قصائِد حُسينية 🇮🇶

الشاعر الأديب صباح امين كتَّب: محمد منذر العذاري • هو صباح بن أميّن بن حسن التميمي. • ولد في النجف عام ١٣٦٧هـ. • درس في مدارس النجف الأشرف، ثم انصرف عن الدراسة الى الاعمال الحرة وهوَ في الصف الثاني من المرحلة المتوسطة. • كانت بيئة النجف ارض خصبة لصقل موهبته، حيث فتح عيونه ليسمع صوت القابچي وعبد الرضا ووطن وهم يهتفون بأسم عبود غفلة وابراهيم ابو شبع والمرشد وعبد الحسين أبو شبع ورسول محي الدين، وقد عبّر عن ذلك في قصيدة جاء فيها: من يوم الذي غرّد صباحي على اغصان الشعر رفرف جناحي شفت اشجار تمشي بالشوارع توزع ثمر والها صرت تابع شفّت عبود غفلة بسيفه طالع يصيح اخدم ويا المهدي كفاحي اجى ابراهيم سار ابأثر عبود وصرخ من شاف باب الفرج مسدود دعّجل فرج والينا يمعبود ارضنا جارت اعليها المساحي القصيدة تخبرنا أنه نظم الشعر متأثراً بهذه البيئة، وكانت أول قصيدة مكتملة في وفاة والده في عام ١٩٦٤م. • كان سابقاً ينشر شعره في المجلات الادبية، حتى مطّلع التسعينيات من القرن العشرين حيث أخذ برفد الساحة بالقصائد المنبرية التي قرأها الكثير من الرواديد والمنشدين، مثل: الشيخ عبد الأمير المسلماوي، الحاج أبو بشير، السيد محمد العوادي، الشيخ هادي مريطي، ملا جليل الكربلائي، السيد نعمان الفحام، الشيخ كريم عاشور، كرار أبو غنيم، ماهر الشبلي، مهند الكعبي، محمد الگرعاوي، كرار عمامة الجبوري، محمد الجنامي، وغيرهم • من نماذج قصائده الحسينية: ١)) في ليلة الوحشة: بَعد ما ظل بالگلب حيل.. بوية حسين ذاك اتسّحگه الخيل.. بوية اظل عالتل انتظر.. تجي تحامي للخدر بَعد متلحگ على حسين.. بوية ٢)) في حق القاسم بن الأمام الحسن (ع): شمعتي بدمي.. يعلگها النضال والعرس يمّي.. بساحات القتال صوت ثوري بروحي صاح.. آ يجاسم للكفاح.. واسمعت عمّي.. بليل الحنة گال شمعتي بدمي.. يعلگها النضال ٣)) في حق شيخ الأنصار حبيب بن مظاهر الأسدي: بَطل.. بَطل.. انتَ بقرآن الطف اية بَطل.. بَطل.. إنّا اعطيناك الراية صوت الجهاد ايخبره.. انتَ حبيب الثورة بَطل.. بَطل.. إنّا اعطيناك الراية ٤)) بين السيدة زينب (ع) وابا الفضل العباس (ع): أعتب اعليك.. خاف اأذيك انتَ التزمت بضعني.. چا تمشي وتضيعني ومن احآچيك.. خاف اأذيك ٥)) في ليلة العاشر من محرم: شيشوف ابو اليمة؟.. هالليلة بخيمّه حتى الرضيع اتوادع اويا أمه.. هاللية بخيمّه ٦)) في خطاب السيد زينب مع أمير المؤمنين (ع): يا علي صرخت إبألم... محَّد سِمَّع صيحتي من گلب ظامي إنجرّحْ... صحت الحسين إنذبّحْ محَّد سِمَّع صيحتي ٧)) يوم الأربعين: ردنا يعباس.. تنشد علينا جبنالك جروح.. خوية واجينا جرح اليسر ما ننساه.. صيحتنا واعباساه.. جبنالك جروح.. خوية واجينا ٨)) يوم الاربعين براسك والايتام.. يحسين اجينا نحچيلك آللآم.. يحسين اجينا بعيونك الدم هلته.. جرح اليسر ما شفته.. نحچيلك آللآم.. يحسين اجينا ٩)) في خِدمة الحسين: من أجلك الله خلقنا.. يا أروع كل انسان يحسين وبيك غرمنا.. مجنون الطف علمّنا يا أروع كل انسان ١٠)) من لون الفجري: ضيّعت الامل.. يا سيف الاجل.. غيّبت ابونا.. وجه العدالة.. ١١)) في افراح اهل البيت: حلاة العشگ اهل الحب يگولون.. من ايصير مجنون وانا احملت رتبة عابس وجون.. عن هاي شيگولون؟ * المنشور تم نشره في عام ٢٠٢٠م

