4

‏عليه اللوم ودموع الهقاوي والسلام الحار ‏ كثر ما كان في صدري حكي قاسي ولا قلته ‏بيفقدني وياكله الندم وبتوجعه الأفكار ‏وأنا جعل اللّٰه يقطعني إذا في يوم واصلته ‏عزاي إني عطيته فوق حَقّه والزمان أطوار ‏تركته للغياب اللي يصحيه إن تجاهلته

‏اميره ما مثلها في جميع الاصايل ‏يزهاها مدح الشعر اقصاه وادناه ‏بنت رجال وبنت نعم الحمايل ‏بنت الاصل والعز والطيب والجاه

ولا اعاتبك لكنّك ابطيت عن داري ‏جلست انتظر والباب مردود لوصالك ‏ولا اعاتبك لكن على زحمة افكاري ‏تمنيت يوم اصحى على صوت مرسالك ‏ولا اعاتبك لكني اعاتب اصراري ‏على انك حبيبي والزمن ما تهيّا لك

‏حلّ الفراق وخاطري منك ما طابّ ‏وانا طريح الحب لا أخذ ولا أجيب ‏واقول يادار الخطا وين الاحباب ‏احباب قلبّ اللي جرحوه معاطيب ‏امسٍ وهم مادونهم ستر وحجاب ‏واليوم دون ديارهم يقنب الذيب

‏ما يجيها صاحي القلب ويعوّد سليم ‏القلوب تشقّها والضلوع تفرّها ‏يوم تلفح في جديلٍ مثل ليل الهميم ‏غوج من طلّق على القوم من زود الرها ‏للغرام ترجّع الداعيه والمستقيم ‏حبها يدخل قلوب العرب ويفرّها

‏يا قبله قصيد الشاعر العاشق الميلاف ‏ترى طيفك اليا مر ما مر خفافي ‏ليا مر عدا بي على قمة المشراف ‏واثر قمه المشراف تستنزف الخافي ‏غدا قلبي من الشوق بين الضلوع انصاف ‏لا تبخل علي ان كان تقدر على انصافي ‏ليا صار ما حطيت رمشك علي الحاف ‏يا ويلي من الي حط شيمه على الوافي

تعدّيت معه الحد والحب والمألوف ‏وأنا في غرامه صرت مؤمن بلا مله ‏تركت الكواكب خلف ظهري ولا لي شوف ‏سوى وجهه اللي شمس عمري تحت ظله ‏أحبه محبّه من سكن في فؤاده خوف ‏على واحدٍ يخفيه عن عالمه كله كحيل العيون اللي برمشه سنان سيوف طرحني قتيل والغلا عرش واحتله

‏وين اودي غيمة الأحلام من شمس الحقيقه ‏وانت موجٍ لا تلاطم شفت به جزري ومدّي ‏ ضحكةٍ لاحت على وجهك نسايمها رقيقه ‏تعترض لي في صباحات الهوى واقول ودّي ‏كل دربٍ ما خطت رجلك على مفرق طريقه ‏ما يعّد من الدروب ولا يجيب ولا يودّي

يستاهلك من رمى روحه على جالك ماهو من أرضاك ليله وأزعلك ليله

مع الفجر احبك قبل حتى صباح الخير ‏وقبل لا يغرد طير الأغصان من عشّه ‏احبك كثر ما هّب نسمه وغرد الطير ‏مع ان المشاعر خلف الأضلاع منخشّه

‏ليش توهمني انك تحبني فالبدايه ‏لين صار الوهم عندي وعندك حقيقه ‏قمت تشر لقلبٍ بين الاحباب تايه ‏لين حبيتك وحبيت ذيك الطريقه ‏طحت في حبك الجذاب من دون غايه ‏أفقد العقل ساعه واسترده في دقيقه ‏من لامني قلت ادع لي بالهدايه ‏البحر ما يطاوع موجه الا في غريقه

‏سلامي سلام اللي سمح والأمل مفقود ‏على اللي ما صان الود من كثرة أعذاره ‏رفعت العتب وأقفيت عن غايبٍ موجود ‏يوم ان الغلا شفته بدا يرخي ستاره ‏سعيت لرضا عينه ولا شاف لي مجهود ‏وأنا أجفى العرب لأجله وأناديه وأختاره ‏يا ليل الفراق اللي عليه الحروف شهود ‏قرار الجفا عقب الغلا وشهي أخطاره

‏لا صرت تنساني بوقت انشغالك ‏مابيك تذكرني اذا صرت فاضي

يا عيون الشوق أمسحي دموعك ما ظنتي بعد هالصده لحظة لقى

‏يابنت انا قلبي من البعد محروق ‏لا تحسبين اني قطعت العلاقه ‏محبتك فـ القلب وابراجها فوق تشيل صوت اسمك وحلم الصداقه ‏يسوقني طاريك لمشاهدك سوق ‏وأشفق على لمسة يدينك شفاقه ‏زرعت لك زرعً له أثمار وعروق ‏وقدمت لك من زهرة العمَر باقه ‏وان كان عندك شك لاناشك العوق ‏في قلبي اللي لك يزيد اشتياقه ‏الشوق مشتاق لك اكثر من الشوق ‏شوق بدويٍ ضاعت اغلى نياقه

ياما تظاهرنا بالعمى وحنا نشوف وياما محينا الردى ومشينا لا تحسب لا تجاهلنا ضعوف حنا على رد الردي ما تربينا

‏يومي قربت أمسك طموحي بـ يمناي ‏والأرض من كثر الفرح ما وسعتني ‏قامت تلاشت فرحتي من محيّاي ‏وأوهام عمري بالخفا صافحتني

‏تدري ان الليل يجيب ذكراك؟ ‏وان الفجر فيك يوحشني ‏كأن الليل يقول الهوا هواك ‏وكأن الفجر للوقت فيك يرجعني ‏ودي ارجع مع الشوق واقول ابغاك ‏لكن اخاف اجيك بالاول وتردني ‏تذكر ليالينا وسواليفي معاك؟ ‏بعدك والله يا حبيبي أتعبني

طارت وعودك مثل ماطار سرب الحمام هدّيتني لين كل اللي بنيت انهدم كسيت سقفك زمرد وارضك اغلى رخام واهديتني بشت دون اكمام و سيف انثلم اليوم ؟ ماعاد لك حاجه ولا لك مقام ماصنت عهد الكريم اللي عليه القسم ‏جرح المحبين واضح عن كل الانام وانت جرحك تفاقم لين أصبح ورم