الشاعر عزيز المياحي

ما عـودتني اعله الهجر وينك احسبني ميته من تسد عينك كونك تروح اكضيها نوح احسبني ميته من تسد عينك ~~** ويــــن رايح يالعزيز يا بــــشر يقبل فراگ افضل بشر من تموت انه اموت بليل فاطـــم بـعــد مايطلع گمر عيني مايلفيها نوم حگها عيني بليلها تشوف السهر بغيابك .. اعاني تــريد اتــروح عـــــــن بنيتك وين وحقك .. يغالي جرح مو دمعه عگبك تذرف العين عليه .. وداعك احس يـوم الوداع افراگ روحين ..... ثمنطعش عــمري واليتــــم لوعه من دونك اگضي ايامي موجوعه مات الطموح اكضيها نوح احسبني ميته من تسد عينك ~~** ياحبيب الله الامين روحتك اخذت الواهس من حياتي بين دمعي والجروح يجيب ويـــودي الحنين الذكرياتي ام ابوها ابلايه روح انه ذاتك وانتَ هـــــــم اتصير ذاتي اخاف .. واكلك وراك الزمن مـدري لبتك اشضام المواجع .. خذتني حزينه او ضلمه صارت كلها الايام دليلي .. شيجبره مضيف اوجـــاع صار يعزب آلام ..... يبدي صباحي بالجرح يبدي كــلشي وراك ابـگلبي متبدي تلمني الجروح اكضيها نوح احسبني ميته من تسد عينك ~~** يا جواب لكل غريب مسحة چفوفك على اليمرض دوه نورك الما مثله نور ضاع منــــي و راح مشكاة الضوه خنگه من ماشم هواك الهوه يمــــك يختلف عن كل هوه اذكرك .. ادورك احن الطولك الــ عن عيني ما راح سبيلي .. اتاني الحزن باب الفرج والدمعه مفتاح چفوفك .. الحنينه شوكت اتلاگه بيهن بعـــد وارتاح ..... خنگت الفاگد من يجي المغرب يذكـــــر اعزازه ويبقه متعذب ماعندي روح اگضيها نوح احسبني ميته من تسد عينك ~~** من بعد ذاكَ الحنان ما اظـــن يعـــــبر عليّ ليل وانامه عفت ابن عمك واخوك الچان يرعى ايتام صار من اليتامه لكبرك اتعنه واگول على بنيتك هالزمـن وجهه سهامه نحيله .. وكسيره بيتي احــــزان صـار وصار لچمه افتقرنه .. وجودك او وجودك هوه جان بذاته نعمه اذيه .. اليفارگ شحال الراح مــــنه نبي الرحمه ..... اعظم مصيبه غيرت وضعي تلجمني حد ماينكسر ضلعي وموتي بوضوح اگـــضــيها نوح احسبني ميته من تسد عينك ~~** من يجي وكت الاذان والمؤذن مــــــن يصيح اللهُ اكبر يوصل لأسمك اصيح ليش يا بويه عفت سورة الكوثر بجرحي اوگف للصلاة بگلبي نار الفرگه ماعافتني تسعر المنيه .. خذتك رحت عني وخلص بويه زمانك وحشتك .. عليه منو يسدها ومنو اليملي مكانك بصفنتي .. اشوفك من اشوفك هم تغطيني بحنانك .... الشده شفتها مــــن بعد موتك المحراب ينحب مفتقد صوتك وجهك سموح اكضيها نــــوح احسبني ميته من تسد عينك ~~** خادم القصيدة عزيز المياحي

