الشاعر علي الطائي

https://t.me/hvhhncfyjjvfg

(زين الرجاجيل) اخـتلت مـوازين الأرض انطبگت سماها ابگاعها عـباس زمـجر بالـوغـى واعـداه لاوي اذراعـهـا ياهو اليحل هالمعـضله الحـومه تـاه اشـراعـها زين الرجاجيل اذا زمجر مـثل الرمـاد الـعده تـنثر اصـناف الأعادي يبـعثرها ايحير ابشتاته أيلم العسكر من نظرته اتسولف شجاعه سيفه يصـيح أمـراً وطـاعه ايطـبق وصـاياه ابـرگـبـهم اويتصـيد القـاده ابـراعـه أبا الفضل...أبا الفضل """""""""""""""""" اعـداه صـاباها الذهول وبالجيش حلت معضله ابـكـربلـه صـار العجـب انگـلبت قـيامـه كـربـله الـعـدل والـمـيت شـرد من طبها راعي المرجله أبـن الحـلاحيـل اذا طـبها اشمال الحرب يمنه يگلبها اجمـوع العـساكر يـفرقـها وابـسيـفه عـبـاس يـأدبـها الـگـمـر تـشـهـدلـه فـعـالـه مأدبـهــم ابـسـيفه وقـتـاله اخيـامه راسـمـها ابـعـيونه عبـاس يا مـحلى خـصاله أبا الفضل...أبا الفضل """""""""""""""""" جنديل من ظهر الفحول لا مو عجب كلشي الجره وأشما كثر جـمع الرجـال يـزداد غـيـره ومـفـخـره المن زغره حارب وي علي يـگـدر يـســوي الآخـــره سـيفـه التـراتيل يـرتلـها وگـاع الحـرايب يـزلزلها شارب علي وكافل الحره ابخزره المـعارك يـعـدلها مـن زغـره يعشـگها الحرايب ابعمر اهدعش سوه العجايب صـفــيـن حـارت مـن دخـلـها ويمه انـحنت كـل الـشـوارب أبا الفضل...أبا الفضل """""""""""""""""" شـايل عـله امـتونه نهر ومـروي بـي كل الحياة من گصد ماي المشرعه الماي هم حس بالممات ذل الـفـرات ومـاشــرب ولليوم خجلان الـفرات رمـز الشـجـاعه ونـبـع خـوه وبأمر اخو يخطي كل خطوه ساگي العطش كافل اخيامه مـن گـصـته يـنـگـط أمــروه مـن ينـذكر طـاري خـيـامه الـحـومـه يـگـلبـها قـيـامـه أم الـبنـين امـخلـفه زلـمـه من زغره عـنوانه الشـهامه أبا الفضل...أبا الفضل """""""""""""""""" الشاعر||✍️علــي الـطائي

الحمد لله والشكر والثناء على نعمته الحمد لله على عظيم رزيتي اللهم لاتستبدل غيري بي ولاتجعله اخر العهد مني لزيارة مولاي الحسين عليه السلام اللهم بحق صاحب بيعة الغدير ص ارزقنا العوده للبكاء والنحيب على سادتي ال محمد ص

(هاي اديارنه) هاي اديارنه وابـيوت اهالينه وصلناها لچن مستـغربه بينه كل اهل المدينه تباوع وتنظر غربه اشكالنه ومتغيره اسامينه واقصدت مسجد رسول العتره وگتله يا جدي استمع هالكسره حسين ضامي عفته فوگ الغبره ابـلا فـياي وگـمـر كاسـر ظهـره رديـنه بـس ابـلا وطـن متـغيره اوجـوه الضعن ابـلا محـامي اوفي علم ابغـربه بنـات أم الحسن """"""""""""""""""""" دخلنه الدارنه ومتغيره شفناها لا عـرفـتـنه هيـه ولا عـرفـنـاها وحشه ومظلمه ماچنها دار اهلي تنوح اويه العليله احـنه لگيـناها حيـطان داري أمن البچي متغيره تـنـحب الطـفـله بـقـت مـتـحـيره نادت شـگد بـويه اخـذني ويـاكم الغـربه تكـتل وأنـه بـويه أزغـيره دراي خـليـه ومـظلـمه اتواسي العليله فاطمه تـدريها لو طـر الفـجـر اتصـبح غـريبه اميتمه """""""""""""""""" بس صوت النوايح والحزن يعله رجع ضعني لچن ميتين كل اهله يسأل داري وين الي اسكنت بيهم ونواعيـنه تـجاوب والبچي ايگله الچـان طـوله فَــيْ الك يادراي عفته فوگ الگاع دامي اوعاري والـگمــر عـبــاس يــادار اهــلـي جـوده الـمـرويـني شـاعل نـاري وداري بـحزن ليه نشد عـبـد الله ويـنه والمهد گتله العطش ماخذ حلم مـذبوح عطـشان الـولد """"""""""""""""""" بــعـد مـا لـوعـتـنـه كـربلـه بالـصـار انكشف ظلي الذي ماشافه باب الدار يداري الچـان يمسـح الها أثر عباس طـلعت مـن خـدرها والـجدم محتار ويـلي من هدت اخـيول الـغاره اركضت ركضت فاگده ومحتاره گلبي ذيچ اللحضه عاش ابكسره وطـفـت نـار الـخـيم شبـت نـاره ابچم حسره ردينه الك فوگ الـترب ظلوا هلك يادراي انـسى الذكريات وعيش ابغربتك وحدك """"""""''''''''''''''''''''' الشاعر||✍️علــي الـطائي لطلب اللحن @a_30ali