عزاء النجف الأشرف يوم الاربعين كتب: محمد منذر العذاري بدأ تجمع أفراد الموكب صباح يوم الثلاثاء ٢٠ صفر ١٤٤٨هـ الموافق ٤/ ٨/ ٢٠٢٦م في شارع باب قبلة الإمام الحسين (ع) قرب حسينية المشاهدة القديمة، وفي طليعة الموكب يقف العديد من الشباب يحملون الرايات والأعلام ومنها العلم العراقي دلالة على ان أهالي هذا البلد هم من بدأ بشعيرة المسير في يوم الأربعين. وانطلق الموكب بشكل مجاميع يتقدم كل مجموعة (جوگة) مستهل للشاعر صباح أمين، ومن نماذج المستهلات: ١) رايه ماتشبهّا بالعز راية بالنصر من حيدر موصّايه والنجف بيها افتخر.. راية اشراف البشر بالنصر من حيدر اموصايه ٢) هاي فتية علي همّه اصحابها هالمسيرة بدمها فتحت بابها حِملَت بيوم الخطر.. راية اشراف البشر بالنصر من حيدر اموصايه ٣) سبعة والسبعين ابطال وأُباة خافت من اقدامها روس الطُغاة وخَلِّدَت أعظَم أثر.. راية اشراف البشر بالنصر من حيدر اموصايه دخل الموكب الصحن الحسيني الشريف وارتقى المنبر الرادود هادي ليقرأ قصيدة للأديب صباح أمين مطلعها: يبن امي من عيد الشام.. ردّينا جروح وايتام بلا وجهك من ظلينا.. من ينشد بعد علينا ردّينا جروح وأيتام وبعد إكمال القصيدة ركض الحاضرين باتجاه صحن قمر بني هاشم (ع) وهم يرددون الأهازيج والأشعار التراثية منها: - هز الراية.. وجاب الماي.. بيوم السابع - يعباس جيب الماي لسكينة - هذا لطمنا كل سنة.. على حسين واولاده - أجرك الله يا علي.. بالحسين واولاده - حيدر يداحي الباب گوم لكربلا - يا أهالي النجف يا حي وهلا.. گوموا نتلگة العقيلة بكربلا - اسمع العباس نادى.. يا هلا بهاي الضيوف شلون ااديها التحية.. وأنا مگطوع الچفوف وقام احد المهاويل بقراءة ابوذية: ابو فاضل لاخوه حسين.. كفة الجيش بكفة والعباس.. كفة بمهده ولزمت ام الخدر.. كفه وخذت منه عهد للغاضرية وعاد الشيخ هادي مريطي ليرتقي المنبر في الروضة العباسية ليقرأ قصيدة عگيلي مطلعها: شحچيلك عن طفي الثاني وقد ورد في اول مقطع منها: طف الاول عشته ويايه ومحصن خدري بالراية لكن من جودك شح مايه يا عباس اعطش خلاني ثم قرأ أبيات النزلة وجاء في أولها: يعباس وزين ظلت بينا روح من سبينا من الطفوف وهالجروح يا ذبيح الماي من يمك نروح لليسر وي السلبنا مشينا وختم المجلس بالابيات المشهورة: لا وحگ دمك ودمعة كل طفل روسنا ما دنگت يابا الفضل يعباس احنا خواتك ما نذل يزيد ذليناه وما ذلونا

