الشاعر سيد اسعد الموسوي

((درب المشايه)) يادرب النجاة .. ياحبيبي ياحسين يل الك عنايه .. بتعب المشايه .. يبو السجاد نقره احنه قرايه.. ويه رفيف الرايه.. يبو السجاد دوملك وفايه .. بفعل مو بلغايه .. يبو السجاد دربك حلو والله ما ينشبع منه شاب وطفل شايب يجمعنه هم كلنه من كل مدينه هواي مشايه الك صرنه نمشيله نمشيله .. وماعدنه صعبات نبجيله نبجيله .. بأعظم عزائات كل همنه كل همنه نوصله انريد نهديله نهديله .. ونواسي خطوات، *"""""""**""* ياضوه ابحلامي ..حبك الالزامي ... يبو السجاد نجم ظهر ايامي ..عايش باوهامي ... يبو السجاد بمشيه من اجدامي .. فقط هاي الهامي ..يبو السجاد ماينترك والله دربك يبو الشيمه يامحلاها الخدمه من خيمه ال خيمه خدامك اليمشون بدروب الهيمه ماعفنه ماعفنه .. مشايتك عام كلحنه كلحنه .. بمشيتنه خدام انواسي انواسي مانترك الدوم ابدمنه ابدمنه ..سترك والخيام *"""""""""**""* المواكب تخدم .. بسمك وماتهتم ... يبو السجاد بفكرها ترسم .. ابخيال وتفهم ... يبو السجاد حرز بينه وطلسم .. صوت عالي دمدم. يبو السجاد صوت المواكب هذا واهس مشينه مانتعب احنه دوم الحلوه بينه نمشي بدرب معتاد معزب يجينه نادهم نادهم .. اهلا يزوار حياهم حياهم ..شرفتو الدار ارتاحو ارتاحو وتمددو اهنا شافاهم شافاهم وعزب بالكبار *"""""""""**""* خدمتك وجداني.. طاعتك ايماني ... يبو السجاد انته هم سلطاني.. الاول ومو ثاني ... يبو السجاد حبك الخلاني .. الهجك بالساني ... يبو السجاد مشايتك والله الغيره ويانه ماكو تعب كلمن واكف تلكانه حي الله بالزاور حي الله من جانه ياحيلهم ياحيلهم ..واحدهم الفين ياحيلهم ياحيلهم.. زوار الحسين ماتعبو ماتعبو لو طلبو الحيل يمشولهم يمشلوهم لو رادو سنين *""""""""**"""* معزب يعزبنه .. بالهله يرحبنه ... يبو السجاد بالكلام يخصنه .. يكعد يونسنه ... يبو السجاد نكعد يساجلنه .. بالادب عاملنه ... يبو السجاد المحبه حلوه وذا جت بفطره الحسين يباوعلك ويلقي نظره يعني علي يباوع هوة والزهره على النيه على النيه .. ننذرها النذور كل جيه كل جيه .. مولانا مشكور ترزقنه ترزقنه طول العمر هذا اشويه اشويه .. نوصلك بنور *""""""""**"""* خادم القصيدة #سيد_اسعد_الموسوي #اللهم_عجل_لوليك_الفرج https://t.me/gGpjd

رأس الحسين يخاطب رأس العباس عليه السلام.. يخويه راسي برمح مرفوع وعيني تصد وتربي بدموع موجوع يتجه على موجوع والنوك هزله مبينه لضلوع الچان أثرها يمسحه عباس وسفه وصبح جدامها براس معله برمح ويرتل إحساس بين الغرب والماله نوماس يرد رأس العباس عليه السلام.. يميل الرمح من تميل الضعون ومن الدمع صك رمش العيون يصرخ طفل وهمه يضحكون بگيد وسلاسل بيها يمشون تنام الخدم ورقيه على النوگ وگلبي يوجر والدمع شوگ جسمي بطرف والراس مبيوگ وبالشام باجر ندخل السوگ رد الامام السجاد على الروؤس.. أصد للروس وأعثر بالقيود ثگال وأشوفن والدي وعمي برمح جفال موجوع المتن والناگه مـا تنشال أهز راسي لبويه ودمعي عالخد سال أحامي على العيال وعيني عالرأسين وحدي بهالخرب والبين طگني البين رقية تصيح بويه وتلطم العينين يجاوبها الشمر بسياط وبلا دين #سيد_اسعد_الموسوي #اللهم_عجل_لوليك_الفرج https://t.me/gGpjd

