عبد العليله ابو كيان الفاطمي

[[سوالف الخرايب ]] لأستشهاد سكينه ع وعندما جن الليل في تلك الخرابه اثناء مسير السبايا . جاءت سكينه ع جلست قرب عمتها فأخذت تخاطبها من الخيال الشعري . محــنه بهاليسر مـحنه صحنه ولا اجو صحنه واللـــه اتعذبت سكنـه            محنـــه  ... محنـــه ◾◽◾◽◾◽◾◽◾◽ ياعمه بهـداي الحچي خافنــــهم يســـمعونه شما سمعو اســــوالف گبل ياعمتي ضربونه العايف وراه اهله شعجب هالناس ميعذرونه مو سهله افـارگ والدي الكـلهن محنّه عيونه ضلمه هالعمر ضلمه بلايـه والدي عــــمه موادع مشبعت مـنه           محنـــه  ... محنـــه ◾◽◾◽◾◽◾◽◾◽ وحده اعله وحده امن البرد نلتز نريد ونغفه نمت بخرابه انه الچنت بحضين ابويه ادفّـه الليل ارحم عمتي كلهــــم عيون وصــــــلفه حته العدو عنه النضــــر بلكت شويه يشگفه عيني بمدمعي هيمي ينگد بالگلب ضيــمي ونّــه تسامـــر بونّـــه            محنـــه  ... محنـــه ◾◽◾◽◾◽◾◽◾◽ الشوگ يذبحني ذبح لحسيني ولعمّاني يا گلب يتحمل بعــــد الامي واحـــزاني عمي ابو فاظل فلا من عادته ينســـاني لا جاني هو ولا اجو فزّاعه اليه اخواني حيره شألهج واحچي انه مـــدللـه وابـــچـي للـــهم مـــا تعــودنّــــه           محنـــه  ... محنـــه ◾◽◾◽◾◽◾◽◾◽ من درت ضهري لكربله اتمنيت واحد گلـــي يم والدچ بين اخوتچ ياسكنه انتي ضــــلّي الشاف الملامح گال الي بيچ البعد شمخلي بأيام السنين البقت من غير الاكـبر شـلـــي متني منهطر متني محد رد شمر عنـي عمه ويمچ يطگــنه           محنـــه  ... محنـــه ◾◽◾◽◾◽◾◽◾◽ ياعمه اخياتي گضن من التعب والــركضه بس السهر بس الالم والنوم ماصح لحضه كلما نون ونرتچي والجفن بس نغمـــــضه بالحلم چن صدر الولي حافر المهره يرضه خلافه عيشـتي حيـره مامش راحه الي غيره لحضه ريت اشــــوفنه           محنـــه  ... محنـــه ◾◽◾◽◾◽◾◽◾◽          عبد العليلـه ✍حيدر ابو كيان الفاطمي (121)

[[ يمهدينه يمهدينه ]] الى حبيبي ومولاي الغائب المنتظر عج يمهـــدينـــه يــمهديـــنه يمهــــــدينه يمهـــــدينه متى يطر صبحك اعلينه متى يطر صبحك اعلينه ◾◽◾◽◾◽◾◽◾◽ نريدك سيدي بــــــسرعـه تجي والعــــايل تطــلـــعه وامام عيـــــونّه ترفـــــعه تصـــلبه ونســمع ونيــنــه الكسر ضلع ام حسن والله هو الحـــــز نحـر عبــدالله نــــريد تحــــرگــه عز الله واهـــانه ســيدي تهـــــينه نــــسو ما ينگـــطع نسلــه ابو الحسنين ابو الحمـــله فـــقارك لمــــن تســــــلــه تخلسه اللي اطلعت عينه ◾◽◾◽◾◽◾◽◾◽ تحن الــــــروح ولهــــانه الــــك يالگاطـــــع ويـانه يمـــن حاشــاك تنـــسانـه نحـــبك وانــته تـدرينــه رغبنــــــاك بدمــع فرگــة ونتاني لساعـــة الملگـــة اليعشگك نافس بعشـگـة فـــرق عـــن البشر طـينه هويتك وانه ما شفــــتك سمعت شگد ولا عفـــتك اموت اعــــــليها سالفتك فــــده لجــدمك اهاليــنه ◾◽◾◽◾◽◾◽◾◽ حچو والما حـــچو كلــه حچيهم ما يخل خـــلــه يأحله من العسل واحـله يگمرة بضلمه تضــــوينه بحنــــيني الــك اتبـاهــا محبتك رحـــــمه خلاها يسبـــحان اللي ســواها يمن بس الـــك حبينـــه متى يحين البعـــد حده گضه يالمهدي لو بـــعده جفه عيونك تــره شـده الــــك يالغـــالي حنينــه ◾◽◾◽◾◽◾◽◾ الدنيه بعـــــازتك كلــــها بضــــهورك انــته تعدلها ونزور الزهــره ونگــــلها الچ يـم حــسن حنّــينـه يسكت الضلم واعـــوانه ونهــــد ويـــاه عـــوّانــه ويرفــــرف عالــي لوانه النصــر مكتوب بجبـينه يــرد احگــــوگ للفقـــره ويشــــيد گـــبر للـــزهره وخطبته تصير بالحضره ونقيم احنــــه تعازيــــنه ◾◽◾◽◾◽◾◽◾◽ الفـقير يعيـــش المــدلل بعزة وخـــــير مــا ينذل لچن الطـــــاغي يتبهذل يروح بســـحگ رجــلينه الامان اليحصل بوكـــته مثيــــــل ولا الــه حتــه شكبر حضه شكبر بخته اليعيش بوكـت والينـــه الـــك تتنــطر الشـــيـعه يمـــن لاگتـــلك البيعــه وجوباً شخصك نطيـعه يگرة عين ابـو سكينـــه ◾◽◾◽◾◽◾◽◾◽ عبد العليلـه ✍حيدر ابو كيان الفاطمي (120)

