Macrophage

مرات التقيء ممكن يدلنا على المرض تقيء مع فقدان وزن مع صعوبة بلع الطعام -سرطان بالمريء esophageal ca تقيء بطفل عمره اسبوعين مباشرة بعد الرضاعة مع انتفاخ باعلى البطن وهذا التقيء يكون projectile ومبي bile - congenital pyloric obstruction تقيء و صخونة ووجع بالبطن واسهال - gastroenteritis تقيء ووجع راس وماله علاقة بالاكل بالاخص بالصباح مع papilledema -high intracranial pressure تقيء مع انتفاخ ووجع بالبطن مع امساك مع high pitch bowel sounds -intestinal obstruction Note : these diagnoses are not conclusive but highly suspected

اكو طفلين انولدوا قبل موعدهم 🌟اول طفل انولد بعمر 32 اسبوع وامه كانت طبيعية وصحية ومعتنية بنفسها ومبيها ضغط او امراض ثانية غذائها واكلها صحي و كلشي تمام بيها 🔵ثاني طفل هم انولد بعمر 32 اسبوع لكن امه عدها ارتفاع ضغط مزمن وهي مدخنة واكلها مو صحي وممعتنية بصحتها السؤال هو منو الي حتكون الرئة مالته انضج واحسن ؟ الطفل الاول الي امه صحية ؟ لو الطفل الثاني الي امه عدها ضغط ومدخنه؟ الجواب : الطفل الي حتكون الرئة مالته ناضجة واحسن هو الطفل الثاني الي امه عدها ضغط ومدخنة . زين شنو هذا التناقض ليش عود؟ ببساطة لان هذا الطفل ديتعرض بداخل بطن امه الى stress وهذا الstress يحفز جسمة يفرز cortisol الي يساهم بشكل كبير بنضوج الرئة وتحسين ادائها لذالك الطفل الثاني تكون رئتة افضل واقل عرضة لل respiratory distress syndrome وفرصة نجاته اكثر من الطفل الاول

Case study: مرأة عمرها 30 سنة جتي تشتكي من : 1-انقطاع الدورة الشهرية 2-galactorrhea افراز حليب من الثدي بالرغم انها مو حامل 3-خلل بالرؤية ومجال النظر بحيث الشغلات الي صايره ع الجانب بمجال النظر متكدر تشوفها bitemporal hemianopia بحيث الا تفر راسها يلا تشوفها 4-صداع من هذي الاعراض شنو عالاغلب عدها ؟؟ الجواب Pituitary prolactinoma ورم بالغدة النخامية. زين هذا الورم شون سوا هاي الاعراض الجواب بالنسبة لانقطاع الدورة الشهرية فهذا بسبب ان الورم يفرز prolactin وهذا البرولاكتين يثبط افراز GnRh بحيث تصير عدها انقطاع بالدورة وبالنسبة لافراز الحليب فهذا بسبب افراز البرولاكتين ايضا وبالنسبة للخلل بالرؤية فهذا بسبب انو الورم بدا يضغط على optic chiasm بالدماغ وسبب عمى بالجانب المحيطي من النظر وبالنسبة للصداع فهو بسبب الورم مسوي ضغط وبالتالي صداع.

Surgery: pilonidal disease صار اكثر من مره اشوف ولد طالب سادس عنده pilonidal sinus يعني بالعامي عنده ناسور بالمقعد. سالت بيها دكتور جراح ليش ذوله تزداد عدهم وليش بالاخص بفترة السادس. الجواب كالاتي : ذوله الفئة تزداد عدهم خطر الاصابة بهذا المرض بسبب 1-السمنة (ياكل وميتحرك وبس كاعد بالبيت) 2-الجلوس لفترات طويلة كلش وعدم الحركة 3-كثرة الشعر بهاي المنطقة 4-deep gluteal cleft 5-local irritation Poor hygiene ——— زين شون الالية الي يصير بيها هالشي الجلوس لفترة طويلة مع كثرة الشعر بهاي المنطقة >> تشققات ببصيلات الشعر >>> تكوين مسام او حفرة صغيره >>>>وهاي المسام او الحفرة تجمع جراحة و ووصاخة و قطع شعر وهيج يتكون الناسور

