513

إذا وصلت لهنا…يمكن هالكلام جان إلك : كل مرة تتأخر بيها أمنية، معناها رب العالمين رافضها. مرات التأخير هو أكبر نعمة، لأن لو إجتك بذاك الوقت يمكن جانت تضرك أكثر مما تنفعك. إحنا البشر نستعجل بكلشي… نريد الجواب هسه، والفرصة هسه، والفرج هسه. بس ننسى أن الله يشوف أشياء إحنا ما نشوفها. يمكن اليوم تزعل لأن باب انسد بوجهك، بس بعد فترة راح تكتشف أن هالباب لو انفتح، جان أخذك لمكان ما تتمناه. فلا تيأس إذا شفت حياتك مو مثل ما خططتلها. يمكن الطريق اللي أنت متضايق منه اليوم، هو نفسه الطريق اللي راح يوصلك لأجمل أيام عمرك

تخيّل الله ينظر إليك من فوق السماء مبتسمًا لأنك جعلت شخصًا يقرأ هذا الدعاء: اللهم فارج الهم، كاشف الغم، فرّج همّي، ويسّر أمري، وارزقني من حيث لا أحتسب. قال رسول الله ﷺ: “من أخبر الناس بهذا الدعاء فرّج الله همّه”

رسالة يمكن تحتاجها الليلة: إذا حسّيت إن كل شيء تأخر بحياتك، لا تستعجل بالحكم. مو كل تأخير معناه رفض، ومو كل انتظار معناه خسارة. مرات الله يؤخر الشيء لأن وقته المناسب بعده ما وصل، ولو جاك قبل أوانه، يمكن ما كان خير إلك. ثق أن ربك يشوف اللي ما تشوفه، ويعلم شنو ينفعك حتى لو نفسك تتمنى غيره. خلي قلبك مطمئن… فما دام الله هو المدبر، فأكيد الخير بالطريق، حتى لو ما بان إلك اليوم. ﴿وَعَسَىٰ أَنْ تَكْرَهُوا شَيْئًا وَهُوَ خَيْرٌ لَكُمْ﴾

مرّة واحد گالّي جملة، ومن ذاك اليوم حسّيت نظرتي للحياة تغيّرت: الكلمات إلها أثر أكبر مما نتخيّل… مرات كلمة بسيطة تدخل الفرح على قلب إنسان، ومرات كلمة ثانية تترك جرح ما ينسى. لهذا انتقِ ألفاظك، تره الكلمة مو مجرد حچي، هي دليل على أخلاقك، ووعيك، وحسن تعاملك. مثل ما وصّانا رب العالمين: ﴿وَقُولُوا لِلنَّاسِ حُسْنًا﴾ وكال النبي ﷺ: «من كان يؤمن بالله واليوم الآخر فليقل خيرًا أو ليصمت.» مو كل شي تعرفه لازم تكوله، ومو كل شعور تحسه لازم تعبّر عنه بنفس الطريقة. الكلمة الطيبة مرات تجبر خاطر، وتترك أثر حلو يبقى بالگلب سنين. تذكّر دوم: بكلمة ممكن تضمد قلب، وبكلمة ممكن تطفي قلب

مرّة واحد گالّي جملة، ومن ذاك اليوم حسّيت نظرتي للحياة تغيّرت: حين يشاء الله؛ يستبدل أسبابًا بأسباب. وحين يشاء الله؛ يغلق بابًا ويفتح أبوابًا. وحين يشاء الله؛ يمنع عنك ليعطيك، ويحرمك ليرضيك. فكن راضيًا وكأنك تملك كل شيء، لأن كل ما يكتبه الله لنا ألطف وأجمل وأعظم الأشياء، فربُّ الخير لا يأتي إلا بالخير. ومن يومها عرفت… مو كل تأخير خسارة، ومو كل اللي نريده خير إلنا. ومن ذاك اليوم، بطّلت أستعجل، وخليت أمري كله على الله. تعلمت إذا باب انسد، أكيد أكو باب أحسن، الله مخبّيه إلي. ومن ذاك اليوم، كل ما يصير شي ما يعجبني، أگول: يمكن الخير بعده بالطريق. وعرفت شغلة وحدة… اللي يختاره الله إلي، أحسن من ألف شي أختاره بنفسي.