‏رديـــــنه عالناگة بدرب ‏من عنده ملچوم الگلب .. مابـي محنه ‏فــــدوه التعــب كله الك ‏بس رايده خويه اوصلك .. يابعد اهلنه ‏.. ‏من بعيد/كمت اصيح/جيتك يابو الملگه الحلو ‏رد عليّ/يا حســــــين/زينب تــــرى ابعازة اخو ‏الماله اهـــل/مــــن يضيــــع/اليستقبله بله منو ‏.. ‏هالرديت .. والشوغه بيه ‏ويـن حسين .. والد رقيه ‏من الشام .. ارد اشتكيلك ‏طبيت اله .. وردني سبيه ‏++++++++++++++++ ‏جيتك بعد ضيم اليسر ‏وابمية رشـــــيت الگبر .. وضليت اشمك ‏يابن امي فز من نومتك ‏مــو كافي طالت غيبتك .. مشتاگه اضمك ‏.. ‏من اختنگ/چنت اجيك/ مــــــن عنـدي ينزاح الالم ‏اتطــــــشرت/ يالحنين / وحضنك خذاه مني السهم ‏هــسه اجيت/بيه هـــــم/ ومخنوگه مـــن گد الهظم ‏ .. ‏حگه يموت .. اليفگد اخوته ‏ليش يعيش .. واخوانه موته ‏وين الحيد .. فارگنـي منكم ‏واليفــارگ .. تگبـــــــر بلوته  ‏+++++++++++++++++ ‏مشتاگه اجيت لخوتك ‏يالعطشتني لــــــرايتك .. عباس وينك ‏ياخويه لا تنسى الربه ‏ولا تنسى ايــام الصبه .. افتحلي عينك ‏.. ‏ابچي ليش/ ماكو ايد / تمسح دمعتي ابكربله ‏انه هيــج/بيه صـــار/مــوش انه چنت امدلله ‏مـــو عتاب/راح امــوت / صعبه عليه المسأله  ‏.. ‏تبچي العين .. محد مسحها ‏مامش ايـــد .. تهود جرحها ‏يا عبــــــاس .. اگعد حبيبي ‏اختك هـاي .. فراگك ذبحها ‏+++++++++++++++++ ‏الاكبر اجته امــه تون ‏والقاسم امه بيا حزن .. ماتگـدر تصيح ‏ذبحتني اه يأم الولد ‏لهسه تـــدور ع المهد .. واتگوم وتطيح ‏.. ‏بالحـــــــــرگ .. مـــــــــهده راح .. واللهُ اكبر يالحرگ ‏يالرباب .. كـــــــافي اگـــول .. ابنـــچ لگيتي وانشبگ ‏شحال اخوي .. عالتراب .. ثوبه انسلب فوگ السحگ ‏.. ‏ريت نموت .. كافي نعاني ‏هيج نگول .. واحد للثاني ‏مكسورين .. كسره چبيره ‏بلي حسين .. مـر يازماني  ‏+++++++++++++++++ خادم القصيدة عزيز المياحي

‏بعد سبــيّ الضعينة ،،،،، رجعنه للمدينة  ‏مايتوصف الحال ،،،،، بس نسوان واطفال  ‏ ‏ ‏رجعنه للمدينة .... رجعنه للمدينة  ‏++++++++++++++++++++++ ‏رجعنه للمدينة بحــال يكسر واهس الملكه ‏منتظرينه من ايام عليهم طالــــت الفركـــه ‏ردينه بألم وجروح امـــــــل مابينه للشبكه  ‏يا طفـــــــــلة اليلزموها تكلهم اخ محتركه  ‏ ‏ ‏هلي بتكم غريبة ،،،، خذت حيلي المصيبة ‏يريت العمر ماطال ،،،،، بس نسوان واطفال  ‏ ‏رجعنه للمدينة .... رجعنه للمدينة  ‏+++++++++++++++++++++++ ‏هلي لـــــــو تبجي دم عيني مـا تنلام ابد عيني  ‏اعلى وجه الكاع شافته طريح مسلب حسيني  ‏ردت اوصـــــــله واشتمه الـــــــوادم ماتخليني  ‏اركـض عالجمر والسوط مثل الجمره يجويني ‏ ‏ ‏صدك زادت بلوتي ،،،، وتعب كلبي اعلى اخوتي  ‏بقيت بعازة ارجال ،،،، بس نسوان واطفال  ‏ ‏رجعنه للمدينة .... رجعنه للمدينة  ‏++++++++++++++++++++++++ ‏خل احجيلكم عالضيم مـــن ناخ الضعن يمهم  ‏هناك اهل الرسايل ذيـــج سيوف تحولوا كلهم ‏هلي حـتى الطفل ذبحوه ولا واحد سلم منهم  ‏تاليها خــذوني الشام وصــــــرت انه اسيرتهم  ‏ ‏ ‏تمنيت الهواشم ،،،، تجي تشوف العمايم  ‏فوك ارماح تنشال ،،،، بس نسوان واطفال ‏ ‏رجعنه للمدينة .... رجعنه للمدينة  ‏+++++++++++++++++++++++++ ‏وصــلت الشام اه يالشام دخلته ابحسره وبمدمع  ‏احشــــــــم اخواني مذبوحين والمذبوح مايرجع  ‏تلكونه بشتم واحــــجار وكلــــــبي بحركته اتلوع ‏من كد الهظم والضــيم راد مــــــــــن الضلع يطلع ‏ ‏هواشم ماكو يمي ،،،، الغريبه هناكه اسمي  ‏صدك بيه الدهر مال ،،،، بس نسوان واطفال  ‏ ‏رجعنه للمدينة .... رجعنه للمدينة  ‏+++++++++++++++++++++++++ ‏ملجومه مـــن اجيت الكم ويامعضمها هاللجمه  ‏وين الحيـــــد والصنديد انداس ابكربله جسمه  ‏لحـد ينشد اعــــــلى حـسين عفته سابح ابدمه  ‏جـــــرحنه هناك جان الماي وكلها تصيح ياعمه ‏ ‏عطشنه هناكه كلنه ،،،، النهر ذبّح زلمنه  ‏هدمنه مثل الاجبال ،،،، بس نسوان واطفال  ‏ ‏رجعنه للمدينة .... رجعنه للمدينة  ‏+++++++++++++++++++++++++ ‏خادم القصيدة ‏عزيز المياحي