((راحن مخاديرك سبي)) لا والي لا ظل خيم لا رايه طاح العلم..وعله السبي بالدرب شلون امشي وبيا وجه بضعني بعيد اتجه ..للشام كلش صعب يمشونه درب الغبر بهزله نايگ السفر فوك الهزله طلعتي لا راحه لا مستقر رغم التعب مشونه وشمس الظهر بعبينه يرضاها وين الكافل هذا اليصير علينه ____ السيد رقيه تشكي للسيده زينب مومالت اصعد هزل مورم ايدي الحبل.. بس هظمي وضيمه نوم الخرابه هظم ليل وبرد بالعظم .. لاسگف لا خيمه وكلما جرت دمعتي ابجي بيتم لوعتي وصرخ يبويه تعال يزيد العدو بضربتي بويه فدوه وينك درب الغرب لوعني رقيتك متعوبه وسوط العدو يضربني __ بينه الٓم ما خفت.. جم طفله طاحت بجت عالناكه بيهن يجر مارحم حال البنات بحبال ومعلعات .. بالسوط يمشي الخدر ياكفلي وين الوعد ماضل دلال وسند راحن مخاديرك سبي والشام الاغبر بعد يبجي الضعن ويضحكون باجر وراكم طبه من فوك السطح نتحضر الماي حار انصبه ____ الشام كلها اتزينت طبول ودف اتحضرت.. والنوك بينه تميل طبونه سوك الغرب وشمات طول الدرب. تتفرج علينه وتعيل قسم بحجر گطفونه وقسم بحجي سمعونه وفوك السطوح العاليه بماي الزجر نگعونه شلون اطب ديوانهم صعب حيل عليه كلها تتباوعلي بحبال مجتوفه ايديه ____ #سيد_اسعد_الموسوي #اللهم_عجل_لوليك_الفرج https://t.me/gGpjd

الشاعر سيد اسعد الموسوي pinned «جرح عاشر مصيبه بصف مصيبه وركض نسوان من خيمه عجيبـه وكلي شلون اصبر والصــبر راح اطفـال وسحـــك نـُـــار وونهيبه ويلاه .. ويلاه جـرح يتــبع جـرح كلها نوايب ومصيبه المعركه من المصايب لا لحسين حاضـر لاهو عباس أصبح طف غرب مابيه گرايب ويلاه ... ويلاه وكلي على…»

((هلال مگطوف)) #محرم_الحرام_1448 دم وخوف اجيتك جيت الملهوف الليل اضلم عليه وعيني كوه تشوف امشي كوه من الجثث متكومات ولمحتك من بعيد هلال مگطوف وفيض دمك خضر الكاع .. ماتحاجيني يمي اريدك مو للوداع .. يابعد عيني اجيتك والجدم يتسابگ ويه الخيل من عدها وكرهت الليل اخ اليل """""""""""""""""""" أجيتك والنفس بالگوة أجره وعلى ريحة نحرك المذبوح أدره وموزعه الحومه اوصال الحسين يا هو اللي يلمك ذره ذره أحط إيدي بصفحتك تطلع منين..خاف الچمنك معقوله الكبالي هذا الحسين .. وما اعرفنك بصدرك ليكت ملاكه خيل ورماح بس القفا سالم وحزه الذباح """""""""""""""""""" اجيتك والحزن بضلوعي صاير انه ام الفكر بس فكري حاير ادور ياكتر مابيك ملجوم وجه وگفه داسته الحوافر اكوم ويعثرني جرحك ..وحيلي مو هوه كبالي من حزوه نحرك .. وگلبي يتلوه يمك ومشتاكه ليك شلون اعوفنك فدوه بس مدلي ايديك خلي احضننك """""""""""""""""""" اودعك والگلب يمك تركته وليل ال صابني بفركاك عشته وع التربان طايح عفته طولي وسمك بالدموع وياي اخذته موهينه باجر من اعبرك .. وانه عالناكه محد ينزلني اخبرك ... رقيه مشتاكه شلون تمشي زغيره مو مالت يتم هاي اعز مدللاتك تمشي مابين الزلم """""""""""""""""""" #سيد_اسعد_الموسوي #اللهم_عجل_لوليك_الفرج https://t.me/gGpjd

جرح عاشر مصيبه بصف مصيبه وركض نسوان من خيمه عجيبـه وكلي شلون اصبر والصــبر راح اطفـال وسحـــك نـُـــار وونهيبه ويلاه .. ويلاه جـرح يتــبع جـرح كلها نوايب ومصيبه المعركه من المصايب لا لحسين حاضـر لاهو عباس أصبح طف غرب مابيه گرايب ويلاه ... ويلاه وكلي على الحصل وياك يحسين شلـون تعوفنه بوســط الميادين بيــد الغــربه والشمات والناس جــا كــلـي يخويه وـين ترحين ويلاه .. ويلاه يامصعب الفــرگه والعطش هـان ونه مكـدر اديرن ظهري لخوان مجبوره يخوتي راحت تصير عقيلة بني هــاشم دون عــوان ويلاه .. ويلاه باجــر طبـتي فشـله على النـــوك جويه وحيل تكسر مشيت السوك نمشي بهزيله وحيــــرة الصــار وجاوبني منــُــو ليسـكت الحلوك ويلاه .. ويلاه طلعتي بناكه عرجه وبدرب ليل وانه اجبيرة عمـر وشايفه الويل بعد مابيه اكوم شلون ماجان لان فگـد الحبــايب تعب الحيل ويلاه .. ويلاه #سيد_اسعد_الموسوي #اللهم_عجل_لوليك_الفرج من الارشيف

