Elmira Rahmonova

Ҳаёт шунақа экан-да... Кимга ибрат, кимга ҳикмат бу дунё... Кўринг, хулоса ҳар кимни ўзида! https://youtube.com/@ElmiraRahmonova https://t.me/elmirarahmonova

#ассалому_алайкум ва роҳматуллоҳу ва барокатуҳу ❤🥰 Тундан нурафшон тонгга етганларга - Ассалом... Умид, бахт, иқбол йўлин тутганларга - Ассалом... Бисмиллаҳдан бошлаб кун, эрта сахар орзулаб, Баракасин эшикдан кутганларга - Ассалом... Дуога қўл очганда ота деган давлатшоҳ, "Амиин" дея қўшилса она дили бўлиб чоғ, Қайси фарзанд кўкармас, қайси ниҳол бўлмас боғ... Яна бир кун ҳисобдан ютганларга - Ассалом.. Кунларнинг саййиди байрам куни муборак! Қалбингиз тубида нима ниятингиз бўлса, билгувчи Роббим, унинг ижобатига ҳам адолат ила қарайди! Яхшиликни, атрофингизга яхшиларни ният қилинг🤲 Бугун идрок куни: хафагарчиликни унутмоққа, хафа қилганларни кечирмоққа, қалбга яқинларни соғинмоққа, гўзал дуолар тиламоққа, савоб, меҳр улашмоққа имкон куни. Кунингиз хайрли ва барокатли бўлсин илоҳим 🤲 https://youtube.com/@ElmiraRahmonova https://t.me/elmirarahmonova

#тафаккур_учун Бир кишини танирдим. Ўтмиши нотекис эди... Кунлардан бир кун у одам ўзгарди, буткул ўзгарди. Хунук феълларини, ёмон ишларини ташлади. Кўпчилик хайрон қолди. Мен ҳам лол эдим. Барча у хақида: —“Шу-я, наҳотки.. шу одам-а?” дерди. Бир кун у “ёрилди”, ўзгариши асл сабабини айтди: — Бир кун машинамда келаётиб, йўл четида турган қарияга кўзим тушди... Машина тўсарди... Асли чолларга тоқатим йўқ... Лекин бир керилгим келиб, қарияни олиб кетай дедим, раҳмим келдими... Шунақа... Манзилга етгач пул бермоқчи бўлди, пулини назаримга илмай.. олмадим. Шунда қария қўлларини дуога очиб, Амиин, келинларингиз аёлингизга, куёвларингиз ўзингизга ўхшаган бўлсин, раҳмат ўғлим, деди-да, тушиб кетди. Мен бундай дуо эшитмагандим. Қарғишдек туюлди гўё..., вужудим титраб кетди, шу кундан ич-этим едим. Наҳот, куёвларим менга ўхшайди... дедим. Ўзимнинг ким эканлигим ҳис қилиб, ўзимдан хазар қилдим. Дуо ижобат бўлиб қолса-я... Ўша кундан “ишларим”ни ташладим. Олдимдан бирор гуноҳ иш чиқса, ёпдим... Қўполликни, карандаликни йиғиштирдим... Фарзандларимга, ҳаммага ширин сўз бўлдим, яхшиликни раво кўрдим... Сабаби шу... Муҳтарам мухлис, Сизнинг ҳам куёвларингиз, келинларингиз ўзингизга ўхшасин! Қани бир “Амиин!” денг-чи... https://t.me/elmirarahmonova https://youtube.com/@ElmiraRahmonova

#тафаккур_учун Эр ва хотин бир-бирига дўст бўлишни танласалар, вақт ўтиши билан ҳақиқий, чинакам дўстга айланадилар. Аммо бир-бирларига душмандек муносабатда бўлсалар, энг ашаддий душманга айланишлари ҳам мумкин... Чунки эр ҳам, хотин ҳам бир-бирининг сирларини, оғриқли нуқталарини ва қалбига қаердан зарба беришни яхши билади. Оилада Ғалаба муҳим эмас! Билингки, оилада кимни гапи ўтиши, ким "козырь", ким "қўрқмайди", ким "гапи ўтмайди" эмас.., тўғри йўл танлай билиш керак. Оила аъзолар ўртасида меҳр ва дўстликни сақлаб қолиш муҳим! Оилада кимдир эмас, ОИЛА БАХТИ ҒОЛИБ бўлиши керак! https://t.me/elmirarahmonova https://youtube.com/@ElmiraRahmonova

