HOUR Tola Channel

សិក្ខាសាលាស្តីពី «កម្មវិធីគាំពារសង្គមឆ្លើយតបនឹងយេនឌ័រ» ក្រោមអធិបតីភាព លោកជំទាវ ជា ផល្គុន - - - ថ្ងៃចន្ទ ទី៣ ខែសីហា ឆ្នាំ២០២៦ ឯកឧត្តម ស៊ឹម សុធន ប្រតិភូរាជរដ្ឋាភិបាលទទួលបន្ទុកជាអគ្គនាយកមូលនិធិជាតិជំនួយសង្គម រួមជាមួយ ថ្នាក់ដឹកនាំ ចូលរួម ក្នុងសិក្ខាសាលាស្តីពី «កម្មវិធីគាំពារសង្គមឆ្លើយតបនឹងយេនឌ័រ» និងចាត់លោក ហួ តុលា អគ្គនាយករងមូលនិធិជាតិជំនួយសង្គម ធ្វើជាវាគ្មិន ។ សិក្ខាសិលានេះប្រព្រឹត្តទៅក្រោមអធិបតីភាព លោកជំទាវ ជា ផល្គុន ប្រធានកិត្តិយស ក្រុមការងារយេនឌ័រ និងជាប្រធានកិត្តិយសសមាគមនារីកម្ពុជាដើម្បីសន្តិភាព និងអភិវឌ្ឍនៃក្រសួងសង្គមកិច្ច អតីតយុទ្ធជន និងយុវនីតិសម្បទា។ ព្រមទាំងមានការអញ្ជើញចូលរួមពីលោកជំទាវ ឯកឧត្តមថ្នាក់ដឹកនាំក្រសួង ស.អ.យ. លោកជំទាវ ឯកឧត្តម ថ្នាក់ដឹកនាំ សមាជិក សមាជិកា ក្រុមការងារយេនឌ័រ ក្រុមការងារ ស.ស.យ.ក. ក្រសួង ស.អ.យ. តំណាងមូលនិធិជាតិជំនួយសង្គម អង្គការដៃគូ និងភ្ញៀវកិត្តិយសជាច្រើនរូប។ គោលបំណងនៃសិក្ខាសាលានេះ គឺផ្តល់ឱកាសឲ្យមានការ …អានបន្ត 🔗ដើម្បីទទួលបានព័ត៌មានថ្មីៗបន្ថែម សូមចុចLink ខាងក្រោមនេះ៖ 👉 NSAF Website 👉 NSAF Telegram Channel 👉 NSAF Facebook Page

តើស្ថាប័នណាជាអ្នកដឹកនាំ និងតម្រង់ទិសប្រព័ន្ធគាំពារសង្គមនៅកម្ពុជា? ——— ក្រុមប្រឹក្សាជាតិគាំពារសង្គម (ក.ជ.គ.ស.) ជាសេនាធិការរបស់រាជរដ្ឋាភិបាល ក្នុងការដឹកនាំ សម្របសម្រួល និងតម្រង់ទិសជាយុទ្ធសាស្ត្ររួមសម្រាប់អភិវឌ្ឍប្រព័ន្ធគាំពារសង្គមទាំងមូល។   ដើម្បីឱ្យការបំពេញតួនាទី និងភារកិច្ចប្រព្រឹត្ដទៅប្រកបដោយរលូន និងមានប្រសិទ្ធភាពខ្ពស់, ក.ជ.គ.ស.​ មានសេនាធិការ ដែលមានរចនាសម្ព័ន្ធការងារយ៉ាងច្បាស់លាស់ រួមមាន៖ 👥 គណៈកម្មាធិការប្រតិបត្តិ 📋 អនុគណៈកម្មាធិការ 🛠 ក្រុមការងារបច្ចេកទេស 🏢 អគ្គលេខាធិការដ្ឋាន (សេនាធិការប្រចាំការ)។   💡 រចនាសម្ព័ន្ធដឹកនាំ និងសម្របសម្រួលដ៏រឹងមាំនេះ បានធានាឱ្យការរៀបចំ និងដាក់ឱ្យការអនុវត្តកម្មវិធីជាតិជំនួយសង្គម របបសន្ដិសុខសង្គម ក៏ដូចជាអន្ដរាគមន៍របស់រាជរដ្ឋាភិបាល ប្រព្រឹត្ដទៅដោយរលូន ចំគោលដៅ និងឆ្លើយតបទាន់ពេលចំពោះតម្រូវការរបស់ពលរដ្ឋគោលដៅ!   #ក្រុមប្រឹក្សាជាតិគាំពារសង្គម #កជគស #ប្រព័ន្ធគាំពារសង្គមកម្ពុជា #អភិបាលកិច្ច #កម្ពុជា