‏اليسافر غيـر اهله تفگده ‏ويتلگونه ابــــدرب الرده ‏رديت مــوش  انه ‏من الضيم   تعبانه  .. رديت ‏++++++++++++++++ ‏1 ‏مـــن ابعيد شفنه اگبور ‏عبــــالك امـــس عاشور .. زاد الهم ‏هاي الطاحت مـن النوگ ‏وذيج اتطشرت من فوگ .. ما تلتم  ‏.. ‏ضعـن لچمات ‏شـبع شوغات ‏رجــع منكوب ‏الامل بي مات ‏.. ‏هـــــنا ردينه لنفس الديره ‏الماخلت حلم اعله ازغيره ‏ويــــزيد مبچانه ‏من الضيم تعبانه .. رديت ‏++++++++++++++++ ‏2 ‏رجعنه وچانت الخطوه ‏نجرها مـــن التعب گوه .. بينه جروح ‏بعـــدها اثار ادينه هناك ‏مــــــن يا خــويه لميناك .. يـا مذبوح ‏.. ‏اصيــــح حسين ‏وتهــــــــل العين ‏يرد بس صوتي ‏كلكـــــــم ميتين  ‏ .. ‏زينب مـحد يستقبلها ‏هاي التلچمها وتكتلها ‏محــــــــد تلگانه ‏من الضيم تعبانه .. رديت ‏+++++++++++++++++ ‏3 ‏اجيت وبيدي جبت الروس ‏الامس فوگاها خيل اتدوس .. وانه احتار ‏تـــراب الطف اخذته اوياي ‏ورجعت وبعده فوگ اعباي .. من الصار ‏.. ‏عثـرت اهواي ‏وانه ابـلا ماي ‏الخيـــم تلهب  ‏و  ادور   رآي ‏.. ‏هذا مـن العاشر ظل بيه ‏وظـــــل يتبرك بالعلويه ‏مــــــا راح ويانه ‏من الضيم تعبانه .. رديت ‏+++++++++++++++++ ‏4 ‏خل احجيلك اعلى الضيم ‏الغربه اتصول واحنه نهيم .. نص السوگ ‏شمس الشام تطلب ثار ‏عليّ مــن كل كتر تندار .. يا مسحوگ ‏ .. ‏الاخــــو ينراد ‏يأبـــو السجاد ‏تگشـر اوجـوه ‏شمسهــم غـاد ‏.. ‏بالفــــي نگعــد ما خلونه ‏اليگعد بالسوط يگومونه ‏العيـــــون ذبلانه ‏من الضيم تعبانه .. رديت ‏+++++++++++++++++ ‏5 ‏حسين اعذرني بس بهاي ‏رقـــــيه مـــا جبتها وياي .. تعرف ليش ‏شافت راسك المذبوح ‏واستفحل عليها النوح .. صعبه تعيش ‏.. ‏بقــــت تبچيك ‏وتصيح اشبيك ‏صدمهــا الراس ‏كتـــــــلها البيك ‏ ‏صاحت بويه وما كملتها ‏ماتت غصــت بحجايتها ‏وهـــناك واهنانه ‏من الضيم تعبانه .. رديت ‏+++++++++++++++++ خادم القصيدة عزيز المياحي