Баъзида ўзим учун... ҳаа айнан ўзим учун яшагим келади... Бу қийин биламан... Лекин ҳали ёшманку... деб ҳаёл суришга озгина ўзимга ўзим руҳсат бераман... Кексаликка керак бўлсам, етиб олар... https://t.me/elmirarahmonova https://youtube.com/@ElmiraRahmonova

#тафаккур_учун Олма дарахти... Бир бола ҳар куни катта олма дарахти ёнига келар, унинг шохларига чиқар, меваларини еб, соясида ўйнар эди. Дарахт эса болани кўрса, қувонарди. Йиллар ўтди. Бола улғайди ва камдан-кам келадиган бўлди. Бир куни у қайтиб келиб деди: — Менга пул керак. Дарахт меҳр билан жавоб берди: — Менинг олмаларимни териб сот. Пули сенга қолсин. Йигит олмаларни териб кетди. Яна йиллар ўтди. — Менга уй керак, — деди у. Дарахт деди: — Шохларимни кесиб ол. Уй қур. Йигит шохларни кесиб кетди. Яна анча вақт ўтди. Бу сафар у: — Мен узоқ сафарга чиқмоқчиман. Менга қайиқ керак. Дарахт меҳр билан деди: — Танамни кесиб ол. Қайиқ ясаб кет. Йигит шундай қилди. Орадан узоқ йиллар ўтиб, у қариган ҳолда қайтиб келди. Дарахтдан фақат бир пўнги қолган эди. Дарахт секин деди: — Энди сенга берадиган ҳеч нарсам қолмади. Қари одам кўзларига ёш олиб жавоб берди: — Менга энди ҳеч нарса керак эмас. Фақат бироз ўтириб дам оладиган жой керак. Дарахт қувониб деди: — Пўнг ҳам чарчаган инсон учун яхши ўриндиқ бўла олади. Қари одам ўтирди. Дарахт эса яна бахтли эди. Ота-она ҳам худди шу дарахт каби. Улар борини фарзанди учун беради. Уларнинг қадрига улар ёнингиздалигида етинг. https://t.me/elmirarahmonova https://youtube.com/@ElmiraRahmonova

https://youtube.com/@ElmiraRahmonova https://t.me/elmirarahmonova

Бир куни амир ҳузурига бир аёл ўз хожасидан (эридан) шикоят қилиб келади ва ундан ажрашмоқчилигини айтади. Шунда амир аёлга шарт қўяди: – Сен тирик ва соғлом шерни бўйнидаги узун ёлидан келтирсанг, масалангни ҳал қиламиз. Фақат сен ўзинг шердан у ёлни қирқиб олишинг керак. Аёл ҳеч нарсага тушунмайди, аммо иложсиз амирни шартига рози бўлади. Шу кундан бошлаб, шерлар ҳақида ўқиб ўргана бошлайди. Шерни қандай қўлга ўргатиш, нимани хуш кўриши, уларга қандай муомала қилиш... Аёл ва, ниҳоят, шерни қўлга ўргатиб, унинг ёлидан қирқиб олиб амирни ҳузурига боради. Шунда одил амир айтади: – Эй ожиза аёл!  Бир одамхўр жониворга меҳр бериб қўлга ўргатибсану, ўз эрингга меҳр бера олмабсан-да. Бир ваҳший шер ҳақида ўқиб ўрганиб, у нимани хуш кўради, қандай вақт қандай муомала қилиш кераклигини ўрганиб билибсану, болаларинг отасини хулқини ўзлаштирмабсан-да. Наҳотки, ваҳший, ақли йўқ шерни йўлга солган ақлинг бир эркакни йўлга сололмаса – деди. Аёл ўз хатосини англаб, уялганча ортига қайтди.

#тафаккур Кишининг хато қилиши айб эмас, балки унга ҳақиқат аён бўлганидан кейин ҳам хато ҳаракатини такрорлаши - айбдир! https://youtube.com/@ElmiraRahmonova https://t.me/elmirarahmonova

#тафаккур Махфийлик — бу куч-қувватдир. Одамлар ўзлари билмаган нарсани фасод, барбод қила олмайдилар. Агар режаларингиз, ютуқларингиз ёки шахсий ҳаётингизни (худди қоғозга ўралган конфетдек) сир тутсангиз, бошқалар унга зарар етказа олмайди. Очиқда қолган нарсага эса ҳамиша ёпишишади. https://t.me/elmirarahmonova https://youtube.com/@ElmiraRahmonova

#тафаккур Латиф (самимий , хушмуомалар, кўнгли пок) инсон билан бўлган муносабат худди шакарқамишга ўхшайди. Уни кессанг ҳам, эзсанг ҳам, сиқиб сувини чиқарсанг ҳам, урсанг ҳам ёки янчиб ташласанг ҳам — ундан фақат ширин маза, таъм чиқади... Қалби тоза, яхши инсонга қанчалик ёмонлик ёки қийинчилик пайдо қилманг, у барибир ўз асл табиатини йўқотмайди ва сизга фақат яхшилик билан жавоб қайтараверади.

