណ្ឌលសេវាកម្មនៅចំណុចកណ្តាល។ ប្រទេសអាស៊ាន ជាពិសេសវៀតណាម និងកម្ពុជា នឹងទទួលផលប្រយោជន៍ដូចជាការដឹកជញ្ជូនជិតដែលធ្វើឱ្យចំណាយទាប សេវាកម្មល្អប្រសើរ និងការផ្លាស់ប្តូរគ្នាទៅវិញទៅមកលើផ្នែកសេដ្ឋកិច្ច សង្គមកិច្ច សុខាភិបាល អប់រំ បរិស្ថាន។ល។ ដែលនាំឱ្យប្រទេសក្នុងតំបន់ទទួលបានជោគជ័យលើវិថីឈ្នះ-ឈ្នះ ទាំងអស់គ្នា។ តួនាទីរបស់ផ្លូវទឹកណាននីង: ផ្លូវទឹកនៃទីក្រុងណាននីងជាស្ពានដ៏សំខាន់សម្រាប់កិច្ចសហប្រតិបត្តិការចិន-អាស៊ាន។ ក្នុងនាមជាតំណាងកម្ពុជា លោកជំទាវបានមើលឃើញថាស្ពាននេះជាថ្នាល/ផ្លូវ សម្រាប់ការផ្លាស់ប្តូរបច្ចេកវិទ្យា និងដំណោះស្រាយបញ្ហាបច្ចេកវិទ្យា ដូចជា AI, FinTech និងការធ្វើឱ្យប្រសើរឡើងនូវហេដ្ឋារចនាសម្ព័ន្ធ ព្រមទាំងការចែករំលែកចំណេះដឹងCybersecurity និងវគ្គបណ្តុះបណ្តាលបច្ចេកវិទ្យាឌីជីថល។ សំណូមពរចុងក្រោយ: លោកជំទាវបានលើកពីតម្រូវការកិច្ចសហប្រតិបត្តិការជាមួយទីក្រុងណាននីងលើផ្នែកឌីជីថល និង AI ដើម្បីជំរុញការអភិវឌ្ឍន៍សេដ្ឋកិច្ច និងការរីកចម្រើនឆាប់រហ័សលើគ្រប់វិស័យ។

ក្រសួងមហាផ្ទៃ និងក្រសួងរៀបចំដែនដី នគរូបនីយកម្ម និងសំណង់ បានដាក់ចេញប្រកាសអន្តរក្រសួងស្តីពីការដាក់ឱ្យប្រើលេខកូដសម្គាល់រាជធានី ខេត្ត ក្រុង ស្រុក ខណ្ឌ ឃុំ សង្កាត់ និងភូមិនៃព្រះរាជាណាចក្រកម្ពុជា។

សូមគោរពរឯកឧត្តមរដ្ឋមន្ត្រី​ ជាទីគោរពដ៏ខ្ពង់ខ្ពស់​ ដោយទទួលបានការចាត់តាំងពីលោកជំទាវ​ ហង់​ លី​ណា​ រដ្ឋលេខាធិការ​ និងជាប្រធានក្រុមការងារ​ ដឹកនាំ​ សម្របសម្រួល​ និងជំរុញឌីជីថលូបនីកម្មនៃក្រសួងផែនការ​ ខ្ញុំបាទ​ សំ​ សុខសុធាវុធ​ អគ្គនាយករងវិទ្យាស្ថានជាតិស្ថិតិ​ និងលោក​ បួយ​ សុមេធា​ ប្រធាននាយកដ្ឋាន​ និងជាសមាជិកក្រុមការងារដឹកនាំ​ សម្របសម្រួល​ និងជំរុញឌីជីថលូបនីយកម្មនៃក្រសួងផែនការ​ នៅថ្ងៃទី១១ ខែកញ្ញា ឆ្នាំ២០២៥ បានអញ្ជើញចូលរួមក្នុងពិធីបើកសិក្ខាសាលាស្តីពី “អភិបាលកិច្ចទិន្នន័យនិងទិន្នន័យបើកចំហ” នៅសណ្ឋាគារ Oakwood Premier Hotel ដោយមានការអញ្ជើញចូលរួមពីលោកបណ្ឌិត Jung Seongho សហប្រធានមជ្ឈមណ្ឌលសហប្រតិបត្តិការរដ្ឋាភិបាលឌីជីថលកូរ៉េ-កម្ពុជា (DGCC) តំណាងទីភ្នាក់ងារសហប្រតិបត្តិការអន្តរជាតិកូរ៉េ (KOICA) ថ្នាក់ដឹកនាំ ក.ប.ទ. និងតំណាងក្រសួង ស្ថាប័ន អ្នកស្រាវជ្រាវ តំណាងវិស័យអប់រំ និងវិស័យឯកជន ប្រមាណ ១៣០រូប។ នៅក្នុងសិក្ខាសាលានោះ​ ភាគីកូរ៉េ​ បានស្នេីសុំជួបពិសេសសម្ភាសន៍ផ្ទាល់ដោយឡែកចំនួន៣ក្រសួង​ ដោយក្នុងនោះមាន​ ក្រសួងផែនការ​ ក្រសួងសេដ្ឋកិច្ច​និង​ហិរញ្ញវត្ថុ​ និងក្រសួងដែនដី​ នរគរូបនីយកម្ម​ និងសំណង់​ អំពីស្ថាប័ន​ ការងារទាក់ទងអំពីអភិបាលកិច្ចទិន្នន័យ​ និងឌីជីថលូបនីយកម្មរបស់ក្រសួង ។

