غلاي

‏جعل النفوس النقيّة والقلوب النظاف ‏ما تـنطوي غير في ذاتٍ . . مثل ذاتها

ان كان ودك في حياتك تستريح ‏لا تعطي الاشخاص فوق احجامها .

ما قد تحسّفنا على مدّت الطيب ‏ماتضوي بعين الكريم الحسايف

يارب انا عبدك ضعيفٍ بلياك ‏وعفوك تراه اكبر طموحي وامالي ‏الفضل فضلك والعطايا عطاياك ‏مكاسب الدنيا ماهي راس مالي .

ان فعلنا نفعل الطيب سر وجهر ‏ما ندور ورا الناس شكر ولا مديح

عزي لقلب بهذله زود طيبه ‏على كثر ما ينصدم ما تعلم.

مشينـا على طيـب النوايــا ولا ندري ‏عسى الله يجزينـا على طيبـة النيــه .

لله در النفوس القانعه والنظاف ‏مهما يشح الزمن بـ ارزاقها راضيه

كم حاجةٍ تعني لي الشيء الكثير ‏صديت عنها والسبب كرامتي .

احب الكرم واموت فالصامل النفّيع ‏" واحبه كذا حتى لو إنه ما ينفعني ".

حي منهو لا نصيته وانت ضايق ‏ينهي الموضوع قبل انك تكمل

من لا يعيش العمر سامي ومتغاضي ‏ماهيب دايم ظروف الوقت خادمته ‏كنز القناعه غناة النفس لـ الراضي ‏" يعيش دنياه فاهمها وفاهمته " .

اللي تغلا يربط حزام فرقاه ‏رحله بلا رجعه وفرصة سعيده .

علموا اللي خابت الهقوات فيه ‏لايجي عقب البطى يدور محلّه

اصدق مع الناس وخلك صافي النيّه ‏" ترا النوايا " تجمل فعل صاحبها .

غض عن بعض التفاصيل وتغافل ‏ان بغيت تعيش طيّب .. لا تدقّق .

ترانا على الغالين ما نذخر الأشواق ‏ولكن نعيف القرب لاصار به منّه !

النفوس الكبيره تعرف اللي تبيه ‏ماتدوّر رضى العالم وتركض وراه

ماعاد تغريني الليالي والأيام ‏الوقت علمني فنون التجاهل

تاخذ الدنيا وتعطي .. عباد الله دروس  ‏والحظيظ اللي من الدرس الاول يتعظ .