نعي بَكَتكَ السَماءُ يا رَسولُ بــارِئَها وأحَـــــدَّ العَرشُ عَلــيكَ حِدادِ فَمِنا عَليكَ السلامُ يا أبا قاسِماً يا شافِـــعَ الأُمةُ ونَيــلِ مُـرادي يا سيدي الزهراءُ بَعدَك تَعَذَبت والكونُ أمسى بِعيّــنِها سَــــوادِ سيهَجَـموا عَليها بِـنارٍ وعَصــرَةٍ ويَــقتِــلونَ مِـحـــسِنِها الأعادي تَلوذُ بِالباب وتَتَستر بِعَصــــرَتِها وخَلفَــهُ لأحبـــــابِــــهــا تُــنادي أهكَذا يُردُّ الجَميلُ مِن صَحابـةٍ لِخِـــلافةٍ عـَــمو فَقَتَـلوا الهادي ◾جاء الحسين ع يخاطب جده ص يجدي ليش ناوي انته ع الفــراگ بعدني مشبعت من صدرك اشباگ راح الـــفرح من شفتــي ينبـــاگ واضل مناطـــــــرك هم الك جيه ◾الرسول ص يكلم الحسين ع لا تبچــــي يبعــــــد الگلب والعين ماكو امصاب مثل امصابك حسين بلا ناصــر تضــل ومامش معيـــن وثلث تــــــــــيام ماضـــايگ اميه كلها أهـون ولا سحگـــة اعضامك ولا تســـعر بنار وتلهب اخيـــامك ولا حفاي تركض بالفـله ايتامـــك وتــــروع الگلب خيـــــل ال اميه ◾بقيت الزهراء ع بحيرة وحسرات ودموع من هســـه وصفت دنياي ضلمه ابوي شلـــون حدر الگـاع اضمه شــــــلون الولي يفارگ زهرتـــه وبـــــيا حيل اصبر من فرگـــتـه چنت عايشه اعله الله وضحكته شلون اليشـــرب ابيـــــته يسمّه لا تغمض عيونك بويه ارجـــاك الــــــمن عـفتني رايده اويـــاك من ترجع لبيتك بويـــه محلاك يريت عيــوني من مبچاي تعمه هـــــاي المــا حسـبتلـــها يبالي ابوي اتعــــودت الگاه اگبـــالي يروح وياك حيلي وكل دلالــي واصفه بحيرتي بدونك وهمي ذهبت مولاتي فاطمة الزهراء الى قبره فأخذت تخاطبه ضاگت عليّ داري واجيتك يابويه وبعتبي اعتنـــــيتك رحت لمچانك ما لگيـــــتك ميت يبو الزهره نسيتـــــك من اشتاگلك اركــــض للـهدوم بعدني بعازتك لا مو وكت نوم ارجع عليّ يا ريت بـــــس يوم انفض اتراب الفــــــوگك وگوم ويتّــــــموني شيريدون مني ويتّـــموني مارعــــــوني هم تدري اخلافك مارعوني مگلوب لوني يم گبرك اون مگـلوب لـوني يالغافي بالگـــاع ما بسك بعد يالغافي بالگاع عمري انفنه وضاع شيّعتك وعمري انفنه وضاع كلــساع كلــساع اذكرك وانلچم كلساع كلساع يابعد بنتــك اه يچــبدي اتوسد انــه احــذاك ودي ينوحون من فرگاك ولدي وكلساع نشده وينه جدي بعد لمصابي هذا الدهــــــر -- ما عاد وتمنــــيته يعـــــود الزمــن -- ماعـاد حسين يگول جدي شعجب -- ماعاد اله فتره مشه وما عاد ليه عبد العليلـه ✍حيدر ابو كيان الفاطمي (19)

[[ ويلي على محمد ]] لأستشهاد النبي الاكرم ابي القاسم محمد ((ص)) ويلي علــى محمد فوگ الفراش امدد -- مسموم  مسموم وي حامي الحميـه تنحب الــه الزچيـه -- مسموم  مسموم ◾◽◾◽◾◽◾◽◾◽◾ الحبيـــــب الليلـه يتلاگــه بحبيــبه وفاطــمـه بفـــراگه نادت يامصيبـه عگب ابو القاسم تضل شگد غريبـه منين والدها بعد فاطمه تجــــيبـــه ودعتــك الله تگله بس لاتضنها سهله -- مسموم  مسموم ليش ابعدت عليه تنحب اله الزچيه -- مسموم  مسموم ◾◽◾◽◾◽◾◽◾◽◾ الحسن وحسين اجو يبچون لجله والله وحشة دارنه لگعــدتك خلــه الزمن يايــمه مــــا ينطينـــه مهلــه الفرگه صعبه نريد ابو القاسم نگلـه شويه نريد نشـوفه ونقبل احنه چفوفه -- مسموم  مسموم مــا اعظم الــرزيــه تنحب اله الزچيـــه -- مسموم  مسموم ◾◽◾◽◾◽◾◽◾◽◾ راح ابو طول الحلو الكلــه مـهابه من عســاها ابخت من طلع انيابه وذوله اليــسمون انفسهم صحابـه اشهــدما بالله كل ذولــه عصابـــه والتندعي حرمـته شو سممت چبدته -- مسموم  مسموم طايح حمه البريه تنحب اله الزچيـه -- مسموم  مسموم ◾◽◾◽◾◽◾◽◾◽◾ فاطمه تگل لعلي الگايـــل صحابي ليش باچر يدفع اعله ضلوعي بابي واللي ويه والدي امن الزغر رابـــي يريد يتشمت تره بطيحــة حجابي والخالف الرسالــه خصمه النبي واله --مسموم  مسموم والشوفته زهيــه تنحب اله الزچيه -- مسموم  مسموم ◾◽◾◽◾◽◾◽◾◽◾ بين ناســـك تنغـــــدر والله هـــضيمه بس طحــــت صاحو بقت بنته يتيمـه الزهره عگبك ورده چنها ابوسط هيمه انتــــه خيمتها وبقت من دون خيـــمه ايسـي الولي شيرده مــــــاي برمل تبــده-- مسموم  مسموم گالت مشه امن اديه تنحب الـه الزچيــــه -- مسموم  مسموم ◾◽◾◽◾◽◾◽◾◽◾          عبد العليلـه ✍حيدر ابو كيان الفاطمي (119)

