Goosebumps )

Afinalik Tais Afinalik Tais (miloddan avvalgi IV asr) - Qadimgi Gretsiyaning eng mashhur va nufuzli geteralaridan (erkin, o'qitilgan va san'atkor ayollaridan) biri bo'lib, imperator Aleksandr Makedonskiy davrida yashagan. U tarixdagi eng dramatik voqealardan biri - Fors imperiyasining poytaxti Persepol shahrining yondirilishi ortida turgan shaxs sifatida yodda qolgan. Iskandar qo'shini Fors poytaxtini zabt etgach, katta g'alaba ziyofati uyushtiriladi. Ziyofatda sharobdan mast bo'lgan Tais podshoh va sarkardalarni forslardan qasos olishga undaydi. U muqaddam forslar Afinani vayron qilgani uchun shoh saroyiga birinchilardan bo'lib olov otadi va butun boshli shahar kulga aylanadi. Iskandar Zulqarnayn vafotidan keyin Tais uning yaqin sarkardasi, keyinchalik Misr fir'avni bo'lgan Ptolemey I Soterga turmushga chiqadi, qirollik xonadonining nufuzli ayoliga aylanadi. Taisning hayoti haqida rus olimi va yozuvchisi Ivan Yefremov 1972-yilda u haqida dunyoga mashhur "Afinalik Tais" romanini yozgan. Goosebumps✨

Arlekin Arlekin - XVI–XVIII asrlarda Italiyada gullab-yashnagan "Kommediya dell'arte" (an'anaviy niqpblar teatri) janrining eng mashhur va markaziy qahramonlaridan biri. U teatr ierarxiyasida "zanni", ya'ni xizmatkorlar toifasiga kiradi va kelib chiqishi Italiyaning Bergamo shahri dehqonlariga borib taqaladi. Dastlab sahna ko‘rinishlarida qorni och va laqma xizmatkor sifatida tasvirlangan Arlekin, keyinchalik teatr rivojlanishi (ayniqsa Karlo Goldoni va Karlo Gotssi ijodi) natijasida o‘ta chaqqon, ayyor, hazilkash qahramonga aylangan. Arlekin har doim syujetdagi oshiq-ma'shuqlarning uchrashishiga yordam beradi, xasis xojalarini laqillatib, teatr tomoshasining quvnoq va dinamik o‘tishini ta'minlaydi. Ilk davrlarda uning kiyimi kambag‘allik belgisi bo‘lgan yamoq solingan qop matosidan iborat bo‘lgan. Vaqt o‘tishi bilan bu yamoqlar o‘ziga xos geometrik shakllarga - turli rangdagi yorqin matolar kombinatsiyasiga aylangan bo‘lib, bugungi kunda ushbu uslub dunyoda "Arlekin naqshi" deb ataladi. Bugungi kunda bu obraz pop-madaniyatda ham uchraydi(masalan, DC komikslaridagi Xarli Kvinn nomi aynan Arlekino so‘zidan olingan). Goosebumps✨

Serengeti milliy bog'i Serengeti milliy bog‘i - Sharqiy Afrikadagi Tanzaniyada joylashgan, dunyodagi eng mashhur, qadimiy va ulkan tabiat qo‘riqxona-ekotizimlaridan biri. U o‘zining cheksiz savannalari, boy hayvonot olami hamda tabiiy hodisa - "Jonli tabiatning buyuk ko‘chishi" bilan butun dunyoga tanilgan.1981-yilda YUNESKO Serengeti milliy bog‘ini Umumjahon tabiiy merosi ro‘yxatiga kiritgan. Bog‘ning maydoni taxminan 14 763 kvadrat kilometrni tashkil etadi (deyarli Farg‘ona viloyati hududiga teng)."Serengeti" so‘zi bu hududda asrlardan beri yashab kelayotgan tubjoy Masai qabilasining dilidagi "Siringet" so‘zidan olingan bo‘lib, "Cheksiz tekisliklar" degan ma'noni anglatadi. Har yili fasllar va yog‘ingarchilik o‘zgarishi bilan 1.5 milliondan ortiq gnu antilopalari, 200 000 dan ziyod zebralar va g'izollar yangi yashil o‘tloqlar va suv izlab muayyan halqa bo‘ylab ko‘chib yurishadi. Serengeti dunyo sayyohlari va fotograflari uchun eng mashhur safari yo‘nalishi hisoblanadi. Goosebumps✨

