الشاعر فيصل عاشور ( القصائد الحُسينيه )

بحزن روحك

#يارسول_الله بحزن روحك عِله نوحــــك لفركتـــك فاطمــــه وحســــين ــــــــــــــــــــــــــــــــــــــــــــــــــــــــــــــــ🪶 رسول الله ونزف جرحك على احفادك على حـزن الدهـــر اهمــه اكثر اسعادك بجيت الكــــل مصيبه اتعـــذب افؤادك تعلــــم باللذي يجــــري وره ابعــــــادك بجرح كلبك وألـــم دربك مصايــب تلحك اهــــل الدين ــــــــــــــــــــــــــــــــــــــــــــــــــــــــــــــــ🪶 تعلــــم باللذي يكيدونــــه لأم حســين فدكهـــا ينغصب واشيجري هم بعدين بحرك بــــاب وعمرهــــا ينتهي بأونين انكسارك من اجت تهمل دمـــوع العين بدمع عينك ونده ونينك علـــى بنتك دمــــوع العين ــــــــــــــــــــــــــــــــــــــــــــــــــــــــــــــــ🪶 علي يمك اجـــه وطــوله نزف حسره وصيته ابصبر روحــــه على الزهــــره بست راس الوصي وكتله على الطبره بالســــم لو قتل تمتــــد علــى العتره نبي الرحمــه وعلي يمـــه افــــراك الهــــد أبو الحسنين ــــــــــــــــــــــــــــــــــــــــــــــــــــــــــــــــ🪶 اصعب موقف وكلبك كبــــر حزنــــه اخــــر لحظــــه تشبك سيد الجنــــه الحسن بسته بشفاها وشكلت عنــــه بالسم جبده يتفطــر والحــزن منــــه الحــــزن كله على اهلـــه الدهــــر لجله بقــــى بأونين ــــــــــــــــــــــــــــــــــــــــــــــــــــــــــــــــ🪶 من بعــــد الحسن خيــــه ابـــو الاكبر تشم عطـــره وتشبكه وبسته بالمنحر راح اتظل يروحــي على الثرى مطشر عــــاري ومنسحك يبني بسموم الحـر تضل وحـدك وقلب جدك يضــــل يمــــك بألم الاسنين ــــــــــــــــــــــــــــــــــــــــــــــــــــــــــــــــ🪶 الشاعـر : فيصل عاشــور المنصوري

#سيدي_ومولاي_الرضا ع جرحه صـار غـــربــــة دار مسموم وذكر ياغربة العاشر ــــــــــــــــــــــــــــــــــــــــــــــــــــــــــــــــ🪶 مسمــــوم الجبد ياحيف بغربته والدمع هامل وضل ينعى بكلب ملجوم على جده وابو فاضل سـم الذابـــح اسنينــــه بغربته والعمـــر ذابل منهـــاج اليكمل الديــــن قتله من فعــــل فاعل نــــار اليوم بجبد مسموم امس باب وخيم واتنطر الباجر ــــــــــــــــــــــــــــــــــــــــــــــــــــــــــــــــ🪶 الرضا بهذا الحزن ناعي مامهتم وكع هل يوم نزل دمعـــه على الحره ونده ياغربة المظلوم وعلى جده نحنى ضهره على المطشر ومألوم وبعصر الرضا والصــــار بحيله ونجتل مسموم دموع العين وعلى الحسين نــــداء الغربـــه بيها ياكلب صابر ــــــــــــــــــــــــــــــــــــــــــــــــــــــــــــــــ🪶 الحزن خيم على عيونه بفراشه وذكـــر زينب نـــــاده ياغريبة شــــام وكلبه بهل ألــم يتعب الغربــــه ذبلت اسنينــه وماتت وردته وشيب كضى باقي العمر لحسين ناصب مأتمه وينحب على الذبوح حزنها الروح الرضا بحزنه نعى وتذكر الحافر ــــــــــــــــــــــــــــــــــــــــــــــــــــــــــــــــ🪶 كل ليلة التمــــر بحــزان حياته خلصت بلوعه حزنه على الوكع مذبوح حزنه وكلهن ادموعه لطم صدره وذكــر زينب وتمنى مكسره ظلوعه مسمـــوم الجبد والروح وصرخة جرحه مسموعه الرضــــا بالاه نده ويلاه على الجثه السليبه والكلب حاير ــــــــــــــــــــــــــــــــــــــــــــــــــــــــــــــــ🪶 كله جبده شراب السم وتبسم للشهاده جروح وعاش بغربة احزانـــه وعلى غربة هله هالنوح وذكر زينب على الهزله وجده على الثرى مذبوح تبسم للشهاده وكــــال عاده وخل تروح الروح بحزن روحــــه وعله نوحــــه على الحــــره الغريبه عايش مكابر ــــــــــــــــــــــــــــــــــــــــــــــــــــــــــــــــ🪶 الشاعـر : فيصل عاشــور المنصوري