(محتاجه أبو) طفله وعَـلَي بـان الـتعـب محتاجه ابو اشكيله ابعتب المثل سكنه شلون تتركها مـا أحـمل ادمـوع وحـزن متـعوده انـام الـه ابحضن وهسه ابهزيله تغفه وحدها اتمنيت اضل...ويـاك يحسيني متعوده أنه...ابحضنك تخليني سكنه ابغرب...مشتاگه لعيونك وردك ذبل...اسگي يضي عيني متعوده اعله احضانك واعله عيناك گـلبي يـحاول لاچـن مـگدر أنساك ريـت ابمـوتك بـويه مـيته ويـاك بابا حسين...بابا حسين """"""""""""""""""""" تقول السيدة سكينة سمعت صوت يخرج من منحر والدي وهو يقول(بنية سكينة إذا رجعتِ إلى المدينة فاقرأي شيعتي عني السلام وقولي لهم ان أبي مات غريبا فاندبوه وقتل عطشانا فاذكروه) كل ما اريد انسه انجرح واذكر وصـيتك منذبح وتگلي بويه هايه ارويها ياشيعه لو ضگتوا العذب اتذكروا الحسين المنسلب اسمع جراحك رتلت بيها فوگ الهزل...نعـايه لمـصـابك مـا ينـحمل...ياوالدي اصوابك ميت عطش...ماكو اكثر من الماي واكثر بعد...من الضمه اسهامك من ردت اشبگ صدرك عرضن اسهام تحـرمني أمـن أحضـانك وسـفه الأيام فـوگ الـهـزله وننـعـى كـربـلـه وشـام بابا حسين...بابا حسين """"""""""""""""""""" يابويه تدري ابهالوضع سكته البچي ماينسمع الينسمع صوته ينذبح ضامي هنانه الأشد من الچتل بچفوفنه ايگود الحبل وفوگ الرمح مذبوحه أحلامي عيـنك تـصد...لحـبالي ألـمـحها اوتدري الحبل...اچفوفي ذابحها الاكثر صعب...يـاوالـدي اهـنـانه ادموعي تهل...ماكو الي يمسحها حاطني اشكم هضمه وگلبي مفجوع حبال وراسك شفته اگبالي مـرفـوع الموت الينطي حگك موش الدموع بابا حسين...بابا حسين """"""""""""""""""""" آخـر تفـاصـيل الـحزن بدار الخرابه احنه نون تدري انت هذا الصار مو گدري كل راينه ابراي العدو سكنه منو زينب منو هاي الأسامي تغيرت تدري سكنه انولت...الحگ يبو سكينه وين الكفل...عمـنه الگـمر ويـنه يدري الجره...بعـياله وشـصاير مـا رد الـي...الـواعـد يـرد ليـنه توجهة المولاي قمر بني هاشم ع وصاحت؛ الحـگ ياعم سكنه وافزع بهاي الحگ ضعن الغيره ماله كل راي گوم وعوف الجربه واترك الماي بابا حسين...بابا حسين """"""""""""""""""""" الشاعر||✍️علــي الـطائي

