️

«تعالي لا طغى حزنك وعن شمسه بغيتي فيّ تذري في ذرا من هو يحب ويعشق ترابك ولا تشكين من جور الليالي دام راسي حي ما عاش اللي يكدر خاطرك وينرفز اعصابك وانا لا انهارت الدنيا في عينك شلتها بيّدي وناديني وتلقيني معاك اقرب من ثيابك تجين بـ ليلةٍ وجهك على حالك سماها ضي وتزهين المكان اللي تجينه قبل يزهى بك ولا ينشاف هالعالم ولا ناسه في عيني شي وانا لي موطن ومنفى تضمّه ناعس اهدابك»

اللهم صلَّ وسلم ع نبينا محمد

‏-نور ما بين الجمعتين

الوداع ارجوك ما أطيقه

ضاعت اوراقي على وجة المكان

أعرف اللي يبي يبعد إذا أصبح لسانه جاف وأعرف اللي يبي يبقى لو أنه مُرهق وظاااااامي

احبك يانجد الأحباب

نفسي عيوفٍ يا اريش العين تجزع ما تقبل الحقران لو من عشيري إلى متى في طلبتك باتخضّع واسأل متى يوم الوصل بي يصيرِ لو كان قلبي في هواك يتقطّع خلّه لعله بالقسا يستخيرِ أنا جزمت انساك يا زين وانزع اللي بقَى من حبّكم في ضميري مثلي عزيز النّفس عنك يترفّع دوّر هبيل فؤاد مثلك غريرِ

علّموها لا بكتها من الشوق الحروف تذكر اللي تكتب اسمه على كرّاسها لا تقول الوصل معقود في حكم الظروف كل ما يكبر بها العمر يكبر راسها جادلٍ مرت لها سنين ما راحت عيوف كيف تطمح والحلا والحيا حرّاسها والله انه ما لحقني مع الايام خوف لو علي صدوف بقـعا تحد أمواسها مير ضيق صدري البعد والوصل محفوف ودي اوصلها ولا ودي آخذش ماسها درّةٍ من دونها الوصل عن لمس الكفوف من وراها قوم أهلها تعن أفراسها والله ان البعد سوا مع الشعر معروف ذي قصيدتها وذا نبضها واحساسها طعّنتني بالمفارق وانا هيكل وجوف الرماح رماحها والضلوع أقواسها واستماحت عذر والعذر تثبته الحلوف ولا انا عذري ما يكسر قساوة باسها ضيفةٍ دايم مقيمه ما هي مثل الضيوف كل ما قهويتها الشعر طار عماسها مع عذوبة هرجها للحلا عذبة وصوف هي مسبية القصايد وهي نوماسها ذكّروها قبل لا تصبح المهره نصوف قبل لا تكبر ويكبر علينا راسها - محمد مريبد

‏«يا مصلّي الفجر أبشرك بالخير الكثير ‏صلّ .. وأبشر بالفرج والسّعاده والنجاه»

يا عين ما هي سالفة ضحك وأرماش يا ام الهدب والكحل واللعب والطيش ماني على النظره شفوقٍ وشواش حتى ايش لو يدعيني الشوق حتيش لو مدلي وجهك من الحسن ما حاش ما يستجيب لرغبته كود درويش لو ان وصلك فيه ما يبرد الجاش وعلى ضفافه ينعم الحب ويعيش ياهيه كلك ملح لكن على ماش مثل البحر ما بل ريق المعاطيش وانا بدنيا النقض والفتل منداش وانتي مغير تنقضين العكاريش وانا اتقلب كل ليله لي فراش وانتي على مخدةٍ كلهاريش وانا بكفي للمواجيب حواش وانتي كفوفك للذهب والدناديش روحي مراح اللوح في غبة الطاش لا روحت به موجة المدّ بشويش لا عاش قلبٍ يتبع الهون لا عاش ما تخدعينه في سراب النشانيش خليه بين ضلوعه العوج يعتاش حرّ تعلا عن طمان الخفافيش

لَم تَكُن أوَّل الرَّاحلينَ لكِنَّك كُنْت الأعَزَّ

أنا غرب واللي خاطري منتحي له شرق بعيدٍ وطن مظنون عيني عن أوطاني حصل في غروب الشمس بيني وبينه فرق عسى الله يقرب دار من حبه اشقاني اليا جاء لذيذ النوم يسرق عيوني سرق ذكرته بعيد وعافت النوم الأعياني - عبدالله بن عون

‏مدّي يدينٍ عاهدتها يديّا ‏ياللي سماك ملبده برق وغيوم ‏لا تشتكين اللوم وانا هنيّا ‏انا هنيّا لأجل ما يلحقك لوم! ‏ياللي جبينك من غلاه الثريا ‏ما عاشرت شمسٍ ولا خاوت نجوم ‏ان كان ما جتني عليك الحميّا ‏ما عاد لي في باقي العمر ملزوم ‏ما فزْ قلبي للنواعس كذيّا ‏الا يبي يصبح عوضها عن النوم ‏نامي وخلي كل همٍ عليّا ‏مالله خلق هالجفن لسهاد وهموم ‏لا تندهيلي واصلٍ لك بليّا ‏لو نكسر قلوبٍ ولو نزعل خشوم ‏قام يتعَزْوا في حديّا حديّا ‏يوم انحدر دمعٍ عن الذل محشوم ‏راسي خلق بالطايلات يْتفَيَّا ‏وخدّك تفيّا بالهَدب جعله القوم ‏ٓ ‏كان الذي في خاطرك ما تهيّا؟ ‏ماني ولد عودٍ كفَخ وابعد الحوم - مساعد الرشيدي رحمه الله ❤️

حبيبة عيوني، وأول الدرب والمشوار معك يا حلو دربي ويا خفّ خطواتي على كثر ما أخاف النهايات بإستمرار أنا مؤمن أنك باقية في نهاياتي أشوف الوجيه العابرة مع طريق المار ولا زال وجهك جميع إتجاهاتي وش البال؟ لو مافيه طاري ولا تذكار وش الحب؟ لو ماكنتي أول علاقاتي وش الليل؟ لو مافلّ جادل وفك زرار وش الحلم؟ لو ماصرتي أعذب طموحاتي بعدك السماء والأرض والدار وأهل الدار مجرّد فراغ يمرني في فراغاتي ماعادت طواريق القصيدة محط أنظار بعد غابت عيونك عن آخر كتاباتي تركتك على مَرْأىً من الحظ والأقدار ولا جابتك "صدفة لقى" في محطاتي أحبك جنون، ومرحلة طيش، وإستهتار وأشوفك سوالف عزلتي وإهتماماتي لو إن الليالي جارحة، والزمن دوّار يصبّرني أنك، فرحتي وإبتساماتي تخيّرني دروب المساري، عشان أختار وأنا مابغيت الا دروبك .. يا مولاتي أخاف إنهزامي في حياتي وأخاف النار وأشوف إنهزامي معك مثل إنتصاراتي وأعاف العيون الناعسه، وأكره التكرار وأعرف أنك آخر مابقى من خياراتي عليك المشاعر صادقة، والغلا مدرار وعليّ أكتبك في كل بيتٍ من أبياتي

وشهالتفاعل ! 😡 تفاااااااااعللللوووو 🧡

‏" أحبك لو ماباقي من العمر والليال قصار ‏معك ما يلتفت قلبي وراه ولا يبي غيرك "

" هذا النصيب وهذي آخر ملامحك ‏تبسّمي ف آخر لقاء فيه اشوفك ‏كفّي دموعك والله اني مسامحك ‏لكن عسى الله لا يسامح ظروفك " 😢☹️