#يامولاتي_يارقيه 💔 حلم لو بالحقيقه الصار رقيــه اتنادي عمه النار حاميني وآحظنيني يعمه ولا تعوفيني ــــــــــــــــــــــــــــــــــــــــــــــــــــــــــــــــ🪶 حلـــم حسبْته كــل ضني لاچــن للحقيقـــه الراي الخيمـــه احتركت اكبالي ويا جف اليطفي اوياي چا وينـــه ابـــوي حسين وعمـي الكافـــل الوفاي چاليش العطش والخوف عايش بينه رايح جــاي فزت خايــــف ومرعوب فـز كلبي وصبح متعوب لزمي جفي كوديني يعمه ولا تعوفيني ــــــــــــــــــــــــــــــــــــــــــــــــــــــــــــــــ🪶 شعدها بنص خيمنه الخيل الدم واصل خواصرها اشسحكت عمــــه كوليلـي خفت من دم حوافرها اشم ريحة ابـــــوي اهنـــا اشما گربت شفسرهــا اذا لبـــالــــي ؟ عوفينــــي وعلـي رجليها اكسرها خربت حظنه هــاي الخيل وين اغفــــه بقـــدوم الليل وعكبه عميه ياعيني يعمه ولا تعوفيني ــــــــــــــــــــــــــــــــــــــــــــــــــــــــــــــــ🪶 يعمــــه ومــن تضيعيني بصحره والأثـــر رايــح تعالــــي يم ابوي حسين تلاكين القلــب طايــح اريد عيوني تشبع شوف ولا اعتب عتب جــارح ولو وجـه ابحجر وسهام تغطه وشكله مو واضح اريد بخـــده اقبله شلون مو شحت نظــــر العيون ومن ونّـــي تعرفيني يعمه ولا تعوفيني ــــــــــــــــــــــــــــــــــــــــــــــــــــــــــــــــ🪶 يعمــــه ما ركــــد كلبــي واصوات الرعب تجرح شعدها ويانه هاي الكوم بعزيز الله اجت تذبــح دك طبل الشماته اهواي بجتلنه تضحك وتفـرح تاليهــــا يعمــــه اشلـــون الأميره ميسره تصبح اعيوني بس حزن شافت روحـــي من الألم ذابت الخوف الشفته عاميني يعمه ولا تعوفيني ــــــــــــــــــــــــــــــــــــــــــــــــــــــــــــــــ🪶 افراك الغالــــي واخوانــي وعمي صاحب الرايــــه جــــرح كلبي وكسر حيلي وفكــــري ضايع ابرايـــه خذونه عله الهزل والناس فرحـت والحجي اهوايه طاحـت خيمــــة الخــــوه وثكيله علينه الحجايــــه ضياعي من بعد اهلي بروحـــي والعمر شلي فعلهم ما جرى بديني يعمه ولا تعوفيني ــــــــــــــــــــــــــــــــــــــــــــــــــــــــــــــــ🪶 الشاعـر : فيصل عاشــور المنصوري

