الشاعر مرتضى الموالي

وداعاً ياشهر محرم وصفر نسأل الله قبول الخدمه ونسأل الله العوده الخدمه سيد الشهداء ع ونرجو المعذره عن التقصير وخاصتاً في كتابه القصيدة الحسينيه أطلب العذر من أهل البيت ع إذا كتبت عباره غير صحيحة ولا تليق  بالقصيدة   إذا كانت بقصد أو بغير قصد أو ماشابه ذالك  وهذا إلي أكدر عليه ولما أكدر عليه أكول ماأكدر   نسأل الله العوده للخدمه الحسينيه في العام القادم وإذا الله ماكتبلي عمر  وأنتهى عمري. وحل أجلي   أرجو منكم براءة الذمه ولا تنسوني بالدعاء بكل مجلس وآخر دعواتي الكم بالمزيد من التوفيق خادمكم الأقل شأنا الشاعر والرادود #مرتضى_مكطوف_الموالي #مولاي_حسين_لا_تضيعني_مالي_غيرك_دخيلك_😭😭💔💔

(( نزله    حماسيه ))  وداعاً يا محمد والدي  وداعاً يا محمد والدي ___ راح اودعنك يبويه وتجري دمعة عيني بويه لاترحل دخيلك فدوه هاك اسنيني  والله مـن ترحـل يبويه مايهود أونيني بويه من أنحب ونوحاً يبجي حته حسيني  وداعاً يا محمد والدي وداعاً يا محمد والدي ___ خذني وياك بمنيتك والله ماريـد العمر  كون اموتاً  هسه أنه دمعي مايقبل عذر  سوده صارت كل حياتي يامحمد ياذخر  كلبي مابطل نياحه ومدمعي حد الفجر وداعاً يا محمد والدي وداعاً يا محمد والدي ___ بيتي يفرغ من حنانك يالحنين لغالي  خالي من نور الهدايه بيتي بعدك خالي  بويه لا تترك يتيمه وارحم انته بحالي  فكدت بعمر الطفوله أمها وأنته التالي  وداعاً يا محمد والدي وداعاً يا محمد والدي ___ هذه حيدر وبغيابك  خيم عليه الحزن  ظهره محني يامحمد والدمع ذبل جفن  والله يشتاق الكيانك بويه وكلش يحن  الفارك أحبابه يويلي يكره  اليل اليجن وداعاً يا محمد والدي وداعاً يا محمد والدي ___ وأرد اسولفك يبويه من يطول غيابك  هجمو علينه بحقدهم وعتنو يم بابك  بالشماته يا محمد سحكو على عتابك  الحركو البيت بغيابك همه من أصحابك  وداعاً يا محمد والدي وداعاً يا محمد والدي ___ فاطم توأن من ضلعها ويلي اه من الكسر مااسامح بـويه أنه  وأبقه اليوم الحشر  أنصب بيوم القيامة محكمه الاهل الكفر فلان وفلان بجهنم  والله مااقبل عذر  وداعاً يا محمد والدي وداعاً يا محمد والدي ___ كلمات الشاعر الحسيني  مرتضى مكطوف الموالي

