fade.abd

‏يعني أسف ع المصطلح بس بدي أحكيلك شغلة ، إللي دعس على وجهك مرة وراح ورد رجع مرة ثانية ، رح يرجع يدعس على وجهك مرة ثانية وثالثة طول ما إنت بكل مرة بتقوم تغسّل وجهك وبتحكيله حصل خير يا حبيبي.

يمكن كُل مشكلتي إني كنت بحاول مع اللي مبيحاولش عشاني.🖤

أنا رح أسامحك ، ورح أعديلك ياها مَرة ومرتين وعشرة بس مارح أنسى الي عملتهُ كله، فجأة رح تشوف إنسان ثاني قدامك بيختلف كلياً عن الإنسان القديم شخصية جديدة لا بتسامح ولا بتعتذر وعنيد ورصيدك عنده خلص بوقتها رح تتعلم كيف تحافظ على الناس الي بسامحو 🖤

ضريبة إنك تكون شخص بتحل مشاكلك بنفسك وبتدعم اللي حواليك ودايمًا إيجابي وتمشّي أسوأ مراحل حياتك بنفسك هي إنه ما حد رح يهتم فيك بعد هيك ولا رح يحسوا لما تكون فعلًا بتمر بمرحلة سيئة ومحتاج حد جنبك عشان خلص انحطيت في خانة معينة وكأنه مش من حقك تشتكي ولا حد يهتملك ويسمعك أبدًا.🖤

الحمدلله الذي مَنَّ علينا بالفرحة بحلول عيد الفطر المبارك فتقبل اللّه منا و منكم جميعا الطاعات وصالح الأعمال كل عام وانتم بألف خير كل عام وانتم الى الله أقرب ❤️

تأتيه باكياً .. وتعود راضياً. "إنه الله"

‏عفَى الله عنّي و عن من أذاني وعن من ظلمني ومن قال فينا ما ليس فينا ,و عفوتُ عنهم ,لعل الله يَأجُرني إن كنت راضٍ عني يا الله ؛ فسلامٌ على الدنيا ومن فيها🖤

‏اللهم اغفر لي ذنبي كُلهُ ، دقّهُ وجُلّهُ ، وأولهُ وآخرهُ ، وعلانيتهُ وسرّه🖤.

فَمن أَحبَّكَ دَعَا لكَ ‏وَمن دَعَا لكَ فقَد أَبْلَغَ فِي مَحبَّتِكَ🖤. لا تنسوني من دعواتكم قبل الفطور مع أذان المغرب... ولكم بالمثل بإذن الله

‏بكرا رح نكون بنصلي أول صلاة تروايح بإذن الله اللهُم بلغنا رمضان في عافية وسعة وشكر ونور إنك أنت البرُّ الرحيم وأهلَّهُ علينا باليمن والإيمان والسلامة والإسلام 🙏🏻❤️.

‏الأهم من إنك تنحب هو إنك تحس إنك كفاية، مشاعرك كفاية حبك كفاية وجودك دايمًا كفاية، تغيب الناس بس أنت لا، وإن غبت الحياة تكون ناقصة بغيابك، الحب عمره ما كان بس كلام، الحب في التفاصيل الصغيرة، في الإهتمام، في الحنية، إنك تحسّ دايمًا إنك متطمن بإنه مافي إلك بديل، الحب أمان🖤

‏مبدئياً أنا وصلت لمرحلة إني ما أجبر أي شخص بالعالم على حبي و إني ما أزعل لما ألاقي شخصي المفضل بيتجاهلني،أو مش معطيني إهتمام كمان لإني بمعنى أحرى إقتنعت إنه أي شخص بالعالم بيتعامل معك حسب أهميتك عنده و غير هيك المحبة من رب العالمين هاي المرحلة حرفياً خلتني أشعر بالسلام النفسي 🖤

‏اللي طلع من حياتك رح يرجع، واللي شالك من عنده أكثر حد بيراقبك، واللي زعّلك في يوم رح يرجع مكسور بعد ما يعرف قيمتك، والشخص اللي أذاك رح يرجعله الأذى مُضاعف لأنه كما تدين تدان، مافي حد بيطلع من حياتك بشكل نهائي كلهم بيرجعوا بس بيرجعوا لما يلاقوك صار عندك القدرة إنك تعيش بدونهم.🖤

كل ما بنكبر بالعمر ، بكبر معنا الباب إللي بفوّت جمل.🖤

عشان ما تستغرب من تصرّفاتي بالفترة الجاي ؛ انا صار يهون علي كل شي . ما بعزّ عليّ حدا . ما بعزّ عليّ فراق مكان . ولا بحنّ لما اتذكر أي شي مهما كان عاطفي وحسّاس . راحت فترة أحرق دمي عشان أرضيك . جرّب عاملني بطريقة مو منيحة . وشوف كيف رح احرقك واطلعك من حياتي للأبد !🖤

أنا بكبر بطريقة مخفية جداً ، بقلل عدد صحابي، بواجه حزني بكل هدوء، بتجاهل ولا كأني شايف إشي، بتماسك على قد ما أقدر ، بشوف كل شغلة حواليي بوضوح وبضل ساكت ، بطلت أنبهر بأي شخص أو إهتمام أو أي كلام حلو ، و بطلت مستني أي شغلة من أي حد.🖤

لما أبادرلك وانا شخص صعب يبادر ركز على استثنائك

بعرف أوصف مشاعري، بعرف أوصفها كثير منيح، بعرف أبيّن كيف بحب وكيف بشتاق، كيف بقرف وكيف بكره، بعرف أوصل للأشخاص شو هي مكانتهم جواتي، بعرف اعبّر عن اللي بحسه وبعرف استخدم الكلمات بطريقة بتخوّفني أنا شخصياً .. أنا واضح بمشاعري بطريقة مبالغ فيها، ولما بحكي كلمة بكون قاصدها مليون بالمية، ومستحيل أجامل بمشاعري أو أحكي شغلات ما بحسها، وهالوضوح ع قد ما بحبه ع قد ما بخاف منه 🖤!

مش مستعد اكمّل مع حد بحياتي وهو متردد بوجودُه معي، الصحاب يلي بستنّوك عغلطة، الشّخص يلي بسمع عنّك كلمة وبعديها بروح، أو واحد قريب منّك شايف عندك ماضي وخايف تعاملُه مثل عاملتهم! ما عندي مراق لأثبت شخصيتي لأي حدا، ولا فيّه حيل للتّمسك، روح مع أوهامَك ولمّا تشوف حقيقتي وترجَع، حيكون الشّخص يلي تركته جنّة بالنّسبة للي حتقابله من جديد.🖤

‏مرة زعلت مع حد وتركته يهدى شوي فسألني بصيغة عِتاب هو أنا كيف هُنت عليك تتركني زعلان؟ فرديت عليه حكيت إنو كان قصدي أسيبك لما تهدى وبعدين بنحكي، رد عليّ بجُملة عُمري ما هنساها وقال: "لو خايف إن النار توكل البيت لازم تطفيها وهي مولّعة ما تتركهاش تهدى لحالها، عشان لو هديت لحالها هَتكون خلص حرقت كُل إشي"🖤