الئ كربلاء المقدسة ❤️

https://youtu.be/0AXMm0znXLU?si=ANE7hEvt60u19FBl

ماتت الطفله رقيه

ماتت الطفله رقيه

#يامولاتي_يارقيه 💔 يادهـر ارحــم بشـر متعوب حيله طفله متعذبه مشت فوك الهزيله لا تخليها بحزنها .. جابو الراس الحظنها وماتت الطفلــه رقيــه ــــــــــــــــــــــــــــــــــــــــــــــــــــــــــــــــ طفله من عمــر الورد عاشت اميره ما تعرف اخيول وعدو طفلــه زغيره ترفه من اطهر نسب واقدس عشيره رقيـــه بنت المنجمع كــوه ابحصيره عصبت العين وبعد ماضلت اتشوف الخوف كاتلها ولو عالغالي هالخوف الماي شح اهواي عنها .. جابو الراس الحظنها وماتت الطفلــه رقيــه ــــــــــــــــــــــــــــــــــــــــــــــــــــــــــــــــ جانت رقيـــه للسبط كلش قريبـه ومن بعد طف كربله صارت غريبه ومن بعد ليل الهضم وهاي مصيبه صارت يتيمه والحزن يحرك لهيبه يادهـــر ضلت تون بهاي الخرايــب طفله جانت من ضوه مو للمصايب بالسياط اللوعنها .. جابو الراس الحظنها وماتت الطفلــه رقيــه ــــــــــــــــــــــــــــــــــــــــــــــــــــــــــــــــ ضلت ابليل القهــر مكسوره هيــــه جابوا الراس بطشت وكالـــت خطيه وماردت منكـــم اكـــل بعـــدوا عليه ومـــن تكشف هل طشت ماتت رقيه ذبلت وماتت حـزن والدمعه بالعين شبكت الراس بقت ميته على الحسين والليالي العذبنها .. جابو الراس الحظنها وماتت الطفلــه رقيــه ــــــــــــــــــــــــــــــــــــــــــــــــــــــــــــــــ الموت ارحـــم للمشى بركب السبايــــه الشاف اهله على الارض كلهم ضحايـــه الماكـدر يركض امـس الصدمه هايــــه البالخرايـــب بس يون عينه على رايــــه الشافت انواع الضرب ركضت حسافات اهل بيت المرتضئ فوك الهزيلات بالركض يتعب جدمها .. جابو الراس الحظنها وماتت الطفلــه رقيــه ــــــــــــــــــــــــــــــــــــــــــــــــــــــــــــــــ ماتت وضـــل الاثـــر للحزن يانـــاس مشتاكه لحسين وصفت ميته على الراس ومشتاكه للكافل بعد والشَوك بحساس وذبلت سنين العمر مختنكه الانفاس ماتت وضل الحزن ينعـــى الرقيـــه ماتت وضل الاثــــر ضرب ال اميـــه بسم ابوها عالي ونها .. جابو الراس الحظنها وماتت الطفلــه رقيــه ــــــــــــــــــــــــــــــــــــــــــــــــــــــــــــــــ الشاعـر : فيصل عاشــور المنصوري