Norvegiyalik Unabomber Anders Breyvik (Anders Bering Breyvik, 1979-yilda tug‘ilgan) - norvegiyalik o‘ta o‘ngchi terrorchi va ommaviy qotil hisoblanadi. U 2011-yil 22-iyulda Norvegiyada amalga oshirilgan dahshatli xujumlari bilan butun dunyoga tanilgan. 2011-yil 22-iyulda U Oslo markazidagi hukumat binolari oldida qo‘lbola bombaga to‘la avtomobilni portlatdi. Natijada 8 kishi halok bo‘ldi.Shundan so‘ng u politsiyachi kiyimida Leyboristlar partiyasi yoshlar lageri joylashgan Utyoyya oroliga borib, u yerdagi yoshlar va o‘smirlarga qarata o‘t ochdi. Orolning o‘zida 69 kishi o‘ldirildi. Breyvik hujumlardan bir oz avval internetga "2083: Yevropa mustaqilligi deklaratsiyasi" nomli 1500 sahifalik manifest joylashtirgan. Breyvik o‘z manifestining katta qismini amerikalik terrorchi Ted Kachinski yozgan manifestdan so‘zma-so‘z ko‘chirgan. 2012-yilda Norvegiya sudi Breyvikni 21 yillik qamoq jazosiga hukm qildi. Goosebumps✨

Krakelyuralar - tasviriy sanʼat asarlari, asosan, moyboʻyoqli rasm va ikonalarning boʻyoq yoki lok qatlamida hosil boʻladigan mayda yoriqlar tarmogʻidir. Ular rasmlarning tabiiy qarishi natijasida yoki rasm chizish texnikasining buzilishi sababli paydo boʻladi.…

Remus amaki hikoyalari "Remus amaki hikoyalari" - amerikalik yozuvchi va folklorshunos Joel Chendler Harris tomonidan XIX asr oxirida to'planib, nashr etilgan mashhur masal va xalq ertaklari to'plamidir. Hikoyalar Remus amaki ismli keksa qora tanli inson tilidan, plantatsiyada yashovchi kichkina oq tanli bolakayga aytib berilishi shaklida bayon etiladi. Hikoyalarning markazida hayvonlar dunyosi va ularning o'zaro munosabatlari turadi. Asosiy qahramonlar: Quyon, Tulki va Ayiq. Quyon o'zidan katta va kuchliroq bo'lgan hayvonlarni har doim mantiq va hiyla bilan mot qiladi. Harris bu hikoyalarni o'zi o'ylab topmagan. U Jorjiya shtatidagi plantatsiyalarda ishlayotgan qora tanli qullardan eshitgan afsona va rivoyatlarni to'plab, adabiy qayta ishlagan.Ushbu to'plam AQShda folklor janrining shakllanishiga katta hissa qo'shgan va keyinchalik jahon bolalar adabiyotining klassik namunasiga aylangan. Goosebumps✨

🔅Kanal mundarijasi (17) 1. Tomas Dambo 2. Attestupa 3. Kopis 4. Viktor Gyugo Grin 5. Van mushuklari 6. Jorj Simenon 7. Barselush xo'rozi 8. Kris Van Ollsburg 9. Norfolk polki voqeasi 10. Jorj Lemetr 11. Katan stol o'yini 12. Uffington oq oti 13. Pioner Plastinkalar 14. Meno paradoksi 15. Uilyam Baklend 16. Eliot Ness 17. Genri Devid Toro 18. Borobudur 19. Dreyk la'nati 20. Nimeriya Doʻstlaringiz bilan ham ulashing, foydali bo‘lsa, xursand bo‘lamiz🔥 Goosebumps✨