#محرم_الحرام_1448 حينَ انطفأت آخر منارة للأمان في صحراء الطف، وداسَت خيل الأعداء كل حلم بنته السيده زينب، خرجت مليئة بالهضم نحو جسد أخيها الشريف أقبلت بشوق الظامئ فلم تجد إلا جسداً مثخناً بالطعنات، وخدراً سلبت حمايته بعد كفيله عباس وبينها وبين أخيها الحسين ... إجيت بالهفة المحتاج.. للماي وأرد خايب واعاين بس خيالك احسك تمشي دوم وساكن وياي ياريحة هلي... شنهو الجرالك تركت الحزن موگد يلهب حشاي عساها بگلبي لا مر بعيالك أحاجيك بدمع ماتعرفه الناس دمع يحجي الهظم ويشيب الراس شسولفك بعد والحجي مجروح وعلى المسلوب أصيحن وينه عباس اصيح ومايرد صوتي.. گرب من عندي تابوتي نشف ريجي وصحت والصوت مبحوح أهز بيدك وأقنع روحي تگوم اصدن ع الجروح الكلش هواي ياهو الـ بـالـسـوالـف صـار ملچـوم أحـاچي الشـفة تندب ماي مكسور وترد ليه السهام بصدر مثلوم أشوفن جثتك والدم جرى ب اه شجم طعنه علصدرك خويه ويلاه أريد جفوفك تودعني يحسين عگب عينك دليلي والضعن تاه اصيح ومايرد صوتي.. گرب من عندي تابوتي عطش منك وبيك وجرح مفتوح وصوتي من الندا يا وسفه مرتاع أعاين للنحر والـخنـجـر يـصـيـح قضى نـحـبـه العزيز ومالـه فـزاع يخويه الدنيا بعدك غـمـضت عـين وضحك سن الرمح بوجوهنه وشاع شكل لمدللاتك طشته الخيل بحوافرها تدوس وتسحك تشيل سيوف رماح كلها التمت عليه ابوچن مايرد ماضل بعد حيل اصيح ومايرد صوتي.. گرب من عندي تابوتي رحت بلا وداع وصعبه الايام ويا باب الرجه بفركاك سديته بنيت امالي كلها بفيك ونام وهدم جفني كل حلم البنيته يمر طيفك وافز بشوك الايتام وياهو الي يلم دمعي البجيته؟ تهيم الناگة بينا والدرب طـال وزينب يا خـلـگ يحـديـهـا جمال؟ تـحـز بعصـمـي حـسـرات الضعون وعگب ذاك الخدر مجتوفه بحبال اصيح ومايرد صوتي.. گرب من عندي تابوتي #سيد_اسعد_الموسوي #اللهم_عجل_لوليك_الفرج https://t.me/gGpjd

((ماكو بجمالك )) يـبـن كـريـم الزمــن ياقل هو ابن الحسن مــا منـك انتـه تره قاسـم عطـاء المحـن انته الصفاتك كثر كنـز وعلي ينـدثـر محد يعرفك شنو انتـه التـعثر العـثر القاسـم القاسـم ياحلو الرسوم محلاته محلاته شعره والهدوم من تكشخ وتلبس درعك يمولاي تتبسم ارض الله وتروح الغيوم //////////////// مـاكو بجمالك بـشـر يعجـر خيال الصـور انته الضوه الي تشع فــوك الغيوم يــاگمر انته العشك من الزغر يبـن الحسـن و للـكبـر مــنك ردت الـهيــام لأخــر حيـاة الـعـمــر ماشـفـنه ماشـفـنه بجمالـك اثـنـين انته احله انته احله نور الصواوين منك ردنه شويه يا اجمل الكون يانـور الكل ضلمه تربـات الحسيـن ////////// اصـل الـزلـم تنـعـرف وكت الحرب تنوصف قسم بشجاعه وشيم قسـم بخـزر تـرتـجف بيـك الشـجـاعه حلـت ويـمــك تره تـجســدت ياواهـب الكـل شجــاع صوت السيوف الحجت يمعـتبر يمعـتبر مـامنـك هـواي الميدان الميدان يشهدلك بهاي الهيبه وعلومك صارت بالطفوف ياغالي واشجعهم بالدنيه وفاي /////////////// يـاقائـد الكـل سـبع قـوة ورداعه ودرع كلها تصيحك مدد تنـبع شـجاعة نـبـع حتـه السـمـه تلگتك فحل الفحول كنتك رمز البطوله هوة واشجعها هم سمتك مولانه مولانه ماعنده صـعـبات يكضيها يكضيها سبع السماوات مايخطي بالصيده لو راد يصيد يقلعـهم يقلعـهم لو جانـو ثـبات /////////////// #سيد_اسعد_الموسوي #اللهم_عجل_لوليك_الفرج https://t.me/gGpjd