#يامولاتي_يارقيه 💔 كلبي مـــايحمل فركته الليل يكسرني وذكرته رايـــــــــده حـــســـين ــــــــــــــــــــــــــــــــــــــــــــــــــــــــــــــــ أبـــدي بهمومي وضياعي .. مـــن رقـــيــه للتركــني من صبر روحي وكسرها .. لليعزنــــــي واليحبنــي الـــى عينـــــي وضواهـــا .. حسين روحي واليهمني شلون راح وخله روحـــي .. اتلــوب وفراكـــه كتلني اترادئ حيلي وكلشي بيه امجتفه واسمـــي رقيــه رايــــــــــــده حـــســـين ــــــــــــــــــــــــــــــــــــــــــــــــــــــــــــــــ والدي حسين اشحلاته .. بـــس الـــه تحله يـبابه ينشهك بنفاســـي عطره .. وثوبـــه ينباس وترابـــه اتغير الحـــال اوتركنـــي .. وبيه ضل يمشي مصابه بحظنه جنت اغفه اميره .. وهسه بحظان الخرابه ردت انام بحظنه ساعه وخله يكسرني ابوداعه رايــــــــــده حـــســـين ــــــــــــــــــــــــــــــــــــــــــــــــــــــــــــــــ خـــل اسولفله الصراحه .. بالخرايب جرحــي يكبر التف حبلهم فوك جفـــي .. جفي جان ايلزمه الاكبر وجدمي يمشي على الترافه .. وهسه خطوه وزين يكدر رايـــده حسين الحياتـــي .. ليش طيــف ابالــي يفتر وارد اسولفلـه بجـراحـــي شلون ضل يشرق صباحي رايــــــــــــــــده حـــســـين ــــــــــــــــــــــــــــــــــــــــــــــــــــــــــــــــ حيل مشتاكه الضحكته .. ليش شفته امفطره رايــــــده ايكلـــي رقيــه .. وانه احب امسامره ليش يتركنـــي ابخرايب .. بحزني ابقى امساهره الليل لو طـــول يخلـــي .. چـــم كسر بالذاكرة روحي تلتم امن اشوفه وتنتهي لـمن اعوفــــــه رايــــــــــده حـــســـين ــــــــــــــــــــــــــــــــــــــــــــــــــــــــــــــــ هسه وحدي الشام يخنك .. تربعت ابروحي المأسي بديره غربه وناس تضرب .. شابجه العشره عله راسي والالم صـــار اعله كلبـــي .. حمل ويهد الرواســي وهذا ظعن حسين كلـــه .. بالحزن متالمه ناســـي كلهـا ضلـــت بالنوايـــح راس عالي وجسد طايح رايــــــــــده حـــســـين ــــــــــــــــــــــــــــــــــــــــــــــــــــــــــــــــ الشاعـر : فيصل عاشــور المنصوري

#يامولاتي_يارقيه 💔 رقيـــ يارقيه ـــــ يارقيه ــــــ يارقيه ــــــه ــــــــــــــــــــــــــــــــــــــــــــــــــــــــــــــــ مشتاكه لحسين ودرب عاثوره من مشيج مبينه تره مكسوره فوك الحزن فوك الالم مقهوره لاوالــــــي ضلج لا ابـــو مبتوره رقيـــ يارقيه ـــــ يارقيه ــــــ يارقيه ــــــه ــــــــــــــــــــــــــــــــــــــــــــــــــــــــــــــــ من نبرتج كلشي اختلف بيامج جلمة يبويه اتزود اهيه اللامج وشوفت عزيزج يارقيه احلامج امكيده ورأس الابـــو كدامـــج رقيـــ يارقيه ـــــ يارقيه ــــــ يارقيه ــــــه ــــــــــــــــــــــــــــــــــــــــــــــــــــــــــــــــ عصبوها عينج لاتشوف الضامي وانتي وحيده ابين عسكر شامي ابهـــاي الخرايــب يارقيـــه نامـي لحسين مذبوح اوخضيب ودامي رقيـــ يارقيه ـــــ يارقيه ــــــ يارقيه ــــــه ــــــــــــــــــــــــــــــــــــــــــــــــــــــــــــــــ وحــدج بقيتي وهــاي عمتج يمج اشكي هضم كلبج يطفله وهمج الحبل ملتف واصل الحد عظمج متغير اهــواي الشكل مو رسمج رقيـــ يارقيه ـــــ يارقيه ــــــ يارقيه ــــــه ــــــــــــــــــــــــــــــــــــــــــــــــــــــــــــــــ شلــون بيج وانتي فـــوك الناكـــه مشتاكه لحسين وصدك مشتاكه الدمعـــــه تنزل عالوجن حراكـــه يصعب عليج الغالي والله افراكه رقيـــ يارقيه ـــــ يارقيه ــــــ يارقيه ــــــه ــــــــــــــــــــــــــــــــــــــــــــــــــــــــــــــــ الشاعـر : فيصل عاشــور المنصوري

