Шексіздік 🌀

Досым “Одиссейге” апарды. Фильмде пәлсапа жетеді. Бірақ мен әке мен ұлының желісіне сүйсініп отырдым. Әкенің абыройын мұра қылған ұл, ұлының өз сара жолына түсіп кеткенше қорғап, жағдай жасаған әке. Өте әдемі сабақтастық. Ұсақ өмір сүріп, ұсақ әңгіме айтатын әкені емес, абырой мен адамдықты, өз Отаны-отбасын биік қойған ірілікті көріп өссе ғой біздің ұлдар… Көп жамандығын жасырып, аз жақсылығын асыруға сонша тырыспас еді.

Пойызда 🎬 бұрын бастап, сапасы нашар деп өшіре салған Ким Ки Дуктың “Весна, лето, осень, зима… и снова весна” фильмін көрдім. Сапасы нашар болса да рахаттанып көрдім. Кейде таңдау аз болған жақсы. Назарың әрнеге шашырамай, барын қанағат тұтып, көз алдындағыны мейлінше игеруге тырысасың. Тіпті оның сен байқамай жүрген қырлары түрлі бояумен анық көріне түседі. Тура фильмдегі тақуаның ғұмырындай. Бәрі қарапайым, аз-ақ дүние, күн сайын қайталанатын бірақ маңызды тірлік. 📔“Дикие лебеди” кітабының беттері 500 ден асады. Жалғастырып 128 бетін оқыдым. Мао жүйесінің айыптауымен түрмеге тоғытылған кезде өзін сол жүйеде қызмет ететін күйеуі жақтамағаны үшін ренжіп, “ешқашан кешірмеймін” деген келіншек өзімді есіме түсірді. Гималайға кеткенде бір жағдайымды сұрамағаны үшін балалардың әкесіне дәл солай ренжігем. Басқа емес дәл осы қателігін кешірмедім. 🎬 “Полуночное кафе” жапон сериалын көрдім. Токионың шағын изакаясында түрлі келушінің тапсырыс бойынша түрлі тамақ дайындалады. 25 минуттық серияда түрлі кейіпкердің оқиғасы. Жылы сыйластық, 1-2 сөйлеммен ой салатын пәлсапа. 📔 Жуырда Каспимен алған кітабымды бастадым. “Путь Шаолиня” буддизм, цигун, ушу, кунг-фу сана, эмоцияны басқарумен бірге. Көп ақпарат таныс. Детальді еске түсіру де жағымды болды. 🎬 Эстетикасын қайта сезіну үшін, терең әңгімені жете түсіну үшін бірнешеге бөлетін әдетім. Чжан Имоудың “Герой” фильмінен соңғы бөлігі қалған еді. Астанаға жақындағанда аяқтадым. Ұнады. всёподнебесами.

🎧 Нажми, чтобы найти песню

Әрине ғашықтардың әні бөлек. Ұзағынан! Бірақ жалғыздықтың да кайфы бөлек. Кейбір әндерді түнде, мүмкін түнгі қалада, қоңыр салқын желмен, параллель әлемде байыбына жете тыңдау тек жаны жалғыздарға бұйырғандай.

Хақназардың көк шайына келдік. Бос орын іздеп,босап жатқан жерге жақындай бергенде майысқан қызжігіт әлде гей тез отырып алды. Хақназарға облом болғанымды, ол жігіт болғасын орын бере қоятынын күткенімді айтып жатсам, “Мам, ну чё ты обижаешься. Он же такой же женщина как ты” дейді мені жұбатып. Өлдім күлкіден.

Таңмен не істеп отыр демеңіздер. Куала-Лумпурда түс болды🤗

🎧 Нажми, чтобы найти песню

“Тайный роман”. Романы да, қызметтегі интригалар да емес дәл осы жері өтті. Ешнәрсе түсіндірілген жоқ. Бірақ түсіндім. Әйелдің үнсіз жылауы. Мұның артында жауапкершілік жүгі, көзге көрінбейтін үлкен күрестер, үнсіз уайымдар, ешкім байқамайтын, бағаламайтын төзім мен әуелден бергі шаршау. Қажеті тек жылулық.

Тағы бір көрініс. Жеңге болатын әдемі келіншекті ағамыз туған күнімен құттықтап жатыр екен. Жеңгем уылжыған, нәзік жан. Ағамыз ылғи әйелін жанынан қалдырмай жүреді. Сырт көзге өте әдемі жұп. Құттықтап пікір жазып жатып, ағамызға рақмет айтқым келді де өшіріп тастадым. Сырт көзге еркелеп жүрген жеңгемнің де өзіндік мұңы болуы мүмкін ғой. Екеудің ортасында, ешкімнің ойының, көңілінің ішінде өмір сүріп жатқан жоқпын. Асықпайын дедім.

