Երկու հայրենիք

27 սենատոր պահանջում է ապահովել հայ գերիների ազատ արձակումը և Բաքվի նկատմամբ պատժամիջոցի կիրառումը

Նոյեմբերի 9-ի եռակողմ փաստաթղթով արձանագրվեց այդ իրադրության իրերի դասավորությունը, ինչին հաջորդեց մրցավազքը, թե ով և ինչպես այն կօգտագործի: Այդ գործընթացին Հայաստանից ու Ադրբեջանից բացի նաև ռեգիոնալ, աշխարհաքաղաքական դերակատարներն էին մասնակցում: Հայաստանի իշխանությունը ոչ միայն 44-օրյա պատերազմը պարտվեց, այլ լիակատար ձախողվեց դրան հաջորդած ժամանակահատվածում, որի ծանր հետևանքը 2021-23 թթ.-ի մխրճումներն էին ՀՀ ինքնիշխան տարածքում և մի քանի հարյուր զոհված, վիրավորված և գերեվարված անձինք: Սա էլ իր հերթին Հայաստանին կանգնեցրեց անդունդի եզրին, որտեղ տարբեր դերակատարներ իրենցն էին փախցնում, Ադրբեջանը «լավություն էր ծախում», իսկ որ ամենավատն էր` դա արվում էր Հայաստանի հաշվին: Գործող ռեժիմի իրական կոնցեպտը` «Կախյալ Հայաստանն» է, որտեղ որոշումների կայացման գործում` նույնիսկ իրեն վերաբերող հարցերում, ՀՀ-ն ֆորմալ դեր ունի: Տիգրան Աբրահամյան

Երկիրը ջախջախման և ողբերգական ուղով տարած Փաշինյանն եկել խոսում է իր խոստացած ապագայի ու դրա փլուզման պատճառների մասին: Գործող իշխանությունը բոլոր ոլորտներում տապալվել է` երկիրը հասցնելով կախյալ վիճակի: Սերժ Սարգսյանի հայտարարությունները պարզապես փաստական արձանագրումներն էին այն բանի, ինչը արձանագրվել էր պատերազմով և դրան հաջորդած իրադարձություններով, իսկ դրա գլխավոր քաղաքական պատասխանատուն` Փաշինյանը, փորձում է արդարանալ իր մեղքերը բարդել այլոց վրա: Վահագն Սարոյան

«Արցախը եղել է, կա և կլինի». Ռուբեն Վարդանյանն ուղերձ է հղել Բաքվի բանտից

Բաքվի դատարանում այսօր շարունակվել է Արցախի նախկին պետնախարար, բարերար Ռուբեն Վարդանյանի «դատավարությունը» Ադրբեջանական ԶԼՄ–ները հաղորդում են, որ հարցաքննվել են «տուժածները»։ Հաջորդ «դատական նիստը» նշանակված է նոյեմբերի 18–ին։

Ադրբեջանի նախագահն իր տարածքային հավակնությունները ՀՀ-ի նկատմամբ արտահայտելով փորձում է փաշինյանական իշխանությանը մտցնել իր ժամանակացույցի մեջ: Լավ գիտակցելով կեղծ խաղաղասիրական դրսևորումների կարևորությունն ընտրական գործընթացներում Ալիևը զգուշացնում է Փաշինյանին` եթե շտապողականություն չդրսևորի, իջեցված պահանջները ճիշտ ժամկետներում չկատարի, ապա Բաքվից կհնչեցնեն դառը ճշմարտության մասին: Ինչ վերաբերվում է Սևանա լճի ու ՀՀ ինքնիշխան տարածքների նկատմամբ արբեջանական հավակնություններին, ապա Ադրբեջանի ԳՇ քարտեզներում, բազմաթիվ քարոզչական պաստառներում, ՀՀ-ն ներկայացված է առանց Սյունիքի ու Վայոց ձորի, իսկ Գեղարքունիքի, Տավուշի և Արարատի մարզերը` խիստ աղավաղված: Ես չեմ պնդում, որ Ադրբեջանը վաղը, մեկ ամսից, մեկ տարուց պատերազմ է սանձազերծելու, սակայն ադրբեջանական ռազմավարական պլանավորմամբ, մեր տարածաշրջանում ՀՀ-ն որպես ամբողջական, ինքնիշխան պետություն նախատեսված չէ: Տիգրան Աբրահամրան