(أول نظره) من أول نظره بعيونه گلبي انفتحت ابصاره بقيت اتسائل ابروحي منو هوه وشنو اسراره السبب شنهو الي خلاني اعـوف الدنيا واختاره ماعرفت السبب بس عرفت الگلب..ينبض الخاطره من اندبت ياحسين گلبي احس انوجد...بذكره وبمحضره أسمه من رددت الفطره بيه ابتدت...ابدمعتي الطاهره ماعـندي گلـب بـس مـن ندبته بروحي استشعرت واقع غربته وحسـيته أبـو وأم مـن وجدته...حسين ياعزيز الزهراء..يا عزيز الزهراء """""""""""""""""""""""""" التساؤل ماخلص بعده ومتحيره بضواه عيناي صرت كل ما أگول اسمه حروفه تصير اليه فياي وصار اسمه أنس روحي ابكل نبضه يدگ وياي منه كلشي ابتده الرحمه والمغفره...ابيا حسين ابتدت اشگد بشر عاشرت وگلبي چم مره حب...بس عشرته انتهت إله حـب الحــسـين مـن عـرفته ابحـزن...دمعتي اتسايلت دمـعاتي تطيح امـن اذكر أسمه ابچي العمري چي ماعشته يمه واسنيني العـشتها ابلايه خدمه...حسين ياعزيز الزهراء..يا عزيز الزهراء """""""""""""""""""""""""" بـعد ما سولفتلي الناس اجيت المجلسه وعشته وشفت مابي گلب بارد بس حرگه ودمع شفته سمعت الناعي يقرا بصوت طلعت من خدرها اخته دمعي صب وحده من سمع ضل غريب...ماكو ناصر اله الخدره ناصر يريد كـل هـله عالتـرب...طـاحوا ابكربله الهضمه عنده طفل ميت أمـن العطـش...وبسهم حرمله گـدامـه الـعدو وابـظهره الـخيـام أبمگفاه العطش وابصدره الأسهام واخته تقدمه مهره وترعى الأيتام...حسين ياعزيز الزهراء..يا عزيز الزهراء """""""""""""""""""""""""" بـعـد مـا دارت الأيـام واسـراره مـلت گـلـبي روحـي عاهـدت مولاي واعـتذرتـله عـن ذنبي ما اعوف البچي والنوح وبس درب العزاء دربي روحي انطت عهد ماتـعوف الحسين...ولاتـدور بـشر وگلـبي سـلمته أنـه وارتوى ابچف كفيل...عم رقيه الگمر أسمه باب الحسين ومنطي للزهره عين...ضامي يم النهر صارت كل حياتي دمعه وأجروح وگلـبي الغـيره أبد مايقبل ايروح هجر كل البشر محبوبه مذبوح...حسين ياعزيز الزهراء..يا عزيز الزهراء """""""""""""""""""""""""" الشاعر||✍️علــي الـطائي

(آه يحسين وأمصابه) رد وملوي سرجه الخيل آه يحسين وأمصابه ننشده والدموع اتسيل آه يحسين وأمصابه وين حسين والينه؟ آه يحسين وأمصابه وأجوابه يرك الحيل آه يحسين وأمصابه ضل مرمي عالترابه آه يحسين وأمصابه """""""" """""""""" بـدت نار الگلب تلهب آه يحسين وأمصابه كلشي بيهَ ضل يتعب آه يحسين وأمصابه صهيل الخيل موتني آه يحسين وأمصابه زينب مو نفس زينب آه يحسين وأمصابه ياهو اليحمل اصوابه آه يحسين وأمصابه """""""" """"""""""" أبچي والنفس منهت آه يحسين وأمصابه وادموع الخدر طشت آه يحسين وأمصابه لمن سمعن ابهالصوت آه يحسين وأمصابه صدر أحسين يتفتت آه يحسين وأمصابه مرمي امگطعه ثيابه آه يحسين وأمصابه """""""" """"""""""" وسفه ودارت الأيام آه يحسين وأمصابه شابع صدره رك وأسهام آه يحسين وأمصابه طـايـح مـحد شـيـلـه آه يحسين وأمصابه وضعنه أگباله راح الشام آه يحسين وأمصابه الشام إطلابته اطلابه آه يحـسـين وأمـصابه """""""""""""""""""" عفته أعله الترب مرمي آه يحسين وأمصابه محـد شـايـل أبـن امـي آه يحسين وأمصابه المصـايب تـاكل بروحي آه يحسين وأمصابه ولا واحد عرف يمي آه يحسين وأمصابه وحيده أبين سلابه آه يحـسـين وأمـصابه """""""""""""""""""" الشاعر||✍️عـلــي الـطـائي #محرم_1448_هـ