ليش الصغار بالعمر كلش والكبار بالعمر كلش هم اكثر فئة عمرية عرضة للhypoglycemia هبوط السكر. كل واحد اله اسبابة 👶🏻الاطفال الصغار كلش : 1-low storage of glycogen عدهم مخزون صغير من الكلايكوجين 2-immature counter-regulatory responses يعني اليات الدفاع (الهرمونات الي تصعد السكر) ضد هبوط السكر تكون غير ناضجة ، 3-high metabolic rate جسمهم يستهلك طاقة هوايه لانهم يكونون بطور نمو. ————————————————— 👴🏻الكبار بالعمر كلش : 1-decrease in lever function الكبد مالتهم ميشتغل مضبوط سواء ب خزن السكر على شكل glycogen او افرازه للدم 2-improper counter-regulatory responses 3-polypharmacy يعني ياخذون ادويه هوايه وممكن قسم من هاي الادوية تسوي هبوط بالسكر او تزيد الخطر لهبوط السكر على سبيل المثال رجال شايب عنده heart failure وياخذ beta blockers 4-cognitive impairment يبدأ ميوعى على نفسه لمن يهبط السكر لانه مو بكامل قواه العقلية.

رباعية فالو 🫀: عيب خلقي بالقلب يتكون من اربع شغلات 1-RT ventricular out flow obstruction 2-Rt ventricular hypertrophy 3-VSD 4-overriding of aorta يعني الايورتا كاعد فوك الvsd ورايح للجهه اليمين ——————- The most common cyanotic congenital heart disease ————— اتجاه جريان الدم يعتمد على الاختلاف بالضغط Rt ventricular obstruction degree) يعني الدم حيمشي من الضغط العالي للضغط القليل عن طريق الفتحه VSD فاذا جان left ventricle ضغطة اعلى بهاي الحاله حيمشي الدم من اليسار left ventricle الى اليمين right ventricle بهاي الحالة مراح يطلع cyanosis لكن اذا جان ضغط ال right ventricle اعلى بهاي الحالة حيمشي الدم من اليمين right ventricle الى اليسار left ventricle عن طريق VSD وهنا راح يصير cyanosis للطفل ليش؟ لان الدم الموجود باليمين غير مؤكسج من يروح لليسار وبعدها للجسم راح يصير ازرقاق بالانسجة ———————- وهنا اكو معلومة حلوه لمن الطفل يبجي او يرضع راح تقل الsystemic vascular resistance بسبب vasodilation يعني بمعنى ثاني الضغط الي بالجهه اليسار راح يكون قليل ، والضغط الي بالجهة اليمين rt ventricle يكون اعلى ف هنا وين حيكون اتجاه جريان الدم ؟ حيكون من الجهه اليمين لليسار و يعبر دم غير موكسج لليسار عن طريق الفتحه vsd ولهذا الطفل بهذا المرض لمن يبجي او يرضع مباشرة يكوم يصير لونه ازرك وسبب هذا الزراك هو عبور الدم الغير مؤكسج من يمين القلب الى يسار القلب ———— زين الطفل شنو يسوي حتى يمنع او يقلل هاي الحاله؟ يسوي squatting position يعني بالعامي (يگرمز ) لمن يسوي هاي الوضعية شنو راح يصير ؟ الي راح يصير انو تنضغط الfemoral arteries وبالتالي تزداد الsystemic vascular resistance وهنا راح يكون ضغط الجهه اليسار left ventricle اعلى من الجهه اليمين right ventricle بالتالي يقل عبور الدم من اليمين لليسار ويروح الازرقاق

With "METFORMIN" there is low risk of developing hypoglycemia Except in ⚠️⚠️: 1-ill old debilitated patients 2-malnutrition 3-hepatic impairment Renal impairment 4-excessive alcohol intake 5-strenuous exercise 6-use in combination with other antidiabetic drugs as sulfonylureas ميتفورمين دواء يستخدموا جماعة السكر قليل يسوي هبوط سكر hypoglycemia عدا بالحالات المذكوره فوك ⬆️

حتى تتذكر اشهر اسباب ال DIC Disseminated intravascular coagulation احفظ هاي الجملة STOP Making Trouble S: sepsis / snake bite T:trauma O:obstetric complications P:Pancreatitis M: malignancy T: transfusion