[[ زينب والرسول ]] مولاتي زينب ع بطريقها من كربلاء الى المدينه وقد حلت ذكرى استشهاد جدها رسول الله ص في مثل هذه الليالي فأخذت تخاطبه عما جرى عليها التحچي المصايب زينب ام عون ردت خــــــليه ووحـــشه الضعون مـن العليـــــله للــــرمح ياجدي اسولف يا جرح وحشه الضعون ◾◽◾◽◾◽◾◽ لكربلـه لــــمن وصلـــــنه كلنـه ياجــــــدي ســــوه بليله واضحاها گضتـنـه عــــــملة عمـــلة نينـــوه والعطش شايـخ علــينـه وهــــذا گلبـــــي ما روه ( خرَجَت زينب) يوسّفه حسين اخيي مـــن هوه يصيحون زينب طـلّـعهوها وحرگو گلبها براس اخوها موش الحسين الينذبح ياجدي اسولف يا جرح وحشه الضعون ◾◽◾◽◾◽◾◽ يا رسول الله وركضتي صــار ضعـــفين العــمر مِنِ التله لجسم اخويه شيبــت شيــب شكثـر كـلــها تـتـلفــت عــليـه تصيح هــاي ام الـخدر وگام واتـعمّــد اگبــالي اتـربع بصــدره الشــمر لاخيم ضــلّت لاكـــو خــوّان وحسين عميه عيوني عريان لا صبّح اعليه الصــــبح ياجدي اسولف يا جرح وحشه الضعون ◾◽◾◽◾◽◾◽ من الفجر گالو سبـــــايا نمـــر جثـثـهم بالفــلــــه وانتن اعله الناگه ودعن ما نــوگف القـــافـــــــله ألعـــذر يحسيـــن گتــله وشلت بچــفوفي الـــــه هــــاي فرگتــنه وألــمنه اخ منــچ كــــــــــــربلــه واعله النهر ناديت بأحساس ودعتك الله خـــــويه عباس يالمثل طولك ما يصـح ياجدي اسولف يا جرح وحشه الضعون ◾◽◾◽◾◽◾◽ طررونه السـوگ زحمه والـــرؤؤس امعــلــــگه اگلوبنه وطــرفة عبينه والاجـــــدام امحـــرگه اعلينه تتمزهد الــوادم واني جــدي مــــــدنّگه بيش ازامطهم واخوتي ولا نفـــــــر منهــم بگـه يضحكون وانه بگلبي النار ومو بالهلا تلگونه بأحــجار يشمرونه ماي امن السطح ياجدي اســــولف يا جرح وحشه الضعون ◾◽◾◽◾◽◾◽ للقصر لمــــن وصـــلنه شگد وگفنه بالشمـــس وجوهنه تگشرت جدي ما بشر بيهـــم يحـــس ليش وگفتونه صــحنه گالو افراح امـــن امس نزيّن احياء المــــــدينه الليله حفله شگد ونس صاحو عليه بصوت مسموع هاي الاخيّهـا امكـسر ضلوع والشامت بحچيه يلــح ياجدي اسولف يا جرح وحشه الضعون ◾◽◾◽◾◽◾◽ اختصرلك بالســــــوالف عاد ضعــني لأخـــــوتي بلايه حيلي بـــلا رقــيه شنهـــو بــالله رجعـــتي من وصلنه اگبور اهلنــه ملگــــه ماكــو لجـيـــتي شفت گبر حسين اخويه اعليه طحت مــن ناگتي جيت بشيّم ذيچ العمايم رديت من غير الهــواشم يكلف على ام عون الشرح ياجدي اسولف يا جــــرح وحشه الضعون ◾◽◾◽◾◽◾◽ عبد العليلـه ✍حيدر ابو كيان الفاطمي (118)

[[ انطفه النور ]] نزال لاستشهاد مولاي الرسول الاعظم ص غاب ابو الزهره -- وانطفه النور غاب ابو الزهره -- وانطفه النور ◾◽◾◽◾◽◾◽◾ الزچـــيــه اللـيله تون اله وتبچيله والتراب تهيــلــه فوگ المــجافيها ~~ ما خمد مبچاهــا الــولي خـــــلاها تنوح كلها وياها عله الصاير بيــها ~~ بموت ابو العتره -- عاد عاشــور غاب ابو الزهــره -- وانطفه النور ◾◽◾◽◾◽◾◽◾ شال منــــــها الوالي وبيته صبّح خــــالي راح ابــــوها الغــالي ام حســــن مالــومه ~~ حسين لازم ضلعـــه وحسن يهمل دمعــه ام عون تبچي وتنعه ع النبي مهمـومــــــه ~~ خاطر الحــــــره -- الليله مكسور غاب ابو الزهــره -- وانطفه النور ◾◽◾◽◾◽◾◽◾ السم چبد والدهـا والزچيه هــــدهـا يرجـع وينشـــدها شلون مات الهادي ~~ ولا خجل لافيهم لعنة الله اعليـهم الله اليجازيــــهم بالـــــقيامه غادي ~~ بچّـــو الفـــقره -- بطيحة السور غاب ابو الزهره -- وانطـفه النور ◾◽◾◽◾◽◾◽◾ علي محني بهـمه رايح ابـــــن عـمه بيه شعامــل سمه چبــــدته مــاردها ~~ وحيد ضل ابداره والدمع يـــــتجاره من يــــسل فقـاره كلها تـــلزم حـدهـا ~~ اوصيته وســـرّه -- بالدمه تفــور غاب ابو الزهــره -- وانطفه النور ◾◽◾◽◾◽◾◽◾ لطـمـو لتوديعـــه الـنبي يا شــــيعه والســـواد نـذيعه بكل ركـن يأحبابه ~~ الليله ابونه مهاجر للحبـيب مــــسافر هو يوگـــــف باچر ويفتح الــنه ابوابه ~~ * نعــــبر الكـــــبره -- نگله مشكور غاب ابــــو الزهــره -- وانطفه النور ◾◽◾◽◾◽◾◽◾ * الكبره : أي النار الكبره عبد العليلـه ✍حيدر ابو كيان الفاطمي (117)