ياكربله الرادود/سجاد المحمداوي كلمات/علي الطائي

|(زود الحريبه)| زود الحريبه الگمر...سمه بأسم الله يم الحسين اعتنه...وبأدب ناداه أئذن لي بالحرب...يابو عبد الله أريدن منك أذن وأغير أعلى الوغى لخلي طف كـربلاء يـنادي قـل هوه أبو فاضل بالحرب گطع حتى الهوه يا بـو الأكبـر اليـوم اتحـل زلـزله بچفوفي الثگيله أگلب طف كربله حل وكت الوفه وآنه ابن أم الوفه وحل وكت التجازي الضعن العايله أونبقى بعدك ياحسين """"""""""""""""""" اتوكل يابن والدي...وأحمل الرايه بيض وجهي ياگمر...ثبت الثايه أمي الزهره تنتظر...طلعتك هايه صـرت للـخوه مـثل يعباس الشيم اريد ابجودك نهر يصب اعله الخيم يعين الزهره الي ما گلت غير النعم من الباري صاغك خصك للوفه يانفسي وعضيدي ونهر العاطفه بعيـونك يخـويه خلـي امخيمك خلي الحومه تندب عباس وكفه أونبقى بعدك ياحسين """"""""""""""""""" غاض وعالحرب حمل...بيده عاموده گاصـد يـوفي الوعد...عالمتـن جوده كـلـما يـصد للخيـم...يـذكر اعهـوده ابعيونه ايشوف الحرم عطاشه تندبه اوتـذكر أم الـوفـه ابقـصوره اتـعاتبه لأبو الأكبر يأبني فدوه اله يروح الربه من زغره شجاع ابعزمه أوغيرته كافل زينب اخته أبجوده ورايته دگ صدره لچن مو أي دگة صدر ادخيلك يابو فاضل نادت جربته أونبقى بعدك ياحسين """""""""""""""""" مـامن مـغيثٍ لهُـم...الكافل اتبسم سيفه توضه بدمه... ابكربله دمدم مطرت سماهم رگب...بالحرب غيم الجـيوش اشـما تقـصده تـرد عرجاً قديم العدد صح سبعين ألف لچن صبحو رميم أبو فـاضل للحـرب صـبح سـيفـه القسـيم آيـات الشـهامه أبسـيفه امنـزله عباس أسمه اعظم صورة مرجله حـيـدر عنـه گـالوا أول مـا بـرز من طب المعاره صارت بس اله أونبقى بعدك ياحسين """"""""""""""""""" الشاعر||✍️علــي الـطائي #محرم_١٤٤٨_هـ

((وداعاً يابو فاضل)) گلبي وجدمي محتار ظـهر عـباس الـي دار شمرت ابظهره مو ماي شـمرت ادموع الزغار اصبر روحي وانعاه وأنـادي الله ويــاه مامـتـعوده عـباس يـدير اعليه مگفاه وآخر كلام اوياه چان يالمنطي حگ الخوان ماعندي غيرك عباس بس انت راعي الصيوان دنگ ومسح...دمعتي وناده بالحزن...يأختي چلمة العطش...مصيبه وهسه حل وكت...غربتي وداعاً يابو فاضل...وداعاً يابو فاضل """"""""""""""""" تباوع عيني للجود واتـأمـل إلي يعـود وي عـبـاس لحسين ويـوافي ابكل العهود صعب ياگلبي هالحال الضمه بين عالأطـفال النـظـر يـربـي لعبـاس اوترسـم عيـني آمـال صرت آنه اغمض عيناي وأتـخــيـلـه الكافل جــاي شايل على چتافه الجود ويبـدي مـن جـوده المـاي بعيني چم حلم...رسمته أمنـاطـر الگـلب...رجـعته البالخيم صفوا...عطاشه وكل طفل اجه...ابدمعته وداعاً يابو فاضل...وداعاً يابو فاضل """"""""""""""""" اشوف حسيني عالباب دمـع اعـيونـه سـچـاب يـنـطـر كـافـلي ايـعـود آه يـاعــظـم الـمـصـاب رسـمـت فـرگه الدمـوع اشوف حسيني موجوع يـشـاهـد حـامـل ألــواه وينوح ابصوت مسموع گلب العقيله ايدگ خوف وعـن الـبعد صار الـشوف صرت أنظر أبعين حسين أمـشابگ ابـلايه اچـفـوف أهنانه يبتدي ...سؤالي هــم يــرد الي؟...دلالـي وينه أبو الفضل...گلتها وينـك انـدبـت...يـغالي وداعاً يابو فاضل...وداعاً يابو فاضل """"""""""""""""" بعد ماظهره الي اندار انگطـعت كـل الاخـبار حـسيـتـه أخــر اوداع مـن شـوغات الـزغـار انگلب لون السماوات نـادونـي الـگـمـر مـات حامي ضعوني عباس اشتكفي الفگده دمعات محني الظهر رد احسين اتلـگيته بـدمـوع الـعـين اونـاديـتــه واعــبـاسـاه وشـابـگني ابـلا چـفـيـن روحـي بطلت...أماني اچفوفي للحبل...تتاني حسين بالغرب...ينادي كـربله جــرح...گضاني وداعاً يابو فاضل...وداعاً يابو فاضل """"""""""""""""" الشاعر||✍️علــي الـطائي #محرم_١٤٤٨_هـ

