Fara yoritadi

2021 yil Covid sababli Cannes lions festivali online formatida bo'lib o'tgandi. O'shanda biz Sintez jamoasi O'zbekistondan birinchi ishni yuborgandik U ishimiz Natural packaging for natural products deb nomlanib, qadoqlarni ekologiyaga zararini kamaytirish maqsadida qilingan, unda o'zimizning oshqovoqlarda tabiy qadoq yaratilgan edi. Keys havolasini biriktirib qo'yaman

Bir haftadan beri Cannes Lions’daman. Bu safar Markaziy Osiyodan katta delegatsiya bo’lib keldik. 6 yil oldin biz O’zbekiston tarixida Cannes Lions’ga topshirilgan birinchi ishni yuborgandik. Bugun esa bitta o’zim emas, butun jamoa bo’lib turibmiz. Buni ko’rib turish — alohida his. Yosh Lions’larga omad tilayman. O’zimizga kelsak — agentlik tarixida birinchi marta shortlist’ga chiqdik. Biz uchun bu katta natija.

O'zbekiston formasi haqida bir oz aytmoqchiman Birinchi marta jahon chempionatiga chiqayotgan jamoa. Bu — tarixiy hodisa. Va bu hodisani PR miqyosida ishlatish mumkin edi. Mongoliya olimpiadada kiygan milliy naqshli kiyimini eslayman — butun dunyo mediasi yozdi. Chunki ular imkoniyatni ko'rishdi. Biz ham xuddi shunday imkoniyat oldida edik. Forma — butun dunyo ko'radigan narsa. Madaniyatimizni, san'atimizni, zamonaviyligimizni ko'rsatish uchun eng katta sahna. Forma yomon emas. Oddiy. Va aynan shu — muammo. Shuncha yirik xalqaro brendlar ichida o'zbek brendining turishi — quvonch. Lekin vaziyat bir oz boy berildi. Boshqa davlatlar dizaynlarini, ularni PR kompaniyalarni ko'rib bizga hali ancha bor degan fikr keldi

Kreativ iqtisodiyot haqida. Bugun O’zbekiston Madaniyat va San’at Rivojlantirish Jamg’armasi Uzbekistan Creative Parkni taqdim etdi. Bu — kreativ soha vakillari uchun davlat ekotizimi: soliq imtiyozlari, xalqaro loyihalar va hamfikrlar hamjamiyati. Soliq rejimi rezidentlar uchun: — MChJ → aylanmadan 4%, QQSsiz — YAT → aylanmadan 1%, QQSsiz — O’z-o’zini band qilganlar → 1%, QQSsiz Shart: daromadning kamida 80% kreativ iqtisodiyot ro’yxatidagi faoliyatdan bo’lishi kerak. 15 yo’nalish, 142 faoliyat turi. Fond rejalari: Toshkent, Yangi Toshkent va Nukusda fizik parklar qurish ko’zda tutilgan. Asosiy maqsadlar: — Kreativ iqtisodning YaIMdagi ulushini 3,7%dan 5%ga yetkazish (145 trln so’m) — Eksportni $1 mlrddan oshirish (2024 yilda $770,6 mln bo’lgan) — Ish o’rinlarini 500 000 kishiga yetkazish (hozir — 320 mingga yaqin) Qonuniy asos tayyor: — “Kreativ iqtisodiyot to’g’risida”gi qonun (ZRU-970, 03.10.2024) — Prezident qarori PP-64 (16.02.2026) — Vazirlar Mahkamasi qarori №90 (03.03.2026) Batafsil: creative-park.uz

O‘zbekistondagi birinchi D&AD sovrini Ijtimoiy Himoya Milliy Agentligi, Synthesis kreativ agentligi va Khabi Media kompaniyalari bilan hamkorlikda ishlangan loyiha dunyodagi eng nufuzli kreativlik konkurslaridan birida g‘olib bo‘ldi. Yuqoridagi postda keltirilgan, Weight of Pain - loyihasi D&AD konkursida 2 ta bronza g‘olibi va shortlist sovrinlarini oldi. Ma'lumot uchun, D&AD dunyodagi eng qiyin bellashuvlardan biri. Unda 90ta davlatlardan agentliklar qantashadi, 300 ga yaqin hay'at a'zolari ishlarni baholaydilar. 2026-yilda 46 ta yo‘nalishlarda, 10 000 ta ariza(ish) topshirilgan. Butun dunyo bo‘ylab eng kuchli 10 mingta ish ichidan g‘olib bo‘lish - bu o‘zbekistonlik kreativ inson uchun katta natija. Hamkasblarimizni yutuqlar yomg‘iri bilan tabriklaymiz :) 🌊 G‘olib bo‘lgan rolikni bu yerda tomosha qilish mumkin. Marketing o‘zbek tilida — @marketingbolimi