السوط بمتوني_ودامعه عيوني حسين ذباحك سباني _خويه خويه حسين من بعد الذبح والي جره ومن بعد وکعة سبعها الكنطره ضلت خيامك لهيبة موجره وتركض اطفالك بهيمه مطشره حرگت جدامي _جمرة خيامي والشمر بالسوط اجاني _خويه خويه حسين ماتدري شحصل ليل اهدعش من الجدم للراس ضليت ارتعش كعده صليت الشفع گلبي انخمش الوتر حافر خيلها بالطف فرش عفتك مطشر _عاري وموذر الساحگك ريته اسحکاني_خويه خويه جابو الهزل بلا هودج عمد ضهر ناگة بلا اخو ماينصعد اخ ياخويه شعمل بينه الفگد وين عباس اعله خياته يصد يشوفنه بحيره_وينه ابو الغيره يشوف وشسوه زماني_خويه خويه شلون نمشي وروسكم بين الضعن شلون اسكتهن بناتك لو بچن شلون اسد عيونهن يتلافتن عيوني لاشافنك وكون انعمن يبچن عيوني_من يسألوني شماله ضهرج هيج حاني_خويه خويه شوف بيها شصار تربات الخدر المايبين اخيالها طبت قصر مگيدة يفروها صبحيه وعصر وله واحد خاطره اعليها انكسر خويه بالكوفه_ادخلت مچتوفه الشوف بعد اخنك خزاني _خويه خويه بالخرايب نايمه وتنشغ عتب تنام كعده ام عون ويلي من التعب شوصلاج الشام وبديرة غرب روحها تحاجي ودمعها هواي صب بيا وكت زينب_هيج تتغرب بكربله ميته عساني_خويه خويه طالب الصالحي

اله غبره انثارت واله خندق دمه حياطين انهارت بجي من السمه اله سيف مصبغ نسه طعم الضمه اترجف خله الكوفه اله مستسلمه خانگها بلانفس مصراع وبالفرس ركض وانكشفتله العساكر وانجلت عصرها بجف گيضه ابد ماشملت اله صاحت طوعة اجوك من الگفه ولمن شافت عزمه اله جا هلهلت صفنها شما تهب مشتعله وتلتهب على الصيدة تگلب يشاهين الفله تکوه بمطراده شكثر ماهو عله يصل مامش مصلك تموت الجاستك يأول من قدم فداء لكربله قربانه من السطح وبموته شكد شرح ابو طاهر وحده لچن جيش انحسب لهب بيهم عاصف اخذهم كالحطب اتفحط منه وهو عليها يستراح الفوارس كاتلها الرجف وي التعب يطيحها بلا عدد ولكلشي مستعد

ابو طاهر شد على الخياله موت طبها ياهو يتدناله عكرف اعله المهر شد مصراعه يجيبه وين الي يحطه بباله شد عالفرس.... جبش وحده يقاتل سد النفس..... اعليها من طب صايل بيها انتفض.... الكل صفت تتمايل حيد من حيود بيرغ واگف والزلم من شوفته تتراجف ضاگت الكوفه عليهم من حمل وين اخو خيته البقه ماخايف اللكل اتخفک.... الزلم ضمت روسها يطبک طبگ.... والسرايا يدوسها رافع علم.... الكوفه كون يسوسها مقبض السيف اختنک من ايده تعباه بس يستراح يريده عالذبح لزمو سره مثل النعاج هزبر وفك جنحة يندل صيده طوعه اهتفت ... هلا بحيل السادة الغبره اختفت.... ولنه فوگ القادة والله ونعم... بيها حل وزيادة عوزها العباس وترف رايته وي مسلم خل تعور شارته دخيلهم ضهر بضهر لو غيمو سوده تصبح ماتفوت الفايته من كربله... للقصر دمايه بيها البله.. ايحل رفيف الرايه تبجي دمه.... توسلت بهدايه ربات حيدر قلع باب گلوبها بمهره يتبختر بكيفه يجوبها صال بيها من الجنوب ع الشمال زين منها الماتشمر ثوبه كر بيها كر.... روسهم طشاره دمهم نهر... ماتروح اثاره جنهم حطب.. وهو شاعل ناره طالب الصالحي

