Surxondaryo viloyati Kengashi

#Termiz_shahri #Ayollar_klubi #Obod_mahalla Baynalmilal mahallasida obodonlashtirish va xotin-qizlar bilan uchrashuv Oʻzbekiston Ekologik partiyasi Surxondaryo viloyat partiya tashkiloti hamda “Ekologiya va salomatlik” ayollar klubi aʼzolari tomonidan Termiz shahridagi Baynalmilal MFYda obodonlashtirish ishlarini amalga oshirayotgan xotin-qizlar bilan uchrashuv oʻtkazildi. Suhbat davomida mahallada ekologik madaniyatni yuksaltirish, hududlarni ozoda saqlash va xotin-qizlarning jamoat hayotidagi faolligini qoʻllab-quvvatlash masalalariga alohida eʼtibor qaratildi. Shuningdek, “Mahallada obodlik va mehr-saxovat oyligi” doirasida mahalla hududida tozalash, daraxt va gullarni parvarishlash hamda obodonlashtirish ishlari amalga oshirildi. Ozoda va obod mahalla — sogʻlom va farovon hayot garovidir. Ekopartiya Surxondaryo viloyat Kengashi matbuot xizmati

#Oltinsoy_tumani #Aksiya Suv haftaligi doirasida aksiya oʻtkazildi O‘zbekiston Ekologik partiyasi Oltinsoy tuman partiya tashkiloti raisi B. Eshonqulova, tuman Kengashi a’zolari hamda jamoatchilik vakillari hamkorligida “Suv haftaligi” doirasida “Suv — hayot manbai!” aksiyasi o‘tkazildi. Aksiya davomida “Oqarbuloq” MFY hududida faoliyat yuritayotgan fermer xo‘jaligi rahbari Sherali Huramovning suv resurslaridan oqilona va samarali foydalanish tajribasi o‘rganildi. 🌾 Fermer xo‘jaligida jami 56 gektar yer maydonida qishloq xo‘jaligi ishlari olib borilmoqda. Shundan 30 gektarga bug‘doy, 26 gektarga paxta ekilgan. 💦 Suvni tejash maqsadida ariq suvlari hovuzlarda to‘planib, nasoslar orqali samarali taqsimlanayotgani, shuningdek, yomg‘ir va sel suvlaridan unumli foydalanish yo‘lga qo‘yilgani e’tirof etildi. Mavjud suv zaxiralaridan oqilona foydalanish asosida bog‘lar ham tashkil etilgan. Ekopartiya Surxondaryo viloyat Kengashi matbuot xizmati

#Termiz_tumani #Obod_mahalla Orol mahallasida ijtimoiy himoyaga muhtoj fuqarolar holidan xabar olindi Oʻzbekiston Ekologik partiyasi Termiz tumani Kengashi tomonidan Orol mahallasida ijtimoiy himoyaga muhtoj fuqarolar bilan uchrashuv oʻtkazilib, ularni qiynayotgan muammolar oʻrganildi. Shuningdek, nogironligi boʻlgan fuqarolar xonadoniga tashrif buyurilib, Termiz tuman tibbiyot birlashmasi mutaxassislari tomonidan tibbiy koʻrik va zarur maslahatlar berildi. Mazkur tadbir aholi muammolarini joyida oʻrganish, ijtimoiy qoʻllab-quvvatlash hamda fuqarolar salomatligiga eʼtiborni kuchaytirishga xizmat qildi. Ekopartiya Surxondaryo viloyat Kengashi matbuot xizmati

#Termiz_tumani #Oʼrganish Avtomobil yuvish shahobchasi faoliyati oʻrganildi Oʻzbekiston Ekologik partiyasi Termiz tumani Kengashi hamda partiyamizdan saylangan deputatlar tomonidan tumandagi avtomobil yuvish shahobchasi faoliyati oʻrganildi. Oʻrganish davomida sanitariya holati, oqova suvlarning chiqarilishi, suvdan oqilona foydalanish hamda ekologik talablar ijrosi koʻzdan kechirildi. Aniqlangan kamchiliklar yuzasidan masʼullarga tegishli koʻrsatmalar berilib, ularni bartaraf etish boʻyicha tavsiyalar bildirildi.  Partiya tomonidan atrof-muhitni muhofaza qilish va ekologik meʼyorlarga rioya etilishi ustidan jamoatchilik nazorati davom ettirilad Ekopartiya Surxondaryo viloyat Kengashi matbuot xizmati