#يامولاتي_يارقيه 💔 حلـــــم طفله رقيــــه اتريّد الحسين ونكضئ درب السبي بلوعات الونين ــــــــــــــــــــــــــــــــــــــــــــــــــــــــــــــــ حلم طفلة تناشق بالبجي على الراح تريد الغالي بــس الغالي فوك ارماح وجفهه امكيد ودايرهــا بــس اصياح اشيضل بيها البجت حتى فصوص العين حلـــــم طفله رقيـــــه اتريد الحسين ــــــــــــــــــــــــــــــــــــــــــــــــــــــــــــــــ من طــــف كربله صـــار الدرب ملعون نهش بيها واخـــذ منها نظــــر العيون بحيث الظلمه صارت والصبح فد لون كــل خطــوه تكلّ الـ زينب احنه وين حلـــــم طفله رقيــــه اتريد الحسين ــــــــــــــــــــــــــــــــــــــــــــــــــــــــــــــــ تنـــادي على العقيله والقلب مفتوت خذوها للطشت وبسرعه راح الصوت وبنّت قمة حلمها على الطشت بالموت على الشافته مايفرق بعد هالبين حلـــم طفله رقيــه تريد الحسين ــــــــــــــــــــــــــــــــــــــــــــــــــــــــــــــــ اخر لحظة شافت مصحف الله اجروح اجلاده مخضب وكـــل ايه بـــيه اتنوح مـــن البسمله بكطع النحـــر مذبوح اثر طبره على شفته وجوه عينه ثنين حلــــــم طفله رقيـــــه اتريّد الحسين ــــــــــــــــــــــــــــــــــــــــــــــــــــــــــــــــ وفاها الاجل من صرخت ابحسره يابويـــه وحبيبـي ياضـــوه الزهـــره اهنانــه بينت اشكدها تره الكسره وعمتهـــا العقيلـه ضلـــت ابنارين حلـــــم طفله رقيــــه اتريّد الحسين ــــــــــــــــــــــــــــــــــــــــــــــــــــــــــــــــ ملخص قُصة الطفلة ونبين الصار بحرك صيوان اهلها ركضت من النار وضلت خايفه وضل الكلب محتار وصاحت عمه شيشوف الكلب بعدين حلـــــم طفله رقيــــه اتريّد الحسين ــــــــــــــــــــــــــــــــــــــــــــــــــــــــــــــــ الشاعـر : فيصل عاشــور المنصوري