#محرم_الحرام_1448 ((شمس الاخوة)) فارگت شمس الأخوة والظلام الحاط بِيّه ،،، يا چفيل العيلة بعدك راحت الركبة سِبِيّه ،،، سهم عينك صاب گلبي وهدم حيلي والمنية ،،، بيدي شلتك والدمع يچوي الخدود يا جبير الخوة يا راعي الزنود الچنت أشوفن بيك هيبة والدي شلون ترضى يبو فاضل ما تعود طاح ديدام المحنة والچفيل الفارك أهله بطيحتك هضم العقيلة ثكيله هاي وموش سهله ،،،خويه خويه ___ طاح لِوائك يخويه وانطفى نور المَعالي ،،، يا ضمد جرحي وعمادي يا بعد ناسي وحلالي ،،، منهو بعدك لليتامة بالجمر ركضته تالي ،،، دنكت انطيني جفك يبو جف الماترد انه اخوك حسين هذا ليش ساكت ماترد مامعلمني المجافه ولا ملعم عالسكوت ادري هنه جفوف راحن ما معلم عالبعد ياهظم حسرة غيابك والسهم فطر دليلي محني ظهر عليك خويه حيلي كله وخلص حيلي ،،،خويه خويه ___ جيت أمشي للخيام وحدي والدمعات تِجرِي ،،، زينب اتلگتني تبچي تگلي وين حزام ظهري ،،، شلون والحيره شجاوب عباس طاح ونفد صبري ،،، ابوفاضل طاح يم عون وبعد مالچ كفيل الستر چفه علخدرْچ وسفه صاباه الدليل الچان حارس للضعينة لليسر ما يرضى ليج تمشين بدموع اليتامه بالسبي ممشاچ ليل طاح ديوان المهابة والظعن محد يگفله بطيحة العباس باچر الشمر يحدي القافله ،،،خويه خويه ___ گومي يزينب يخويه جهزي الميمون لِيّه ،،، ما بگت للروح راحة بعد راعي الغاضرية ،،، ساعة وتشوفين نحري على الرمح يبره السبية ،،، الخيل باچر تسحگ ضلوع الغريب والشمر يگطع وريدي والنحيب أنتِ تبقين بيسِر وبلا حمى وآنا ع التربان أظل دامي وخضيب يبدي درب الشام خويه والهضم باچر يلوحچ عالنوگ تنگاد العلاويه وتكثر بگلبي جروحچ ،،،خويه خويه ___ #الشاعر_اسعد_الموسوي #اللهم_عجل_لوليك_الفرج https://t.me/gGpjd

#محرم_الحرام_1448 ((نزال علي الأكبر)) زلزل الميدان واهتزت أرضها الهاشمي الأكبر دخلها وفضها 🔹🔹🔹🔹🔹🔹 شال سيفه وصاح أنا ابن الأباة اليوم أخلي دمومهم تجري فرات حيّرت صولاته كل الكائنات والصفوف العاصية اليوم انقضها 🔹🔹🔹 ضهضب الاكبر وهزم الموزمه والمنايا بشوف عينه محتمه خلى روس ارجاسها تلاوي السمه والكتيبة الشاردة يعتّ بعضها 🔹🔹🔹 من برز چن الحسين بكل عطاء شاد حيل المرجلة بأهل الكساء غارت الفرسان وحتل البلاء والبطون الواجفة الموت اخضّها 🔹🔹🔹 شد بالكحيله ويزامط بالنزال غارت الفرسان والامر استحال من يطب يعزل زلمها من القتال والرقاب العالية بسيفه ارضها 🔹🔹🔹 غبر الميدان واجتاح الزمام ورد لابوه حسين يلفظ بالكلام غارگ بدمه ويطالب بالوسام وچبدته من العطش فزّع مِرضها 🔹🔹🔹 #الشاعر_اسعد_الموسوي #اللهم_عجل_لوليك_الفرج https://t.me/gGpjd