‏مـــو مالت سبي زينب ‏ گلبها من العطش يلهب ‏مثل روحك ‏ساعه اوگف وساعه امشي ‏وساعه اتلفت لكلشي ‏على جروحك ‏ ‏تعبانه ويعــــــــاين عالــــرمح ليه ‏خلص صبري وبعد كل حيل مابيه ‏ ‏خلص كلبي واصيح بصوت ‏مخنوگ مخنوگ مخنوگ ‏زينب ياوكت تنشاف ‏بالسوگ بالسوگ بالسوگ ‏ ~~~~** ‏يكاسر واهسي وگلبي ‏نايــم عفتـك ابـدربي ‏ورحت عنك ‏رغم ما راسك اگبالي ‏طابع جــسمك ابالي ‏عدل چنك ‏ ‏كل حيلك اشوفه من الرمح رايح ‏نضراتك عليّ بيهن عتب واضح ‏ ‏گبالي انته وخذاني لطولك ‏الشوگ الشوگ الشوگ ‏زينب يا وكت تنشاف ‏بالسوگ بالسوگ بالسوگ ‏~~~~** ‏كـــل ماتوگف الناگه ‏ادير اعليك مشتاگه ‏واظل انحب ‏وحــــــــگ الزهره تعبانه ‏احس روحي انه موش انه ‏الگبل زينب ‏ ‏زين وعايشه وبالگوه متحمله ‏ميته ولا ارد بناگتي الهزله ‏ ‏بيه تميل اخاف تذبني ‏من فوگ من فوگ من فوگ ‏زينب يا وكت تنشاف ‏بالسوگ بالسوگ بالسوگ ‏~~~~** ‏وصلت الشام طرگ اسمي ‏نشف مـــن الخجل دمي ‏ورى عيونك ‏الشام بكبرة ماهمني ‏كلشي ولا تعاتبني ‏على ضعونك ‏ ‏مــا بين الخرايب عازتك عازه ‏يماتدري النفس بجفاكم موازه ‏ ‏الخسر اهله يعيش وگلبه ‏محروگ محروگ محروگ ‏زينب يا وكت تنشاف ‏بالسوگ بالسوگ بالسوگ ‏~~~~** خادم القصيده ‏عزيز المياحي

https://youtu.be/u7yS8DW4VYY?si=FTJmo5JQIH6dAEQX

https://youtu.be/gdcwB7zvyqI?si=q8ahdgcWwsogT_ob

https://youtu.be/KE_hqVkM8a8?si=mudUhbsKyblCekwh

‏بعــــد حنيتك عگبك ما اصاحب ‏تطيب اجروحي وجرحك ماطايب ‏وذنوبي تعادل حافر ‏ما اخجل منك صاير ‏ ‏حسين ‏،،،،،،،،،،، ‏صعبه المنسحگ بالخيل وتحبه ‏مـــن المفترض بأعمالك اتطيبه ‏تستغفرلي وارجع عالذنب نفسه ‏اسف مــن اكلك تنحسب جذبه ‏ ‏يبعد عيــــوني اســف اذيتك ‏مشغول بدنيه وعايف حنيتك ‏بالحب ديوانك عامر ‏ما اخجل منك صاير ‏ ‏ حسين ‏،،،،،،،،،، ‏عنده احساس گلبي من اليجرحونك ‏چا يمته اصير امــــــــن اليطيبونك ‏تزين لروحي دنياي واحــــــب ذنبي ‏تعبت يــوميه اكلك بعــد ما اخونك ‏ ‏كـــــــــون اتعاقبني تـحسسني ابذنبي ‏ساعه امشي بدربك وساعه امشي بدربي ‏وابجيلك بس بالعاشر ‏مــا اخجل منك صاير ‏ ‏حسين ‏،،،،،،،،،،، ‏صايــــر صيت عندي واطلع وامشي ‏ولو مـا انتَ يمي صــــعبه املك شي ‏شكر واجب اصلي چي عرفت حسين ‏وشــو انا لصلاتي گــــوه افك رمشي ‏ ‏شما اعــــاهد نفسي تكثر زلاتي ‏عود مــن الماتم جـامع زيناتي ‏ويوميه ابموقف حاير ‏ما اخجل مـنك صاير ‏ ‏حسين ‏،،،،،،،،،،، ‏ساعدني اعله نفسي ارجوك ساعدني ‏كل مـــــــره ابهواها اجباري تاخذني ‏فطرتي اتريدك وما عندي غيرك باب ‏وانه الـــدكيت بابك حـــاشى تتركني ‏ ‏بداعت كل غالي ثبتني بدربك ‏خليتك بيـــه خــــليني ابگلبك ‏انــتَ التنهي والتامر ‏ما اخجل منك صاير ‏ ‏حسين ‏٫٫٫٫٫٫٫٫٫٫٫ ‏حنانك لمني لمن صبت ادموعي ‏وياريت ابمكانك تنرض اضلوعي ‏يتارسني فخر ومعلي شاني هواي ‏صرت سالفتي انتَ وانتَ موضوعي ‏ ‏مدنگ كدامك (حر )هم احسبني ‏وشتريد اتســــوي حـــته اتأدبني ‏شتفصل البس حاضر ‏ما اخجل منك صاير ‏٫٫٫٫٫٫٫٫٫٫٫ ‏خادم القصيده ‏عزيز المياحي