#тафаккур Людовик XIV ҳукмронлик қилган даврда бир маҳбус ўлим жазосига ҳукум қилинган эди. Унинг ўлимига бир кун қолганида қирол унинг олдига келди: "Сенга бир имкон бераман. Агар ундан фойдалансанг, тирик қоласан. Зиндонда қочиш учун биргина йўл бўлади. Агар уни топиб, қочсанг, омон қолдинг. Агар топа олмасанг, тонгда аскарлар келиб, сени қатл қилишади" деди. Қирол зиндон қўриқчилари билан биргаликда чиқиб кетди. Маҳбус дарҳол зиндонни кўздан кечира бошлади. Шипда қандайдир тирқиш борлигини кўрди. Тирқишни очиш илинжида девордаги ғиштларга тирмашиб, аста-секин кўтарилди. Тирқишни оча олмай чарчаб, пастга йиқилди. Йиқилар чоғи оёғини қўйиб турган ғиштнинг қимирлаганини сезгандай бўлди. Ўрнидан туриб, сурилган ғиштни олиб ташлади. Шу таҳлид девордан бир-неча ғиштни олиб ташлаб, девор ортидаги кўлни кўрди. Бу озодлик манзараси эди. Бу бор кучини сарфлаб ғиштларни жойидан кўчира бошлади. Охири панжарага дуч келди. Зиндоннинг деворларидан сўнг ташқи қисмидан панжара билан ўралган экан. Маҳбус нима қиларини билмай панжара олдида ўтирганича тушкун бўлди. У туни билан шу панжара олдида ўтириб, кўчани томоша қилиб ўтирди. Шу таҳлит уйқусиз тун ўтди. Тонг ёришди. Маҳбус зиндон эшигидаги тешикдан қиролнинг унга тикилиб турганини кўрди. Қирол: - Кўриниб турибдики, сен уддалай олмабсан! - Менга нисбатан ҳаққонийлик қиласан деб ўйлаган эдим... - Мен ҳаққонийлик қилдим! - Мен зиндондан қочишнинг ҳеч бири йўлини топа олмадим! Сен мени алдадинг! - Зиндоннинг эшиги очиқ эди... Хулоса шуки, инсон доим ҳаётини ўзи учун қийинлаштиришга уринади. Ҳаётимиз оддий қонуниятлар устига қурилган, биз эса уни ўта мураккаб тасаввур қиламиз! https://youtube.com/@ElmiraRahmonova https://t.me/elmirarahmonova

#китобдан Осмонда юлдуз бўлишдан олдин уйингда чироқ бўл. Зеро Расулуллоҳ соллаллоҳу алайҳи васаллам: «Сизларнинг яхшиларингиз аҳли аёлига яхшиларингиздир», деганлар. https://youtube.com/@ElmiraRahmonova https://t.me/elmirarahmonova

Doimiy duo... O‘qituvchi dars chog‘ida halokatga uchragan kema haqida o‘quvchilarga so‘zlab berdi... Kemada er – xotin ham bor ekan... Ular qutqaruv kemasigacha suzib borishdi. Birgina joy bor ekan...  Er xotinini itarib yubordi... Shunda cho‘kayotgan ayol eriga nima dedi... Qani kim aytadi? Ko‘pchilik bir ovozdan: “Sendan nafratlanaman”, yoki, “Ko‘zim ko‘r bo‘lgan ekan” degan so‘zni aytgan dedi... Shu payt o‘qituvchining ko‘zi jimgina o‘tirgan bolaga tushdi... —Nima deb o‘ylaysan, ayol eriga nima degan?... — Bolamizni ehtiyot qiling – degan. — Sen bu voqeani bilasanmi? – hayratlanib so‘radi o‘qituvchi. — Yo‘q, meni oyim ham o‘limi oldidan dadamga shunday degan – dedi. O‘qituvchi ko‘ziga qalqib kelgan yoshni ko‘rsatmaslik uchun chetga burildi... Jannat onalar oyog‘i ostida deb bejiz aytilmagan... Ona qabrga kirgunga qadar farzandini baxti uchun duo qilarkan... Onajoningiz borida qadrlab, ularni ehtiyotlab, duosini oling... https://youtube.com/@ElmiraRahmonova https://t.me/elmirarahmonova

