Infocom.uz

Bojxona qoʻmitasida “Rahbar va yoshlar” formatidagi uchrashuv boʻlib oʻtdi. “Innovatsiyalar, sun’iy intellekt va robototexnika kuni” munosabati bilan “Sun’iy intellekt vositalaridan samarali foydalanib, xodimlar ish samaradorligini oshirish bo‘yicha amaliy mashg'ulot” mavzusida videokonferensiya tarzida seminar-trening tashkil etildi. Unda Bojxona qoʻmitasi Raisi maslahatchisi U.Pirmuxamedova, Sun'iy intellekt va raqamli iqtisodiyotni rivojlantirish markazi bosh mutaxassisi Jasurbek Nematullayev hamda hududiy boshqarmalar shaxsiy tarkibi ishtirok etdi. Tadbir davomida sun’iy intellekt texnologiyalarining bugungi kundagi rivojlanish tendensiyalari, ularning boshqaruv va xizmat faoliyatidagi o‘rni, va zamonaviy AI platformalarining imkoniyatlari haqida batafsil ma’lumot berildi. Shuningdek, ishtirokchilarga sun’iy intellekt bilan samarali ishlashning asosiy tamoyillari, sifatli natija olishda SI bilan ishlash madaniyati, murakkab so‘rovlar elementlari hamda turli sun’iy intellekt modellarining o‘ziga xos jihatlari amaliy misollar asosida tushuntirildi. Seminar-trening davomida taqdimotlar va axborot materiallarini qisqa vaqt ichida sifatli tayyorlash, ma’lumotlarni tahlil qilish hamda kundalik ish jarayonlarida sun’iy intellekt vositalaridan oqilona va xavfsiz foydalanish bo‘yicha tavsiyalar berildi. Uchrashuv interaktiv ruhda o‘tib, xodimlar o‘zlarini qiziqtirgan savollarga mutaxassisdan batafsil javob oldilar. Amaliy mashg‘ulotlar davomida ishtirokchilar turli vazifalarni sun’iy intellekt yordamida bajarish bo‘yicha tajriba almashib, zamonaviy raqamli vositalarning amaliy imkoniyatlarini sinovdan o‘tkazdilar. Mazkur tadbir bojxona organlari xodimlarining raqamli kompetensiyalarini oshirish, innovatsion texnologiyalarni xizmat faoliyatiga keng joriy etish hamda sun’iy intellekt vositalaridan samarali foydalanish ko‘nikmalarini rivojlantirishga xizmat qiladi. 📌 Instagram | Telegram | Facebook | Youtube | Website

“Toshkent metropoliteni” DUK xodimlari uchun sun’iy intellekt bo‘yicha seminar-trening tashkil etildi “Sun’iy intellekt va raqamli iqtisodiyotni rivojlantirish markazi” mutaxassislari tomonidan Toshkent metropolitenida faoliyat yuritayotgan xodimlar ishtirokida sun’iy intellekt texnologiyalarining dolzarb yo‘nalishlariga bag‘ishlangan amaliy seminar-trening bo‘lib o‘tdi. Tadbir davomida sun’iy intellekt texnologiyalarining bugungi kundagi keng imkoniyatlari hamda ularni ish jarayonlariga samarali joriy etish yo‘llari muhokama qilindi. Xususan, ilg'or sun'iy intellekt vositalari yordamida tahliliy hisobotlar, vizual taqdimotlar, rasmiy xizmat hujjatlari va boshqa ish materiallarini qisqa vaqt ichida hamda yuqori sifatda tayyorlash bo‘yicha amaliy tavsiyalar va master-klass namoyish etildi. 📌 Instagram | Telegram | Facebook | Youtube | Website

Joriy yilning 28–29 iyul kunlari IIV Akademiyasi magistratura tinglovchilari uchun “Raqamlashtirish loyihalarini boshqarish va sunʼiy intellekt texnologiyalarini amaliyotga joriy etish” mavzusida oʻquv-seminarlar tashkil etildi. Seminar-trening davomida, generativ sun’iy intellektning ishlash prinsiplari va imkoniyatlari hamda uni ish jarayonida qo‘llashning samarali usullari va prompt yozish tamoyillari bo’yicha amaliy va nazariy bilimlar berildi. Mashg‘ulotlar real misollar va interaktiv muhokamalar asosida olib borildi. Shuningdek, seminar davomida axborot va ma'lumotlar xavfsizligi hamda maxfiylik talablariga qat’iy rioya qilish, sun’iy intellektdan foydalanishda mas’uliyatli yondashuv zarurligi alohida ta’kidlandi. 📌 Instagram | Telegram | Facebook | Youtube | Website