‏استشهاد الامام الحسن المجتبىٰ عليه السلام ‏........ اه يازمن طايح اخوي اگبالي ‏هذا العزيز الغالي .. طاح ‏ ‏لوعه الفگد والينكسر بأخوانه ‏يملي الحزن بيبانه .. راح ‏ ‏من جرحه رايح حيلي .. كل حيلي ‏يم راسه انوحن وابن امي.. يبچيلي ‏اليفگد اخو راح يحس .. بالويلي ‏ ‏ابن امي طايح ‏عني رايح ‏٫٫٫٫٫٫٫٫٫٫٫٫٫ ‏يمه اگعدت ويلوج من آلامه ‏وزينب تون گدامه .. بـ اه ‏ ‏خويه صحت مسموم يابعد اهلي ‏باجر منو اليفزعلي .. ويلاه ‏ ‏باجر اريدن بس ناصر .. بالعاشر ‏تقبلها اضلن وحدي .. ابلا ناصر ‏كلها عليه وبس عيوني .. تناطر ‏ ‏جرحه واضح ‏عني رايح ‏٫٫٫٫٫٫٫٫٫٫٫٫٫ ‏عازه الاخو صوت الحسن ماسمعه ‏وباقي اعله خدك دمعه .. ليش ‏ ‏منها اعرفت بهالدمعه شايل همي ‏من يطيح باجر جسمي .. بجيش ‏ ‏يابن امي اگعد حاجيني .. ياعيني ‏بموتك اموت وشيسكتلي .. اونيني ‏فراگك جمر بين ضلوعي .. ويچويني ‏ ‏فراگه جارح ‏عني رايح ‏٫٫٫٫٫٫٫٫٫٫٫٫٫٫٫ ‏ذاك النعيش يومي ردت مو يومك ‏من تغيب عني رسومك .. وين ‏ ‏فراگك كسّر ظهري انكسر بغيابك ‏وكلساع اشم بثيابك .. حسين ‏ ‏اتمنه يابعد اعيوني .. يدفنوني ‏وياك ابكبر واحد كون .. يخلوني ‏مو يمي باجر انته من .. يذبحوني ‏ ‏صوتي صايح ‏عني رايح ‏٫٫٫٫٫٫٫٫٫٫٫٫٫٫٫ ‏خادم القصيده ‏عزيز المياحي

https://youtu.be/rjpKw4gC_3w?si=W3WxJDUir-zCbeZu

‏زغيره واخذوها سبيه ‏معصبه راحت رقيه ‏يا حسين … ‏طفله ماضل بيها ملگه ‏تعيش لو ينطيها شبگه ‏تصيح وين … ‏ ‏فگد الابـــو حيره ‏وشحـال الـزغيره ‏بيـــد البــلا غيّره ‏ ‏يضـربوهــا يـوميه ‏مـــــــا چنها علويه ‏والمــــــشكله ابنيه ‏ ‏تريد المحنه … مامش حضن ‏وينك يـ بابا … تصيح وتون ‏من فارگيتك … چـني ابسجن … ويلاه رقيه ‏ ‏فوگ فـگـــد الاهل ‏الضيم بيها اشعمل ‏ضاع منــــها الامل ‏---------------** ‏الراحه ما شافتها مرَه ‏من الشمس وجنتها سمره ‏من مشت … ‏تريد ابو خاطر تگله ‏ العيشه من دونك مُمله ‏شگد بچت … ‏ ‏تعــــــبانـه اذوهــــه ‏بكــل ديـــره فروهـه ‏شما تبجي ضرّبوهـه ‏ ‏ليل الخرابه اسود ‏يخــلي العمر ينهد ‏بالگوه مــــن تگعد ‏ ‏ما كافي صعدت … فــوگ الهزل ‏هــــم بالخـرابه … تـبات وتضل ‏تعبها كــــلش … ضـيم الحبل … ويلاه رقيه ‏ ‏نار بيـــــن الضلع ‏دوم بـس تنوجع ‏جفاك خضّر دمع ‏-----------------** ‏طيف مـرت بي رقيه ‏كله لجمات و اذيه ‏شگد عذاب … ‏شگد وكتها وياها قاسي ‏ تحملت كل هالمآسي ‏والمصاب … ‏ ‏ماتحجي مختنگه ‏مكسوره ومـدنگه ‏بالطيــف محترگه ‏ ‏مــن الــــركض تعبت ‏مـــرعوبه مـــن فزت ‏صوب الطشت رگضت ‏ ‏بين المآسي … عـــــــاشت الم ‏من الضربه … ضلت ما تنلجم ‏رادت ابوها … صــاحي ابحلم … ويلاه رقيه ‏ ‏ليش صـوتك سكت ‏تصيح وينك حجت ‏اه وشـــــــگد بچت ‏-------------** ‏يمها جابو راس ابوها ‏ونت وما صبروها ‏چنها موت … ‏عالطشت نومتها نومه ‏ماتت بحسره كتومه ‏ماكو صوت … ‏ ‏من شـمّة اغصانه ‏وداهــــــا لأحزانه ‏مــــا فتح ذرعانه ‏ ‏بس راس لاگاها ‏بعيونه حاچاها ‏بالحسره ملگاها ‏ ‏لأحضانه ردت … رغـــم الوجع ‏ازمـــة فــــراگه … تحني الضلع ‏لـــزمت لحيته … ومات الدمع … ويلاه رقيه ‏ ‏تموت مثل العطر ‏بين خوف القصر ‏هيـــــج راد القدر ‏---------------** ‏خادم القصيده ‏عزيز المياحي