الرادود مهند الكعبي كتب: محمد منذر العذاري • اسمه ونسبه: هو ابو قنبر مهند حنتوش الكعبي. • ولادته: ولد في النجف الأشرف - الجديدة عام 1979م. • مع المنبر: ارتقى المنبر اول مرة عام 1993م في تأبين المرجع السيد عبد الأعلى السبزواري، ثم اخذ بالقراءة في المنازل، وبعد سقوط النظام اعتلى منابر المواكب في النجف الأشرف وخارجها وقد قرأ للكثير من الشعراء منهم أستاذه الحاج جواد شربة، الشيخ علي التلال، الأديب صباح أمين، الشيخ هادي مريطي، الشاعر قاسم الخفاجي، الشاعر قحطان الحسناوي، السيد هاشم العوادي… وكغيره من رواديد النجف قرأ للمرحوم عبود غفلة والشيخ عبد الحسين ابو شبع. وقد اجاد قراءة الأطوار التراثية ولا سيما قصيدة الثلاث دگات، وله ابداع في اداء وتطوير وابتكار العديد من الأطوار والألحان الحديثة. • من اشهر ما قرأ: 1) ردته ويَ الظهر ردته.. بس عباس ما شفته من خيل الميادين.. سحگت صدر الحسين صحت ابألم عاتبته.. بس عباس ما شفته 2) اطهر من الماي.. ربيتي وفاي بالراية انه محجبة.. شكراً على هذا الربة ربيتي وفاي 3) حلاة العشگ أهل الحب يگولون.. من ايصير مجنون واني حملت رتبة عابس وجون.. عن هاي شيگولون

يروحي دمع الحزن هويته يروحي طف وخيــم لكيته يروحي للهادي دم جـريته يروحي ................................... الهادي ياروحي الدمـــع شاهد عذابه راسم الطف والخيـــــــم مطلع كتابه عاش كـــــل عمره الهظم ذابح شبابه بكل عزه ومجلس تره حاضر مصابه بدمعه جريه ينعى الرزيه خلص حياته صبح ومسيه يروحي من يحضر المآتم يروحي. يواسي الزجيه فاطم يروحي. لاخر نفس نعيته يروحي ................................................... عاش عمره الهادي مذبوحه أمنياته من كثر نوحه الدمــــــع يبس لهاته محني يمشي وحتى لو قام الصلاته هدم جرح حسين حيـله وشل حياته نار الفجيعه لابن الوديعه يا دمعه سيلي لحسين ورضيعه يروحي. عالخد جرن دموعه يروحي. الهادي وحنت ضلوعه يروحي. وضل ينتضر منيته يروحي ............................................... صور من الطف بدت ترسم حدوده وراد من عباس ياخذ ســـــر خلوده رفع راية جــــــده وبعزمه وجهوده وكف وبعلمه سحك خصمه وجنوده نور الأمامه بوجه علامه صفوة محمد بقدره ومقامه يروحي أبابه تجي الحياره يروحي من تعتني الزياره يروحي. الكل تحتمي بثنيته يروحي ................................................... عاشر أفروع الأمامه وجــــل قدرته وارث آل المصطفى الهادي وعترته النقــــــــــــــي الناصح ألقابه ورتبته ونعمة من الباري يا شيــــــعه خدمته محرابه آيه ونور الهدايه جاعله سبحان رب البرايه يروحي موكب خدم أنصبي يروحي للهادي فوكه كتبي يروحي أنصاره معتنيته يروحي ................................................. ختم عمره الهادي وأنفاسه ألأخيره وأنذبح بالســــــــم لمن حدد مسيره مثل جده او والــــــده شيخ العشيره والعجيبه أجنازته ضلت أسيــــــره شيل الجنازة عازتها عازة وادم غريبة بيمن تجازه يروحي بداره صفت دفنته يروحي كسرة كلب وحدته يروحي بدمع الحزن أجيته يروحي .............................................. خادم خدمة الحسين الشاعر محمد الموالي