Nimeriya Nimeriya - Jorj R. R. Martinning "Muz va olov qo‘shig‘i" romanlari turkumi hamda uning asosida suratga olingan "Taxtlar o‘yini" serialidagi markaziy qahramonlardan biri, Arya Starkning sodiq bo'risi. U boshqa beshta bo‘ri bolalari qatori Vinterfell yaqinidagi qorlar orasidan topilgan. Arya o‘z bo‘risiga bundan ming yil muqaddam yashagan, Dorndagi jangovar va buyuk qirolicha Nimeriya sharafiga nom bergan. Lannisterning qasosidan uni asrab qolish uchun Arya o‘rmon ichida unga toshlar otib, haydab yuborishga majbur bo‘lgan. Yillar davomida daryo bo‘yi o‘lkalarida (Riverlands) yovvoyi tabiat qo‘ynida yashagan Nimeriya, yuzlab oddiy bo‘rilardan iborat ulkan bo‘rilar to‘dasining malikasiga aylanadi. Arya va Nimeriya o‘rmonda kutilmaganda qayta uchrashishadi. Arya unga Vinterfellga birga qaytishni taklif qilganida,Nimeriya o‘z to‘dasini tashlab ketishni rad etadi. Shunda Arya uni o'ziga o‘xshab bo‘ysunmas ekanligini anglab, mashhur "Bu sen emassan" degan iborasini aytadi. Goosebumps✨

Dreyk la'nati Dreyk la'nati - zamonaviy sport olami va internetdagi eng mashhur ommaviy ishonchlardan biri.Unga ko‘ra, kanadalik mashhur reper Dreyk (Obri Dreyk Grem) qaysi sportchi yoki jamoani ommaviy ravishda qo‘llab-quvvatlasa, ular bilan rasmga tushsa yoki ularning g‘alabasiga pul tiksa o‘sha jamoa yoki sportchi kutilmaganda mag'lubiyatga uchraydi, omadsizlikka yuz tutadi. Reperning sport tikishlaridagi ketma-ket omadsizliklari va ko'p millionlik yutqiziqlari sababli internet foydalanuvchilari hatto uning barcha tikishlarini kuzatib boruvchi maxsus TheDrakeCurse.com saytini ham yaratishgan. Agar biror sportchi o‘yin oldidan Dreyk bilan tushgan suratini ijtimoiy tarmoqlarga joylashtirsa, uning jamoasi deyarli har doim mag‘lub bo‘ladi. Bir vaqtlar hatto Angliyaning "Manchester City" va Fransiyaning "PSG" futbol klublari o‘z o‘yinchilariga o‘yinoldi kunlarida Drake bilan suratga tushishni taqiqlab qo‘yishgan edi. La'natning eng mashhur va yirik qurbonlari:Konor Makgregor (UFC): 2018-yilda Konor Xabib Nurmagomedovga qarshi jang oldidan tarozi marosimiga Dreyk bilan birga chiqqan va jangda shafqatsizlarcha mag‘lub bo‘lgan. Dreyk yaqinda yakunlangan 2026-yilgi FIFA Jahon chempionati finalida Lionel Messi boshchiligidagi Argentinaning Ispaniya ustidan qozonadigan g‘alabasiga 1.5 million dollar tikdi. Oqibatda Argentina finalda Ispaniyaga 1:0 hisobida imkoniyatni boy berdi va Drake yana bir bor "la'nat"ini amalda ko‘rsatib, pulidan ayrildi. Goosebumps✨