|(أستجير بغيرتك)| گلـبي مـيت وانته رجعته عدل ومـا تـخـيبـني اذا اعلـيك اتكـل من انادي بأسمك اتزيح الصعاب أسـتجـير بغـيرتك يا أبا الفضـل تارسني خير...وانه عايش ابفضل ماعونك اسمك حياة...والحياه شنهي بدون عيونك اتنخى بيك...وبالشدايد اهلي يتنخونك نبراس الغيره...ولحسـينـك ظـهر گلبي اتعنالك...وايـحـاچي الصور سلمتك امري...يـا احــلـى گـــمـر يا دخيلك...يابو فاضل """""""”"""""""""""""" انتـه للغيره صـرت عـباس ابــو منطي حگ الخوه مثلك وين اكو الصـفات العـندك اتفـوق الجـبال وبس الك ترهم شفت"عالي السمو" يـاكـافـلي...انته امان الناس كله ابعينك بحماك انه...اوما تـرد چفي ابد چـفينك رب الوفاء...للوفه رب تشهد النه اسنينك يا اجمل چلمه...اعله الساني صفت ذكـرك يالكـافل...تــارســني بـخــت واشفافي بأسمك...عــبـاس أرتــوت يا دخيلك...يابو فاضل """""""”"""""""""""""" بيـك ألـوذن يـا گمر الله الحنون انته عين الزهره واتضوي العيون يـاگمـر هاشـم جـمال الـخافقيـن والدخل عد غيرتك كلش مصون ابفـي رايتـك...آنـه داخـل واحـتمـي بـالـرايـه يا أبا الفضل...بعيني كلشي شويه وانته هوايه ومـا بـالـغت...من گلتلك اسمك احلى احچايه سگاي الغيره...وكفال الخدم كلشي من دونك...بالدنيا عدم اكفلها ادموعي...ياراعي الشيم يا دخيلك...يابو فاضل """""""”"""""""""""""" كلـها صـاحت ياگمرنه احنه ابحماك وگلـبي يا راعي الشيم يرگض اجاك رايــد اتكــفـله مـن اوهـام الحـيـاة وآنـه مـا مـره اسـمعت خاب النخاك انته فـقـط...الكـفـيل اتـلـوگـلك يا كـافـل عــز وقــار...انـته كلـهن يا أبوفـاضل شايل فوقَ الذُرى...واعلى صيتك ياكافيلي واصل لو اطب الصحنك...خالي ما ارد كل عگده يحلها...چفك مستعد مولاي املكني...وسويني عبد يا دخيلك...يابو فاضل """"""""""""""""" الشاعر||✍️علــي الـطائي #محرم_١٤٤٨_هـ