[[ العصابه ]] نزلة لاستشهاد الرسول ص ولعن بعض الاصحاب اللهم العن الاول والثاني والثالث والرابع گال النبي بعض الصحابه ســـموهم الزمره العصابه لا ما وفو لا ما وفو ◾◽◾◽◾◽◾◽◾◽ ماكو شي مضموم باقي وكلنه ندري اخبـــــارها ماسبب سـم ابو الزهره واجتــــــماع اشـــرارها نعرف الهد اعله فاطــم نعـــرف الشـــــب نارها لهذا يوم الله الزچــــيه يبچي حايـــــــط دارها كلهن شواهد هالنوايب ينكشفن بطلعة الغـايب الكل العمر متنضـفو لا مـا وفـو لا ما وفو ◾◽◾◽◾◽◾◽◾◽ غـــدر مكـــر طعـــن ضهر وسفه ويجي الغبــي بچــتل نبــي يشفـه البالكر شـــرد هســــا يمــد چفـــه الما شال سيفه بشاده والشرد وي الشــــارده الما لكـــد طلعت عينه چفه بـنـــذاله مـــــاده صارو زلم ياوســـفه تالي موش بضهر بس بالليالي بس بالضلام اتمرجلـو لا ما وفـــــو لا ما وفو ◾◽◾◽◾◽◾◽◾◽ عكس ما مطلوب گضو هالحـــــــياة اهل الظلم افعالهم مو مال سكــته مال مكشوف ولــــــطم بعد يرتكبون ودهـــــــم اكثــــــــر واكــــثر جرم لمــــــن الكـــرار گلـــهم كافي وصلت للعـــــضم صارو ردم زلمه اعله زلمه بس سمعو الكرار بأســـمه ماي برمل همه انچفو لا ما وفـو لا ما وفـــو ◾◽◾◽◾◽◾◽◾◽ صحب چـذب ولا گلــب يصدگ فقـــط عـــلي البس للعلي يــدنگ الگايـل كـفوو اباب الله شو يـحرگ اصحاب نقـصو غيره صــارو بذلة اچبـــيره اللازم صحابي نسميه هــــو علـــي لا غيــره اللي بالكهف ماخذته رجفه يا موقف البيــه بالله وفــه بس للمهاين شو صفو لا مــــــا وفو لا ما وفـو ◾◽◾◽◾◽◾◽◾◽ هسه خلي نسولف احنه عــــــن علـــي واتــباعــه ليش كل هذا حقـــــدهم للوصـــي واشيــــاعـــــه شما تمر بينه السنــــــين وتمشي ســاعه ســـــاعه لله بس وعلي حيــــــدر احنه عـــــــدنه الطـــاعه مو من ابو واحد العاده حيدر علي والد الساده واللي على غيره لفو لا ما وفــو لا ما وفـو ◾◽◾◽◾◽◾◽◾◽ النبي وصف صحبه وعرف زلمه اللـي طــلب مـــنــو سبــب سمه ابـــو بــكــر حفصـه وعــمر هـمه وعائشه الــتمـشيهم عثمان اليـحث بيهم خلـونه نندب كـــلنه من لعنة الله اعليهم همه اكسرو ضلع الزچيه وهـــمه امتداد الغاضريه الوكت الشدد والله اختـفو لا ما وفـــــــو لا مـــا وفــو ◾◽◾◽◾◽◾◽◾◽ عبد العليلـه ✍حيدر ابو كيان الفاطمي (116)

[[راح الحبيب ]] لاستشهاد حبيب الله محمد ((ص)) عن لسان مولاتي الزهراء ع راح الــحــبــيب لرحمـة الله ◾◽◾◽◾◽◾◽◾◽◾ مستعجل اعله الموت شبـساع يابويــــه خلـــني اشبــع وداع شمـس الله راح تصير بالگـــاع وابقى العــمر كلــه انه انعــــاه ◾◽◾◽◾◽◾◽◾◽◾ متحــــــزّمه اعلــيه الدواليـــب الليله النضر من عيــني ايغيــب من هسه بويه وخضـــر الشيـب ياربــــي اخذها رويحتي اويــاه ◾◽◾◽◾◽◾◽◾◽◾ هــــاي المصايب جتني امنــــين طگني وسطرني ابوالدي البيـــن يمــــــــه حسن يمــه يالحســـين راح العــــزيـــز اويـــن نــلـــگــاه ◾◽◾◽◾◽◾◽◾◽◾ مـا نعــرف احباب امـن الاصحاب يابويــه صـــــارو كلهـــم ارهـــاب والضحك صــار بســــد الانگــــاب والصـــوت اسمعـــه حيـــل ويــاه ◾◽◾◽◾◽◾◽◾◽◾ ذولــه التعـــــبت اعليـــهم ازمان واحــد يدگ والثانـــي فرحــــان يوم القيـــــامه افـــلان وافـــلان النــه ســـــــوالف حين ملـــگـــاه ◾◽◾◽◾◽◾◽◾◽◾ يابويــه ردتـــــك كـــون ويـــــاي ســـــاعة التدنـــه النــار لـــحذاي لا انتــه يمــــــي وتلــحگ بمـــاي وحيدر اموصه وصــعبه انــخـــاه ◾◽◾◽◾◽◾◽◾◽◾         عبد العليلـه ✍حيدر ابو كيان الفاطمي (115)

نعي لوداع المواكب والزوار اصعب اللحضات مو هيـــــنه افــارگ ثمـــرة سنيني ولا هيـــــنه تضـــل تربـيلكم عيني مابيـــه انتضـــــر لمن اخلص العام مــتعلم اعيـــشن العــــمر لحسيني يمن طيّحت موكبنه انتضر لحضات بدون الخدمه اضيع وانته تدرينــي عمر چنهن ولا چن يوم لو يوميـن على هاي الايام الروح متــــــعوده اشـــوف الزاير امن ابعيد واتلگــاه ومتــعود احـــب الزايـــــر بـــخده وفوگ الهامه مو ع الفرشه انگعده اتفظل يابعد عيني وضـواها ارتاح محلفــك بالعقيله يمنـــه تتتــغـــده عن لسان الخادم لوما دمـــعتي لزينـب فلا اعيش ذيچ الحـايره ودايرها چم جيش اضيــع بلا مجالس والله يحسين يمن ذكرك عوافي وراحه وافيش متعود الليل اذكر كـــربلـه متعــــود اللـــيل شنسوي بالحيل الما ننطيه الك شنسوي بالحيل هالمدمع يسيـل الك يحســـــينه هالمدمع يسيل لا طال عمري وانته اعله الترب لا طال عمري مكسور ضهري على ابنيتك بقه مكسور ضهري والعين تجري العليله امتانيه والـــعين تجري عسنــه لاروانـي الــمـــــاي --وانـتـه ضامي وگلبي الك تنفضح --ونتـــه بـدونـك ياحـسيـن نـضيــع --ونـتــيه لـمـنـه بـخـيـمتـك يـبـن الـزچـــيـه شهــــــوّد واحتــرگ زينـب -- هدمها ومصابك لايــم اعــــضامي -- هدمها الهدم موكب عسه اضلوعي -- هدمها ولا افارگ خدمتك يبو رقيه عبد العليلـه ✍حيدر ابو كيان الفاطمي (18)

