s2 .

عليك السلام وكل ماجيت لك سلّمت ‏سلام العفيف اللي يحبك على الفطره

يا جميله .. والله إني من وسيعين البنايّد ‏وش أسوي بالظروف "! القـاسيه وأنتي عنيده ‏قاتل الله السلوم )؛ وقاتـل الله العوااايد ‏ماتركت لي من فرص عمري ولا فرصة سعيده

لك العذر في غيبتك ولـ طيفك التقدير ‏متى ماسهيت , وبان لي وجهك البدري ‏لقيتك على مفرق طرق والظروف تسير ‏حلالاه . . لو إني ( مقابلك ) من ، بدري ‏سرحت بخيالي فيك وأسهبت فالتفكير ‏وطلّعت كل اللي .. مخبّى ، ورى صدري ‏ما تمنعني ، حدود المسافة عن التعبير ‏أنا توّي مسولف معك .. وأنت ما تدري

من هو اللي شبهك بالظبي حسبي عليه ‏والله لا عينك بعينه ولا شفاهك شفاه ‏فضلك ربي بوجهاً ماهو مثل الوجيه ‏وجهك اجمل وجه شفته على وجه الحياه ‏التوى طوق الذهب في نحرك وقلت فيه ‏واهني طوق الذهب لا التوى بطوق النجاه

‏اللي على سمعت اسلافه ثنى ساقه ‏قولوا له يصونها والا يخليها ‏ترى المواقيف مثل الطير والناقه ‏ماهوب يصبر عليها غير راعيها ‏_ مبارك بن رادعه

شعوري ورا حلمي و أنا اصايده واخطيه ‏أخاف انه أحلى من شعوري لا حققته

تجي مثل الشعر و أجيك مثل العالم الغاوين ‏وتطربني السوالف من لسانك لو تكررها ‏شعوري لك يذكرني من الرهبه و حكي العين ‏قصيدة تنتشر بين العرب مجهول شاعرها .

و القوي هزيمته شينه .. وشكواه عيب ‏مايبي في عيون الأصحاب نظرات ، شفقه ‏وده إنه ماسمع خل قلبك ، قلب ذيب ‏يدري إنه في حياته هذا إللي ، وهقه ‏كل ما قهوا ضيوفه .. والدله لهيب ‏ما توقاها ، ولا وضح إنها ، تحرقه ‏ياحبيبي ليتني قبل ما أحطك حبيب ‏إستخرت من الدروب الطوال ، المرهقه

والله ما اغرب من الضحكة بوجه الحزين ‏إلا دموع الحنين اللي على المبتسم ‏واللي يهوّن على قلبي عذاب الحنين ‏اني تفانيت في قربك ولا الله قسم

الله يسلط على " هرج السعه "ويصيبه ‏كم هو يحط الصعيب من اللوازم هيّن ‏كنه المذنب لا زيف له وقار و هيبه ‏وارتدى بين العرب ثوب التقيّ الديّن ‏حنْ بشر ندري بْ شي وشي ماندري به ‏ولا ما كان انخدعنا بالكلام الليّن ‏من يعيّن صاحب صادق فلا يصخي به ‏والله ان الصاحب الصادق ماعاد يعيّن

راسي من الفكر لا يهدا ولا يستريح ‏تقول كن فيه من كثر الهموم سعره ‏اعالج الوضع مثل اللي يعالج جريح ‏ان طاب ولا يزول من الجريح اخطره ‏ودي اني اسج لو ضاق المكان الفسيح ‏ولا استمع للهروج اللي بدون ثمرة ‏من قيدته الظروف و حدته للمطيح ‏الله لا يجعل عيون العرب تسبره

‏" اي والله إنك ياملاذ القلب والدرع الحصين ‏أغلى من أغليت واصخيت له المشاعر كلها ".

كثر الله خير الايام وأحلام السنين ‏علموني كل حاجة تبي عزم وصبر

تخافين العيون الي تحبك و الكلام الحاد ‏و انا اللي ما يسمعك الكلام اللي تخافينه ‏مطيحي بالهوا ماهو مطيح الدارج المعتاد ‏مطيح الفارس اللي طيحته تحزن معادينه ‏جريحك ما لجرحه في مشاوير الليال ضماد ‏لا خلته الدروب )؛ اللي بغاااها لا تخـلينه

يا مقربك لو دعيتك .. بس كلمة "تعال" ‏أثقل على خاطري من حاجة المستحي

ياوجودي كان مايفرق وجودي ‏في عيونك ياصفى البال المعكر ‏واقف بمرجلتي وطيبي وزودي ‏وقفة الراجي ورا الباب المسكر ‏ياملامح رحلتي واصدق وعودي ‏ ماني بنـاسي)؛ على شان أتذكر

على الهون يا دمعي من العين لاتنساب ‏دموع التعازي و ( التهاني ) لها حفله ‏ㅤ ‏مطيحك سوى بـ أسباب ولا بدون أسباب ‏مطيح العزيز اللي . . تحنّه و تاسف له ‏ㅤ ‏الأحباب يبعدها قدرهاا عن الأحباب ‏ولا أحر من فرقى تلوعك . . على غفله ( :

‏لايستبد الجفـا ، ويعلمــك قدري ‏للحين ماغاب عن دنياي تأثيرك ‏بعيوني اشوف غيرك بس في صدري ‏كــلام ما ودي اقوله لـ أحد غيرك