قريت جملة خلّتني أعيد حساباتي بكلشي فات: “أمر الله من سعة” لا تسبق الأحداث،ولا تضغط على نفسك. كل شيء راح يجي أجمل وأحسن مما تتوقع. ممكن تنسد عليك اليوم، ووممكن تحس الدنيا انحصرت بيك ، لكن باچر… راح تشرق الدنيا من جديد. وكل تعب مرّ بيك راح يكون درس يعلّمك، وكل انتظار إله ثمرة وقيمة. ولا تنسى أبداً… الله أكبر من همّك، وأرحم من تعبك، ورحمته ولطفه تحيط بيك دوم

قريت گلمة خلتني أعيد حساباتي بكلشي فات: تغيّرت؟ أكيد تغيّرت، ومنو بينا ما تغيّر!! الظروف تغيّرنا، فراق أصداقاء يغيّرنا، موت شخص عزيز علينا يغيّرنا، المرض يغيّرنا، البچي يغيّرنا، الأيام اللي نعيشها وحدنا تغيّرنا، الوحدة تغيّرنا، تحمّل المسؤولية يغيّرنا، مواقف الضعف تغيّرنا. كلما نكبر ونفهم نفسنا والدنيا والناس أكثر نصير نتغيّر. نبعد عن الأشياء اللي توجعنا وتتعبنا فنتغيّر، ونرتّب أولوياتنا كل مرة فنتغيّر. ومنو بينا ما تغيّر ووصل للي هو عليه هسه؟؟؟ التغيّر مو شي نهرب منه، بس نتمنى يكون تغيّرنا للأَنضج، للأقوى، للأرحم… مو للأسوأ والأقسى

قريت جملة خلتني أستوعب هواي أشياء : ترا ربي يشوفك ويشوف محاولاتك ويشوف دموعك ويأسك وقلّة حيلتك ربي يعلم بكل الأمور اللي تمر بيها وما يهون عليه حزنك عبده يطيك حتى يرضيك وينسيك مرارة كل هالأيام بشي ما محد يتوقعه هذا مجرد اختبار ليقين العبد بربه الحّوا بالدعاء واشتكوا لله همومكم وأحسنوا الظن بيه وخلوكم على يقين وتذكّر… مو كل تأخير حرمان ومو كل باب انسد انتهى الطريق مرات الخير يجي بوقت ما يخطر ببالك والأشياء اللي تتمناها تجيك بصورة أحلى من اللي رسمتها بس لا تطفي الأمل من قلبك وخليك مؤمن إن تعبك ومحاولاتك ما تضيع

“الذين يتركون كل شيءٍ في يد الله، سوف يرون في النهاية يد الله في كل شيء” جملة كلها راحة وطمأنينة، تشعرك بالهدوء وتثبت بقلبك الرضا والأمان. ثق بالله وسلم أمورك كلها له، حتى ولو كان اختيار الله عكس ما تريده، ستكتشف فيما بعد حكمة الله في كل شيء. وكل تأخير بيه خير ما نعرفه هسه، وكل باب انسد يمكن وراه باب أجمل ينفتح، لا تستعجل على رزقك ولا على نصيبك، الشي المكتوب إلك راح يوصلك حتى لو طال الانتظار. اطمّن… الله يعرف شتتمنى، ويعرف شكد تعبت، ويدبرلك الشي بوقته الأحسن.

مرة واحد كالّي جملة، ومن ذاك اليوم حسّيت نظرتي للحياة تغيّرت. كعد يمّي بكل هدوء وكال: “لا تخلي هم باچر يسرق منك راحة اليوم.” تره الرزق والمكتوب إلك راح يوصلك، مو لأنك ظلّيت تفكر بيه ليل ونهار، ولا لأنك تعبت روحك بالخوف والقلق. اللي إلك راح يجيك بوقته، واللي مو إلك لو شكد تركض وراه ما يصير إلك. ومن استوعبت هالحچي، عرفت شكد ضيّعنا أيام حلوة من عمرنا وإحنا خايفين من أشياء بعدماصارت، أو متحسفين على أشياء راحت. ومن هالوقت صرت أگول: “اللي كاتبه الله يصير، وأني أمشي بطريقي مطمّن، وواثق إن التيسير من عنده، مو من كثرة التفكير والقلق.

قريت عبارة تگول وتلامس الگلب: "كل صابرٍ سينال ما تمنى، ولو بعد صبرٍ طويل" ريح گلبك الأشخاص الـ طلعوا من حياتك، والمواقف الـ كسرتك..كلها جانت دروس علمّتك شلون تكون أقوى وأنضج. مرات نتعلق بأمور ونبجي عليها، وهي جانت من الأساس مجرد محطة تعلّمنا منها وبس ، التوفيق مو بالاستعجال، التوفيق بالبركة والرضا. والله ما يبعد عنك شي تحبه، إلا لأن القادم أجمل وأنسب لروحك الطيبة. فخليك متفائل... وتأكد إنو الأيام الـ جايتك راح تنسيك كل الوجع.

