سَراب

عفى الله عن صدرٍ من الوقت لو ينهار ‏ما يشكي مُعاناته على بعيد وقريّب ‏ليا حس في حزنه توارى عن الأنظار ‏ولا يوقع من همومه وضيقه قريّب

لو جفت الأيام وتبدل كل اللي حولك خلك مثل هالشجرة صامد لحالك

عساهم على أحسن حال وأنا على أحسن حال وهم في غنا عني وأنا في غنا عنهم‏

‏وش الفايده ياعين حكم القدر غصّاب ‏حياة ابن آدم هكذا شمس و ظلالي ‏خلاص انتهى مافات و أمر الله الغلّاب ‏وكلٍ معرض للضما و أشهب اللالي

سَراب pinned «لا زمن يرجع ولا غالي يدوم الدّايم الله وكل شمسٍ تاليها غروب»

لا زمن يرجع ولا غالي يدوم الدّايم الله وكل شمسٍ تاليها غروب

لا تزعّلني وتحكم علي إني زعول وانت تدري مستحيل أزعل الا من بلا والعذر في بعض الأحيان ما يلقى قبول في وسع صدرٍ تحمّل زعل لين امتلا مشكلة غلطتك ما تقبل أنصاف الحلول والمصيبة لك معزة، وتقدير، وغلا

شينها الأعذار لا جات يحملها الغرور كنها تكريم الأموات بعد المعركه وين بدفن خاطري بين سكان القبور وخاطري أكبر من الارض بأنها تدركه

احمل طموحاتي على كف الأحلام وأقابل الدنيا بصبر وشرّاسه ما زلت أعاني من شقا جور الأيام ولا زالت الأحلام قيد الدراسه

يقولون الأولين شد لسانك يعلى شأنك وخل سكاتك يوجع أكثر من كلامك

إحذف كل اللي يسبب لك إزعاج ولا تفكر في شعوره دقيقه خل التخلي لك على طول منهاج وشف كيف تصفى لك وجيه الخليقه الناس مافيهم إذا باروا علاج ومن لا يثمّن قيمتك في حريقه

إما عزيمة تضرب بها الأمثال ولا خلك لدروس الليالي ضحية

الرزق مكتوب والأقدار مكتوبة لا تشغل البال بالدنيا وما فيها أحرص على طاعة المعبود والتوبة وباقي أمورك ترى ربك يسويها

احسب أني دايم الدوم لي صدرٍ وسيع وأن عيني دايما ما تهل دموعها لين مريت الدهر عقب ما حنا ربيع وشافت العين المنازل ودار ربوعها كل ما لدت تحرك من الذكرى مزيع مقفياتٍ بعد أهلها وصعب رجوعها ذي مداهل ضحك الأيام يوم إنا جميع وذي منازلهم هبوب الرياح تلوعها

نية الإنسان في كل المساعي تفعل أفعالٍ ما تفعلها ذراعه

النفسُ ترجوا والأماني جمةٌ ‏والعبدُ يدعوا والكريمُ كريمُ

يارب مثل ما الفجر في ثانية يبدل دُجى الليل ‏ أبدل عتيم الروح و الفؤاد بسناءٍ سرمديّ

«يا أبو ضحكةٍ في طوارفها للأحزان منفذ عبور ‏صداها يزيح الحزن عن صدري لو إنه ثقيل»