🔴🔴HIGH FERRITIN DOES NOT EXCLUDE IRON DEFICIENCY ANEMIA 🔴🔴 Ferritin:بروتين مسؤول عن تخزين الحديد بالجسم يستخدمونه بتشخيص فقر دم نقص الحديد احنا نعرف انو مستوى ال ferritin يستخدموا حتى يشخصون فقر دم نقص الحديد IDA عد ذوله المرضى يكون الferritin ناقص زين اذا اجه مريض وعنده علامات فقر دم وكان ال ferritin عنده عالي واكثر من المستوى الطبيعي ، يصير بهاي الحالة نستبعد فقر دم نقص الحديد IDA ونشيله من بالنا ونفكر باسباب ثانية لفقر الدم ؟؟ الجواب : لا ، لان ممكن الferritin يرتفع بحالات الالتهاب حتى لو كان الشخص عنده فقر دم نقص حديد Its an acute phase protein (inflammatory marker)

ليش beta blockers (خصوصا الnonselective ) خطرة عند مرضى السكر بالاخص اذا كان المريض يستخدم انسولين ? ———- قبل كلشي ، اعراض هبوط السكر هي Palpitations, tachycardia, tremors , anxiety بالاضافة لل sweating السبب الي يخلي beta blockers خطرة عد ذوله المرضى انو هي 1- mask the hypoglycemia يعنى حتى لو هبط السكر مراح تظهر اعراضه الي هي palpitations , tachycardia, tremors ,anxiety لان الbeta blockers حتمنع ظهور هاي الاعراض بحيث يصير هبوط سكر عند المريض وهو محاس عليه 2-beta blockers prevent glycogenolysis in the liver And also prevent gluconeogenesis يعني تمنع تكوين الglucose بالكبد الي نحتاجة حتى نرفع السكر الهابط هاي الشغلات ممكن تسوي sever hypoglycemia والمريض محاس بالوضع بحيث يدخل ب coma.

Interesting case scenario : 🤰🏻 مرأة عمرها 29 سنة حامل بطفل وهي حالياً بالاسبوع 34. ماعدها سكر ، مو مدخنة ، ماعدها ضغط ولا عدها امراض بالدم. ما متعرضه ل trauma ، ماعدها الم بالصدر ولا خفقان ولا ضيق نفس ولا infection. يعني عالعموم تاريخها الصحي مُطمن. 🔺الشي الوحيد الي عدها هو : Atrial Septal Defect كان عدها من هي صغيرة هاي المرأة جتي تشكي من الم قوي برجلها اليسار بالاضافة هاي الرجل صارت شاحبة وباردة ، عدها صعوبة بتحريكها. Physical Examination: CVS: fixed split S2 which is consistent with ASD Lower limb: cold pale pulseless , diminished capillary refill , reduced motor and sensory function in that limb ———————- من اخذنا دوبلر لگينا DVT عدها صاير وهذا الDVT مسوي embolism بالleft leg 🔴زين الDVT شلون يسوي systemic embolism شلون رهمت هاي مو المفروض يسوي pulmonary embolism ؟ الجواب: عبرت الemboli من الvenous side لل arterial side عن طريق ال ASD 🔵🌟هاي الحالة اسمها 🔵🌟: PARADOXICAL EMBOLISM ———————— زين ليش صارت هاي الحالة عدها لمن حملت ، ليش مصارت بذيج السنوات الراحت الجواب : اولا صار عدها DVT بسبب الحمل لان الحمل يسوي hyper-coagulable state بالأضافة لقلة الحركة تسوي stasis ثانيا الحمل اثر على الASD العدها لان زاد حجم الدم وزاد cardiac output وصار بسبب هذا reversing of shunt يعني صارت Right to left ثالثا تحركت الemboli من مكان DVT و عبرت عن طريق الASD وراحت سوت Embolism in the left leg