‏عليك اديار اهلنه اليوم زعلانه +++++++++ عمت عيني عليك تنـــــام ياصنديد ‏عيدين الاجـــــن مامش طعم للعيد ‏يراس الشيعه انته ومثل جدك حيد ‏ ‏عليك اديار اهلنه اليوم زعلانه ‏ ++++++++ ‏ ‏طيحــوا العمايم طاحتلنا عمامه ‏وحگ اللطم لو نلطم اعله الهامه ‏كـــل شيعي واجب ينشد الثامه ‏ ‏هذا الدمه شيعي بكلهن ويانه ‏+++++++++ ‏هذول اهل العراق الشيعه انصارك ‏يبـــــو القناصه اهـــلاً بيك بديارك ‏مــــو خطار انته احــــــنه خطارك ‏ ‏نشيعك يم علي بگلوب حزنانه ‏+++++++++ ‏هـــذا الكابلاها مكابـــــل مسرفن ‏باليستي السوالف بالـسمه مدخن ‏روح اسئل عليه يم قطر والاردن ‏ ‏بصواريخه تكلك هذا بچانه ‏+++++++++ ‏يموت الزلمه من ينهضم عالزلمه ‏يبو مجتبى موتك فجه مو ثلمه ‏يريت اعيونه مــــن البچي تعمه ‏ ‏فراگك مر ولا ينجرع اذانه ‏++++++++++ ‏ســـــــــيد والمــواقف تشهد ليومك ‏وما حــاجه تسولف نعرف اعلومك ‏الخلگ تلبس درع بس انت بهدومك ‏ ‏انت النفختر عالناس خلانه ‏+++++++++++ ‏يبو القناصه يالفارك خــشوم الكل ‏مثل جدك كلت هيهات مـــنا الذل ‏خريف ابنص شجــر خليتها تذّبل ‏ ‏ببو چف الثجيله السطر عدوانه ‏+++++++++++ ‏يا جــوهر فــــريد ولمع عالياقوت ‏يا وســـفه المواقف شالها التابوت ‏مو بيت الحزن سوينه ليك ابيوت ‏ ‏عليك امعصبات الشالن اربانه ‏+++++++++++ ‏يا در النجــــــف يالتلمع وصافي ‏ماتعرف تعـــب يالما كلت كافي ‏تستاهـــل اجيــك مهدل وحافي ‏ ‏بيارغنه وعگلنه اتطيح جوانه ‏++++++++++++ ‏مرتضى فيصل الشمري ‏عزيز المياحي

https://youtu.be/f5vF-OjQlNw?si=S-ybW7M0MjJaZpAd

https://youtu.be/ZnZ0o1ZIYvg?si=cBZi3a6CmRq3bsqH ثوابها الى ارواح الشهداء وبالاخص الى روح المرحوم (احمد حسين سعدون)