تهميشات على قصيدة (من السبي اليوم) كتب: محمد منذر العذاري قصيدة (من السبي اليوم.. ردينا يحسين) كتبها الشاعر الشيخ عبد الحسين ابو شبع وقرأها الرادود الشيخ وطن في صحن الإمام الحسين (ع) وقد ورد في احد مقاطعها: وحدة ابحزنها.. مغمي عليها عالگبر حطت.. حلمة ثديها جبتك إلهالگاع.. تندفن بيها بالسهم وظماك.. مفطوم بثنين وقد يستهجن بعض المهتمين بالشأن الأدبي والحسيني ما ورد في الشطر الثاني (عالگبر حطت.. حلمة ثديها) وأود توضيح بعض التفاصيل بهذا الخصوص: 1- كما يعلم الجميع فالشعر الشعبي يكتب بلهجة المنطقة او الدولة في فترة زمنية محددة، وقد تتغير بعض المفاهيم مع تقدم الوقت، فمثلاً في ذلك الزمان كان من المستساغ استخدام مفردة الثدي وما يرادفها في الكلام الاعتيادي وكذلك في الشعر بدون اي خدش او إساءة ومن أمثلة ذلك: - ما ورد في قصيدة (الدمعة الخرساء) للشاعر بدر شاكر السياب عن الإمام الحسين (ع) حيث قال مخاطباً يزيد بن معاوية: واملأ سراجك، إن تَقَضّى زيتهُ مما تدرُّ نواضب الأثداءِ واخلع عليه كما تشاء ذبالة هدب الرضيع وحلمة العذراءِ - بيت الدارمي المشهور: ناگة شكثر للناس.. درن ثداياي تاليها للگصاب.. ودتني دنياي - ما جاء في قصيدة (عباس يا والينا) حيث ورد في احد مقاطعها: لا ديس يرضع منه.. وللماي شابح عينه - مستهل قصيدة قرأها المرحوم فاضل الرادود: طفلك يبو أليمة.. جفن ثدايَ أمه يحسين ساعة وغمض عيونه.. جفن ثدايَ أمه 2- الشاعر في القصيدة رسم لوحة جسّد فيها أصابة آلام بالإغماء وسقوطها على القبر، وقد يكون الغرض من هذا البيت: - التذكرة بان الطفل مات ظامئ. - التذكرة بان الطفل مات بعمر صغير، ولو بقي على قيد الحياة لكن يحتاج للرضاعة - تصوير حالة عدم تصديق الام لموت رضيعها