لسان حال مولاتي أم البنين ع وهيه تروي الاحداث التي شاهدتها وهيه واقفه في عتبة الباب: (اعتاب الأنتظار) اعلـه اعـتـاب الأنـتظار انعه حسيني وگلبي نار بعـيني نظـرات الـوداع لعيالي أسئل شنهو صار شـنهو صـار ابكربله للضعن شنهو الجره اسئل بروحي واگول ابـيا وضـع المـخدره ابهيبه راحت وي كفيل وضـلها مـحـد صـوره تمشي ابكفالة گمر وبظهره شايل نهر كل ما يمر العطش جوده يروي الدهر أنــه أم البـنيـن ودهـري ذبـنـي وحگي لو صحت يحسين يبني """"""""""""""" ابعتبة بابي شگد جروح شفت حسيني من يروح من ودعني وضعنه سار خلاني ابقى ابلايه روح اوصيه وصيت الولد صيرو لحسيني خدم وللـگمر چـلـمـه گلـت الخـيـم يـمه الخـيـم والسهم لو شفته اجاك ابعـينك اتلـگه السـهم فـدوه عيـونـك ألـه لـتقـصـر ابــكربــلــه سوي بچفوفك فياي شـمرهن اعلـه الفـله أنــه أم البـنيـن ودهـري ذبـنـي وحگي لو صحت يحسين يبني """"""""""""""" ابعتبة بابي وانه اصد واحد ينعى اعله الولد يـصـرخ آه يـا كـربـله ضـعن الـغـيره مـايـرد بشرني گتله يابشر عن الحسين وعيلته عن ولدي الأربعه گال عظـم اجـرچ صيحته الأكلف العـباس طـاح بـالدم تـغـطـت رايـتـه ودمـعاتي كلـها حنيـن أخـبرني عـن الحسين عظـم الله اجـرچ ندب طحت وگضاني الونين أنــه أم البـنيـن ودهـري ذبـنـي وحگي لو صحت يحسين يبني """"""""""""""" معقوله حسين أبني مات ومـاتـت كلـها الـذكـريات خـبـرنـي عـن بـت عـلي امن الگمر هوى عالفـرات زينبكم أبحيره بـقت بين الخـيول الـغايره طـلعت تدور عن أخو وحـدها تركض حايره صعدت على التل وتصد واحـد يجـيها امـناطـره راحـن سبـايا ابهـضم حـرموهـن امـن اللطم كـل المـصايب تـهـون بس جـرحي ماينلضم أنــه أم البـنيـن ودهـري ذبـنـي وحگي لو صحت يحسين يبني """"""""""""""" الشاعر||✍️علــي الـطائي #محرم_١٤٤٨_هـ

حين يصبح الدمع وداعاً، والجدران تبدأ نياحاً؛ إليكم قصة الانتظار المرّ على عتبات المدينة، بلسان مَن أبكاها الرحيل (لميت المتاع) بديار اهلنه انتشر وما ينحمل هالخبر ضعن ال الله... رايح ويلاه ماشي ابكفالة گمر الـما احتـمل فرگاهم حسبت امشي وياهم...ولميت المتاع لمـيـت كـل اثـيـابي ومحسبه وي احبابي...انهـاجـر الگـاع بس والدي انظر عيناه تتـفايـض ادمـوع واه كلما يصد ليه ايصيح ويـلاه يفـاطم ويـلاه ما ادري شحچي يامصيبه مـعقوله راح ابـقى غريبه """"""""""""""""""""" ما أدري واقع حلم شفت الحزن مبتسم شفت آنه حسين...ابدمعات العين وينادي اسم بعد إسم يمته يـنادي ابـأسمي واركض لأبوي ابهدمي...وياخذني وياه يمته اركب اعله الناگه وما اضل اله مشتاگه...ولا انادي اويلاه صح الوجع بيه ايزيد بس لو مشوا عني بعيد ما احتـمل غـربه الدار الكـربـلـه گـلبي ايـريـد ما يحـتمل فرگة حبـيبه مـعقوله راح ابـقى غريبه """"""""""""""""""""" چلماتي كلها انحچت دمعاتي عالخد جرت دمعاتي اوداع...رسمت عالگاع وكـل الـمدينـه درت باوعلي ابوي ابنظره تشرح وداع وكسره...طـفـله زغيـره اتوسلت بيه ياخذني بس دار وجهه عني...وعشت آنه حيره درب السـلامـة نـاديـت وبظـهره دمـعي ذبـيـت ابكل خطوه يزداد الشوگ الچـلمة يـ بابا اشتـاگيت جرحي فقط هوه طبيبه مـعقوله راح ابـقى غريبه """"""""""""""""""""" هاجر ضعن فاطـمه داري غـدت مظـلمه حيطان الدار...تنعه اعله الصار اعـله الاهـل متعلمه يـادار مـاكو اخـوانـي وعبد الله مو بأحضاني...وي الضعن راح الـ كرب وبله منواهم والـگـلب راح وياهم...ما هدني النياح امناطره عيوني الباب هلبـت يـدگونه احباب من غروب اناطر لغروب ولا طاري لضعوني انجاب ابدمعاتي أحس زينب غريبه مـعـقوله راح ابـقى غـريـبه """"""""""""""""""""" الشاعر||✍️علــي الـطائي #محرم_١٤٤٨_هـ