غايب صبح وحي السمه وبدمــعه صاحـت فاطمه     بويه.بويه  بويه  بويه ______ الليله املاك السمه   تفــارك ارضها ماكو وحي ينزل بعد خلص امرها ميت محــمد يابــشر صادر خبرها كلشي ينوح الفركته يعـظم اجرها كلشي ينوح بهل مـسه   وبدمعه صاحت فاطمه         بويه بويه.           بويه بويه '____ كلشي ع فراكك يون تدريبه حالي فاطم وحيدة بغيبتك صاحب اجالي سطرة وجه وعلى المتن طكني يغالي جتفو علي ياوالدي منـــهو البكالي جتفو علي حامي الحمه   وبدمعه صاحت فاطمه    بويه بويه.      بويه بويه ____ شفته وصحـت لايانذل خلـــيه اليه لا ادعي يـم  رب العله وارفـــًع اديه وأطبك سمانه ع الارض ذيج المسيه يرضه الرضاتج فاطــــمه رب البــريه بعدك وحــيدة وهـايمه وبدمعه صاحت فاطمه        بويه بويه.    بويه بويه.  _'___ ميت محمد ياخلق واشلون اودعه مابيه حيل الفركته  كل عمري دمعه نوحي يهيج كل جرح جاري يسمعه والصاحب يصدر امر نوحج نكطعه سكته بـجيت والاطمة وبدمعه صاحت فاطمه       بويه بويه.      بويه بويه _ ضلعي نكسر من هاجرت والمن عفتني والصاحب  يشتم الدمع من فاركتني سكته انوح بغيبتك وأريتك شفتني بويه الحياة بروحتك  صعبه وسبتني مسبيه من ضيم ودمه    وبدمعه صاحت فاطمه   بويه بويه.     بويه بويه ____ بعدك اموت ولا عشت وشلون اعيش طيرة وجنحها منكسر وتناكت الريش وسفه ع شيمات العرب اليه وصل جيش ماكو سبب من الجرة اليش وبعد اليش وين الشيم وهل الحمه.    وبدمعه صاحت فاطمه   بويه بويه.        بويه بويه ______ كلمات  مرتضى  مكطوف الموالي

السان حال مولاي السجاد ‏يخاطب  عمه جابر الأنصاري  ‏عند. رجوع الضعن يوم الأربعينيه إلى طف كربلاء  ‏ ‏ ((‏تنقري شور وبعده طرق)) ‏هايه زينب  هل أجت الاكـيها ‏عـمي ياجابر صحـت واسـيها  ‏_______ ‏هاي أم عون  تطلب عون  تعبانه واجت تنحب  ‏عـم ويلاه   الاكيها   هـاي أم الـخدر زينب  ‏بلهفه وشوك  للمسحوك  ردت والجفن شيب  ‏حيره شلون ويه عدوان وسفه ويه العده تنسب  ‏ ‏شـلون زيــنب والـعـده تاذيها  ‏عـمي ياجابر صحـت واسـيها  ‏______ ‏تعبانات   عطـشات    رداً والـدمـع يجـري  ‏بالدمعات والحسرات  وصلاً والحزن يسري  ‏بهذه اليوم  من الكوم  تدري لو صدك تدري  ‏عم ويلاه  جابرااه  شمر ويه الضعن يحدي  ‏ ‏جـان حـادي والحـرم ســابيها   ‏عـمي ياجابر صحـت واســيها  ‏______ ‏سابي أيتام  صار أيام   بينه ويه الغرب حدر  ‏من اديار  بينه وسار  شمر  بهل ضعن يفتر  ‏بينه يسوك تبجي النوك  سبنه وللنبي أنكر  ‏هواي جروح نمشي بنوح  نمشي والفجر ينطر  ‏ ‏ هواي الوعات وصعب نحجيها  ‏عـمي ياجابر صحــت واســـيها  ‏_______ ‏هوايه إلاام  من الشام  زينب ردت بحيره  ‏تشكي الحال  للكفال  وينك يا أبو الغيره  ‏سرت بنوح  يامذبوح  ديره وتتـبع بديره ‏يعباس  يانوماس  جرحي ولوعتي جبيره  ‏ ‏دمعـتي الـجـرحـك أذاً اجـريـها  ‏عـمي ياجابر صحــت واســـيها  ‏______ ‏تجري دموع ضل مفجوع  كلبج زينب اليلة  ‏صاحت وين كبرحسين  كبره انطوفه نشكيلة  ‏جيت بهاي  يارجواي  دمعي وأنتي اطويله  ‏هاي أيتام  ياصنديد  تبجي وتنحب العليه  ‏ ‏ ‏فراك شخـصك خـويه المبجيها  ‏عـمي ياجابر صحــت واســـيها  ‏_______ الشاعر الحسيني ‏مرتضى مكطوف الموالي