القصيدة المرجعية كتب: محمد منذر العذاري كُتب الشعر وقُرأ في رثاء مراجع الدين العظام ومنهم السيد محمد كاظم اليزدي حيث رثاه الشاعر مهدي عباد العبايچي بقصيدة تلاها الرادود عيدان تويج السباك مطلعها: شلون ترضى بالفرات ايغسلوك.. وجدك حسين الچفن ذاريه ان چان انتَ تغسلت واتچفنت.. حسين ظل اعلى الشمس ظهرية وكذلك قرأ الشيخ ياسين الرميثي في رثاء السيد ابو القاسم الخوئي قصيدة مطلعها: هذا ابو القاسم صريع الغدرة.. يا بقية العترة عظم الله الاجر.. الك يا راعي الأمر يا بقية العترة وقد استطرد الشاعر لذكر شهادة السيد محمد باقر الصدر في أبيات القصيدة. بقيت هذه القصائد تجارب فردية نادرة، حتى شهادة المرجع السيد محمد محمد صادق الصدر، حيث كان لهذا الشخص تأثير مختلف في المجتمع العراقي والوسط الحسيني والأدبي فهو المرجع الوحيد الذي قرأ قصائد لطم من على منبر مسجد الكوفة، وقام بالدعوة لإحياء الشعائر الحسينية كافة.. وعند مقتله قرأت في رثائه مئات القصائد في مختلف مدن العراق وحتى في دول الخارج واستمر هذا الأمر حتى الوقت الحاضر، وشارك فيه معظم الشعراء الحسينيين، وقد تنوعت القصائد في طرحها بين من يؤكد على أهمية الثأر للسيد الشهيد، وبين من يندب الحجة المنتظر (عج)، وبين من يستذكر ادوار السيد الصدر في مقارعة الطغاة، وبين من يقارن بين السيد الشهيد وأجداده من أهل البيت، وبين من اخذ الموضوع من الجانب العاطفي واستذكر علاقته وحبه لشهيد الجمعة ونجليه. قصيدة للشهيد رحيم المالكي قرأها الشهيد الشيخ علي الكعبي من على منبر الجمعة في جامع الحكمة: ثارك يالصدر ثارك.. دين برگبة إحرارك ثارك ما يضيع الثار.. لا والواحد القهار ابد ما تنطفي نارك قصيدة الشهيد غالب شنيع الجبوري: تصيح النجف والكوفة.. دم الصدر منعوفه جيل ايذكر بجيل.. هذا الصار ميزيل تصيح النجف والكوفة.. دم الصدر منعوفه قصيدة تلاها الشهيد علي النداوي للشاعر احمد عايد في مجلس اقامه الدكتور منذر العذاري في منطقة الشلال التابعة للمشخاب: كلنا نصيح عاهدنا.. من منطق عقائدنا لسان الحال هو الگال.. وتبقى تردد الأجيال تظل بالصدر قائدنا وقرأ بعدها قصيدة قريض مطلعها (يا أبانا يا شهيد) قصيدة من نظم السيد حسين الحجار قرأها السيد نعمان الفحام في مجلس الدكتور منذر العذاري: هل يحسين.. دمع العين الك يا والد الأحرار قصيدة قرأها الرادود كرار ابو غنيم للشاعر علي السلامي: دين الرسول وشرعه.. يودع شهيد الجمعة هذا الجرح ما يلتام.. هالليلة دين الإسلام يودع شهيد الجمعة قصيدة رتلها الحاج ابو بشير النجفي للشاعر حيدر العاصي: احبابك نون ونوح.. نسچب دموع الحزن أنادي بدليل الملچوم.. غدرو صدرنا المظلوم نسچب دموع الحزن ومن قصائد الرادود علي يوسف للشاعر ابو هاجر السوداني: يا سائلي عن فارس الكوفة هذا الأبد ما ننسى معروفه عشگناه.. الله بيه نجانا عشگناه.. سيد الحنانة قصيدة للشاعر جواد الحمراني قرأت في اوبريت مشترك بصوت الرادود احمد الساعدي والرادود علي الدلفي، مطلعها: طلع فجر الصدر بآذان جبريل وعيون ابرهة تنتظره والفيل قصيدة قرأها الرادود علي الدلفي من نظم السيد عبد الخالق المحنة مطلعها: وينك.. كل جمعة اسأل وانسئل.. وينك وأقراها بعيون الطفل.. وينك ارجعلي بعدك مو سهل.. وينك ولم يقتصر رثاء السيد الشهيد على شعراء ورواديد العراق بل اتسع لبقية الدول العربية فقرأ الرادود جعفر القشعمي عدة قصائد في رثائه وهناك قصيدة مشهورة مطلعها (من صدر الى صدر تمر الأعوجية.. باضلع زكية) للشاعر المرحوم غازي الحداد وقد قرأت لمرات عديدة وممن قرأها الرادود فاضل البلادي

