مَنـــذ ٢٠٠٤

فوك الضيم العليه شعري يوگع بين اديه .

تعال وخلها تضوي بجَيتك الدار يمن تسوى العشيرة كبار وصغار ولك شنساك وانتَ بروحي دوار البدوي سَنين عاش ومانسى الثار يمن ذكرك بالي موزر وزار يَبس انتَ واشوف الوادم حجار .

باجر اكعد چني ماباجي عليك وچني ماعرفك ولا حبيتك وباجر احركها الصور والذكريات وگلبي لو ما برد احرگ بيتك .

الليلة كلشي بعيني فاهي الليلة حزني بكد رحمتك ياللهي .

اسمك ينلغي المفروض شنو بـ ثلاث احرف تغورگ عيوني.

حبيتة بطريقة تخوف الكتال ! أستاهل إذا ضل الوجع دايم وصلت بية أطول بالسهر يومين اگول شلون خاف يدزلي من نايم.

سهله ابيعك لاتساومني برحيلك حتى اطيعك گلبي ماميت عليك ولاخفت فد يوم اضيعك خاف عبالك خسرتك وافتر بليلك محطه وانتظر سبحة التردني والله كلش ماتهمني حيل متغير شجاني حتى روحي استغربتني.

من بعد حفنة عمر من الحرب للأسر رديت كلي هلا ولاگاني بـ شجابك مغمض عبرت السلف تيهت باب اهلي وماتيهت بابك.

اذا ظنك ترد محبوب اكرهك بيه بأهمالي وارجعك للصفر مرتين مرة على الجفى وياي ومرة تقدر امثالي .

تَجازيني بهَجر وَأحجاية ألمو خوش؟ تعال على الجروح حساب خل نحسب ! ألاگيك برَبيع وَكِل بلابُل شوگ وَتلاكيني ... بخريفك وَالهواء المُغضب وَأجيك بيا هَلا وَمعتِاب من تغيب وَاني سِنين اغيب وَجلمة ماتعِتب.

انت عشت بكل خسارة وانا عشت الانتصار انا الك غار الرسول وانت للحلوات غار انت من شاماتي اسود وانا اضوء من النهار .

انا اخبارك اشمهن ياسمع يا شوف مثل شمة ثيابي من يجون ضيوف انتَ ببالي تفتر فرك الحجاج عينك وي سمارك كلها بيه تطوف.

حتى انساك لازم ينلغي الليل اذا بالليل اذكرك جا شسويت واحتار من اضل بين رأيين اذا عن رأي منهن ما استغنيت بما انك عفتني بكل الاحول ماتفرق نسيتك لو تناسيت .

انا مقيمك غلط والغير ما الومه كالو مبتسم من كلت شعلومه فرحانين لك وانا ابجي ختيلان مثل وحده بعرس صاحبها معزومه.

مايخلص البيه هوايه شرد احجي انا وگلبي متعوبين اذا ماعدنه شي نبحي.

ابشرك بالصور كلهن حرگناهن وحرگنة اغلى الهدايا اليوم وياهن نشعلهن واحنه گلوبنة توج نار جن بيوت اهلنا من شعلناهن.

اني الماكاعد انسى ورايد اتخطة وداعك جان الية اسرع من الطلقة بجيت ع المسلسل وهو بس تمثيل لان عشت الشعور الجان بلحلقة.