((نجل حسين)) غاضب راح شد اعنانه بعناها الاكبـر غـار روج بروج خلاها حــار وغــار جــن كــرار مايخطي بثناياهـا بسيفه الروس والـفـردوس ايعظم رزاياهـا صار شحيح ثكلت ريح من كثرت خطاياها فض الحمال بستعجال مـــن ريٍيح مناياهـا چن عباس مايرحم عله عداها الاكبــر غــار روج بروج خلاها ,,,,,,,,,,,,,,,,,,,,,,,,,,, نجل حسين گر العين غالبها ويا عابرها جيوش هواي ابلا راي شايلها بعساكرها كلها تغير والتفسير يعني الحومه عاكرها هاي اعداك ماتحذاك تعرف انته صاكرها وخله الخيل فوك جيوش سواها الاكبــر غـــار روج بروج خــلاهـا ,,,,,,,,,,,,,,,,,,,,,,,,,,, الحك مريود فات بزود صاعد هوة بالمهره بسيفه بان ها قد حان تجدح عينه بالنضره بالضيگات والصعبات يـردم عشره بالعشره يدور كبـــار مو الزغــار حته يوجع بسطره جن ضهضاب مايرحمها لو جاها الاكبـر غــار روج بروج خلاها ,,,,,,,,,,,,,,,,,,,,,,,,,,, بيها يصول ضل يجول عساكر كلها شمرهاا بچف يمناه سيفه وياه مقسم بالزلم طرهاا مايحتام مضرع ازلام لو غاضب يسوطرهاا عرج الحيــد چن صنديد يشمرها ويعبرهاا من الخوف بذاك الصوب گاداها الاكبـــر غــار روج بروج خلاها ,,,,,,,,,,,,,,,,,,,,,,,,,,, #سيد_اسعد_الموسوي #اللهم_عجل_لوليك_الفرج https://t.me/gGpjd

#محرم_الحرام_1448 "بين مهدٍ خيالي وألمٍ واقعي، ترحلُ بنا السيدة الرباب في أمنياتٍ لم تكتمل.. حيثُ كبرُ الحسين بفرحةِ ولده، وهيبةِ المشي خلفَ الرماح.. لكنَّ السهمَ كان أسرع من الحلم، والمهدَ صارَ روايةً للفراغ." ((حلم الرباب)) لو صايره وعبدالله كبران يتباهه الحسين بطوله فرحان جنت انتظر تمشي ويه الخيول تلبس درع مو ذيچ الاچفان لو صايره وبالبيت اشوفك ماناوي السهم يرضه يعوفك تمسح دموعي بجف چفوفك مو تنذبح يا شمعة البيت لو تدري بـفـراكـك شـسويت ____ لو صايره وينطق لسانك ماجنت احس ضايع امانك وين الولد يامهد وينه بس الهوى يهز بمجانك لو صايره ولحگت تكبر ويصير طولك مثل الاكبر لا يمه بعدك كلبي يكسر خالي المهد يحجي الروايه وهاي نهاية كل بدايه ____ لو صايره وتمشي بهـيـبـه ما چـانـت الـدنـيا مـصـيـبه ما چان منحرر طفل عطشان ولاچان خدر امك سليبه بين الخيام وبين الوداع ضاع العمر والحلِم هم ضاع أبجي لضحكتك لو للأوجاع يا يمه صرت بروحي أحاجيك ما أدري ياهو الينعى ويواسيك ____ لو صايره وماكو هزيله تمشي وتفيي ع العقيله ترد الشمس بيدك ضلال وعد الله ابد مو مستحيله وجهك ضوه لهاي المسيره مو بالدرب عمتك اسيره ورقيه مسبيه الاميره اشتاك ويردني النياح أتخيل بطيفي الجراح ____ ما صارت وحلمي انذبح وليل الـمـصـيـبـه ما صبح ياموت أخذته بلا ذنب وسهم المثلث بـيـه ربح ما صارت وهزّيته خالي والسهم ذابح كل خيالي ياضيم گلبي وعز دلالي يا يمه چان الـمـوت غايه وهـاي نـهـايـة كـل بـدايه ___ #سيد_اسعد_الموسوي #اللهم_عجل_لوليك_الفرج https://t.me/gGpjd

#محرم_الحرام_1448 ((يمته أخلص)) يمته أخلص حته اشوفك يا غريب ابلا ديار ما اعرفك وين ساكن عايش الغربه انكسار تگدر الـ (وين) ابسؤالي وين الاگيك واشوفك واحتضن منك مصيبه وطبگ الليل ابواجي عالنهار وانشع ابدمعة لقائك.. يلي كاضيها ابعزائك عايش طفوف المصيبه.. تناصر حسين ابندائك (يا صاحب الزمان.. يا صاحب الزمان) يبو صالح عجل واظهر كلبي ميريد البعد بين جدران الليالي صوتي ماينفع بعد ما بقت حيلة بغيابك ظلمه دنيا ومالي احد والمحن سدت دروبي والموت بالطلعه سند يالوعة سنينك كضت..عيونك الماغمضت غربة الوادم ثگيلة.. عجل عليك المشت (يا صاحب الزمان.. يا صاحب الزمان) طال مسرى الغيبة تدري وضاعت أحلام الصور بكل كتر أنشد سؤالي وكلبي مايحمل صبر الكون غيّم بالمآسي ومنطفي بوجهي البدر يا متى تلوّح جفوفك وتمحي ليل أهل الغدر صعبةعليه الليالي.. تعاين وتعرف بحالي غربة الوادم مريرة..وما بقى غيرك يغالي (يا صاحب الزمان.. يا صاحب الزمان) مرّت سنيني انتظارك وعشت بظلال الأمانات كل كتر ينزف جروحي وصارت الشهكة امنيات يا متى راياتك ترفرف وتجلي غيم النايبات يا شمس وجهك تضوي وتنهي ليل النازحات تعبت مناطر جفوني..بيك ماخابت ظنوني بس أمل جيتك علينه ..يسر عيوني (يا صاحب الزمان.. يا صاحب الزمان) سدّدت بوجهي جروحي وما لكت عيني ارتياح ضاگت الروح ابغيابك وينك ابيا كتر لاح؟ المسافة ابين جفني وصورتك شمس الصباح عايش ابغربة عذابك شوكت يمته تستراح ضاعت دروبي.. وخافق ذنوبي يمته راياتك ... تحيي محبوبي (يا صاحب الزمان.. يا صاحب الزمان) #سيد_اسعد_الموسوي #اللهم_عجل_لوليك_الفرج https://t.me/gGpjd