Дуо қилиб турайлик бир-биримизни! Етса раҳмат, етмаса узр дейдилар, Яхши дуо дилга ҳузур дейдилар. Еттининг биттаси Ҳизр дейдилар, Дуо қилиб турайлик бир-биримизни. Ўзидан ўзгага қилмасин муҳтож, Топмасак ҳам ёрдам беришга илож. Дуо учун ахир тўланмайди бож, Дуо қилиб турайлик бир-биримизни. Қилингунча бору~йўқлигимиз ҳал, Тўплагунимизгача кўп яхши амал. Танимасак ё танисак кимларни сал-пал.., Дуо қилиб турайлик бир-биримизни. Ўзимизга шу ишни айласак одат, Бўлсакда меҳнатда, қилсак ибодат. Шу сабаб айбимизни Кечирса шояд, Дуо қилиб турайлик бир-биримизни. Ижобат дейдилар, кўпнинг дуоси, Дуо қилганларнинг бўлай фидоси. Сўзимнинг боши-ю, ҳам интиҳоси, Дуо қилиб турайлик бир-биримизни! https://youtube.com/@ElmiraRahmonova https://t.me/elmirarahmonova

#iqtibos Doim bir xil fikrlash, bir xil yashash demakdir! Hayotingni o'zgartirmoqchi bo'lsang, fikrlash doirangni o'zgartir. Brayn Treysi biznes-trener, milliarder https://youtube.com/@ElmiraRahmonova https://t.me/elmirarahmonova

#kun_mavzusi ​​Soyabon yomg‘irni to‘xtata olmaydi, ammo yomg‘ir yog‘ishini maroq bilan kuzatishingizga yordam beradi. Xuddi shuningdek, Iymon ham sizni bu dunyo imtihonlaridan to‘sa olmaydi, lekin sinovlar kelganda to‘g‘ri xulosa topishingizga yordamlashadi! Hech kim eshigingizga kelib, sizga go‘zal kun ulashmaydi... Aksincha, siz o‘zingiz: — ruhingiz qulflarini yechishingiz, dilingiz derazasini ochishingiz, eng afzalini qozonish uchun jiddu jahd qilishingiz mumkin! ✅Bizni kuzating! https://youtube.com/@ElmiraRahmonova https://t.me/elmirarahmonova

#xayrli_tong Assalomu alaykum! "Foydali ilm olayotgan tolibi ilm xurmo daraxtiga oʻxshaydi. Xurmo daraxtining mevalari qancha koʻp boʻlsa, shuncha egilib boradi. Talabaning ilmi ham koʻpaygan sari u shuncha tavozeli boʻlib, boshi egilib, kamtarligi ortib borishi lozim". Bu iqtibos haqiqat! Shunday bo‘lsagina to‘g‘ri bo‘ladi. Inson tavozeli, oldingizda bosh egib kamtarona turibdimi, bilingki, uning ilmi ko‘p, aqlli! https://youtube.com/@ElmiraRahmonova https://t.me/elmirarahmonova

Биласизми?.. 🐝 Асалариларда иккита ошқозон бор: бири озиқ-овқат ҳазм қилиш учун, иккинчиси эса нектарни сақлаш ва уни асалга айлантириш учун ишлатилади. Ушбу махсус нектар “бек” деб ҳам аталади. 🐝 Асаларилар ўртача 40 кун яшайди. Ҳар бир асалари ўз умри давомида камида 1000 та гулни зиёрат қилади ва бир қошиқдан ҳам камроқ асал ишлаб чиқаради. Биз учун бу фақат бир қошиқ асал, қадрламаймиз-а... аммо асалари учун бу унинг бутун ҳаётий саёҳатидир. Ҳар нени қадрига етмоқ керак, зеро қадрлаш орқалигина лаззатни туйиш мумкин. https://youtube.com/@ElmiraRahmonova https://t.me/elmirarahmonova

​​Агар, ота-оналар меҳнат қилаётган бирпайтда, фарзандлар кайфу-сафо билан банд бўлса, билиб қўйингки, уларнинг набиралари тиланчилик қилади. Япон мақоли. Ассалому алайкум ва роҳматуллоҳу ва барокатуҳу қадрдонларим! Соғ омонмисиз?! Шу юқоридаги гап. Ҳали ҳамон ишлаяпмиз... Шукрки, ҳамма саломат ва меҳнат қўйнида жавлон урсин! Сизларга илинганларимни шундоқ каналга жойлаш учун вақт ажратолмам... Кунингиз хайрга тўлсин илоҳим 🤲 https://youtube.com/@ElmiraRahmonova https://t.me/elmirarahmonova