Մինչ Հայաստանի իշխանությունները խաղաղության մասին են ճամարտակում, այդ ողջ ընթացքում Ադրբեջանը ոչ միայն չի դադարեցնում հակահայ գործողություններն ու քարոզչությունը, այլև ցուցադրաբար շարունակում է դատավարություններով հոգեբանական ազդեցություն գործել հայ հանրության վրա: Այս օրերին Բաքվի դատարանում կրկին դատական պրոցեսներ են Արցախի ղեկավարության, մեր հայրենակիցների դեմ: Բաքվի դատավարություններով, Ադրբեջանը քարոզչական պատերազմ է վարում Հայաստանի դեմ, իսկ այստեղ գլուխները թաքցնում են «խաղաղություն» բարձի տակ: Անգամ քարոզչական տիրույթում են լոյալ ադրբեջանցիների հետ: Հայաստանի պետական կառույցները, պետությունը հայրենիքից վեր դասողներով հանդերձ շարունակում են լուռ հետևել: Կառավարությունը, ԱԳՆ-ն, անգամ խորհրդարանը գրեթե լռում են, այս խնդրի շուրջ միայն լղոզված ձևակերպումներով հարցից ճողոպրում են: Այդ լռությունը ոչ թե «խաղաղասիրություն» է, այլ անտարբերություն է կամ էլ վախկոտություն: Ի դեպ, այդ «խաղաղություն» ասվածը կորցրել է և´ իր քաղաքական արժեքը, և´ բարոյական: Վահագն Սարոյան

Մեկ ամիս առաջ գրությամբ ՊՆ-ից մարտական հերթապահություն իրականացնող ԵԿՄ-ի թիվն էի ուզել` վերջին 5 տարվա կտրվածքով: ՊՆ-ն դա նույնիսկ գաղտնիության գրիֆով չներկայացրեց, որին ծանոթանալուց հետո հանրայնացնելու իրավունք չունեի: Այսպիսի դեպքեր հազվադեպ է լինում: Սակայն լրիվ բացով ՊՆ-ն ներկայացրեց «Պաշտպան հայրենյաց» ծրագրով մասնակիցների ընդհանուր թիվը, որովհետև ներքին քարոզչությունում իրեն պետք էր: Բայց ՊՆ-ն բնակաբար բացով չի ասում, թե 2 տարվա ցիկլով քանի պարտադիր ժամկետային ծառայող ունենք և 6-ամսյա կրճատման հետևանքով ընդհանուր թիվը որքանով կնվազի: Կամ ճակատի քանի տոկոսի մարտական հերթապահությունն է դրված ոչ կանոնավոր զորքերի վրա և զորամասերում քանի չհամալրված հաստիք կա: Երբ բանակը վերածում են 5-րդական կառույցի, մյուս բոլոր խնդիրներն էլ դիտարկվում են այդ տրամաբանության ներքո: Իշխանության համար բանակը վերածվել է քարոզչական փորձադաշտի, որտեղ առաջնայինը ոչ թե մարդիկ են, այլ կարճաժամկետ ու խիստ վտանգավոր հուզականության ներարկումը: Տիգրան Աբրահամյան

Դավիթ Համբարձումյանին կալանավորեցին ինքնաթիռի դռան մոտից։

ՊԲ նախկին հրամանատար, գեներալ լեյտենանտ Միքայել Արզումանյանի խափանման միջոց կալանքը փոխարինվեց տնային կալանքով։ Որոշումը կայացրել է ՀՀ հակակոռուպցիոն դատարանի դատավոր Վարդգես Սարգսյանը, գրել է պաշտպան Երեմ Սարգսյանը։

Չգիտեմ՝ ով է այդ տղան, բայց նա արեց այն, ինչից շատերը վախեցան կամ ուղղակի չարեցին։ Եվ եթե վաղը սկսեն նրան քաշքշել կամ ձերբակալել, Չպտի՛ թողեք, որ մենակ մնա։

Պաշտպանության նախարարը եթերում անդրադառնալով պարտադիր ժամկետային ծառայության կրճատմանը, նշեց, որ բանակը հասարակության համար պետք է լինի ցանկալի, ընկալելի և կալանավայրի չվերածվի: Եթե ակնարկ է արվում բանակում ոչ կանոնադրական բարքերի մասին, ապա հիշեցնեմ, որ արդեն 7.5 տարի է ՔՊ-ն իշխանության է և դա սեփական իշխանությանն ուղղված ծանր մեղադրանք է: Երկրորդ, եթե սա քննարկվում է պարտադիր ժամկետային ծառայության ժամկետի կրճատման համատեքստում, ապա պետական առաջնահերթությունները, որոնք կապված են մեր քաղաքացիների անվտանգության և երկրի ինքնիշխանության ու տարածքային ամբողջականության հետ, պետք է դիտարկվեն ոչ թե հանրության հաճելի ակնթարթների կամ ցանկությունների, այլ առաջադրված մարտական խնդիրների տրամաբանության ներքո: Սա նաև որոշակի առումով անկեղծության պոռթկում էր առ այն, որ այս փոփոխությունը բխում է ո´չ թե երկրի անվտանգային անհրաժեշտությունից, այլ հանրությանը հաճելի փոփոխություններ մատուցելու տրամաբանությունից, ինչն անխոս իր մեջ նախընտրական ընդգծված հետք ունի: Շարունակելի: Տիգրան Աբրահամյան