https://youtu.be/i6c2y3oyN3k?si=DcNUX04O3pap_4Rm

https://youtu.be/1gaRyRVNBxo?si=YkL7MjRH8a5qfW5_

عندما رجعت مولاتي زينب ع إلى أرض كربلاء يوم الأربعين تشكي إلى أخيها قمر العشره القصيده من كتابات 2020/9/14 وكانت ثاني قصيده من كتاباتي كا مبتدء والله الحمد والشكر يعباس.  ياخويه     يعباس.   ياخويه ...................... جيتك        خويه وتراب لعبي جيتك         انكت بيه بمعصبي جيتك.      . اشكي من درب لسبي جيتك          هيبتي هيبت نبي بالانفاس.  ياخويه.   يعباس.      ياخويه .................................................. جيتك         خويه من وادم غرب جيتك.          صعبه وبعيد الدرب جيتك          الشام ماواحد يطب جيتك.           بالشماته ولضرب على لراس.     . ياخويه يعباس             ياخويه .......................................... وينك            جودك خويه ولعلم وينك            شعندك بمجان لخيم وينك              شاهدت اثر جدم وينك             وسفه بعينه سأهم ولارجاس.    .  ياخويه يعباس            ياخويه ................................................................ وينك      تواني جيت من اليسر وينك.       زينب أنه أم لخدر وينك.     خويه حادينه لشمر وينك .      بعدك شيفيد العمر ينوماس.    يا خويه يعباس.       ياخويه ......................................... جيتك.        ضعني فاكدجم طفل جيتك.         خويه حاديهم نذل جيتك          امشي ولمدمع يهل جيتك.         شوف اديه من لحبل عين لناس.      ياخويه يعباس.           ياخويه .......................................... وينك        أنه ياخويه تعبت وينك.       أنه ياخويه عطشت وينك.       جودك بعيني شفت وينك.       منه قطرة مشربت بالحساس.          ياخويه يعباس               ياخويه ...............،،،،،،،،،،،،،،،،،،،،،،،،،،،،،،....................... كلمات خادمكم مرتضى مكطوف الموالي

https://youtu.be/AR6rqVB7XTc?si=Y7rNLLLwxTCX5cvJ

https://youtu.be/22lXvm5-oeE?si=ZyPmJdKxGq0TJd_I

ع طور والحن. أحمد الباوي  ﴿سمعي يمه فاطمه﴾ سمعي نوحي وقصتي فاطمه ياأم الحسن يمه مااعرف شكول عن مصايب هل زمن  نادت الحره يويلي الحسن مسموم ـــــــــــــــــــــــــــــــــــــــــــــــــــــــــــــ سمعي مني يمه فاطم سـمعي يامضــلومه  والفـرح مامرني يـــمه من الــفرح محــرومه عشت دمعه وعـشـت حسره بالـصـغر مالومه  ليـــش من دون الخــليقه زينــبج ملـجــومه  ليش من دون البشر.  بالمـناحه والنـحيب اكضي اليلي بالدمع   واشكي أمري الرقيب أسهر باليــلي وأعـــداً بيـــها النجوم  نادت الحره يويلي الحســن مسموم  ___ شرد أوصف يمه فاطم قصتي ويـه الزمن دنيا مارحمتي يمه هوايه الوعات ومــحن  لوعه بفراكج ييمه عيـوني يايمه انطفـــن  والعدو وجه ســهامه ونمـرد جبده الحسن فاطمه وينـــج تــعاي.  والحسن جبده نمرد  انه اصرخ ونه اصيح. شـنهو من لوعه بعد  وانه اندب يمه فاطم كلبي ماالوم  نادت الحره يويلي الحسن مسموم  ___ ويلي يافاطــم يــيمه حيره والله تحــــيرت  مصاب اخوي إلي دهاني بيـه حــيل تلـوعت  راح اسولفلج ييــمه بيـدي حيل انه الطــمت  والحسن فاطم ييمه جبــدته تصير أبطــشت جبده بالسم انمرد.      ونمـــرد دالاالي  والله صعبه مصيبته هذا اخوي الغالي  والجره ضاهد كياني وحيل مهدوم نادت الحره يويلي الحسن مسموم ___ هدم الحيل ودهاني سبعه من شـهرك صفر يــمه يمه والله حيره وزينبج شـبعت قـهر  وارثه منج دمـــعـتج والعـمر يكـضي بسهر  ليل مااعــرف انامه من الصــغر كلبي نفطر  ليلي كاضيته بونين والدمـع مـثل المطـر  ذبلت جفوني وصيح  ويلي اه مـن القــهـر  والحزن دوم ع وجهي يمه مرسوم  نادت الحره يــيمه الحسـن مسموم  ___ جرحج أول علي ثاني والحسن ثالث جـرح جرح عاشر بعده يمه ويلي من ذاك الصـبح  بيها افكد كل إخوتي ويه العدو مامش صلح  بعيني أشوف انه العشيره نازل عليها الذبح  كل خوتي ع الثره.   وانه بــدروب اليسر مره اعثر مره اطيح  هذا مو حال الخدر  عليه ناعيها المـــصايب دايـم يحوم  نادت الحره ييـمه الحـسن مــسموم  ____ كلمات  مرتضى مكطوف الموالي