“The Hygiene Hypothesis” "نظرية النظافة" 🔺شنو هي : هي نظرية انتشرت سنة 1989 تفترض انو الاطفال الي ينشأون ببيئة يتعرضون بيها للجراثيم والاوساخ راح يكون الجهاز المناعي مالتهم (ناضج واقوى) من الاطفال الي ينشأون ببيئة ميتعرضون بيها للجراثيم والميكروبات 🔺شنو الشغلات الي تأيد هاي النظرية : 1-شافوا الاطفال الي ينشأون بالحقول و الارياف والدول الغير متطورة تقل عدهم الامراض المناعية مثلا الربو ، السكر النوع الاول ، multiple sclerosis، inflammatory bowel disease وغيرها . السبب بهذا انو ذوله الاطفال متعرضين للجراثيم وغيرها وهذا ساعد الجهاز المناعي انو يتطور اكثر ويقوى و ينضج اكثر . فشافوا قليلة تكون عدهم الامراض الي يهاجم بيها الجهاز المناعي الجسم. وقليلة الحساسيات allergy 2-شافوا الاطفال الي ينشأون بالدول المتطورة ينشأون ببيئة يكون كلشي بيها معقم ونظيف ( ماء الشرب ، الاكل ، البيت وغيرها)بالاضافة لتوفر اللقاحات والانتيبايتك راح يقلل تعرض الجسم للميكروبات فيكون جهازهم المناعي غير ناضج .فشافوا بهاي الدول المتطورة تكثر الامراض المناعية الي يهاجم بيها الجسم نفسه ،و يكثر مرض الربو وغيرها من الامراض المناعية وتكثر الحساسيات allergy . لكن بالمقابل نسبة حالات انتشار العدوى (بكتريا ، فايروس ، فطريات ، الطفيليات) والأمراض المعدية قليلة تكون عدهم. 3-شافوا الاشخاص الي يهاجرون من الدول النائية والغير متطورة الى الدول المتطورة كامت تصير عدهم امراض مناعية بالاطفال الي يخلفوهم وهذا ساند ودعم هاي النظرية. ▫️▫️▫️▫️▫️▫️▫️▫️▫️▫️ عالرغم من كل هذا يبقى كل هذا الكلام مجرد فرضيات ماكو دليل قاطع او اثبات لجدارة هاي النظرية.

جراحة : علاوي عمره 26 سنة يشتغل عمالة ، وكعت قطعة كونكريت (صب) ثگيلة على رجلة بالشغل ، مجرد صارتله كدمات و رضوض على رجله مصار نزف قوي ولا تشوه برجله بس بعد هاي الحادثة بفترة قصيرة علاوي كام يحس الم برجله (معلومة رهيبة ها 🥸) بس هذا الالم گام يزداد تدريجيا وعلاوي يوصفه بالعبارة هاي( رجلي توجعني احسها عبالك مضغوطة احسها صارت عبالك صخرة ) والالم يزداد وميفيد بي اي مسكن ياخذه بالاضافة انه كام يحس بخدر و صعوبة بتحريك اصابع رجله المتاثرة. راح للمستشفى بعد كم ساعة من الحادثة فحصوا هناك ، شافوا رجله منتفخة ومورمة ، مؤلمة عند اللمس ويزيد الالم اكثر لمن سوو plantar flexion للقدم (Positive passive stretch test) ، النبض موجود لكن ضعيف ، prolong capillary refill , reduced light touch sensation . اخذوله اشعة ملگوا كسر. . لگوا نسبة الmyoglobin عالية . قاسوا ضغط الcompartment طلع اكثر من الضغط الطبيعي شنو الصار اله وسببله كل هذا؟ 🔵الجواب compartment syndrome احنا نعرف من التشريح انو العضلات محاطه ب fascia لكن الموحلو بهاي الfascia انو هي الها قابلية امتداد وامتطاط محدودة علاوي لمن وكعت قطعة الكونكريت على رجله صارت injury للأنسجة وهاي سببت تورم وتجمع سوائل وبالتالي زاد الضغط داخل رجله وگلنا قبل شويه انو الfascia الها قابلية امتطاط محدودة بالتالي زاد الضغط اكثر واثر على الcapillary flow فصارت ischemia وبالتالي سوت الالم وهاي دائرة حتبقى تعيد بنفسها لان الischemia حتسوي التهاب وتجمع سوائل اكثر وهذا حيزيد ضغط الcompartments اكثر. بحيث خلال 6 ساعات او اقل يصير infarction للعضلات والاعصاب. 🔵زين اذا صايره ischemia شلون كدرنه نحس النبض عند علاوي؟ الجواب : لان هاي الischemia صارت على مستوى الcapillary وليس ال artery 🔵شنو العلاج لهيج حاله طارئة حتى نمنع يصير infarction الجواب : نفتح رجله ونسوي fasciotomy حتى نقلل الضغط الصاير.