#محرم_الحرام_1448 (( بسملة الحرب )) خلي الزلم فوك الزلم .. يمه يعباس الشهم الحرب دك اعلانها .. يمه يعباس الشهم بسمل وثير عنانها.. يمه يعباس الشهم الحومه فك ضرعانها.. يمه يعباس الشهم بالخيل ضج فرسانها.. يمه يعباس الشهم وانزع انفوس الماتهم .. يمه يعباس الشهم 🔹🔹🔹 فوج بيها ومن تكر .. يمه يعباس الشهم راويهم نجوم الظهر .. يمه يعباس الشهم مو اله سيفك بالخزر.. يمه يعباس الشهم تعمي العيون وتلتهم .. يمه يعباس الشهم 🔹🔹🔹 روي السيوف من الدمه.. يمه يعباس الشهم بيهم تبيد الملحمه . . يمه يعباس الشهم زلزل ارضهم والسمه .. يمه يعباس الشهم يا صيد حماي الحمه . . يمه يعباس الشهم واحصد رقاب اهل الظلم.. يمه يعباس الشهم 🔹🔹🔹 أرجف الميدان وهَله.. يمه يعباس الشهم وخل الزلم متجندله.. يمه يعباس الشهم موت الحمر بالمرجله.. يمه يعباس الشهم خلي المنايا توصله .. يمه يعباس الشهم امسح أثرهم والرسم.. يمه يعباس الشهم 🔹🔹🔹 خِوض النهر واكِسر لِواه.. يمه يعباس الشهم والموت سَگيه من دِماه.. يمه يعباس الشهم جيش الكفر شتت هواه.. يمه يعباس الشهم والخوف صبّه بِمحتواه.. يمه يعباس الشهم يا سيف أخوك المنحِتم.. يمه يعباس الشهم 🔹🔹🔹 طشّر جِمعهم بالوِغى.. يمه يعباس الشهم وانهيه دِستور البِغى.. يمه يعباس الشهم سيفك على الطاغي طِغى.. يمه يعباس الشهم ما نال فزعه الما بَغى.. يمه يعباس الشهم وارفع لِوانا على القِمم.. يمه يعباس الشهم 🔹🔹🔹 يا جبل ما يِهتز أبد.. يمه يعباس الشهم بإيدك زلازلهم رِعد.. يمه يعباس الشهم يا نِعم هيبة هالولد.. يمه يعباس الشهم صنديد من حيدر مِدد.. يمه يعباس الشهم ودوس الرفض دين وقيم.. يمه يعباس الشهم #سيد_اسعد_الموسوي #اللهم_عجل_لوليك_الفرج https://t.me/gGpjd

#محرم_الحرام_1448 ((هلال طف جـروحك)) ياصـــاحـب الجــــرح العظــــيم وخليـــني ويـاك انـه اهـــــيم وبس اذكــرك تبجي العين شمحلاته اسمك يالحسين _&&&&__ شـــُــوك .. ابچي بـابـــــك نـــــــوح .. يم اعتـابـــــك ضيــــم .. والله مصابـــك يا حســيـن علمني اخـــدم ولـطم مــن صــدك كــون الهج اسمك وابجي واحترك وكــون الحوافـــر تسحكني سحك حــسـين .. حٕــسـين مــولاي وبس انته المعين شمحلاته اسمك يالحسين ** اهيــــم .. انه بنوحـــــــي اروح. .. ويه روحــــــي ال لآلام .. بجروحـــــــــي ياحسـين خليـني باجـــواء مصـيبه والـم وعيشـني غـربه وطــف وخـيم وقبلـني خـادم من هاي الخـٕدم حسـين حسـين وخيعونه لب حبل المتين شمحلاته اسمك يل الحسين ** جبيـــر .. مصـاب ايـامـك وحلـــم .. مــن احــلامـك الظمــٕـه .. مــــو ليتـامـك ياحسـين جا هــوة ضعنك مو مـالـت عطش ومـزاحم سيــوف وحــُــرك النعش ومـو مــالت يمــر بليل اهــــدعش حسـين حسـين وموهيجي راح وياك الحنين شمحلاته اسمك يالحسين ** كيــان .. مـاشي بسـوحـك هــلال .. طـــف جـروحـك مكسور .. ويبجي لنـوحـك يا حسـين امشيلك انـــه ونـــًــذرلـك ورد يلبيدك انتـه نطيته ابـنك عبد وانــه نخيتــــك ماضنك تــرد حسين حسين اهديني ليك بدرب المهتدين شمحلاته اسمك يالحسين ** اجــيك .. وعندي غايه هيــام .. بحله احجايه نسيــم .. يُـــرف الرايه ياحسـين خليني اواسي بجيتي للمشن بدرب الصحراي وحيل اتألمن اقسـم عليك بضلع ام الحسن حسـين حسـين ورايد انذرلك كل السنين شمحلاته اسمك يالحسين #سيد_اسعد_الموسوي #اللهم_عجل_لوليك_الفرج https://t.me/gGpjd