نزله..........   (((وستوديو)))            بخطـــوة الزايـر هله                 بصـرخه صاحت كربله هلا بالمشايه.   هلا بالمشايه ___ نمشي خطوات.  مسافات  نون المصيبتك شنهو حر صيف يمولاي نروح الكـبـتك شفــنه انواع المشولك شايب يكـوده لولد مكَـٍرم وجاي الضريحك زحف جاي ولاكعد الله سير كلش الـــجلك ياحـسين ع الوعد أحنه شيعه وأنتـه حبنــه مانعـــوفك الأبد طلعـت آلااف الألوف رايه شالو بالجـفوف عايف البـيت وهــله    بصرخه صاحـت كربله ___ طلعت الناس.   ملايـين    تلاكي أم الخـدر رجعت بروس   للطـفوف يويلي من اليسر رجعت بدمـعه عذرها الدمعه بيها تلاالي وعايفه بديره غربها.رقيـــه بنــت الغالي تكله لا تنـشد يخـويه ماتطــمن أحـوالي نكصد بدمعه حزنه نواسـي أخت الوالي رجعت الأرض الطفوف تسعه يم كبره وتـطوف رقيــه مـو بالـقافله بصرخه صــاحت كربله ___ خادم  يـصيح.    يـزوار.   علي وياكم علي فدوه مشـاي   يله وياي    مبـيتك يم هلي فـدوه يازاير تمـرنــه الجلك أفرش عينـي والله اغـطيك برمــشها يل تـزور حسـيني من اخدمك ها يزاير خـدمه تسوى سنيني خاف أقــصر أنه بــيــها ماأكــمل دينـــي الخدمه أحله من العمر الخـادم يــنادي بـعــذر الخادم بصـيتك عـله بصرخه صاحـت كربله ___ سفرت  حسين  حتى. الطير شبع منها وقنع كل سنه تزود للمعشوك     يعشـكي الماكطع سفرت  وحده بهل مواكب تنمد بطول الدرب زايد الخير وننافـس خلهـا تــسمع الغــــرب العالم يحير بفعلنه عدنه سهـله وموصــعب فـــدوه ياالزاير تـــمرنه أفــرح أنه من تطب الزاير بكل خطوه حــــج المهـــدي ندعيله بـــفرج بالفـرج ندعـي إله    بصرخه صاحـت كربله ___ الشاعر الحسيني مرتضى مكطوف الموالي

https://youtu.be/WHCg36ABwM8?si=V7UBGb7yrfMglqsJ

https://youtu.be/kMU8WRn_-qs?si=HSLZ6QJIL_f6Bgm0

https://youtu.be/74NLZeSrvos?si=id9n0GW_j_IXrAws

ليله ع بركة مولاتي الزهراء ع