قريت جملة خلتني أستوعب هواي أشياء : "اللي الله كاتبه إلك راح يوصلك حتى لو بينك وبينه ألف طريق " ومن بعدها فهمت إن مو كلشي يضيع يعني خسارة ، مرات الله يبعد عنك ناس وجودهم مو خير إلك ، ومرات يكسرك حتى يقويك ، ويأخر أمنياتك حتى تجي بالوقت الصح ممكن تمرّ بفترة تحس بيها وحدك،وكلشي مو مثل ما تريد بس بالنهاية تستوعب إن الله جان دا يرتبلك طريق أحسن وكل باب ينسد بوجهك أكيد وراه باب ثاني راح ينفتح بوقت ما تتوقعه فاطمّن، كل تعب تمرّ بيه هسه، وكل وجع، وكل تأخير، أكيد وراه حكمة وخير إلك

قريت جملة خلتني استوعب شكد صح هذا الكلام : "سمع اللّٰه لمن حمده" فشلون باللي شاكيله همك وباچي إله بآخر الليل او النهار؟ مستحيل يردّك خايب ، من تخلي ربك أول شي بحياتك، هو يرتبلك طرق وأبواب ما جانت حتى ببالك، ويجيبلك الخير بوقت تحتاجه بدون لا تتوقع ، تره مو كل تأخير حرمان، مرات الله ديهيئلك شي أكبر من اللي تتمناه، فخليك مطمّن… كل دعوة طالعة من گلب صادق، إلها وقت وتوصل

قريت جملة خلتني أعيد حساباتي بكلشي فات: “الشي المكتوب إلك راح يوصلك حتى لو مدفون بين جبلين.” اطمّن… كلشي راح منك يمكن جان لازم يروح حتى يجيك الأحسن منه مرات نتعلّق بأشياء ونحزن عليها، وهي من الأساس جانت معطّلة طريقنا والرزق مو بس فلوس… الرزق همين “توقيت”. والله ما يفتحلك باب إلا بالوقت اللي تكون بي مستعد تستقبل بيه العوض الصح. فخليك هادي… نصيبك يعرف دربك زي

قرأت شي كلش حلو ولامسني هواي : سبب حذف يا النداء بمواضع الدُعاء بالقرأن بقول يارب مثل قوله تعالى : "رَبَّنَا أَفْرِغْ عَلَيْنَا صَبْرًا" و"رَبِّ أَرِنِي أَنظُّرْ إِلَيْكَ" و"رَبِّ ابْن لِي عِندَكَ بَيْتَا فِي الْجَنَّةِ" السبب هو ان المعنى البلاغي لها ان يا النداء تستعمل لنداء البعيد والله سبحانه وتعالى اقرب لعباده من حبل الوريد ولذلك حذفت .

"اليوم قريت معنى اسم الله الجبّار " وانصدمت من عظمته ومعناه: ماكو حزن إلا وهو يرفعه، وماكو مرض إلا وهو يشفيه، وماكو بلاء إلا وهو يكشفه ، تتزاحم الأوجاع بگلبك لحد ما تتخيل ماكو شي يكدر يخففها، وفجأة الجبّار يجبر خاطرك ويطيب قلبك، لحد ما تختفي كل آلامك وأوجاعك، ويرجع گلبك كأنه ما مرّ بأي تعب.

يكول واحد: مريت من جانب أخي الصغير وهوه يصلي ، سمعته وهو يدعي اللّٰه بلعبة ، ومن اجه اليوم الثاني خليت اللعبة بجانب السجادة ، حتى يعتقد أن اللّٰه قد استجاب دعوته ، لكن أدركت أن مروري بجانب اخويه الصغير وهو يصلي ما هو إلا ترتيب من اللّٰه لأنه بالفعل قد استجاب دعوة أخي

Pov: فئة ال " يلا ليش لا" أحلى ناس والله

اليوم الذي تكول عنهُ " يومًا عاديًا" ليس عاديًا أبدًا! ما دمت نعيشُ يومًا خاليًا مِن الفقد .. فهذه نِعمة ما دُمت تعيشُ بين أُسرتِك .. فَهذه نِعمة ما دُمت تعيشُ في منزلك .. فهذه نِعمة ما دُمت تعيشُ في أَمن وأمان .. فهذه نِعمة ما دمت تعيشُ بِ صحةٍوعافية . فهذه نِعمة محفوفين بِ ملايين مِن النِعم ف الحمد الله على جميع النِعَمِ اللّتي لا تُعَدُ ولا تُحصى .

للتذكير وللمرة الثانية والثالثة والمليون أعظم سبب للتوفيق والرزق ليس ذكائك ولا شهادتك ولا علاقاتك أيا كانت بل نيتك الطيبة الخالصة لوجه اللّٰه . هي التي تفتح لك أبواب الرزق والتوفيق من حيث لا تحتسب النوايا الطيبة ترتب لصاحبها أجمل الأقدار فسعادة الآخرين لن تأخذ من سعادتك وغناهم لن ينقص من رزقك وعافيتهم لن تسلبك صحتك فكن صاحب نية طيبة وأثر طيب بين الناس"