شُعر .

‏أجمل ماقيل عن ترك الحاجه ‏وهي لازالت في الخاطر : ‏يقول رشيد الزلامي : ‏عروق قلبي يالسديري معاطيش ‏أمشي وانا مقفي .. واعاين خلافي ‏وقال السديري : ‏برقاً يفوتك لو مزونه مراهيش ‏لاتستخيل امطار سحباً مقافي

مرحباً : ‏انا مع السكوت لين يذبل الشعور .

فتحت باب الكلام لعمري الثاني وألغيت صمت السنين اللي تجرعته مليت وانا اكثر احلامي تعداني ياكثر ماشلت بالخفاق واوجعته شفني كسرت الجمود وجيت لك عاني مستقبلك .. والزمان الشين ودعته امداني العمر والا العمر ما امداني ماعاد انا حمل جرحٍ ما توقعته يا اخر حبيب بقا لي بين خلاني ابيع كل العرب و اشريه مابعته خيالك اللي مع الايام خاواني وقصيدي اللي بشخصك ماتصنعته اكبر ويكبر غلاك اللي بوجداني اخلصت اراعيه حتى اني تطبعته اشتقت لك لين جاني منك ماجاني ياكثر مامر لك طيف وتتبعته معي لو اني غريب وشبه وحداني ماغيرتني وجيه الوقت واقنعته حتى اسمك اللي عجز ينطق به لساني اغار لامر من شخص وتسمعته مرات اقول انت حبك وين وداني ومرات اخاف اني من الطيش ضيعته رغم الجفا والغياب اللي تحداني قلبي على الصبر في غيبتك طوعته يا منتهى رغبتي والحس الانساني لو ما مضى في يديني كان رجعته وان قلت وين القصيد اللي على شاني قلت انت كل القصيد اللي تشبعته .

مرحباً : ‏طيفك في ذرى قلبي مايغيب .

‏الشاعر ان ضاق صدره فضل الابتعاد ‏ماهوب مادون حلق الشاعر الا يديه ‏افکاره ابعد من التفكير والاعتقاد ‏وطقوسه اغرب بعض الاحيان مما يجيه ‏احيان يستنطق الصوره مع انها جماد ‏واحيان مايكتب احساسه ولا يحتويه ‏الشعرماينتزع بالجد والاجتهاد ‏وان زاد فيه التكلف قل الابداع فيه ‏ان امتنع صد مثل الحارث ابن العباد ‏وان احتمی رد مثل الزير سالم لاخيه ‏مايستفز الركود الا هبوب البراد ‏ولايستفز القلوب الا غياب الوجيه ‏يامطول الغيبه أبعد فالطريق وتماد ‏معاد لك ماتلفت له ولا تحتريه ‏حنا كبرنا على المشروه والانتقاد ‏سمه تغافل تجاهل سمه اللي تبيه ‏حتى الرفيق السنافي والرفيق الحشاد ‏من خيب الظن منهم ماشرهنا عليه ‏يمرنا يعتذر عقب الزعل والعناد ‏ويروح من عندنا ماسمع شرهه و لیه ‏ان قال كبوة جواد نقول كبوة جواد ‏وان قال طيحة جمل قلنا جمل ماعليه.

صباح الخير ☕️ !

‏ما يحتاج يا عازف تغني وتعزف ناي ‏على شان تربطني مع جروح ماضيي ‏صرفت النظر عن كل حاجه تجيب اقصاي ‏ابي راحتي حتى لو " اخسر امانييّ " ‏تجاوزت تأثير اصدقائي وقول اعداي ‏ودقيت مسمار النعش في هقاوييّ ‏يا من ترسم البسمه على طلة محياي ‏انا من فقدتك .. " فاقدتني ليالييّ " ‏تضيع المحبه بين قربك وبين رضاي ‏مثل ما تضيع علومك ان مر طاريي ‏لا طاحت نفوسٍ تحتري بايع وشراي ‏تزم النفوس اللي عن الطيحه تعييّ ‏انا حالف اني معك ما اخذ ولا اعطي راي ‏لو امشي ووجهي عكس وجهة خطاوييّ ‏لا جات السعه يا كثرهم مثلي وشرواي ‏ولا جا الضيق والله ما تعيّن احد زييّ ‏لا عيّنت احد يغليك مثلي فـ عود جاي ‏واخذ كل شي تعيّنه في مخابـييّ ‏لو اقدر اكون انسان ثاني مانيب اياي ‏من سنين يمديني وصلت لـ مشاهييّ ‏مع ان المبادي مالها شي في مخباي ‏انا كل يوم .. "ادفع ضريبة مبادييّ "

