زَيْـنَــاب🔅

أن يجدني شخص حنون، لا يجرؤ على ضياعي من بين يديه، أن أكون أنا كُل الأشياء وأهمها في قلبه، ان اكون وجهته الأولى، ومحطته الأخيرة وان لا يغادرني .

- الرساله ؛ من ناحية التطور شنو الكورسات المهمة اللي ناخذة حتى نگدر نستفاد منها واحنا بالبيت سواء كورسات عمل مثل التسويق وغيرها او كورسات تشوفيها مطلوبة بهالوقت

- الرساله ؛ من ناحية التطور شنو الكورسات المهمة اللي ناخذة حتى نگدر نستفاد منها واحنا بالبيت سواء كورسات عمل مثل التسويق وغيرها او كورسات تشوفيها مطلوبة بهالوقت

- الرساله ؛ شنو معنى اسم قناتج

- الرساله ؛ شنو معنى اسم قناتج

سوالف 👀🫶🏼 @Muhhara_bot

هاي المسلسل تركية اسمها من التالي؟ ٣ مواسم كل موسم بس ٨ حلقات تجننن لتغيير المود وهمين بيها رسالة كلش مهمة عن التشافي من العلاقات وشلون لازم الوحدة بعد اي علاقة تخصص وقت كلش هواية لنفسها حتى تكدر تتخطى كلشي فعلياً ونفسياً لان الجسد يبقى يتذكر كلشي اذا الشخص هو نسى او قرر يتناسى… وان ماراح نجذب علاقات صحية اذا ماانطينه لنفسنا مجال نستوعب العلاقة السابقة وشلون لازم نتعافى منها بشكل صح.

عيد أضحى مبارك وسعيد عليكم حبايب روحي 💛

واخر شي نبتعد عن كل النقاشات اللي بس تستهلكنا وماتضيفلنا ولاتخدمنا ونبتعد عن الغيبة والنميمة والطعن باعراض العالم ونبتعد عن ( فلان مخليني براسه وفلان يغار مني وفلان يقلدني وشوية نخفف ايگو ومانحسس نفسنا احنه محور الكون والكون يدور حوالينا لان سقف التوقعات العالي ممكن يوگع ع راسنا بفد لحظة) ونبتعد عن الاخبار السلبية والمقارنات وحسد العيشة ♥️

ثاني اهم شي هو حدودنا الشخصية ونتعلم نگول لا وقت اللي فعلاً لا اللي مايكدر يخترق حدودك الشخصية مستحيل يكدر ياخذ منك طاقتك مستحيل يگدر يعكر مزاجك مستحيل يگدر يأثر عليك ف حدودنا هي السور اللي فعلاً يحمينا ويحافظ ع طاقتنا♥️

حتى نحافظ ع طاقتنا ف اول واهم شي لازم نسوي بحق نفسنا نفلتر علاقاتنا وناسنا حرفياً ماابالغ اذا اكول هذا اعظم شي يقدمه الانسان لنفسه .. اكو ناس مجرد مانكعد يمهم تحسهم عبالك شاحنة وكاعدة تشحنكم بطاقة ايجابية وحب وتفاؤل وطيبة واشياء زينة واكو وجودهم بحياتنا عبارة عن مصاصين طاقة لا اكثر هذا الصنف مامساهم النه ابد اذا مانكدر نبتعد عنه ( كمقربين جداً) عالاقل نقلل تواجد وياهم جديات وعن تجربة فلترة العلاقات هي اهم جزء بالمحافظة ع طاقتنا.

- الرساله ؛ يعني شلون اگدر احافظ ع طاقتي

يعني من رجعت للقناة اجتي هواية اسئلة عالبوت وكلت حلو كل يوم انزللهم واحد ونتناقش بي حتى بقيينه نسولف بالبوت وراها ابد مكدرت انزل شي وكلما اكول راح اكعد اجاوبهم ما الحك نهائي والله

تدرون اكتشفت ان انا مو بارادتي عايفة القناة ان فعلياً ماعندي وقت😟 جنت دائماً عبالي ان انا عندي وقت هواية بس انا مختارة ان ابتعد عن كلشي بس الحقيقة طلعت موهيج وفعلاً ماعندي وقت لأي شي غير شغلي وحياتي الشخصية

ف انا برأيي الشخصي ان هي الفكرة مانضخمها وماننطيها اكبر من حجمها لان العقل عبارة عن افكار تخيلوا كل فكرة نكبرها ونضخمها وكلهن يصيرن معتقدات شراح يصير بوقتها؟ وحتى العين والحسد والسحر صح مذكورات بالقران وحاشاه ان يذكر شي ماموجود بس اذا كل عقلنا هذا عين وذاك حسد وذاك سحر احس مستحيل نكدر نعيش طبيعي واحنه ماكلتنه هاي الافكار والهواجيس سلموا امركم لرب العالمين وامشوا ويه التيار وخليكم قريبين لرب العالمين وماكو شي اكبر منه هو قادر ان يفكك كلشي واكف بطريقنا ♥️

مثلاً ابسط معتقد عند اغلب الناس ان اذا ضحكوا هواي يكولون يارب ان شاءالله هذا الضحك ضحك خير وماابچي وراه معتقدين ان وره كل ضحكة لازم يبجون ويعتقدون ان هم مايستاهلون هذا الضحك والونسة والسعادة! رغم هاي ابسط حقوق الانسان ف بنظري ان هي فكرة سمعناها من احد معين او احنه ابتكرناها واجينه ولزگنه بيها كلما نضحك نعتقد ان وراها راح نبجي زين ليش؟ يگلك حظي سيء وهذا همين فكرة او حچاية يكررها طوال حياته بس لان الاشياء مااجتي ع مرامه.

- الرساله ؛ مساء الخير حبيبتي 💙 أريد تحجين عن موضوع المعتقدات وشگد تأثر على واقعنه شلون ممكن نغيره خاصة اذا جانت متجذرة بينه..

- الرساله ؛ مساء الخير حبيبتي 💙 أريد تحجين عن موضوع المعتقدات وشگد تأثر على واقعنه شلون ممكن نغيره خاصة اذا جانت متجذرة بينه..

بشنو تردون نسولف @Muhhara_bot

طاقتكم ، طاقتكم ، طاقتكم احس اتمنى لو اكدر اشيل لافتة وانصح كل الناس ان يحافظون ع طاقتهم بالحياة وميسربوها لكلشي ولأي شي لان كلما تتقدم بالعمر تحس ان فعلاً العمر اله حوبة وطاقتك بعمر العشرين مو نفسها بعمر الخمسة وعشرين ومو نفسها بعمر الاربعين تحس عندك بطارية واذا ماحافظت عليها وبقيت تشحنها كل فترة ف راح تضعف وبمرور الوقت تنتهي او ماتشتغل الا تشكلها بكيبل الشحن ف خليكم جداً حريصين بالحفاظ ع طاقتكم وابتعدوا عن كلشي سلبي وكلشي ممكن يسببلكم ارق توتر انزعاج ،….. لان ذني كلهن ياخذن من عمر البطارية بالتالي تحس انت فاقد شغفك بكلشي ومالك خلك اي شي ديربالكم ع نفسكم من كلشي 💛