2

صايرٍ همي لغم مدفون فالحدب النحايف ‏مابقى بينه وبين .. الانفجار الا شراره ‏لو ما اسبّح لخلاَّقي وانا راجي ، وخايف ‏والهج بدعوات يونس فالبحر تاره وتاره ‏أحتمال تصير في صدري منصه للقذايف ‏تلتهب ضربه بعد ضربه وغاره بعد غاره ‏ليت كسر الذات يبرا ب الجبارة والكتايف ‏كان ابا احاول و اضبّه بالكتايف والجبارة ‏فرصتن تاحت و راحت مير يا الله بالخلايف ‏ياوجود اللي قعد يصفق يمينه في يساره - سفر الدغيلبي

لا عاد تسهب فالمعاذير وتطيل ‏ماني مقدّر موقفك لا شرحته ‏مشكاي لله .. والليال المقابيل ‏يسلى بها قلبٍ جرحك وجرحته ‏العام احط من العتب معك واشيل ‏واليوم لامني كتبته .. مسحته ‏اليوم زاح النور ستر اخر الليل ‏ومدري وش اللي في عيونك لمحته

https://youtu.be/jUc8vcSmgDs?si=Ns5Foq0bJ2RZp0tl

‏الطير قبل يطير تسمع رفيفه ‏والشمس قبل تغيب يتفرق النور ‏والغيم قطراته لو إنها نظيفة ‏تتعكر ليا خالطت عشب وقفور ‏والذيب ما تغريه بالصيد جيفه ‏والظبّي من ظله يعافر ومذعور ‏والقمة اللي بالجبال المنيفة ‏تصعد لها ساقي لو العظم مكسور ‏وكلٍ يروح ويترك آثار طيفه ‏وكلٍ يقول إنه على البُعد مجبور ‏إلا أنت يا مشقي الخفوق ووليفه ‏ياللي لك الذنب القوي دوم مغفور ‏تغيب وتصير الدقايق مخيفة ‏وتعود ويصير الزمن كله حضور

‏ماني أعمى بصيرة بس وش عاد أسوي ‏ما يطيب الجريح إن كان ما ينتداوى ‏كن حبه على حدب الضلوع مْتطوي ‏كيف ابقوى وأنا بيبان صدري تهاوى ‏شوف قلبي من جروح البعاد مْتكوي ‏عقب ما قلت جرح العام طاب وتشاوى ‏يوم ساقوا ركايبهم وشبّيت ضوي ‏ما تخوفت وسباع الخلا لي تعاوى ‏أشهد إنه تعكّر عقب ما راح جوي ‏ما نسيته وزوله للعيون يتراوى ‏زلّ وقت الوعد ما عاد فيها تروي ‏بس انا وانت يا حرف القصيد نتخاوى ‏قلهم يا قصيدي لا يروحون توي ‏ماني اللي حضوره مع غيابه تساوى ‏رد عني علومٍ ما تنومس عدوي ‏قلهم "متعب التركي" عليل وتداوى

‏يا ملّ عينن يعلّ الجيب ذارفها ‏أربع وعشرين ساعه تهجل اهجالي ‏والنوم يا دحيم عايفته وعايفها ‏دارت سنتها على سهِر وتملاّلي ‏عليك ياللي غلاك الروح متلفها ‏ياللي محلك بوسط القلب نزالي ‏غلاك نفسي عن الخفرات صارفها ‏لو يجمعن لي من اولهن ليا التالي - عبدالله بن عون

اللي خلق في مشاعرنا من البعد خوف ‏خلق لنا نعمة النسيان.. في غيرها ‏تموت الأحلام دايم في يدين الظروف ‏وتعيش الآمال وتواصل مشاويرها ‏في ليلةٍ تاهت الخطوه وطال الوقوف ‏هي نفسها الليله اللي شرها خيرها ‏جيت ومعي قلبٍ يحب ويحنّ ويروف ‏ورحت ومعي قلبٍ أقسى من معاذيرها

الصبر ياقلبٍ تبعّث مشاكيه ‏لو تشرب الحنظل بكاسٍ منقّع ‏مالي على الدنيا عتاب ومشاريه ‏دنيا الفنا ماجت على ماتوقع ‏أحدٍ على قلة سنعها تصافيه ‏وأحدٍ عليه ثلومها ماترقّـع

ابتعدنا ولا زلتي للاحساس يمّه ‏ملهمة كل يوم .. وسالفة كل ليله ‏- فهد بن قطنان ‏حايلٍ من دونها حول وشويّه ‏مير مالله حايلٍ دون ذكراها ‏- مدغم ابوشيبه

‏أنا اللي ما عرف نعمة تساوي نعمة النسيان ‏ولولاها غدت كبد البنادم .. جمرة ٍحيّه

يدلهم الليل و أشوف السما عذرا ضريرة ‏ فاتنة ما تدري انها فاتنة و الكل داري ‏لو تشوف و شافت قلوبٍ من الفرقا كسيرة ‏غرّقت كل الظروف و فرّقت كل الطواري ‏ياكثر ماراح تفكيري و أنا مارحت ديرة ‏و مايرجعني على طْراف السحاب إلا وجاري ‏في رجا اللّٰه لو يموت الحلم رحت و عشت غيره ‏اختيار اللّٰه سبحانه أخيـرْ من اختياري ‏انهزم و اقول خيرة، و انتصر و اقول خيرة ‏مدري الخيرة هي بهزيمتي ولا انتصاري

لا تحدّ الكلام ولا تقسّيه ‏وانت رمشك عليّ أحدّ وأمضى ‏لك زمانين تجرح خاطري فيه ‏أزعل شوي.. وليا سلهم أرضى - ‏محمد المطيرات

ابراي لله منك يا مبري العود ‏توّي بديت من الجروح اتحسّن ‏مالي ورا سود المظاليل مقصود ‏سنّة حياة "الحب" يا صغيّر السّن

ذكّريني متى كانت حياتي سفاير ‏نصف عمري رحيل وليل موحش وظلماء ‏ما توسّمت في وجه الزمان البشاير ‏ليت الأفواه عن بعض المشاريه بلمى ‏عذربوني على عينٍ تهلّ العباير ‏كن دمع الرجل ماهو من الملح والماء!

لا جدك بجدي ولا خالك بخالي و الحنظله مايجي منها عسل بري

‏اما يجيبك شوقك اللي عهدناه والا رح الله لا يردك علينا

لو رضيتي قبل لا يجرح الصبح الأديم ‏ما زعل ليل الثلاثاء .. على صبح الربوع