[[العوده يمولاي]] لخدام الامام الحسين ع العوده يمولاي ... حتى اخدم الجاي اردود يم گبـــرك اخذني وشايل الرايه اعله متني              العوده يمولاي ◾◽◾◽◾◽◾◽◾◽ متعود اگعد من وكت واتحــــزم لموكبنه ولو مرني زاير ابتشر ونحيّي نركض كلنه شتگول والله ندللـك وهو يــــرد يشكرنه مولاي كل واحـــد كـتر لچن طريقك لمنه مو سهله الفراگ ... يابعد الاشواگ مطالبك بــــس لا تردني وشايل الرايه اعله متني              العوده يمولاي ◾◽◾◽◾◽◾◽◾◽ من تعبر الـرايه اضـــل بالدمــعه والون حاير دربــك وحـش ياسيدي ما مـــار بيــــه الزاير اوگف واصد اعله الدرب وعيوني تبقى تناطر متخوصر ودمعي يصب مكسور والله الخاطر يازاير ارتاح ... هذا الوكت راح وباقــي اتـونّس بــــونّي وشايل الرايه اعله متني              العوده يمولاي ◾◽◾◽◾◽◾◽◾◽ يخلص طريقك ما ردت مو شهر ردته هوايه وازحف زحـف يم عتبتك وبچفي شايل رايه مرافگني حـــبك بالدرب مشاي يمشي ويايه بــس شيصــــبرك ياگلب لو خلصت المشايه بمنازع واه ... يخليني فرگاه خلني خادم ليك خلــني وشايل الرايه اعله متني              العوده يمولاي ◾◽◾◽◾◽◾◽◾◽ من اسمع بأســـمك افز واتحزم بحيلي انه وكلشي الك اركض اله يا حبنـــه يا منجانه ومن تخلص ايام المشي يبدي تره بلـــوانه اي وحگ عينك سيدي نشوف القهر بألوانه متلهفه الروح ... لجلك يمذبوح يم ضريحك فدوه ودّني وشايل الرايه اعله متني              العوده يمولاي ◾◽◾◽◾◽◾◽◾◽ يچل ليلي وامشي للعزه ولمصيبتك من نقره هــــذا اللي لاطـم هامته وذاك اليدگ بصدره بسـرعه اخلصت يا سيدي عاود علينه العبره وخليــــني ما اغـفل ابد ليليه اواسي الزهره هنياله المات ... بدرب التعزيات شمحله لو جيـتك بحنّي وشايل الرايه اعله متني              العوده يمولاي ◾◽◾◽◾◽◾◽◾◽        عبد العليلـه ✍حيدر ابو كيان الفاطمي (114)

[[ وداع الخدمه ]] قصيدة لوداع المجالس والمواكب احا يالــــــــوداع -- شو چن اجه بساع حسين عگبك ياهو يسوه ابچيله اللــــيله هاي اخر مـــــسيه الليله احا يالوداع -- احا يالوداع ◾◽◾◽◾◽◾◽◾◽ يلمتنه اعله حب حســــين محلاها ودروب حسين ع الفطره عشگناها گعـدتنه يشــــگ الگـلب طـــــرواها امن اگلب بالصور واتـعذب وياهـــا واحدنه معذور -- ع الفرگه مجبور وداع الحبايب والله مالي حيله الليله هاي اخر مــــــسيه الليله احا يالوداع -- احا يالوداع ◾◽◾◽◾◽◾◽◾◽ اتنه لخدمتك كل عام واتنــــطر متلهف اجيــــكم سيدي واحضر اجيك ومن ارد يحسين اتحـــير اعله فرگة هاي جمعتنه فلا اگدر ما اغفه وارتاح -- مجلسنه لوراح وروحي تضل مدوهنه واذليله الليله هاي اخــر مسيـــه الليله احا يالوداع -- احا يالوداع ◾◽◾◽◾◽◾◽◾◽ حلــــمي مجلــــــسك ينقـام يالغــالي واخدمك بالعيـــــون ودمعــتي تلالي امن افارگ خدمتك شيصير باحوالي احسّــــن بالعـــــــمر ياســـيدي خالي گلبي الك ناطور -- يحسبلك اشهور ياهو بعد عينك احن واشكيله الليله هاي اخر مســــيه الليله احا يالوداع -- احا يالوداع ◾◽◾◽◾◽◾◽◾◽ المتعود عليكم بالله شيصـــبره ولوتدرون جرح المجلس شكبره احلفچ بلعزيز وخنصره ونحــره شوفيلي چاره انخاچ يالزهــــره ابــنچ يأمنه -- يجمع شملنه جفني فلا يغفه وينام بليله الليله هاي اخر مسيه الليله احا يالوداع -- احا يالوداع ◾◽◾◽◾◽◾◽◾◽ عين الما بچــتلك ريتـــها تـعــمه يواهس دنيتي مولاي ابو اليمــه كلمن ما يخدمك هــذا مو زلمــه مجلس مثل العذيبي اذا اشمـــه ما اگدر اجفاك -- خليني وياك ماريده جدم الما رضه يمشيله والليله هاي اخـــر مسيه الليله احا يالوداع -- احا يالوداع ◾◽◾◽◾◽◾◽◾◽ عبد العليلـه ✍حيدر ابو كيان الفاطمي (113)

هوسات لرجوع الضعن الى كربلاء ردت جايبه الهم روس ردت والدمــــــــع بالعين وصلت يم اخوها حسين ما سمعت هلا من حسين لگت ذيچ المعاني تراب تتلگـــاها بـــــعد منـــين الناگه -- ونت لم عون ثم قالت زينب ع اجينه نشوفكم يأحباب بالاهات من جيـــنه حنّينّه تره الكــــــم يبعد اعيوني حنّينّه واعذرونه تره انفگدت وحده من علاوينه بالشام -- ضلت مدلوله ثم توجهت الى اخيها العباس ع وخاطبها چن هاي اختي اجتني اليوم مهضومه وچنها اگبال ناس اجناب مشتـــــــومه افــــا ياحــــيف زيـــنب ليــش مهمومه اعلينه -- لتكثرين اعتاب ردت زينب ع وقالت .. ما اچثّر بالمــــــعاتب يبعد الماي تمنيتك فقط عباس ماشي وياي وتحل الحبل من يسرتي ويمنــاي طال السانه .. خولي استهتر عبد العليلـه ✍حيدر ابو كيان الفاطمي (17)