Ադրբեջանում ընթացող կեղծ դատավարության ժամանակ արձանագրված մեծաթիվ խախտումների պայմաններում, Արցախի նախկին պետնախարար Ռուբեն Վարդանյանը հրաժարվել է փաստաբանի ծառայություններից` համարելով, որ մեկ է` նրա առկայության պայմաններում էլ իր իրավունքները խախտվում են: Ալիև-Փաշինյան ջերմացող հարաբերությունների ֆոնին, ադրբեջանական բանտում հայեր են տառապում, իսկ ՀՀ-ի գլխին ագրեսորի և ռազմական հանցագործի պիտակ կարվում: Այս իրավիճակին զուգահեռ հայաստանյան բանտերն են համալրվում Փաշինյանի իշխանության ընդդիմախոսներով: Նիկոլը թուրքերի ու ադրբեջանցիների գործած հանցանքները վաղուց է ներել, բայց իր տեսակետները չկիսող անձանց անձնական թշնամի հռչակել: Նախկին նախագահներ, հոգևորականներ, բարերար, պատգամավոր և տասնյակներով անձինք, ովքեր որևէ պայմաններում ոչ միայն չեն կիսում գործող ռեժիմի դիրքորոշումները, այլ պայքարում են երկրի և մեր քաղաքացիների շահերն առաջ մղելու համար: Մասիսի խոշորացված համայնքի ղեկավար Դավիթ Համբարձումյանի նկատմամբ ակնհայտ ապօրինի վճիռն էլ ամբողջացնում է իշխանության` ամեն գնով իշխանություն պահելու և համակարգը յուրայիններով լցնելու քաղաքական կուրսը: ՀԳ. Թեպետ որոշ գործիչներ, ակտիվ քաղաքացիներ այս պահին բանտում չեն, սակայն նրանց նկատմամբ քաղաքական հետապնդումները շարունակվում են: Տիգրան Աբրահամյան

Ո՞նց կարելի է թշնամու հետ փորձել իբր հարաբերություններ կարգավորել, և միևնույն ժամանակ սեփական ժողովրդի մեջ տարածել թշնամանք ու պառակտում։ Սրանց տգետ քաղաքականության ողջ մերկությունը երևում է հենց այստեղ, երբ խոսում են խաղաղությունից, բայց ներսում պատերազմ են սերմանում մարդկանց մեջ: Եթե իսկապես ուզում ես ուժեղ պետություն կառուցել, պետք է սկսել ներքին կարգուկանոնից, միասնության ու համերաշխության վերականգնումից։ Առանց դրա «արտաքին խաղաղությունը» ընդամենը գեղեցիկ ձևակերպումներով քողարկված դատարկություն է... Շիրազ Խաչատրյան

Նկատել ե՞ք, մենք հիմա շատ վատ մի շրջան ենք ապրում, որը հիշեցնում է 1930-ական թվականների բռնապետական ժամանակները: Փաստորեն այն, որ պատմության դասերն էր փնտրում ինչ-որ մեկը պատմության էջերի մեջ, եկել կանգնել է 1937-ի վրա ու առաջ չի գնում: Այս խառնակ իրավիճակի ստեղծման մոտիվացիան առաջիկա ընտրություններին ընդառաջ իրական պրոբլեմներից հասարակության ուշադրության շեղումն է նաև: Բոլորն էլ գիտեն, որ տնտեսությունը, անվտանգությունը կամ սոցիալական վիճակը այսօր վատ վիճակում է և գնալով էլ ավելի է վատանալու: Դա շատ ավելի ցայտուն կերևա Ամանորյա տոներից հետո: Այս պայմաններում իշխանությունը սոցիալական մեծ դժգոհության ալիքից զգուշանալով սկսել է ուժային և սկանդալային մեթոդներ կիրառել հասարակության ուշադրությունը սարսափի, սկանդալի կամ թշնամանքի վրա կենտրոնացնելու համար։ Վահագն Սարոյան