راجوها روج الحــومه من دخلوها زلـم الحسين حيـُـُــــود لــو طبوها اتجمعــو صحـبت حسين القاده ومطلبهم ينصرون حـــق الساده كلمن سحب سيفه وظهر بعناده قامـت قـيامــة الحـٕـرب وزياده جا غيــــر زلم ومُـــن تطـــب يثنوها زلــــم الحســين حيــُــود لــو طبوها __ مسلم وحيد ومن دخل للكوفه مرسال الحسين ونقبل جفوفه تشهدله صولاته الكلف معروفه خله الجحافل بالقصر مخطوفه ماتصـعب عليه لًـو كثــُــــــر قادوها زلــم الحسين حيـُــُــــود لـو طبوها ___ شيخ الانصار ونعم طب للحومه شبيت بخــــت متنـورات علومه رجفها كلها بخزره مــن ارسومه لوجيش كامل هم يخلصه بيومه هــوة وبعــد الاصحاب ســد سدوها زلـــم الحسـين حيـُـــــود لــو طبوها _ _ طب الرياحي وغارت بممشاها الجــــيش تبعـد عنه كلما جاها مغـضب نزل مايرحم و طكاها شابــچ عساكُـــرهم ردم خلاها غـاراهـــا وبكســـر الظهـــر عبروها زلــم الحسين حيـــُــــود لـو طبوها __ عابس جنونه وحبه عايش بينه خادم صـدك بخالص حـق لدينه محـلى الخدامه جــانت بچفينه نتمنه يــرزقنه بجنــون حسينه والخــدمـه عـــدله برچه ماينطوها زلــم الحسين حيـُــــــود لو طبوها *** #سيد_اسعد_الموسوي #اللهم_عجل_لوليك_الفرج https://t.me/gGpjd

#محرم_الحرام_1448 ذخر الحسين (لسان حال أم البنين "ع") شلت... يبني لبواسل لجل عينك والظعن شلت... هم الليالي وضيم دلالي والمحن شلت... جرح العقيلة وهالكسر ماله ثمن ربيت الك عباس يرفع بوجهك راس بجفوفه الك راية... ولخاطرك ماية تاجبْ على النوماس يا شمعة سنيني عگبك عِمت عيني مذبوح أشوفنك... وبغربه أظننك يا نبضة حنيني كلشي بعذابك... ذبّل غصون العمر من يوم أشوفك... دامي وكسير الظهر أتمنيت أموتن... گبلك ولا هل القهر يمه.. يحسين _ صحت... وين الكفلها وزينب تلوذ بحماه صحت... چا وينه سبعي الما وِگع هيبة لواه صحت... وسفه الشمر عگب الوفه يحدي بنساه فگد الكفيل حار شب بالدليل نار جفينه مگطوعه... وعين الهوى دموعه والخيم بيها الصار يا سهم البْعينه صوب أمانينه طاح وعمد بيتي... وبفگده تاليتي نادت يبو سكينه أنعى وأگولن... راح الذخر والسند مذبوح أشوفه... وما يرجع النا بعد خالي مچانه... وبس الوجع والكمد يمه.. يحسين _ جيت...أنشد هواكم يا هلي ووين الرحيل جيت... أمشي وأعثّر والدمع مني يسيل جيت... عگب الأطايب مالي يالوادم دليل أنحب يبشر تْگول حسين الصدر مغلول من السهم غادر... مكسور الخواطر وجسمه برمح مجدول يا فاجعة عمري من ينتهي صبري ضل الخدر ضايع... والسبط بالنازع والدم جرى ويجري من گال جاني... وجسم الحسين انسلب والشمر جاثم... فوگ الصدر بالغضب زينب وحيدة... والشام ديرة غرب يمه.. يحسين ____ شِفت... حلم الليالي ينتهي بدم ونحِر شِفت... طف كربلا والنوح عگب الخدر شِفت... حتى الصبح غايب ضواه بالفجر يا زينب تلوذين بمنهو وتنادين والوالي عالغبرة... ومحزوزة العبرة مذبوح وبلا عين طاح الوفه وحيّه بأرض الغاضرية والراس ينشال... يبره الظعن لو مال بدموع مسبية خيل الِداست... صدرك يبعد الروح خلّت دليلي... وبكل وكت مجروح يوليدي لجلك... يفضل دمعنا ينوح يمه.. يحسين ____ #سيد_اسعد_الموسوي #اللهم_عجل_لوليك_الفرج https://t.me/gGpjd