“SHAXSIY-O'YIN” ishqibozlari diqqatiga! "Shaxsiy oʻyin" boʻyicha turnirimizning 6-turiga marhamat! Savollar google meetda oʻqiladi, oʻyinlar esa maxsus knopka orqali amalga oshiriladi! Biz bilan bilimingizni oshiring! Savollar muallifi: Behruzbek Usanov Savollar redaktori: Firdavs Bozorov 💸 Turnirda ishtirok etish; Har bir bilimdon uchun 15 000 so'm (bitta tur uchun) Boshqa turlardagi savollarni ham sotib olsangiz boʻladi! ✔️6-tur oʻyinlari 6-7 avgust kunlari boʻlib oʻtadi! Roʻyxatdan oʻtishga shoshiling, joylar soni cheklangan! Roʻyxatdan oʻtish manzili: @Behruzbek_Usanov

@too_imho savollarni tahlil qiladigan, yaxshi kanal endi boshlanadi qo'shilib olilar.

Borobudur - dunyodagi eng yirik buddaviylik ibodatxonasi Borobudur - Indoneziyaning Markaziy Yava provinsiyasida joylashgan boʻlib, dunyodagi eng yirik Buddaviylik ibodatxonasi va YUNESKO Butunjahon merosi obyekti hisoblanadi.Ibodatxona IX asrda, Shaylendra sulolasi hukumronligi davrida barpo etilgan. Tepadan qaraganda ulkan mandala (koinot xaritasi) shakliga ega. U 9 ta pogʻonadan (6 ta kvadrat va 3 ta doira shaklidagi platforma) iborat.XIV asrda aholi islom dinini qabul qilgach va yaqin atrofdagi Merapi vulqoni otilgach, ibodatxona vulqon kul va tropik oʻrmonlar ostida unutilib ketgan. U 1814-yilda Britaniya gubernatori Tomas Stemford Rafflz tomonidan qayta kashf etilgan. Goosebumps✨

Genri Devid Toro Genri Devid Toro (1817-1862) - Amerika adabiyotining "Oltin davri" vakili, taniqli yozuvchi, shoir, faylasuf va tabiatshunos. U oʻzining tabiat bilan uygʻun hayot kechirish, oddiylik va shaxsiy erkinlik gʻoyalari bilan tanilgan. Toroning eng mashhur asari - "Uolden yoki oʻrmondagi hayot" kitobi boʻlib, u muallifning Uolden koʻli boʻyidagi oʻrmonda, oʻzi qurgan kichik kulbada sivilizatsiyadan uzoqda oʻtkazgan ikki yillik mustaqil hayoti va falsafiy mushohadalariga asoslangan. Bundan tashqari, uning "Fuqarolik boʻysunmasligi" nomli siyosiy essesi davlatning adolatsiz qonunlariga tinch yoʻl bilan qarshilik koʻrsatish huquqini himoya qiladi va bu asar keyinchalik Mahatma Gandi hamda Martin Lyuter King kabi buyuk arboblarning tinchliksevar kurash harakatlariga ulkan taʼsir koʻrsatgan. Toro ekologik tafakkurning ilk kashshoflaridan biri sifatida bugungi kunda ham tabiatni muhofaza qilish harakatlarining maʼnaviy yoʻlboshchisi hisoblanadi. Goosebumps✨

Eliot Ness va "Tegilmaslar" haqida Eliot Ness (1903–1957) - amerikalik huquq-tartibot xodimi, quruq qonun davridagi mashhur agent va “The Untouchables” (Tegilmaslar) guruhining rahbari sifatida tanilgan. U Alkaponening Chikagodagi jinoyat imperiyasiga qarshi kurashi bilan mashxur bo'lgan. 1930-yilda yosh (27 yoshli) agent sifatida Alkaponening noqonuniy spirtli ichimliklar biznesiga qarshi maxsus guruh tuzishga tayinlangan.U pora olmaslik va adolatli bo‘lishi bilan tanilgan agentlardan iborat kichik jamoa tuzdi. Bu jamoa “Tegilmaslar” deb ataldi.Ular Kaponening pivo zavodlari, yashirin spirt ishlab chiqarish joylarini reyd qilib, katta moliyaviy zarar yetkazdilar. Kapone asosan soliq to‘lamaganligi uchun 1931-yilda sudlangan va qamoqqa yuborilgan . Eliot Ikkinchi jahon urushi davrida federal hukumatda ishlagan. Keyin biznesga o‘tgan lekin muvaffaqiyatli bo‘lmagan. 1947-yilda Klivlend merligiga nomzod bo‘lgan, lekin yutqazgan. Oxirgi yillarida qiyin moliyaviy ahvolda yashagan. Goosebumps✨

