الـَديم ✨

ترى الرخوم اللي على البخل تكّو ‏تلقى طبايعهم مع الوقت هي هي ‏عن الكرم و عن المواجيب دكّو ‏ورجالهم تلقاه ميّت وهو حي ‏واليا مدحت الطيبين استشكّو ‏وقالو هذا مايمدح الا يبا شي .

من رحمة الله لقاك بخير محبوبك ‏هلا هلا ياعذابي واجمل احبابي ‏ مالي عيونٍ نظرها ما انتثر صوبك ‏ولابك من الشوق و اللهفه كثر مابي ‏كم لي و انا اكتب غرامك واتبع دروبك ‏ ياللي معاذريك اقفت بي عن عتابي عاتب لعل العتب عيبك و عذروبك ‏ولرضاك يا صاحبي تلبسني ثيابي ‏لعيونك الله خلق خفّاق محسوبك ‏يا طيب حظٍ تثنّى بك على بابي ‏ سـولف تدلل ترى ناهبك منهوبك ‏وإن ضاقت ارضك عليك تشيلك اهدابي * نايف صقر

الخطوه اللي عن آخر سكتي تقصر ‏ماهيب من طبع رجليني ولاساقي ‏مانيب من عاش لايربح ولا يخسر ‏ولاهو ضروري تكون أفعالي أخلاقي

‏قل للذي بصروف الدهر عيّرنا ‏هل حارب الدهر إلا مَن له خطرُ ‏أما ترى البحر تعلو فوقه جِيفٌ ‏ويستقرّ بأقصى قعرِه الدرر ‏فإن تكن عبثت أيدي الزمان بنا ‏ونالنا من تمادي بؤسِـهِ الضررُ ‏ففي السماء نجوم لا عدادَ لها ‏وليس يُكسف إلا الشمسُ والقمر

‏يروح كنه ما تصور ولا كان ‏ويمحاه من لوعات الايام ماحي ‏  ‏والله لو ان الحب يشرى بالاثمان ‏لاشريه من خبل واحطه بصاحي

قالو علامك ما تزوج وترتاح وتترك طريق الحب للي يبونه حلفت مسمع هرج عاذل ونصاح مبغي زواج والغضي حيل دونه

‏الخوف مايلحق اللي خاف من ربه ‏تلقاه بين الاوادم رافع الهامه ‏ولا فيه شيً يصير الا وله سبه ‏والذيب عينً خلاف وعين قدامه ‏كم واحدً من رصاص القوم متنبه ‏ولاصابه الا الرصاص اللي من حزامه

اي والله ان ودي احاكيه وابعث له لكن بعض الرسايل تبحث اوجاعي هو خايف اني معاد ارجع وانا مثله خايف من الرجعه اللي مالها داعي

الحياه ملكعه تبغى لها نسبة لكاعه وانت غامر لا تفكر فالزمن جوده وشحه بس تكفى لا يصيبك قل دين وقل طاعه لو تمر ب قل مال .. وقل نوم .. وقل صحه

‏امـشـوا على جـيـبٍ يذب الجراهـيـد ‏من الـجــيـوب الـتـالـيــات  الجديده ‏توه يـجي من مصنع الـغـرب تـوريــد ‏مـاسـمـكـروا بــديــه زيود الحديده ‏اخير مـايــركــب ومايطوي الـبــيــد ‏طوي الـبـراك اللي طــوتـها زبــيــده

نطيح من عين الردي مابها عيب ولا همنا لو قال ما قال فينا مادام نسكن في محاجر هل الطيب ومنازلنا في عيونهم .. ما علينا

‏ما حصل لي صوب خلي مراح ذا الزمان ‏و إن زهمت الربع قالوا دبشنا بيغدي ‏ما يقرب ديرة الترف في ذاك المكان ‏كون شغموم يبوج الخلا مثل مهدي

‏البعد حمّاي الغلا بعض الاوقات ‏لا صار كثر القرب مابه مسرّه ‏نحبكم .. مير اتعبتنا المْدارات ‏وطويق هم ٍ من ورانا نجرّه

‏طرقاً نعاعٍ مالحتها الطخومه ‏كن في عواتقها ليا صافحت ثعب ‏صبحٍ ورا ليله تفتق كمومه ‏وبرقٍ زرع في خافقي فرحه ورعب ‏قباً تهوس محجله ومعصومه ‏من عذبه ربي مع دربها تعب ‏شعر الغزل محدٍ قضا به لزومه ‏لاكعب بن سلمى ولازهير بن كعب

يابنت ياللي تلاعبين البناجر وأنا على الاصوات لا ميت وحي الصوت يطعني سوات الخناجر وانتي ع ظيم الطعن زيدتي الكي حنا نخاف الله و ابليس فاجر يابري حالي وياوجودي وياوي في يوم عاشوراء على خط ساجر نشفت شفاتي من كثر مانظر المي

محزمه من رموش ومحزمي من قصيده وكل ماهب نسناس الشمال نترامى !

لا تذم الرجل والقاك بمحله عيب تشرب من دلاله وتحكيبه بيتك المهجور حنا ماندله وبيته مشرع للأجناب وصحيبه

ارحب يا عام ... ثمانيه واربعين عسى الهموم الي قد مضت مالها رجعه نفتح صفحة أمل على بياض سنين ونكسر قيود الهم والحزن ونعلن الفرحه

كل عام انتم بخير .. الله يجعلها سنة خير وبركة

‏الحياء فـ المجتمع كانه توارى ‏طاح بنيانٍ سواة الضلع شاهق ‏ياخذ المترف حركات العذارى ‏وياخذ الشايب حركات المراهق