قصائد ايام مولاتي السيده رقيه ع 👇

الرادود الحسيني : هادي البوري السعوديه _ سيهات

برنامج محرم الحرام 2026 #ياعقيلة_الكمر #رجوع_الظعن 💔 ها يخوتي ما افاركــــم بعد وانــــه العقيله ها يخوتي جيتكم من رحلتي هاي الطويله جيت من ضيم اليسر انه النجيبه مدللت هاشـــم طلع ضلها وغريبه ــــــــــــــــــــــــــــــــــــــــــــــــــــــــــــــــ🪶 ها يخوتــي تلكــو زينب مـــن سبيها انه جيت مدوهنــــه وروحـي ابجيها ايامي ياخوتي انكضت مكسوره بيها فوك هزله من رحــــت وانعـى عليها ستقبلوني انه اختكم والالم نــاره سريه ستقبلوني مدو جفكم ها يخوتي للسبيه انه زينب من بعد هاي المصيبه مدللت هاشم طلع ضلها وغريبه ــــــــــــــــــــــــــــــــــــــــــــــــــــــــــــــــ🪶 من بعد طــــف كربله وايـــام الفـــراك مشيت عنكم يخوتــــي وهزلات النياك بالشام شمات وضرب بس كلبي مشتاك هــــذا تاليته اليضل ابنــــار الاشــــواك نزلوني من على الناكه هلي وانه اختكم نزلوني من بعد رحلة آلم من فاركتكم كلبي ليهسه يون عالـــي نحيبه مدللت هاشم طلع ضلها وغريبه ــــــــــــــــــــــــــــــــــــــــــــــــــــــــــــــــ🪶 خويه رديت بحزن واعذرني من هـــاي بنتك رقيـــه ما اجت ياخويــه ويــــاي من جابو الراس بطشت نـــادت يمولاي صاحت بصــــوت الآلم ذبحتني دنيـاي محني ضهري كبالــــي ماتت بالآلم بنتك رقيـــه محني ضهري من شتمهم والضرب واشكف بديه جمر المصيبه بالكلب ناره ولهيبه مدللت هاشم طلع ضلها وغريبه ــــــــــــــــــــــــــــــــــــــــــــــــــــــــــــــــ🪶 تدري عكبك من رحت نومي بخرابـــه وجم طفل يمي صـرخ بابــــه يبابــــه كلبي ناداك بحــــزن تعــــرف مصابــه وآتِ ذَا القُرْبــــى ولا النــه استجابــــه رغم تعبي من اليسر جيت بحزن لجل الزياره رغم تعبي محني ضهري والكلب مشتعله ناره شفت من ضيم اليسر خويه العجيبه مدللت هاشم طلع ضلها وغريبه ــــــــــــــــــــــــــــــــــــــــــــــــــــــــــــــــ🪶 فوك جثتك من رحـــت ذبيت روحي وللقبر هسه ارجعت انــــه وجروحي جيتك واخوي العل نهر يستمع نوحي الدهر كله على الدمع ياخويه يوحي بهذا دمعي ماكطع من طيحتك ياخويه يجري بهذا دمعي جيتك وكلي حــزن يابعـــد عمري كلبي مشتاك وتضل انته حبيبه مدللت هاشم طلع ضلها وغريبه ــــــــــــــــــــــــــــــــــــــــــــــــــــــــــــــــ🪶 الشاعـر : فيصل عاشــور المنصوري

برنامج محرم الحرام 2026 #ياحسين 💔 #المشايه هلا بزوار حسين ياهلا اوحياهم ــــــــــــــــــــــــــــــــــــــــــــــــــــــــــــــــ هــلا بالكصـــدوا علينه نفتح ابيـوت المدينه نصيح ياحياهم من البحر طلعو مسيره للنحر تحـيّ الشعيره الله الله اوياهم الكتبوا ابخـــط المنايه مشية اصلاح وهدايه الكمـــر يتلكاهم هـــلا من ديوان ابونــه هـــلا بل ماتعبونـــه ياهـلا ابملكاهم هـــلا بشيب وشبان كل الهلا ابممشاهم ــــــــــــــــــــــــــــــــــــــــــــــــــــــــــــــــ هـــلا من كل الطوايف هــلا بربات المضايف واليشيل الرايه اليطلع بغبشـه وتعنـــه هــذا جنــه من اهلنه حسابه بالوفايه اليوصل الموكب يعزب هـــذا بالموكـــب يرتب يفرش مصلايه اليطبع حسين على كلبه مغمض ويمشي على دربه تشوفه جنه ولايه زوار تمشي لحسين كل الفخر ملكاهم ــــــــــــــــــــــــــــــــــــــــــــــــــــــــــــــــ هـــلا بالبصره الحبيبه والعماره الكلها طيبه تريد بس توفيله الناصريه الجنهم اهلك هـــلا بالزايـــر تكلك عن بعــد تؤميله والسماوه مــن ترحـب الطفل ينصبله موكب من تزور ادعيله والدوانيـــه النشامـــه تسهر الاجل الخدامه مجلس اتسويله بالنجف هاي الخدام عن الصدك تهواهم ــــــــــــــــــــــــــــــــــــــــــــــــــــــــــــــــ الكاصديـــن الغاضريـــه خطـــوة ايثار وحميه بالف حجه وعمره صرخة الحق على باطل طلعت صفوف الجحافل جنود لأبن الزهره وكلهـــا لحسيـــن التعنت بايعـت بالصحن صلت ياصلاة الفقـــره اليهدي خطـــوه للعقيله تحســه صاعد عالهزيله منجويله بجمره اليفتهم حجي النيران هذا صدك وياهم ــــــــــــــــــــــــــــــــــــــــــــــــــــــــــــــــ المواكــب للخـــدامـــه ماتهمني اهــل الملامـــه اشما حجو حبيته العايش حسين بضميره يوزع الماي على غيره الخدمه كل امنيته للبقى بحــر الصحاري نخــدم ابطول النهــاري نعيش من حنيته سفرة الخير هيه خيره حسين ماعدنه احنه غيره حسين واضح صيته اتريد يعلالك شان كل خطوه بس انعاهم ــــــــــــــــــــــــــــــــــــــــــــــــــــــــــــــــ الشاعـر : فيصل عاشــور المنصوري

