تمشي على ٱستحياء 🌱

فمحد يعرف شنو داخل البيت

كذلك أمها

آني أعرف بنت تلبس بناطير لو فساتين مخصرة وتطلع بس وصلت مرحلة ماتطيق اخوها لأن هو كلش ملتزم ودائمًا يحجي وياهه وينصحها ويحثها ع الستر والعباءة وهي ماتستجيب

وبالنسبة لاخته انتي متدرين شنو اكو داخل البيت

عوفوا لااتابعون أخباره ولا أي شي عنه

اي لعد خوما إنتوا ترحون اتدزوله خبر ؟

لديك رسالة جديدة 💌 :- السلام عليكم عمري اكو يمنا ولد ذو اخلاق عالية ومحترم ذو دين ومتعين وديريد بنت محترمة المشكلة الاولى اخته تطلع المكياج مالتها والشعر نصه طالع الكذله زين انت ماتشوف اختك من تطلع ماعرف حايرة او اخليها على الله افضل ادرس ورب العالمين يدز لباب بيتي

وآنه كلب آثم طلب تطهيره 💔 . . #ياأباالفضل

مرات حتلو شخص تسمعون عنه ملتزم وبعدين متصير القسمة لاتضوجون يجوز بيهه صالح مو كل الملتزمين يتراهمون مع بعض يجوز هذا الشخص بي صفة إنتِ متتحمليها يجوز مترتاحين وي أهله يجوز عاقبته مو حسنة أو يجوز دينج يتراجع ويا هواااي أسباب تكون مخفية (والله يعلم وانتم لاتعلمون) فإنتوا توكلوا على الله بصدق وخلوا هو يتولى أمركم

وتذكروا دائمًا وعسى أن تكرهوا شيئًا وهو خير لكم وعسى أن تحبوا شيئًا وهو شرلكم والله يعلم وأنتم لاتعلمون

مايحتاج تعرفون ليش وتشغلون نفسكم بالأسباب المهم من يجي أحد تتوكلون على الله وتصلون صلاة الاستغاثة بالبتول "عليها السلام" أو صلاة الاستغاثة بصاحب الزمان "عجل الله فرجه" اهم شي تصلون وتدعون بيقين وطلبوا اذا هالشخص بي صالح إلكم ولدنياكم وآخرتكم كون رب العالمين يتمم الموضوع على خير واذا مابي صالح كون رب العالمين ينهي الموضوع ومايخلي يصير

اني حابه اتزوج لان الزواج نصف دين ويبعدني عن المعاصي لاكن كل ميجيوني ناس ماتصير مااعرف ليش

لديك رسالة جديدة 💌 :- والله اني اصلا حتى لو يجون اهلي مايقبلون.. - اندعوا بيقين وبالدعاء تنقلب الموازين كلها للأمر إلي بي صالحكم.

بالزيارة الأربعينية رحنا لأحد البيوت بكربلاء إلي فاتحين بيوتهم للزوار فچنت نايمة ويمي نسوان من غير محافظة ديسولفن وحدة كالت بالمضمون آني بنتي ماازوجها اذا ماتتخرج وتتوظف . . الرجال ملحوك عليه ردت اشيل الغطى من على راسي واكولها خالة الدراسة ملحوك عليها بس الرجال الزين مو يومية يجي، بس سكتت كلت لايعتبر تدخل فحبيت اكتبلكم هالموقف خاف وحدة بيكم عدهه نفس التفكير نصيحة لوجه الله يابنات اذا تقدملكم صاحب الخُلق والدين لاترفضون بحجة الدراسة أو الوظيفة لأن ممكن بعد مايتقدملج هيج شخص آني أعرف بنت حچتلنا مرة قصتها كالت من جنت ادرس تقدملي واحد كلش ملتزم ورفضته علمود الدراسة تكول و وره سنوات تخرجت ووراهه كعدت فترة ونوب تعينت ومدري كم سنة چان مار على تعيينها وتكول لحد الآن بعد ماتقدملي مثله صاحب خلق ودين فهي چانت متندمة ضيعت فرصة من إيدها وجانت تنصحنا أن مانوكع بنفس خطئها فإنتوا هم يابنات ديروا بالكم من هذا التفكير حتى لاتندمون بعدين🌺.

اسأل اي واحد على اللا تعيين كله عددلي المشاكل اللي جاي تأذيك وتأرّق نومك ؟ راح يعدد .. مثلا .. شغل ماكو اهلي ما يفهموني عندي مرض مزمن فقدت شخص عزيز علي اريد اتزوج بس مجاي اتوفق الحالة المادية تعبانه بيت ما عندي سيارتي قديمه كلش والخ من المشاكل التي لا تنفك تكثر وتكبر .. ترجع تسأله شنو الامور الايجابية اللي الله منطيهه الك ؟ يكلك الصحة والعافية او المعرفة والتدين او اهلي زينين .. والحمد لله ع كل حال هو هنا ميلاحظ نفسه شكد جاي يقفز على الايجابيات وشكد جاي يدقق ويفصّل بالسلبيات مثلا شنو الصحة والعافية ؟ يعني عين سليمة .. عقل سليم .. يد موجودة وسليمة .. قدم تستطيع الوقوف .. خلقة تامه .. جهاز هضمي سليم "معدة .. مريء .. امعاء .. بنكرياس .. قولون .. كبد الخ " جهاز بولي سليم وافتح قوس وهم عدد .. جهاز مناعي سليم .. جهاز عصبي سليم .. جهاز رئوي سليم .. جهاز وعائي سليم ..اعصاب .. عضلات .. هرمونات .. غدد .. الخ من عجائب الملكوت التي لا تنتهي في جسم الانسان .. كلها تم القفز عليها بعبارة روتينية مكررة واحدة "الصحة والعافية" ينسى الانسان انه في كل لحظة ينعم بملايين النعم وقد يتعرض لمشكلة او اثنين فينسى جميع نعمه ويقفز عليها ويصب تركيزه على هذه المشكلة التي كثيرا ما تكون مؤقته وقابلة للحل .. فيغتم لها ويحزن وتضيق الدنيا في عينيه .. وربما يدعو على نفسه بالموت والثبور ! _حسين البصري

غروب يوم الجمعة الدعاء بي مستجبات ويستحب قراءة دعاء السمات بهالوقت قبل الأذان ولاتنسون إمامنا بقية الله من صالح دعائكم وادعوا بالنصر والتسديد للمؤمنين والهلاك والهزيمة للظالمين واذا تدعولنا بالعافية وحسن العاقبة نكون ممنونين منكم هواي

فالموضوع صاير مزعج بشكل كبير صراحة

للأسف حتى أكو زلم من يرحون للزيارة يصورون بالطريق قريب ع الإمام والزايرات يكونن ظاهرات بالصور خلفهم بلا مايدرن، وينشرون هاي الصور بمواقع التواصل، زين وين الغيرة؟ هاي لو على نسائهم يقبلوها؟

الاغلبية إلي دا ينشرن دايكونن مطلعات وجوه الزايرات بالتصوير، زين الزايرة رايحة للإمام تريد تاخذ راحتها مو تبقى تلفلف بروحها خاف على غفلة تلكى نفسها منشورة على مواقع التواصل

فليش حرامات نضيع أجرنا بسبب بهيج شغلات