https://youtu.be/_lar3lb3rw0?si=WKq39BEf8micn384

‏مـــو مالت سبي زينب ‏ گلبها من العطش يلهب ‏مثل روحك ‏ساعه اوگف وساعه امشي ‏وساعه اتلفت لكلشي ‏على جروحك ‏ ‏تعبانه ويعــــــــاين عالــــرمح ليه ‏خلص صبري وبعد كل حيل مابيه ‏ ‏خلص كلبي واصيح بصوت ‏مخنوگ مخنوگ مخنوگ ‏زينب ياوكت تنشاف ‏بالسوگ بالسوگ بالسوگ ‏ ~~~~** ‏يكاسر واهسي وگلبي ‏نايــم عفتـك ابـدربي ‏ورحت عنك ‏رغم ما راسك اگبالي ‏طابع جــسمك ابالي ‏عدل چنك ‏ ‏كل حيلك اشوفه من الرمح رايح ‏نضراتك عليّ بيهن عتب واضح ‏ ‏گبالي انته وخذاني لطولك ‏الشوگ الشوگ الشوگ ‏زينب يا وكت تنشاف ‏بالسوگ بالسوگ بالسوگ ‏~~~~** ‏كـــل ماتوگف الناگه ‏ادير اعليك مشتاگه ‏واظل انحب ‏وحــــــــگ الزهره تعبانه ‏احس روحي انه موش انه ‏الگبل زينب ‏ ‏زين وعايشه وبالگوه متحمله ‏ميته ولا ارد بناگتي الهزله ‏ ‏بيه تميل اخاف تذبني ‏من فوگ من فوگ من فوگ ‏زينب يا وكت تنشاف ‏بالسوگ بالسوگ بالسوگ ‏~~~~** ‏وصلت الشام طرگ اسمي ‏نشف مـــن الخجل دمي ‏ورى عيونك ‏الشام بكبرة ماهمني ‏كلشي ولا تعاتبني ‏على ضعونك ‏ ‏مــا بين الخرايب عازتك عازه ‏يماتدري النفس بجفاكم موازه ‏ ‏الخسر اهله يعيش وگلبه ‏محروگ محروگ محروگ ‏زينب يا وكت تنشاف ‏بالسوگ بالسوگ بالسوگ ‏~~~~** خادم القصيده ‏عزيز المياحي

وليدي المــــزيون الخيال حاجـب عينه تگول هلال چن جده ومتروس افعال قائد عالقاده ســد وردهم مثـــــل الماي ركضهم بالـــــــبر حــــــفاي شردو صــاحو هـــذا الجاي زمزير الساده .. من اشوفه اوليدي يجبل عليّ كلشي بيه يصير اله ومو ألي يحبه جده المرتضىٰ من الزغر هوه لمربي علي يطلع علي .. وراث العزم … جــده بالاسم … من علي العلي الاكبر الجده ينتمي … اوليدي هاشمي … وهذا تربية حيدر چنه حيـدره …. وحلمه خيبره …. بكربلائه تتكرر كرار لو ثار كل همي ينجلي والناس تصيح علـي يشبه علي علي الاكبر لو علي حيدر ------------------ واحــد ويشوفونه هواي يسحگ بيهم رايـح جاي مـــــــن چفه مبين رماي ويصيب العايل واگف هـــوه وملج الموت بــس الــــريح گباله يفوت زلزال مــــن يصيح بصوت چن عمه الكافل .. شـــما كـبر ويـــــاه جماله كبر تسجد لحِسنه الشـمس والگمر يطهر الشـــوف بـــحلاته عـلي حته يوسف مــن جماله اعتذر .. گباله ماوگف … واحــد وعرف … بيده يــلزم الصارم العاده يبتلي … البي عزم علي … راجع لنسب هاشم يطشر ويلم … خورس الزلم … حصته راس ابن غانم .... بالراس نيران اليگربله يصطلي والناس تصيح علي يشبه علي علي الاكبر لو علي حيدر --------------------- يحارب من وجهه ومگفاه تگول شـما هــد علي وياه گــــــــالو فكنه لـوجه الله ماضلت وادم مثل اهله ونشمي وجحجاح يـــــذريهم مثـــــــل المرواح محـــصول وطــبهم فـــــلآح يحصد بالصارم .. مـــــن اشمن عطره انسه الحزن يمه يوگــف كلــشي حـته الزمن من يجيني بطــوله احس بالامل كـــــل مســافاته اتجاهي حضن .. من رگِه الفرس … گطعو النفس … طبها شبل ابو طالب هـــــوّس الكفو … بالحرب منو … جــده حــيدر الغالب بعينه چن سهم…يرمي ع الزلم…قوسه كسـرة الحاجب سردال خيال بأ فعاله معتلي والناس تصيح علي يشبه علي علي الاكبر لو علي حيدر ---------------------- ثگـل چفوفه مبين چان مو مالت واحد عطشان گللهم هــــــــذا الميدان انسدت بيبانه جيش اشكبره وعدكم مـاي شــــــو محـــد گايش وياي شطكم مـــــــا يگدر لضماي ابن حسين انه .. بگلبه و احسـاسه مشاعر نبي بنضره وحـــده يفتهم مطلبي مــــن وسامت وجهه اخذ مدد يكفـي اســمه واللقب طــالبي .. شراعه بالهوه … لاوىٰ نينوى … الشافه ضل شهر يرجف قارعه وطلع … واقعه و وقع … والارض غــدت تخسف اشوس وصعب … كلشي بي رعب … حته مهرته تخوف اعداد ماهاد بحيله گضاها الي والناس تصيح عــلي يشبه عــلي علي الاكبر لو علي حيدر ----------------------- خادم القصيده عزيز المياحي