يا كربلا بدموعي اجيت انعاچ عـنـدي عـتـب ويـاچ يجرحني گلبي هــواي مـن اسـمع بـطـرواچ ياكربلا اتعطشينه ابني حسين ضـامي يـضل يـومين ماشـارب ابنـي الـمـاي ولايـروي دمـع العين شـنهو قيـمـته...خاطـر تعزينه الماي يجرح العطش...واوليدي مجروح اهواي آه يــكــربــلا...أبحيره ابني ضل رايح جاي أول هضمه بالطف تعطش عياله محد ينطي گطره وينظر بحاله واهنانه يصـيح الغـربه چـتـاله آه ياكربلا....آه ياكربلا ---------------------- ياكربلا أول عـزيـز أعـليه شفته يوادع بـيه اليشـبه رسول الله ماصح عذب يرويه ياكربلا لـمـن هـوه الأكـبـر شفـته أبنـي يتعثر أيگوم ويرد يطيح بكل خطوه ضل يكبر بـعـدك الـعـفا...لمن وصل صـاح حسين ياضوه الخيم...ابموتك ترا اهلك ميتين آنــه والــدك...حاچيني وافتحلي العين واسـندني يـنادي يـا أبو فاضِل رد بچفوفه الاكبر والوجه ذابِل خـلاه بالمـخـيم والدمـع سـايل آه ياكربلا....آه ياكربلا ---------------------- ياكربلا هوايه عندي جروح مايگضي ليچ النوح وادعتي بين اثنـين الــروح والـمـذبـوح ياكربلا بالخيمه جمره تلوع اوداع الاخوه ادموع حسين ابني والعباس موجوع وي موجوع أدركني يا أخي...هالچلمه ما الها اثنين يعني بالحرب... عـباس طايح واحسين ضامي وحده...وايـنادي مـوتـني البـين يـوم الأگـشر ويـا سـاعة السـوده مـن شـفت الگمر ضل عالنهر جـوده مـصيوب ابـسهـم ويـبـدي بعـهـوده آه ياكربلا....آه ياكربلا ---------------------- ياكربلا چم حسره ليچ وآه وشتكفي بس ويلاه يتغرب ابني حسين اوينـزل دمـع عيـناه ياكربلا ماضل بعد بي حيل وي الهوه ابني يميل وادع خــدر زيـنب ومتاني جيت الخيل هدت العده...ودارت عليه من كل صوب وابني وحده...چم دوب يشگف چم دوب آآ يـكــربـلاء...اتعـذبيـنه ليـش المـتـعـوب ويصيح اقصدوني وعوفوا خيمنه اومـا هـم لـلـخـيـول الـي تـعـنـنـه وحـرت الـزم ضـلوعي لـو ادورنه آه ياكربلا....آه ياكربلا ---------------------- ياكربلا هنانه الكلام يطول والصار مو معقول طلعت اخت عباس تنشد عليه وتگول ياكربلا وينـه ضـوه نـهاري خـيـردنـي لـديـاري وشافت اخـوها حسين مـتـوسـد او عـاري ابحيره شافته...مو صدره شبگت السهام اونـادت بحـزن...دارت عــليـه الايـام آآآ يــبـو عـلـي...مجبوره اتعنه الشام واهـنـانه الـوداع الهيـج جـروحي فوگ الهـزله زينب عالترب روحي ومـنا للـظـهور ايـضل الـچ نوحـي آه ياكربلا....آه ياكربلا ---------------------- الشاعر||✍️علــي الـطائي #محرم_١٤٤٨_هــ

(وما توفيقي الا بالله رب العالمين) بأسم ملاتي الزهراء (ص) ومولاي أمير المؤمنين (ص) ومولاي علي بن موسى الرضا الثامن الضامن صلوات الله عليه قريباً سيتم نشر قصائد العشره الاولى من شهر محرم الحرام.... والله ولي التوفيق خادمكم علي الطائي #محرم_1448_هـ