مرحباً : جميل ان تُقابل الناس ببداية الصباح بابتسامه ، ولكن الاجمل ان لاتقابلهم ابداً .

تغافلتني هواجيسي وانا ما دريت ‏الين حطت بوسط القلب جمرة غضى ‏قمت اتذكر من الماضي بعض مانسيت ‏واكثر مايإثر علي فالحاضر اللي مضى ‏الصاحب اللي رضى يبعد وانا ما رضيت ‏لكن وثرت ابتعد وارضى مثل ما رضى ‏اتلا العهد به يقول اكلمك لا فضيت ‏واليوم قد له سنه واكثر وهو ما فضى ‏فيه الرجا ماقضى وانا بعد ماقضيت ‏لكن حبه وتقديره هو اللي قضى . ‏

صباح السهر ، يا حزة العاشقِين ☕️ .

‏بتلقف لو ماني بملقوف ‏بقول أحبك وأنت قلي تموني ‏وأنا على شوفتك مغرم وملهوف ‏واحن لك مير انت منت بحنوني ‏والله ماخبر انه دخل قلبي الخوف ‏والله ماخبر اللي بكنه عيوني ‏واليوم شفت دمعي بسبتك مذروف ‏هلت دموع العين مثل المزوني ‏هلت مدامع عيني وعينك تشوف ‏والله خساره فيك دمعة عيوني

إخلدوا للنّوم ، سيظهر سواد تحت أعيُنكُم ، ويُفضح معارككُم السّريّه.*

"قطعت الارض طول وعرض فوق الهاجس كحيلان ‏اشيل الذنب واحطه واهل الدمع من شانه… ‏حبيبي هاك عذري دمعتين تطلب الغفران ‏عزيز الجاه حول دمعته لجل عيون خلانه… ‏ترى ما الين من العاشق ولا اغلى من الاوطان ‏ولكن العاشق ان شاف المذله فارق اوطانه… ‏وانا قلبي مثل طير جفته الدار والخلان ‏ولا له غير يرخي مع هبوب الريح جنحانه.. ‏تصافق به هوى الدنيا ولا له فالسما عنوان ‏يشوم من الوطا لكن عينه صوب خدانه.. ‏يبي يرجع لملواح الغرام و وكره اللي كان ‏يبي يرجع لدار ما قوى بعده وهجرانه… ‏ترى مافيه باسعد من ينام ولامعاه احزان ‏ولا اشقى من غريب تذكر العربان عربانه… ‏يقولون العرب جرح الهوى يبرى مع النسيان ‏وسمي الريم لو انساه زاد الجرح نسيانه… ‏حبيبي خلك سواتي لـ قال القلب وين فلان ‏تعذر له او اسكت لاتطري للجفا خانه.. ‏وانا اللي راس مالي دمعتين تطلب الغفران ‏يحولها عزيز الجاه لجل يرد خلانه…"

مرحباً : هو صحيـح أنـت وأنـا معـادنْا خلان ؟

‏" ياصاحبي واللي خلق نعمة السمع ‏ إنك هـنا .. بينّ المعاليق ثابت ‏ماجيت لي صدفه ولا جيت لي رمع ‏" وإن غبت عني فرحتي معك غابت ". ‏والدمع هذا اللي تشوفه ماهو دمع ‏اشعلت عيني لجل اشوفك وذابت ‏واللي نزل منها على خدي الشمع ‏ارقد ما دام الشوق فالقلب نابت ". ‏

مرحباً : ‏تصنعت الغرام ولا جد حبيت ؟

يقطعك ياحبً توقف على ماش ‏ومن حب حلوين المظاهر بلاشي