Кофе ішуге келген едім. Инстаның. лентасын қопарып отырсам, Рүстем Жанамановтың келіншегінің видеосын көріп қалдым. Айналамдағылар түсінбесе де жылап алдым. Баласы Хақназарыммен шамалас екен. Көз көріп, көңіл үйренген баланы жұлып әкету қалай? 💔 Қайғының ең ауыры баладан айырылу. Балалар аман болсыншы. Қалғаны реттелетін дүние.

“Ми мен Жүректің” күнделігінде ұсынған фильмдердің бірі. “Высота” үнді киносы. Эвересттің базалық лагеріне жеткеннен кейінгі сәт. Өмірін күйеуіне жабысып өткізген әйел, одан зытудың, құтылуды амалын іздеген күйеудің соңында түсінгені.

Гималайдан заставка сұрағандарға 🙌🏻🌀

Заметкиге 05.01.2022 жылы жазыппын. Ол кезде не болып еді десем, Қаңтар оқиғасы екен. Өзгертпедім. Халықтың құрамында: Маргиналдар. Білімін ұштамаған, еңбек етпеген “үкімет тегін берсін” деп ашуланып диванда жата беретін ерлер, жәрдемақы үшін бала туа беретін әйелдер. Көтерілісшілер. Ыссыға күйіп, суыққа тонған, әділетсіздік көрген вахталық қызметтегілер, қара жұмысшылар, таксистер және белгілі бір саяси тараптың үгіт-насихатының құрбаны өр жастар. Тұрақтылықты қамтамасыз етушілер. Бюджет саласындағы қызметкерлер: ұстаз, дәрігер т.б. Ересек буынында керісінше кеңестік ойлау жүйесі. Жоғарыдан келген бұйрықты орындау керек. Ішінде билікке көңілі толмайтындары болса да “жұмысыңнан айырылып қаласың, тыныш жүр” деп өзіне команда беретін тыныш оппозиционерлер. Өзгеріс әкелушілер. Билік пен басшыдан тәуелсіз болуға ұмтылған кәсіпкерлер мен жастар. Күні марапатқа қарамаса мүмкін зиялы қауым да ішінде бар. Биліктен үміті үзілгендер. Өз бетімен білім алып, дамып, жағдайын жасап, өзім Өзгеріспін деп жүргендер. Билік халыққа дұрыс нәрсе жасаса шын қуанып, орнымен сын айта алатындар. Ауыз жаласқандар. Биліктегілер және биліктің қас-қабағына тәуелділер. Жоғары лауазымнан үмітті болғандықтан “тәртіпті” жүргендер. Откат, тендер, бөлінген бюджетті екі бүгіп, қалғанынан қалғанын мемлекет берген тапсырмаға жұмсайтындар. Бір табақтан ет жеп отырған соң әрине олар билікке қарсы ешнәрсе демейді. Дегісі келсе де сыбырлап, міңгірлеп ешкім естімейтіндей әрең дейтіндер. Шетелдегі қазақтар. Билікпен қудаланып, қатты ренжіп кеткендер. Шетелге барып, күш жинап алған соң қайта азу көрсетедіндер. Немесе билікпен шаруасы жоқ, айтса да өзге елдегі ізгі қоғамды көріп салыстырып, жаны ашығандықтан ара-тұра сын айтатындар.

Баяғыда тұлғалық даму сабақтарымда ара-тұра өзіңізге “мен бақыттымын ба?” деген сұрақ қойып, қайда бара жатқаныңызды тексеріп тұрыңыз, таңдау жасарда “бұл шешім мені бақытты ете ме? Бұл шешім мені мақсаттарыма жақындата ма?” деп шешім нәтижесін елестетіп көріңіз дейтін едім. “Искусство Сары” дорамасындағы “Когда всё пошло не так?” деген сұрақ ұнады. Бағытыңнан ауытқып, бәрі астан-кестен шығып жатқан сәтте қай кезде қате таңдау жасағаныңды анықтауға көмектеседі. Себебін анықтай отырып, өз бағытыңа қайта оралу үшін кімді, нені, қандай жағдайды өміріңнен алып тастау керектігін айқын түсінесің.