[[ رباطات ]] للأربعين {{ ماكو املاگه  ميتـــين اهلچ }} {{ كلهم نومــه  ما واحـــد فـز }} {{ زينب هايـه  عبـــاس اگعــد }} {{ فوگ ترابـه  طاحـــت وتون }} {{ وين چفوفه  يا خــــال ابني }} {{ عوزه ايتيمه  شو چن ضعنچ }} {{ هـالــرديــنه  زوار الــــكـــــم }} {{ طشو طوله  يا جـــــــابر ون }} {{ روس ويانه  جـــــبناها الكـم }}            عبد العليلـه ✍حيدر ابو كيان الفاطمي (16)

[[ راحو ]] راحو اليسوون كلشي مبلل بدمعاتي رمشـي ياتراب الشابگاهم ربي وديني وراهم راحو اليسوون كلشي ◾◽◾◽◾◽◾◽◾◽◾ ودعيت الويـــنه وينــه البالگلب خله اثــــر الما اضن انساه بلحضه لو يــــمر بيه دهــر الفاگد تفضحه مشيته يمشي ومدنگ الضهر اخر انفاسه اليجــــرها الفضــــل لله وللصور بسچ امن اهلي وصحبتي يالمــــــــگابر ما شبـــعتـي والله عذبني جفاهم ربي وديني وراهـــم راحو اليسوون كلشي ◾◽◾◽◾◽◾◽◾◽◾ ذيچ لمتنه وضحكنه راح موعدها وجزه هسه كل ليله التمرني اگعد وانصب عزه حيل لهفانه عليهم روحي مشــتاگه بوزه عاشت مدوهنه روحي الگبل دوم معززه اخ يالمغرب وجـعته تكتل الفاگد حسرتـه لياكتر دهري خذاهم ربي وديني وراهـــم راحو اليسوون كلشي ◾◽◾◽◾◽◾◽◾◽◾ وين الگاهم واگلـهم والله دمــــرني الجفه جفن عيني من اهدهم ماطـبگ مـره وغفه ما لفتني الراحه والله بس تعب ليــه لفـــه شكثر ذواق التراب استنگه وين اهل الوفه وشلـــــــن دمعاتي كلهن عيوني گلّ بيهن نضرهن ما يهيد الفارگاهم ربي وديني وراهم راحو اليسوون كلشي ◾◽◾◽◾◽◾◽◾◽◾ شما اريد اصبر صـــــــوركم انضرلها معلگه مـــــــن معزتــكم دليلي هواي دوّر مالگــــه روحي من هذا سفركم والله ماهي مصدگه انتم الكلشي بحياتي وعندي كلــشي مابگه وكت الملاگه شيرجعه وصوتهم ارجع واسمعه ضلمةواترجه ضواهم ربي وديني وراهــــم راحو اليسوون كلشي ◽◾◽◾◽◾◽◾◽◾◽ الغفله يمشي جرحه اكبر مايطيب بكل ضمد بلا موادع راح واجـــــفه النه شـــيرده بعــد اختنــــگ لو يمر طـــــاري الاكل ويانه وگعد اخ يفــــراگ الغوالي يطـــول حيل وماله حد استعجلو ليش وجفوني ماي وبــرملــه چفونـــي اه يگلبي المانساهم ربي وديني وراهـم راحو اليسوون كلشي ◾◽◾◽◾◽◾◽◾◽◾          عبد العليلـه ✍حيدر ابو كيان الفاطمي (112)

[[ رد الضعن ]] قصائد الاربعين زينب ع تنادي اخوتها عليهم السلام رد الضعن عباس وينك يشيبي تـلگاني يالملگاك ملگه العذيبي حـياك گل للضـعن جيناك نبچي ونون ◾◽◾◽◾◽◾◽◾ يامن هلا بريحة هلي يابعد اختكم رديت جيت بعتب يابو الفظل واعله المگابر مريت عبره والم نار وخيم كـلهن مشــن ويايه رحنه بسفر ضيم وقهر واعيونّه اعله الرايه مشيي كلف بين الغرب وتعبنـي خويه هالدرب نتــناك يبره الجفن جيناك نبچي ونون ◾◽◾◽◾◽◾◽◾◽ من فارگتكم مانمت حيل اليسر دولبني يحسين جيتك بس على ارقيه لا تنشدني شبحت نضر شافت نحر والدم يغطي لحيتك شاغـــت الك تتـــوســلك وماتت تره علويــتك هذا الجره اعلينه وسده كلفه مشينه اويه العــده صحناك والكم نحن جينــاك نبچي ونون ◾◽◾◽◾◽◾◽◾ ردينه واعبينه سمر وامتونّه امدمايه وسجادنه محني الضهر عينه اعله المسنايه رملـه تون لبن الحسن وتنــــادي وين وليدي ليله لــعلي دموع تهلي تصيح لفرگته شبيدي ويه الــشمر يابـــو الفظل چف ايدي مشـدود بحبل يمـناك هيــه الوطن جيناك نبــچي ونون ◾◽◾◽◾◽◾◽◾◽ ترسو الحومه اهل الحمه يالچنهم اصباح الله بس شفنه چثه ابلا حضن يمكن جسد عبدالله حار اللحد يم الولد وريجه يفور وعطشان اه يالدهر هو الگبر مصـــنوع مو للرضعان المثلك ينام بنص حضن مو بالترب وازرگ جفـن اربـــاك صار بــچفن جيـناك نبچي ونون ◾◽◾◽◾◽◾◽◾◽ عبد العليلـه ✍حيدر ابو كيان الفاطمي (111)