#محرم_الحرام_1448 ((اخذني وياك)) اخذني وياك لاتخليني وحدي اريد وياك بطف بويه لحدي __ __ أشوفنكم حديتوا الظعن لبعيد وعفتوا بداركم بس الدمع عيد يبويه الموت دون الوالي ماريد بجمر فرگاك أحس نيران چبدي _ عليلـة وتدري بية الموت لو حان يصير جفوف ابوي وعطفه جفّـان أعز من روحي انت وكل هلـي الآن عقب عيناك ياهو اليضل سندي _ أصيح وعيني دمعي غركاها عليلة وتنظر لضعنك وراها تگلك ريضوا بالناگة وخطاها بعد فرگاك ياهو اليرد ودي _ خذوني لـ كربلا لو حتة ذبيحة أريد وياكم اطب هالفجيعة صعبة الدار وحشة ومستبيحة يضل بيا كتر يا بويه سدي ____ يـبو سكنة الوصية هناك بالطف اذكرني لو شفت دمعات تنزف ولو حان العطش والريج ينشف أواسي جروحك بـدمعي اليهدي ____ راحو ومشوا ما بعد يلفون وعافوا هالعليلة تدمع عيون مشيتهم طويله ماضن يردون أموتـن من وراكم هـذا حدي _ #سيد_اسعد_الموسوي #اللهم_عجل_لوليك_الفرج https://t.me/gGpjd

#محرم_الحرام_1448 ((تذكار الصور)) اشم ريحه ثياب عزاز واذكر لمه العيله وعالفراگ الولي ضليت دمعي ما يكف سيله بقت بس الصور تذكار تحرگ بيه وبداري يا ليل الهجر هم جاز حملي من هو اللي يشيله احجي ويه روحي وصوتي مخنوگ زدتو المرض مابيه على الشوگ اسمع صدى الماشين بالليل وحيلي انهدم ماضل بعد حيل اتخيل ضعنه جاي ليه ودموعي تجري بفركته سيل _ _ كتبت اسمك عتب بحروف تجري بدمعة الناظر وطفح جرح الهجر بالروح وباقي لليسر ناطر أثاري الموت أهون هواي من عيشة بلاية أهل رحتو وجرحي وياكم هم ويه الضعن سافر شما اصفن ابجيك دلالي مصيوب والفرگه ابد هاي تلچم المحبوب لا مانسيت وعيني عالباب من ودعتني وكلبي منصاب جرح البعد مايرحم الضال شذنب العليلة وحضنك غياب _ _ ____ افك عيني بأمل مكسور واكولن هم يرد غالي اناطر والعمر يجري ومحد ينشد عله حالي اودي ويه النسيم طيور توصلكم محاجيي تكلكم بتكم بلا روح تنطر جيه الوالي يالتارك عيوني على الدرب نار مافكرت بالبقت تنتظر الاخبار ؟ ليلي كضه بدمعات العيون مو حكها ليكم تبجي لعيون امناطره الباب واتاني هلبت هلي هسه يردون _ _ أجر حسرة بأثر حسرة وأكولن چن مشو عني عافوني بمرض گلبي ونـواعي الموت تـجبرني أفز مرعوبة بالظلمة وأصـيحن ويـن چـف ايدك يا بوية حسين مابيه لاتبعد بعد مني أمسح دموعي بثوب أملنا وشـمحـلة يـا بـوية شـملـنا منين أجيب الحيل وأمشي والدمع غطى جفون رمشي شال الضعن والوالي غايب والفركه هدمت بيه كلشي _ _ تمنيت الجدم يمشي وأصيحن وگـفوا الـناگـة عليلة وغرّبت عني الأهل والروح مشتاگة أصيحن ياهلي ودمعي جمر بالوجنة من يطيح تـرى المـشتـاگ يـا أهـلي يـموت بـغـفلة أشـواگـة خلوني أشم ريحة مشيكم روحي تحب وتـحن علـيكم طال السفر والموت لـوّاح والـبال أبـد هـيهات يـرتاح أنـظر مـنازلـكم وأغـصـن وعـمري بـأثر هجرانكم راح _ _ #سيد_اسعد_الموسوي #اللهم_عجل_لوليك_الفرج https://t.me/gGpjd