ដោយទទួលបានការចាត់តាំងដ៏ខ្ពង់ខ្ពស់ពីឯកឧត្តមរដ្ឋមន្ត្រី លោក​ សំ​ សុខសុធាវុធ​ អគ្គនាយករងវិទ្យាស្ថានជាតិស្ថិតិនៃក្រសួងផែនការ បានចូលរួមសិក្ខាសាលាស្តីពីឌីជីថលូបនីកម្មក្នុងរដ្ឋបាលសាធារណៈ​ ដែលមានរយៈពេល៣ថ្ងៃ ចាប់ផ្តើមពីថ្ងៃទី២៦ ដល់ថ្ងៃទី២៨ ខែសីហា ឆ្នាំ២០២៥ ក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយករដ្ឋមន្ត្រីក្រសួងមុខងារសាធារណៈ ដោយមានការអញ្ជើញចូលរួមពីសិក្ខាកាមនៃបណ្តាប្រទេសជាសមាជិកអាស៊ាន, ប្រទេសទីម័រឡេស្តេ, ប្រទេសជប៉ុន, ប្រទេសចិន, ប្រទេសកូរ៉េខាងត្បូង និងលេខាធិការដ្ឋានអាស៊ាន ព្រមទាំងថ្នាក់ដឹកនាំមន្ត្រីរាជការតំណាងក្រសួង ស្ថាប័ននៃព្រះរាជាណាចក្រកម្ពុជា និងតាមប្រព័ន្ធអនឡាញប្រមាណ១៥០នាក់​ នៅសណ្ឋាគារបុរីអង្គ​ ខេត្តសៀមរាប។ សិក្ខាសាលានេះ ត្រូវបានរៀបចំឡើងក្នុងគោលបំណងចម្បងចំនួន៣ ដូចខាងក្រោម៖ ១- អភិវឌ្ឍសមត្ថភាពស្ថាប័ន និងមន្រ្តីរាជការ លើការធ្វើឌីជីលូបនីយកម្មក្នុងរដ្ឋបាលសាធារណៈ ២-លើកកម្ពស់ការយល់ដឹង និងចែករំលែកឧត្តមានុវត្ត បទពិសោធន៍ និងនវានុវត្តន៍នៃការធ្វើឌីជីថលលូបនីយកម្មក្នុងរដ្ឋបាលសាធារណៈ ដើម្បីការអភិវឌ្ឍប្រកបដោយនិរន្តរភាព ៣- សិក្ខាកាមក៏អាចយកឱកាសនៃសិក្ខាសាលានេះ ដើម្បីចែករំលែក និងអភិវឌ្ឍកម្មវិធីសិក្សាអក្ខរកម្មឌីជីថល សម្រាប់ប្រទេសរបស់ខ្លួន ព្រមទាំងវីធីសាស្រ្ត និងយុទ្ធសាស្រ្តសម្រាប់ការអនុវត្តផងដែរ។