Uilyam Baklend Uilyam Baklend (1784–1856) - ingliz geologi, paleontologi va ruhoniysi. U 19-asr boshlarida geologiya va paleontologiya fanlarining asoschilaridan biri hisoblanadi. 1824-yilda u Megalosaurus (“katta kaltakesak”) qoldiqlarini tavsiflab, uni birinchi marta “dinozavr” deb atagan hayvonlardan biri sifatida ilmiy jamoatchilikka taqdim etdi. Bu Richard Oven “Dinosauria” atamasini yaratishidan oldin bo‘lgan.U yosh talabalarga (jumladan, Charles Darvinning ba’zi zamondoshlariga) geologiya o‘rgatgan. Uning ma’ruzalari juda mashhur va hayajonli bo‘lgan. U dunyodagi hamma hayvonni yeb ko‘rishni o‘ziga maqsad qilgan edi. U ko‘shapalak, tipratikan, timsoh, hatto Fransiyada saqlangan qirol Lyudovik XIV ning mumiyolangan yuragini ham yeb ko‘rgan.Uning xotini Mary Morland ham paleontolog bo‘lib, unga yordam bergan. Goosebumps✨

Meno paradoksi Meno paradoksi - antik davr faylasufi Aflotunning "Meno" muloqotida o‘rtaga tashlangan va bilish nazariyasining eng mashhur jumboqlaridan biri. Suqrot va Meno o‘rtasidagi bahsda shakllangan bu paradoks "Inson o‘zi bilmagan narsani qanday qilib izlashi va o‘rganishi mumkin?" degan savol atrofida aylanadi.Meno quyidagi uchta qadamli orqali uni tushuntiradi: 1. Agar siz biror narsani bilsangiz, uni izlamaysiz (chunki u sizga ma'lum, uni izlashga hojat yo‘q). 2. Agar siz biror narsani bilmasangiz, baribir uni izlay olmaysiz (chunki nimani izlayotganingizni ham, uni topganingizda aynan o‘sha narsa ekanini qanday tanib olishni ham bilmaysiz). 3. Xulosa: Inson o‘zi biladigan narsani ham, bilmaydigan narsani ham o‘rgana olmaydi. Demak, yangi bilim olish mutlaqo imkonsiz. Suqrot bu paradoksni rad etish uchun eslash nazariyasini ilgari suradi.Unga ko'ra biz tug‘ilishdan oldin ham barcha haqiqatlarni bilganmiz “O‘rganish” aslida yangi bilim olish emas, balki unutilgan bilimni eslashdir. Goosebumps✨

Pioner Plastinkalar Pioner plastinkalar - insoniyat tomonidan o'zga sayyoralik gipotetik sivilizatsiyalarga yuborilgan birinchi rasmiy vizual xabar.Ular 1972 va 1973-yillarda koinotga uchirilgan Pioneer 10 va Pioneer 11 kosmik apparatlariga o'rnatilgan. Apparatlar Quyosh tizimini tark etib, yulduzlararo bo'shliqqa chiqishi rejalashtirilgani sababli, olimlar ularga insoniyat va Yer haqida axborot beruvchi oltin bilan qoplangan alyuminiy plastinka joylashtirishgan. Plastinkadagi xabarni mashhur astrofizik Karl Sagan hamda Frenk Dreyk loyihalashtirgan. Tasvirlarni esa Karl Saganning o'sha paytdagi turmush o'rtog'i, rassom Linda Saltsman Sagan chizgan. Plastinkadagi axborotlar har qanday rivojlangan sivilizatsiya tushuna oladigan universal fizika va matematika tili (koinot konstantalari) orqali shifrlangan. Goosebumps✨