Բաքվում ընթացող կեղծ դատավարության ժամանակ ուշադրությանն արժանի իրադարձություններ են տեղի ունենում: Նախորդ լսումների ժամանակ Լևոն Մնացականյանը, Դավիթ Իշխանյանը և Դավիթ Բաբայանը իրենց անհամաձայնությունն են հայտնել հարցազրույցներից, առցանց ռեսուրսներից և սոցիալական ցանցերից վերցված հայտարարությունների հիման վրա կազմված փաստաթղթերում պարունակվող բազմաթիվ դրույթների վերաբերյալ։ Այն, որ Ադրբեջանն ըստ նախապես պլանավորված սցենարի ու տրամադրության է շարժվում, դա ի սկզբանե պարզ էր, սակայն կարևոր է, որ տեղում պատանդի կարգավիճակ ունեցող հայերը որքան հնարավոր է դիմադրում են և ի ցույց դնում ադրբեջանական մեղադրանքի թշվառությունն ու «դատավարությանն» ուղեկցող կեղծիքները: Դավիթ Իշխանյանը նույնիսկ պահանջ է ներկայացրել դատարանին, որպեսզի ՊԲ նախկին հրամանատար Կամո Վարդանյանին վերագրվող գաղտնի հրամանն իրենց ներկայացվի, որովհետև այն դատին ընթերցվել է, սակայն դրա հավաստիացումը ապացուցող որևէ փաստ չկա: ՀՀ իշխանությունների` Բաքվի կեղծ դատավարության ընթացքին անհաղորդ մնալը, ազատել է Ադրբեջանի թևերը` ազատ ստեղծագործելու և կեղծիքների մի մեծ տրցակ վերագրելու ՀՀ և Արցախի մեծ թվով պետական գործիչների, զինվորականների և ազգային ազատագրական պայքարի նվիրյալների: Տիգրան Աբրահամյան

Փարիզում հայ երիտասարդները Արցախյան դրոշներ են բարձրացրել և կոչ արել ազատ արձակել հայ գերիներին՝ Ֆրանսիա–Ադրբեջան աշխարհի առաջնության ընտրական խաղի ընթացքում

Բաքվի դատարանը գեներալ Լևոն Մնացականյանի դեմ «ցուցմունքների» շրջանակներում «վկա» է պեղել, ով 2022 թվականի կեղծ միջադեպ է վկայակոչում` իբր Մնացականյանը բռնության է դիմել և այլն: Թե ի՞նչ հանգամանքներում կամ ի՞նչ կարգավիճակով է այդ ժամանակ եղել Մնացականյանը և ի՞նչ իրավիճակներում է այդպես գործել, դա ադրբեջանական իշխանությանը հետաքրքիր չէ: Նրանց պետք է ամբողջացնել գեներալի ու Ադրբեջանում դատվող հայերի դեմ գործը և այդ ճանապարհին 1-2 կեղծ դրվագն այս կամ այն կողմ այլևս ոչինչ չի փոխում: Մնացականյանը դատարանում խոսել է բոլոր պատերազմներին իր մասնակցության և դրա դրդապատճառների մասին, միաժամանակ հերքել իր դեմ ներկայացված կեղծ մեղադրանքները: Ինչևէ, Ադրբեջանը շարունակում է շինծու դատական նիստերն ու ՀՀ-ի դեմ գործողությունները` ի հեճուկս խաղաղության և համագործակցության վերաբերյալ բազմաթիվ հայտարարությունների: Tigran Abrahamyan

Հետաքրքիր իրողություն է ստեղծվել իշխող խմբի ներսում քննիչ հանձնաժողովի պատրաստած զեկույցի քննարկել-չքննարկելու առնչությամբ։ Այս ընթացքում տարբեր աչքովս ընկավ, բայց միևնույնն է այդ հանձնաժողովի գոյությունն ու գործունեությունն, անգամ, այնքան ծիծաղելի է, որ զեկույցի մասին արդեն կարևոր էլ չէ, թե ինչ են խոսում իշխող թիմում։ Հանձնաժողովի գործունեությունը գիտե՞ք ինչի է նման, որ երբ մի հանցագործ դառնում է ինքն իր դատավորը և որոշում է, որ մեղավոր են բոլորը։ Մյուս կողմից չենք մոռանում, որ ՔՊ-ում և դրա շուրջ ինչ կատարվում է, ապա դա տեղի է ունենում իրենց ղեկավարի քմահաճույքով, հիմա եթե արհեստական դեֆիցիտ է առաջացել այդ զեկույցի շուրջ, ապա դա ոչ թե ժամկետների կամ կանոնակարգի հարց է, այլ ուղղակի ոմն մեկի ցանկության, ինչպես և այդ հանձնաժողովի ստեղծումն է եղել ցանկության արդյունք։ Եվ հետո, այնպես չի, որ եթե ցանկություն ունենային դա դրոշակներով, ավացիաներով ու ավելորդ կարևորությամբ մանիպուլացնել ժամկետներն էին խանգարելու ամենօրյա ռեժիմով Սահմանադրություն խախտող իշխանությանը։ Վահագն Սարոյան