សូមគោរពជូនជ្រាប សេចក្ដីជូនដំណឹងរបស់គណៈកម្មាធិការជាតិរៀបចំការបោះឆ្នោត (គ.ជ.ប) ស្តីពីការជ្រើសរើសមន្ត្រីជាប់កិច្ចសន្យារយៈពេលខ្លីសរុបចំនួន ៥៥៥ រូប ដើម្បីបម្រើការងារសម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ ដែលក្នុងនោះ ៖ កាលបរិច្ឆេទឈប់ទទួលពាក្យ៖ ថ្ងៃទី៩ ខែសីហា ឆ្នាំ២០២៦ វេលាម៉ោង ៥:៣០ នាទីល្ងាច។ ✅កន្លែងដាក់ពាក្យ៖ នៅលេខាធិការដ្ឋានរាជធានី-ខេត្តរៀបចំការបោះឆ្នោត (លធ.ខប) ឬទាញយកពាក្យតាមរយៈគេហទំព័រ www.nec.gov.kh។ ✅សម្រាប់ "ភ្នំពេញ" (លំដាប់លេខ ១២ ក្នុងតារាង)៖ គជប មានតម្រូវការជ្រើសរើសមន្ត្រីសរុបចំនួន ៣៣ រូប ដែលមានមុខតំណែងដូចខាងក្រោម៖ គ្រូបង្គោល៖ ២៨ រូប លេខាធិការ៖ ១ រូប ការីកុំព្យូទ័រ៖ ១ រូប អ្នកបើកបររថយន្ត៖ ១ រូប ជំនួយការគណនេយ្យ៖ ១ រូប ជំនួយការសេវាកម្មច្បាប់ និងវិវាទកម្ម៖ ១ រូប (ចំណែកមុខតំណែង ជំនួយការប្រតិបត្តិការ និងជំនួយការរដ្ឋបាល គឺមិនមានតម្រូវការសម្រាប់ភ្នំពេញទេ) ✅កាលវិភាគសម្រាប់រាជធានីភ្នំពេញ (ស្ថិតក្នុងក្រុមទី ១)៖ ការបិទផ្សាយបញ្ជីឈ្មោះបេក្ខជន៖ ថ្ងៃទី ១០-១១ ខែសីហា ឆ្នាំ២០២៦។ កាលបរិច្ឆេទប្រឡង (QCM និងសម្ភាសន៍)៖ ថ្ងៃទី១៦ ខែសីហា ឆ្នាំ២០២៦។ ✅លក្ខខណ្ឌជ្រើសរើស៖ ១. លក្ខខណ្ឌទូទៅ បេក្ខជនគ្រប់រូបដែលចង់ដាក់ពាក្យ ត្រូវបំពេញតាមលក្ខខណ្ឌជាមូលដ្ឋានដូចខាងក្រោម៖ -សញ្ជាតិ និងសិទ្ធិ៖ ត្រូវមានសញ្ជាតិខ្មែរ និងមានឈ្មោះក្នុងបញ្ជីបោះឆ្នោតក្នុងរាជធានី-ខេត្ត ដែលខ្លួនដាក់ពាក្យ។ -សីលធម៌៖ មានកិរិយាមាយាទល្អ សុចរិតទៀងត្រង់ និងគោរពច្បាប់របស់ គ.ជ.