Uffington oq oti Uffington oq oti - Angliyaning Oksfordshir grafligida joylashgan, bo'r qatlamini o'yib ishlangan dunyodagi eng mashhur va eng qadimiy gigant tepalik tasvirlaridan biri. Optik lyuminessensiya tahlillariga ko'ra, u so'nggi bronza davri yoki ilk temir davrida yaratilgan. Yoshi 3000 yildan oshadi.U klassik realistik otga emas, balki qadimiy kelt va illyriya tangalaridagi chopib ketayotgan yoki sakrayotgan ot ramzlariga o'xshaydi. Keltlar ma'budasi Epona (otlar va hosildorlik homiysi) yoki Quyosh xudosiga bag'ishlangan muqaddas maskan bo'lgan degan taxmin bor.Uffington oti mahalliy aholining asrlar davomida davom etib kelgan an'anaviy tozalash va bo'rlash festivali va marosimlari sababli bugungi kungacha asl holida yetib kelgan. Goosebumps✨

Katan stol o'yini Katan - dunyodagi eng mashhur va klassik strategik stol o‘yinlaridan biri. U 1995-yilda nemis o‘yin dizayneri Klaus Toyber tomonidan yaratilgan. O‘yinchilar Katan deb nomlangan kimsasiz orolga kelib o‘rnashgan ilk jamoalar yetakchilari hisoblanadi. Asosiy maqsad resurslarni to‘plash, yo‘llar qurish, qishloq va shaharlar barpo etish hamda birinchi bo‘lib 10 ochko jamlash. O‘yin maydoni oltiburchak shaklidagi maxsus plitkalardan (gekslar) tasodifiy ravishda tuziladi. Har bir geks ma'lum bir resursni ishlab chiqaradi va ustida 2 dan 12 gacha bo‘lgan raqamlar joylashadi.Yurish qilayotgan o‘yinchi o‘ziga kerakli resurslarni boshqa o‘yinchilar bilan almashtirishi yoki o‘yin portlari orqali bank bilan savdo qilishi mumkin. Mark Sukerberg Katanning ashaddiy ishqibozi. U bu o‘yinni shunchalik yaxshi ko‘radiki, hatto o‘z xodimlari va Meta rahbarlari bilan sayohatlarga chiqqanda ham Katan o‘ynashini aytadi. Goosebumps✨

Jorj Lemetr Jorj Lemetr (1894–1966) - Belgiyalik taniqli astrofizik va katolika ruhoniysi. U zamonaviy kosmologiya fanining asoschilaridan biri va Katta Portlash nazariyasining otasi sifatida tanilgan. Albert Eynshteynning Nisbiylik Nazariyasiga tayanib, Lemetr Koinot o'zgarmas emas, balki doimiy ravishda kengayib borayotganini ko'rsatib berdi.U uzoqlashayotgan galaktikalar tezligi va ulargacha bo'lgan masofa o'rtasidagi bog'liqlikni hisoblab chiqdi (bugungi kunda bu Xabbl-Lemetr qonuni deb ataladi). Lemetr mantiqan shunday xulosaga keldi: Agar Koinot bugun kengayayotgan bo'lsa, demak o'tmishda u kichikroq bo'lgan. Vaqtni orqaga qaytarganda, Butun Koinotdagi barcha modda va energiya bir vaqtlar bitta o'ta zich, kichkina nuqtada to'plangan bo'lishi kerak. U bu nuqtani "Boshlang'ich atom" yoki "Koinot tuxumi" deb atadi va Koinot uning portlashidan hosil bo'lganini ilgari surdi. "Katta portlash" nomini esa g'oyaning ashaddiy raqibi Fred Xoyl, uni masxara qilish uchun o'ylab topgan edi. Goosebumps✨