‏يــوم ســابع للگمـر .. عباس عباس ‏والخيم كلهه فـخـر ‏گـــلب عاليهه حدر ‏تذب نار اعيونه ‏ ‏بالحــرب ما ينگـحـم.. عباس عباس ‏گبـاله اشــباه الـــزلم ‏دخــل ويــرف الـعلم ‏فنهم ايــلاگونه ‏ ‏هــــاي اشباه الـــزلم مـــحتاره ‏بـــريـــشته الحربيه شبت ناره ‏گلب عاليهه اعله ناصيهه الگمر ‏والـــزلم مــا واجــــهت بـــتاره ‏ ‏وين ابن امه النضر لعيونه ‏اليوم يـوم العباس تدرونه ‏"""'"''"'"'''''''''''' ‏خطف چن برق السمه .. عباس عباس ‏وســوه بيهم ملـــحمه ‏الحـــومه تارسهه دمه ‏وشالهه بچفينه ‏ ‏گبــاله يــحتار الـوصف .. عباس عباس ‏ضــل يطــگ الف بـألف ‏والــوصل يـــمه رجــف ‏هاذه حر حسينه ‏ ‏طبعه حربي من وگف بالساحه ‏واليـــخزره بعــينه ذب اسلاحه ‏مو عيون سيوف تذبح بالقـتال ‏فحــط الجيش وســـلبهم راحه ‏ ‏الجيش گدامه صفه شويونه ‏اليوم يــوم العـــباس تدرونه ‏"'"'"'"'"'"'"'"'"' ‏من صعد عزمه انتفض .. عباس عباس ‏جـــابهم طـول بعـرض ‏الجيش من هد انقرض ‏ياهو يگدر حيله ‏ ‏مـــــجعة اميه الحرب .. عباس عباس ‏وهــــوه گـــالبهه گلب ‏علگـــم وسيفه صعب ‏الواجـــهه ياويله ‏ ‏إنگطع نسله الشاف خزرة عينه ‏حــوط الــدنيه بطـــرف چفينه ‏يســـمع العباس ريـــض ياكفيل ‏جا گــــضاهه بس اهو محلفينه ‏ ‏ماي رايد والخيم مضمونه ‏اليوم يـوم العباس تدرونه ‏"'"'"'"'"'"'"'"'"' ‏النـهر جــــــــابه للخيم .. عباس عباس ‏وعينه ســـــدهه بالزلم ‏الشرد من عنـــده سلم ‏وكفو عم الساده ‏ ‏گباله مـــگطوع النفَس .. عباس عباس ‏گمر ومــچوي الشمس ‏بحيله خالسهم خـلس ‏داس فوگ القاده ‏ ‏الحومه مهره وبيد سبع الگنطره ‏غـــرگاهم بالــــــنهر ردهـــَم وره ‏عيت اترابه وخنگهم مـــن هـجم ‏گام يـــذبح بالـــــسره كل السره ‏ ‏ياهو يــگدر للگمر وفنونه ‏اليوم يوم العباس تدرونه ‏"'"'"'"'"'"'"'''''"' ‏هـــيبته هـــــيبة عــلـي .. عباس عباس ‏الكرب شاله من الــولـي ‏بسيفه كل هـــم ينجلي ‏عن وجه خيماته ‏ ‏لا فتـــى الا اهــــــو .. عباس عباس ‏ومــاله لاند لا كفـــو ‏والنعم من هل اخـو ‏سند علوياته ‏ ‏العنده اخـــو مثله صدگ هنياله ‏يعش طـــول الدهر عالي بجـاله ‏ماكو كل طول الدهر مثله اكـيد ‏كـــلشي مــات وعايشات افـعاله ‏ ‏العنده مثلك بالبشر خيعونه ‏اليوم يـــوم العباس تدرونه ‏"'"'"'"'''"'"'"'"'"'"' ‏زود كــله ومـــرجله .. عباس عباس ‏وخسف بيهم كربله ‏فــــخر كـــل امـدلله ‏من يطب ابزوده ‏ ‏وگف ابـــــــجوده الزمن .. عباس عباس ‏تــــرف وبـــصدره وطن ‏الغيــــــره والخوه التقن ‏من شمرها زنوده ‏ ‏الخـــوه درس وينوخـذ من عنده ‏وابــــو فاضل بي صــفات الورده ‏شاب واسمه مزلزل التاريخ حيل ‏وعــــدل يسطر لسه عايش بعده ‏ ‏چتف الطف وگلب كل لونه ‏اليـوم يــوم العباس تدرونه ‏'"'"'"'''"'"'''"''"'' ‏خادم القصيده ‏عزيز المياحي ‏

https://youtu.be/0aUSDWwdk2M?si=xKDY1q2gUJzOO6W_