🔴 جراحة : اكو كيس لولد مراهق ممكن تفيدكم : اكو بمنطقتنا ولد مراهق عمره تقريبا 15 الى 17 سنة هذا الولد يشتغل بمطعم . ف قبل فترة طالع للشغل الصبح وفجأة صار عنده الم بأسفل بطنه بعدها صار يتقيأ. طلع واخذ اجازة من الشغل وراح للبيت بقى يتلوى بالبيت ويصيح من الالم وتاخر بروحته للمستشفى تقريبا فوك ال 12 ساعة من بدء الاعراض هاي وراها طگت روحه من الالم وقرر يروح للمستشفى فحصه الدكتور هناك ولاگي عنده صاير التواء بالخصية testicular torsion بس خطية الولد فات الاوان والدكتور گايلة ماتت هاي الخصية صار بيها infarction دخلوه عمليات وشالوله هاي الخصية الميته وبنفس الوقت ثبتوله الخصية الثانية حتى خاف بالمستقبل هم يصير بيها التواء ————————- 🔵وهنا تذكرت كلام دكتور قيس اخصائي جراحة المسالك البولية ( اي مراهق او شاب عنده الم مفاجئ ببطنه لازم نفكر بال testicular torsion مو نفكر بس بال appendicitis لو الامور الشائعة الاخرى وننسه هالشي المهم ) 🔴اكثر عمر شائع بي التواء الخصية هو فترة المراهقة وبالاخص اذا كان المراهق يشتغل 🔴نسبة نجاة الخصية تعتمد عالوقت بين الالتواء و معالجته •اول 6 ساعات نسبة نجاتها 90 ‌‎%‎ 6-12 ساعة نسبة نجاتها 70-50 ‎%‎ 12-24 ساعة نسبة نجاتها 50-20‎%‎ بعد 24 ساعة نسبة نجاتها 10 ‎%‎ فلازم الواحد ميتاخر عليها ومباشرة يعالجها 🌟🌟🌟🌟🌟🌟🌟🌟🌟🌟🌟 ملاحظة : الم التواء الخصية ممكن يجي على شكل الم بالبطن فقط من دون اي الم بمكان ثاني وممكن يجي على شكل الم باعلى الفخد وممكن يجي على شكل الم بمنطقة الخصية

الي بالصورة اسمه سام سوليك Sam Sulek وهو اشهر مثال على استخدام الستيرويدس Anabolic steroids هاي المركبات شبيهه ومشتقة منّ التستوستيرون testosterone 🌕🌟شلون تشتغل anabolic steroids وشنو مضارها ؟ فوائدها : -زيادة البناء العضلي للعضلات عن طريق ارتباطها داخل نواة الخلايا العضلية و تحفز الجينات في العضلة على بناء البروتين ونمو العضلة وهذا البناء اذا كان مع تمرين حيكون 3 اضعاف الشخص الطبيعي -تحافظ على العضلات من الهدم وتزيد استشفاء العضلات وتزيد عدد الانوية بالنسيج العضلي وهذا اله تاثير جبير على زيادة ضخامة النسيج العضلي -تقلل نسبة الدهون بالجسم عن طريق تثبيط انقسام الخلايا الدهنية وعن طريق زيادة الايض Metabolism و زيادة هدم الخلايا الدهنية - زيادة القوة والاداء بالتمارين وغيرها -زيادة الصفات الرجولية مثلا نمو الشعر بالوجة ،ثخونة الصوت ,الصلع وغيرها ———- مضارها -خلل بتوازن الهرمونات بالجسم لان بما ان ديطب للجسم كمية جبيرة من هاي المركبات الشبيهه بالتستوستيرون حتتوقف الخصية عن انتاج التستوستيرون وحجمها حيتقلص ويقل انتاج النطف وممكن هالضرر يكون دائمي ويؤدي الى عقم الرجل - تحفيز الغدد الدهنية بالجلد فتكوم تنتج دهن اكثر وبالتالي نشوف حبوب بالجلد acne -زيادة العدوانية والعصبية ومرات امراض نفسية لان هاي المركبات تعبر للدماغ وترتبط بمستقبلات بي فيكون الشخص عدواني وعصبي -مرات اكو تاثيرات متناقضة مثلا اكو اشخاص يصير عدهم تثدي لان الجسم يحول هاي المركبات الى استروجين والي يكبر نسيج الثدي عند الرجل اذا زاد عن حده - هاي الستيرويدات مثل متاثر عالعضلات الهيكلية حتاثر على عضلة القلب وتسبب تضخم الها cardiomegaly - ضرر عالكلية وعالكبد - زيادة LDL وتقليل HDL وبعد مضار هواي نوب