[[ ضگت لوعات ]] زينب ع تعود بالاربعين  تروي لاخيها الحسين ع اهات والام طريق السبي هاي الغريبه منين -- صاحولي خويه حسين وادروبي بس شمات منهم ضگــت لوعات ◾◽◾◽◾◽◾◽◾ بالشتــــم شالـــوني منـــــك انه واطفالي اسيره خويه وانطگ شنهو ذنبي حرمه انه شگد چبيره فــــرّو اولايات بــــينه ومــــررونه ديــره ديـــره زينــــب امذبحين اهلــها وضلــت بلايه عشيره زحمه وعلي متلوگ -- تتباوع اهل السوگ يگلولي اخــيچ مات منهم ضگــت لوعات ◾◽◾◽◾◽◾◽◾ اليعثر ابدرب المسيره ينـــجلد ياخويه متــــنه وينـــــدفع سب وشتـــايم والشـــــماته شيبتنه لياهـــــو نبــچي لياهو نلطم كل اهلنه فارگـتنه نـنعه شتفــــيد النـــواعي والرحل ما يرجــعلنه طالت لسنها الناس -- من غمض العباس وراووني الاهــــــات منهم ضگــت لوعات ◾◽◾◽◾◽◾◽◾ بت علي وامــي الزچيه بنص مجالس شنهو طبتي هذا تالي الهاشــــــــميه شگد قسه ويايه وكتـــي اتحيرت بأيتامي وحدي ومامش اليمسح دمعتي الطايح اركضـــله واعـــينه الاخــر ينادي يعمتي وي الضعون انوب -- بس العليل يلوب شيســـكن العبـــرات منهم ضگــت لوعات ◾◽◾◽◾◽◾◽◾ وحده تتچه اعله وحده هيچي لو نامن بنـــــاتك انتـــــهت گعـــدتنه لكن بينــــه تــــوجع ذكرياتك يا عـــــزيز الله لونّك تنهــــــــض تشاهد خــواتك بالشـــمس لمـــن يگعدن امــنيه اتفــيي عبـــاتك يبن امي يالعطشان -- يالعاري عالتربان اعليكم اجــــر ونات منهم ضگــت لوعات ◾◽◾◽◾◽◾◽◾ اصعـــــب الصار وجرالي هضمه ياخويه ورزيه طلبت ابنيتك تشوفك جيبو ابويه تگول اليـــه وجابو بطشت الاعـــــادي راسك وجتها المنيه يا حبيبي حسين بويه صاحت ومــاتت رقيــه بعد وبعد آلام -- شفنه تره بالشام بنص الخـرابه انبات منهم ضگــت لوعات ◾◽◾◽◾◽◾◽◾         عبد العليلـه ✍حيدر ابو كيان الفاطمي (110)

[[ مو آنــه ]] قصائد الاربعين لسان حال زينب ع عندما عادت الى كربلاء .. رجعت وحيل فحطانه ومن السبــــي تعـبانــه صح انـــه اخت عباس لچن من دونه مو انــه ◾◽◾◽◾◽◾◽◾◽ رديت بطرگ مبچاي يخواني ودرب الشام من النوح ملاني محتاره بيتاماكم وماكـو اجواد ياوسـفه بين المالهـــــم رداد شلــون نهوّد ونغفــه الدمع محتازلك عباس رايد چفك ينشفه صدگ مابيهم الزلـمه ماعدهم اسم زحــمه البالطف لابس الشيله عليــنه طــلّع لسانـــه ◾◽◾◽◾◽◾◽◾◽ رجعت لكربله والنار حـــرّاگه اول تالي مامش منكم ملاگه شسوي بالعمر وانه اگضي الباقي اتانيــــكم وعليه حسين لتزعلون اختكم واعتب اعليكم شيوجعكم يبعد اعضاي شبيكم خويه مابيكم شسولف والگلب ضامي واحــــس يقلّن ايامـــي شيخلصهن الكلفــــــات وانتـــــم موش ويـــانه ◾◽◾◽◾◽◾◽◾◽ يبو فاظل يخـــويه بعـــــازتك وينك عمت عيني السهم خويه طفه عينك شنهي الراي من جيتك ترد ويــــاي يعيوني اشبگنك ردت عباس لچنها مــــورمه متوني اخبروني على اللي صار بيكم عگبي اخبروني حرت ياصفحه اشبگنك وانتــــه اسهام ترسنــك وحــگ ستري يكفالــــي علـــيك الروح ولهـــانــه ◾◽◾◽◾◽◾◽◾◽ گبل لا اوصلك يحسين الي وصيه لا تنـــشد يبـــــو رقيـه على رقيــه الحچي يوجع يبو السجاد ما احچي الحچي كله اه يموادعك حسرات بيه وداعــــك شخله طرونه ابلـــد غربه واخيتك صاعده الهزله العليل احباله بچفوفه مثـــل هلال اليشوفــه وباللـــــيل انه للاطفال اضل يخواني سهرانــه ◾◽◾◽◾◽◾◽◾◽ عبد العليلـه ✍حيدر ابو كيان الفاطمي (109)

[[ ردت بالضعون ]] قصائد الاربعين يوم اللي ردت زينب ع الى كربلاء الليله ام عون -- ردت بالضعون وينك يوالي گـــــوم واتلگانه ردينه بس رقيه موش ويانه الليله ام عون -- الليله ام عون ◾◽◾◽◾◽◾◽◾ ردينه يبو سكيــنه يـــــوالينه حفاي الجدم كل حيل مابينه بغربة چنه چتــــالك يماشينه والتكتل شمر حداي الضعينه طببنه بالسوگ -- تتشمت حلوگ ومتوهنه بيتـــامي وحيرانه ردينه بس رقيه موش ويانه الليله ام عون -- الليله ام عون ◾◽◾◽◾◽◾◽◾ مشتاگه انتـــــگابل خـــويه يالغالي واسولف كل حزن مر وهضم حالي احترگت خيمـــتي والــــنار بذيالي وعيــــــون الشماته تـــرضه تبرالي واسمع امن الناس -- هاي اخت عباس معقوله هاي اخت الكفيل هنانه ردينه بس رقيه مـــــوش ويانه الليله ام عون -- الليله ام عون ◾◽◾◽◾◽◾◽◾ يم گبرك گعدت وسولف اعليه واسولفلك يخويه شبيه مابيه اترجاك لا تنشـــد عـــلى رقيه ضلت بالخرابه حســين البنيه شاغت على الراس -- وانكطعت انفاس من الزجــــــر ذبـلانه و تعبانه ردينه بس رقيه مــوش ويانه الليله ام عون -- الليله ام عون ◾◽◾◽◾◽◾◽◾ تعبني السفـر من ديره و لديــره بت حيدر شلون مگيده يســيره كل هذا وبعدني عــايشه بحيـره شعجب ماگام واتعنه ابو الغيـره لاچن عرفــــته  -- مستحي امن اخته خويه دريت بزينبك حـيرانه ردينه بس رقيه موش ويانه الليله ام عون -- الليله ام عون ◾◽◾◽◾◽◾◽◾ ادري بالعتب ياذيكـــم اخــواني بس دهري لبلاد الضيـــم وداني خاواني التعب يـحبابي خاواني واتسله گمـــت بالامي واحزاني ضيم الجرالي -- غير احوالي ومن الهضم ما چني يبن امي انه ردينه بـــــس رقيه مـــوش ويانه الليله ام عون -- الليله ام عون ◾◽◾◽◾◽◾◽◾           عبد العليلـه ✍حيدر ابو كيان الفاطمي (108)