https://t.me/wgilds

https://t.me/fxgddvvxcbjxs

عزاء أهالي النجف يوم الأربعين كتب: محمد منذر العذاري في صباح يوم الجمعة 20/ صفر الخير/ 1447هـ الموافق 15/ 8/ 2025م توجهت برفقة السيد الوالد الدكتور منذر العذاري إلى كربلاء، وقد دخلنا كربلاء بعد الساعة التاسعة صباحاً من جانب قنطرة السلام، فسرنا نحو مرقد قمر بني هاشم (ع) ومن هناك توجهنا لمنطقة ما بين الحرمين، وعندها لمحت عيني بعض الشباب يهرولن وهم يحملون قطعة موكب النجف الأشرف ويرددون الأهزوجة المشهورة: هز الراية.. وجاب الماي.. بيوم السابع فالتحقنا بأفراد الموكب ودخلنا إلى الصحن المقدس، وهناك بدأ ترديد الأهازيج المشهورة: أجرك الله يا علي. بالحسين واولاده يا أهالي النجف يا حي وهلا گوموا نتلگة العقيلة بكربلا وكذلك أبيات شهيد المسيرة عباس عجينة: اسمع العباس نادى.. يا هلا بهاي الضيوف شلون أأديها التحية.. وأنا مگطوع الچفوف وفي تمام الساعة 10:42ص ارتقى المنبر الرادود هادي مريطي، وبدأ بكلمة شكر لخدمة الروضة العباسية وبعدها بدأ بإنشاد قصيدة للأديب صباح أمين من وزن العگيلي مطلعها: يا خوية لگبرك ردونا وأخذ بالقراءة مع تفاعل الحضور تحت رفرفة الرايات في وسط الصحن المقدس، حتى وصل إلى أبيات النزلة وجاء في أولها: يعباس اليوم جبنا لكل گبر جروح يوم الظمى وجروح اليسر انت عفت حسين من ذاك الظهر ما دريت شصار بيه وبينه وعند نهاية الموشح اخذ بقراءة المقطع المشهور: لا وحگ دمك ودمعة كل طفل روسنا ما دنگت يابا الفضل يعباس احنا خواتك ما نذل يزيد ذليناه وما ذلونا مع تفاعل منقطع النظير من الحاضرين حيث طلبوا من الرادود اعادة المقطع عدة مرات، حيث قرأه لسبعة مرات ثم ختم المجلس في الساعة 11:07ص وعاد المعزين إلى حسينية المشاهدة. اما في الصحن الحسيني كالعادة بدأ الشيخ هادي مريطي بكلمة شكر للكوادر التنظيمية ثم هتاف (لبيك يا حسين) واستذكار لشهداء انتفاضة صفر 1977م مع قراءة الفاتحة لخدمة الحسين (ع) ورواد منبر الأربعين الشيخ عبد الحسين ابو شبع، الشيخ وطن مچي، الشيخ علي حسين التلال، بعدها بدأ بإنشاد قصيدة مطلعها: علي ومن يتلگاه.. يوم الآمه رجع ليك بعيلتك.. رجع راسك وياه.. يوم الآمه ولا يخفى على المطلعين ان هذا الطور من الأطوار التراثية ولعل ابرز من اشتهر بقراءة هذا الطور هو المرحوم عبد الرضا الرادود