برنامج محرم الحرام 2026 #ياحسين 💔 #المشايه بعض النصايح وانته كاصـــد كربله خلي الجوارح تنعى المصاب اكمله امشي خطواتك حزين وخلــي كلبك للحسين ياحسين ــــــــــــــــــــــــــــــــــــــــــــــــــــــــــــــــ🪶 خلي جرحك عالي صوته صوت طفله من الضرب اتخيل اسكينــه ورقيــــه ميســــرات على الدرب انتــــه راح اتزور هســــه واهنــــه راحـــن للغرب انته مرتــــاح ومواكـــب واهنــــه عاشـن بالرعب عيش الاحساس زينب بحــــرك الخيم بلايـــه عبــــاس شلون عاشت هل الم وصوت نبضاتـك انين وخلــي كلبك للحسين ياحسين ــــــــــــــــــــــــــــــــــــــــــــــــــــــــــــــــ🪶 سبح بخطوات حزنــــك وامشي تسبيحة دمــــع واكصد حسين بخشوعك خلــــي ونــك يرتفــــع اشعث اغبر وبدعائــــك تلكـــى صوتــــك ينسمع وصدرك بحركه الطمــــه على المهشـــوم الظلـــع تلكه الحسين بجرحه واكف يبتسم ودمعة العين بجفــــه سجلهـــا نعم حسين باقي على السنين وخلــي كلبك للحسين ياحسين ــــــــــــــــــــــــــــــــــــــــــــــــــــــــــــــــ🪶 بدربك الحُجه يراقــــب يقــــره نيتك من صــدك انته لو عاشك حقيقـــي اتذوب شمعــــه وتحترك ايميز العشــــاك دربــــه حسين وحــده بهل عشك الكلب مايقبلــه ثانــــي بأسم ابــــو الاكبر يــــدك المهدي ويــاك بدمعتك نادي حسين عيش بأجواك عيش طفهم والانين وروحك العشكــه تلين وخلــي كلبك للحسين ياحسين ــــــــــــــــــــــــــــــــــــــــــــــــــــــــــــــــ🪶 توضى بأسم حسين واكصد كربله ابكل الجروح وچوي روحــك بالمخيم ومن بعدها اتصير روح واذبح بجرحــــك دمعتك حسين طايـح مذبوح كلبك اشمــــا لان تكبـــر لو كضــى دربك نـــوح بهاي الايــــام اكصد الحــزن الغريب ضد الاسهــام مو سهم بينه وتصيب شمات وعلينه احنه عين وخلــي كلبك للحسين ياحسين ــــــــــــــــــــــــــــــــــــــــــــــــــــــــــــــــ🪶 بالف حجه الخطوه وحده وضعف من تمشي بالم ايصلي بجروحـــك حزنهم وطفل شــــارد ماسلم امشي بحساسك تلاكــــي افياي من راعــي العلم اجعل ايامــــك مصيبــــه وعيش نيــــران الخيم تمشي وتشوف استجابــــه بالفعل ارفـــع اجفوف بدمعة دعائك تنقبل والحسين شكد حنين وخلــي كلبك للحسين ياحسين ــــــــــــــــــــــــــــــــــــــــــــــــــــــــــــــــ🪶 الشاعـر : فيصل عاشــور المنصوري