[[ رجع ضعن السبايا ]] قصائد الاربعين مولاتي زينب ع تخاطب ابي الفظل ع والامام الحسين ع رجع ضعن السبايا وحول احذاكم زينب حــولت لاگوها تـــرجــاكــم تصيحلكم تناشدكم يخواني ◾◽◾◽◾◽◾◽◾◽ يخــوان -- خـــلان زينب عــــوّدت من المــــسيره چاوين --يحسيــن شوما اشوف يمك بس حصيره أيتــــــام -- تحــتام وتشوف الاهل تارســه الديـــره والراس -- بأحساس مــره هيــچ مـــره هيـچ اديـــره سبحت امن الدمع واندب يكفالي ولنّه بـــلا چفـــوفه من تراوالـــي اشــوفنه واحسّــنه تلگاني ◾◽◾◽◾◽◾◽◾◽ انطيح -- وانصيح هنا يـهل المحــــنه ماتگعـــدون واللـــه -- باللــــــه خلّص مايهــــن وشــلن هالعيون ويـــلاه -- بــــــالاه خلّصت السبي ومزورگه مــــتون ترضون -- بم عـون يم اخوتهـــا والـــوادم يشتــمون اعيشن بالالم واختنگ كل عبره يم گبر الحسين واندب الزهــره اكلمها واحشـمها اتعنّاني ◾◽◾◽◾◽◾◽◾◽ هاليـوم -- بهـــموم جيـــنه لكربله يخـــواني ونــــزور حسرات -- عبرات على السلبو هدومه وراسه منحور واجروح -- بالروح واصيحن كافــــلي عباس مـــعذور بأحزان -- واشجان اركــــض الكــــــم واشتم بالـــگبور وحگـكم تكسر شچم گلب جيتنه تطشرنه عگــب ما حلــوه لمتـــنه حزن يمضي حزن يگضي يجي ثاني ◾◽◾◽◾◽◾◽◾◽ گعديت -- وابچيت يم گبر الحسين وخنگــه بيه جـــاني -- مـــنــــه صوت يگلي شو ماكو رقيـــه بجواب -- واعتـاب گتلها حسيــن لافـــتها المنيـه يم ناس -- ارجاس دفـــنّاها واجيـــنه الهاشمــيـه طلبت شوفتك وين الولي صاحت جابو راسك وفوگ الطشت ماتت جزع صبري وانه دهري تولاني ◾◽◾◽◾◽◾◽◾◽ شكواي -- بلـواي مصايب كثره مرّن خلها سكتــه وليــان -- يخوان تمــــنيت بوكتكم خويــه ميـــته نوماس -- عباس تأخـــــر ليش ما لحّــگ لخـــيتــه والان -- قد حان ويّــاكم وداعـــي الما حســـبتــــه تمنيت بگــبرنه لو تواســـــدنه بعد الملتقى ياخويه يم جدنه اذكروني لتنسوني يولياني ◾◽◾◽◾◽◾◽◾◽ عبد العليلـه ✍حيدر ابو كيان الفاطمي (107)

[[ هلا بزينب ]] لرجوع الضعن كأني بالحسين ع ( مشتاگه وعيوني اعله درب احبابي ) يامرحبا بالراجعـــه بضعــــوني يا من هلا بزينب يبعد عيوني ◾◽◾◽◾◽◾◽◾◽ اهلا وســــهلا بيچن درب السبي مأذيچن گواچـــــــن الله يــــزينب يـخويه تنگلينه جدمچ گوه عطشانه ماي وخوه ومن ضيمي ضهرچ تحدب يخويه مبينه شكثر مشــتاگه من طحتي من الناگه وهوايه گــلبچ تعـــذب يخـــــويه زينـــب يروحي اتـدني گعدي استراحي ووني يالراسج اعليه شــيب يخـــــويه جربي عليّ يابعـــــــد كل احبابي وانعي النعاوي الزينه فوگ اترابي ◾◽◾◽◾◽◾◽◾◽◾◽ التمن عليه كلــــچن يمدللاتي اسمعـــچن خوما شمر هــــم شتمــچن يخويه احچنلي وحده وحده وبهيده كون النـــشده بهون اويه اخوچن نشدچن يخويه شام النوايب ادري خله المدامع تجري وادري بحجر من شمرچن يــخويه الروس برمح وياچـن بچّــه الهزل مبچاچن كلفه بلايه علمـــــــچن يخـــــــويه براضه العتب لن العتب ياذينه حنّينه الچ يابت علي حنّــــينه ◽◾◽◾◽◾◽◾◽◾◽◾ بشريني شنهي احوالچ محنيه خويه شــــمالچ حگچ چثيره الـــــبلاوي يخويه رحتي ورجعتي بنوحچ طلعت يزينب روحــــچ حيلچ يبنت امي خاوي يخويه ضعنچ بعدله ابنـــيه وين الحــنينه ارقيه ماهيه ويه الــــعلاوي يخويه خبريني بالله يختي شصاير عليها ابنيتي من الفرگه دلالي داوي يخويه ملخو اذنها بجــرة الترچــــــيه بچفهه الزغيرون شكثر مچويه ◾◽◾◽◾◽◾◽◾◽◾◽ برجعة ضعنچن غادي الناعي يــــون وينادي ايلم الطوايف بواچــــي يخويه يا اهل يثرب عثـــره كتلو عـــزيز الزهــره ومنهم خذوها الخواچي يخويه وتسمعهم الـمتعـوبه ام البنيــــن انــــوبه وتتصنت اعله المحاچي يخويه يبچّي المدينه ونـــها تميل ويضــــل متنها من ثگل الامصيبه راچي يخويه ما ناشدت عن ولدي تبقى تنادي بس اليشيّــــب راس اعز اولادي ◾◽◾◽◾◽◾◽◾◽◾◽ يا ما گعــــدنه بيها دار الكثــــر نعيــها بدمعچ على امچاني رشي يخويه اتربع اگـــــعدي بنصها واتذكـــــري قصـصــها يتگطع اعليها هرشــي يخــــــويه العشره الحنينه راحت ذيچ الـمضايف طاحت بيها نوايح افـــــرشي يخــــــويه يا دار اهلنه خنـــــگه بيها شيضل وشيبگه كون الولي عنها يمشي يخويه سلميلي يازينب على العلــيله وگليلها الغيبه اصبحت طويله ◾◽◾◽◾◽◾◽◾◽◾◽ عبد العليلـه ✍حيدر ابو كيان الفاطمي (106)