وصلت الكربله يحسين مشايا من الشام أجيتك شايله الرايا أمشي وأعثر أبهمي     غريبة ولا ولي يمي من الشام أجيتك شايله الرايا ...................................................... طحت من طولي من شفت الخيم رمدة غيــــــــر أجروحه خويه الفاكد أشعنده اليعيش بـــــــلا ضوه يستوحش الوحدة أجيتك جيـــــــــــــــت ألمخنوكه بالشدة أجر أنفاسي بالكوه       ماتت ريحة الخوه كل أحلامي طاحت آيه آيه من الشام أجيتك شايله الرايا ....................................................... ركضت اركاض يـوم العاشر ونحرك وصحت يحسين زينب وصلت الكبرك يالمعودني أغفــــــــى من أشم عطرك ما تكعد تضمنـــــي الحضنك وصدرك بيه شصار لو تدري     يحسين أنكسر ضهري أمشي ويمشي ضل راسك ورايا من الشام أجيتك شايله الرايا ....................................................... علـــــــى الموعد أجيتك بيه ما بيه وآنــــه أمن المشي والسوط محنيه مثل ما ضاع أصبعك ضاعت أبنيه لا تحسبنه أبشرك ماتت ارقيـــــــه شبكت راسك وطاحت     ومن كثر البجي ماتت طفلة او وينها اويـــن السبايا من الشام أجيتك شايله الرايا ....................................................... يحسيـــــن الكلب ما يحمل الفركـــه مثل الخيل عيــــــن الشامت أتسحكه رغم طول الدرب والحسره والحركه أشم ريحة كمر وأتخيــــــــــل الملكه للعبـــــــــاس وديني     عسن بلكت يلاكيني ولــو أجفوفه ضلت عالمسنايا من الشام أجيتك شايله الرايا .................................................. أريد أوياي تمشي الكافلي وسأله أكله السوط فــــوك أمتوني من صله أجيتك وآنــــــه مدري ميته لو عدله أفراكك واليسر يا خويه شيحمله عفتني يابو فاضل     ومشيت بلايا كافل الحمد لله أعله راسك والعبايا من الشام أجيتك شايله الرايا ....................................................... خادم خدمة الحسين الشاعر محمد الموالي

The owner of this channel has been inactive for the last 18 months. If they remain inactive for the next 7 days, they may lose their account and admin rights in this channel. The contents of the channel will remain accessible for all users.

كُلشي أنتهى ومات الحلم وبعيون زينب ينرســــــم شام الهســـــــــــه محنية ضهر عشت ومتت مــــــن القهر شام ...................................................... يا روحي الجروح أهواي أبدي بيا جرح منهن ألمشت وي روس أخوتي أشلون من يا راس أحسبهن أبدي من جــــرح عباس وجان أجفوفه مطلعهن لو من راس أخوي حسين حيرة أوصاله شيلمهن من الخيــــــــــم للتل جنت أركض ومدري شكد طحت شام والهســــــــــــــه محنية ضهر عشت ومتت مــــــــــــن القهر شام ............................................... من ظهرية العاشر بدت قصة معانتــــــــــــي من عفت الجثث عالكاع ومشيت أكبال شماتـي جنت من ألتفت عباس أشوفه يمحـــي خطواتي وأجفوفه أعله راس حسين يفين وأجري دمعاتي ومن أنضرب أسمع صدى عباس و ينكط نـــــــــــــده شام والهســــــــــــه محنية ضهر عشت ومتت مــــــــــن القهر شام .................................................. من طبيت ويلي السوك وبأذني الشماته أسمع ما عدها أهل خوان تجـــي الهاي المره تفزع مشيت وكاطفونه أحجار وليه وجان منها أروع من أنصاب أخوي حسين راسه وبالدمه أتوزع وطبت القصر جانت أشد من السبـــــــــي الله واحد شام والهســـــــــه محنية ضهر عشت ومتت مـــــــن القهر شام ......................................................... كل هاي الجروح وجان بيه أمن الخيم جمرة من الشام لأرض للشام زينب رجعت أمكدرة عشت وبيه جـــــان الشيب يومية يشب عمرة لحد كطع النفس عباس أريدة وداعت الزهرة أتمنيته يحضر دفنتي وبيده يشيــع أجنازتي شام والهســــه محنية ضهر عشتت ومت مــن القهر شام ......................................................... من طبع التموت أتريد خوان التجي وتحضر وأخوتي مذبحين وضال واحــــدهم سليل البر آه الشام ويلي الشام مدري شضاملــــي وأكثر ويلي وحتى زواري تجيني مــــــــــا بعد تكدر حال الصحن مثل الضعن من أنسبى وشاف المحن شام والهســــــــه محنية ضهر عشت ومتت مــــــن القهر شام ....................................................... خادم خدمة الحسين الشاعر محمد الموالي