برنامج محرم الحرام 2026 #ياحسين 💔 #ياعقيلة_الكمر شياطين الإنــس بالشـــام حجيهم يوصل النه اسهام يخويــــه عكبــك الايــــام ماترحــــــــم بعــــد بينـــه ــــــــــــــــــــــــــــــــــــــــــــــــــــــــــــــــ عكبكم خويـــه طلعونه وحُملنــا علــى الأقتـــاب زماني محورب اويانـــه عندي ويه الزمان اعتاب خلانـــي اسيره اشلون وعلى جسمك وكف سلاب وحدى بينه الكره حيدر مشينه والحــرس اجناب وترتيل الحمــــد بالــراس ويا جرحــي البلا عبـــاس فترو بينــــه بين النــــاس ماترحــــــــم بعــــد بينـــه ــــــــــــــــــــــــــــــــــــــــــــــــــــــــــــــــ اول ما دخلنه الشــــام اه ياجرحـــي من الشـــام بنهـــار ولوعــــه طبينه شماتــه وحجيها اسهــــام دكوهــا الدفوف اعيـاد وركصوا عالجروح ايــــام عيني مالفاهـــا النــوم وياعين بخرابــــه اتنــــام جتفونــــه وهزيله النـــوك اوكفونه يخويــه بســــوك هــــاي الالنــه لا متلــــوك ماترحــــــــم بعــــد بينـــه ــــــــــــــــــــــــــــــــــــــــــــــــــــــــــــــــ شياطين الإنس يحسين تلكونــــه بفرح وحجـــار من فوك السطح والمـاي علينه انذب يخويه وحار الحاطت ظعني شماتــه على اختك مو قليل الصار طلعت من الخـدر للنوك من راحت خيمنه ابنـــار سمعونه الكــلام اشكــــال واحنه بـلا اخــــو كفــــال وكفنـه بديــــرة الانــــذال ماترحــــــــم بعــــد بينـــه ــــــــــــــــــــــــــــــــــــــــــــــــــــــــــــــــ اباب الساعه مو ساعـــه وكفنه واحنه متعذبين من غير الشتم والسوط رفعو بيها راس حسين وسمونه الخوارج ليش ! واحنه اهل رساله سنين ياوسفه دليلي انصـــاب من حــرك الخيم للحين اباب الساعه شفنه المــوت ومحد هـــب علينه بصوت كلبــــي امن الالم مفتــوت ماترحــــــــم بعــــد بينـــه ــــــــــــــــــــــــــــــــــــــــــــــــــــــــــــــــ ايامي انكضت بالشــــام لوعه وحسره ومصيبه من بعــــد الدلال الجان وراية خوتــــي والطيبه طلعنه على الهزل للظيم وصـــرت انــــه الغريبه ارض ما رحمــة اسنيني احترام الكبري والشيبه شفـــت بيها الالـــــم كلــه حزن روحــــي على الهزله مثل هــــل ذلــــه يا ذلـــه ماترحــــــــم بعــــد بينـــه ــــــــــــــــــــــــــــــــــــــــــــــــــــــــــــــــ الشاعـر : فيصل عاشــور المنصوري