ប។ -សុខភាព និងការធ្វើដំណើរ៖ មានសុខភាពល្អ និងអាចចុះទៅបំពេញការងារតាមមូលដ្ឋាន (ឃុំ សង្កាត់) បាន។ -ស្ថានភាពការងារ (បុគ្គលដែលមិនអនុញ្ញាត)៖ មិនមែនជាមន្ត្រីតុលាការ, ព្រះសង្ឃ, អភិបាលរាជធានី-ខេត្ត/ក្រុង-ស្រុក-ខណ្ឌ, សមាជិកក្រុមប្រឹក្សាគ្រប់កម្រិត ឬមេភូមិ/អនុភូមិ។ -ប្រវត្តិរូប៖ មិនដែលជាប់ទោសឧក្រិដ្ឋ ឬមជ្ឈិម។ វិន័យដាក់ពាក្យ៖ ដាក់ពាក្យបានតែ ១ មុខតំណែងគត់ (បើដាក់លើសពីមួយ នឹងត្រូវចាត់ទុកជាអាសារបង់)។ -ការលើកទឹកចិត្ត៖ ផ្ដល់អាទិភាពដល់បេក្ខនារី, ជនជាតិដើមភាគតិច និងជនមានពិការភាពដែលមានសមត្ថភាពសមស្រប។ ✅លក្ខខណ្ឌដោយឡែក លក្ខខណ្ឌនេះខុសគ្នាទៅតាមមុខតំណែងនីមួយៗ៖ ក. មុខតំណែងគ្រូបង្គោល៖ ១.គ្រូបង្ហាត់ផ្នែកកុំព្យូទ័រ (តម្រូវការ ១ខណ្ឌ ១រូប) អាយុ៖ ២៥ ឆ្នាំឡើងទៅ។ -កម្រិតវប្បធម៌៖ ចាប់ពីបឋមសិក្សាឡើងទៅ + មានបទពិសោធន៍បណ្ដុះបណ្ដាល ៣ ឆ្នាំ ឬ ធ្លាប់ធ្វើការងារបោះឆ្នោត ៣ ដងឡើងទៅ។ -ជំនាញបច្ចេកទេសផ្នែកកុំព្យូទ័រ៖ ត្រូវចេះប្រើកុំព្យូទ័រស្ទាត់ជំនាញ, Internet និង Email -ប្រាក់កម្រៃ៖ ១.៥០០.០០០ រៀល/ខែ។ -វិញ្ញាសាប្រឡង៖ QCM (សំណួរជ្រើសរើសចម្លើយ), តេស្តកុំព្យូទ័រ និងសម្ភាសន៍។ ២. គ្រូបង្ហាត់ផ្នែកទ្រឹស្តី (តម្រូវការ ១ខណ្ឌ ១រូប) អាយុ៖ ២៥ ឆ្នាំឡើងទៅ។ -កម្រិតវប្បធម៌៖ ចាប់ពីបឋមសិក្សាឡើងទៅ + មានបទពិសោធន៍បណ្ដុះបណ្ដាល ៣ ឆ្នាំ ឬ ធ្លាប់ធ្វើការងារបោះឆ្នោត ៣ ដងឡើងទៅ។ -ជំនាញបច្ចេកទេសផ្នែកកុំព្យូទ័រជាការប្រសើរ -ប្រាក់កម្រៃ៖ ១.៥០០.០០០ រៀល/ខែ។ វិញ្ញាសាប្រឡង៖ QCM (សំណួរជ្រើសរើសចម្លើយ), និងសម្ភាសន៍។ ខ. មុខតំណែង៖ លេខាធិការ (Secretary) -អាយុ៖ ២១ ឆ្នាំឡើងទៅ។ -កម្រិតវប្បធម៌៖ បរិញ្ញាបត្ររងឡើងទៅ ឬ មានបទពិសោធន៍ការងារលេខាធិការ ៣ ឆ្នាំ ឬ ការងារបោះឆ្នោត ៣ ដង។ -ជំនាញបច្ចេកទេស៖ ចេះសរសេររបាយការណ៍, កំណត់ហេតុ និងចេះប្រើប្រាស់កុំព្យូទ័រ។ -ប្រាក់កម្រៃ៖ ១.៥០០.០០០ រៀល/ខែ។ -វិញ្ញាសាប្រឡង៖ សរសេរ-QCM និងសម្ភាសន៍។ សូមគោរពជូនជ្រាបខ្លឹមសារ នៃសេចក្តីជូនដំណឹងរបស់គជប ផ្សារភ្ជាប់ជាមួយកិច្ចការស្នើសុំកិច្ចសហការ ដោយយុវជនគណបក្សថ្នាក់កណ្តាល និងគោរពស្នើសុំមតិដឹកនាំ ដោយគោរព ។