Navoiy shahar 15-IDUM

Giyohvandlik — umr zavolidir! 15-IDUM yoshlari giyohvandlikka qarshimiz!

27.10.25-yil sanasida bizning maktabimizga MMT boshqarma boshlig‘i o‘rinbosari: Zafar Niyozov tashrif buyurib 10 va 11 sinf o‘quvchilari uchun mazmunli “Kelajak soati” darsini o‘tkazdi. Dars davomida o‘quvchilarga yurtimiz kelajagi, ta’lim va kasb tanlash masalalari haqida qimmatli maslahatlar berildi. O‘ylaymanki, bu dars orqali o‘quvchilar kerakli xulosalarni chiqardilar va o‘z oldilariga aniq maqsadlar qo‘ydilar. Dars yakunida tezkor savollarga faol ishtirok etib, birinchi bo‘lib javob bergan o‘quvchilar kitoblar bilan taqdirlandilar.

Hurmatli Barchinoy Nodirbekovna! Maktab rahbariyati va Yoshlar ittifoqi kengashi nomidan Sizni tug‘ilgan kuningiz bilan chin qalbimizdan samimiy muborakbod etamiz. Sizga mustahkam sog‘liq, uzoq umr, oilaviy baxt, faoliyatingizda doimo omad va yangi marralarni zabt etishingizni tilaymiz. Sizning yoshlarga nisbatan mehr-muhabbatingiz, tashabbuskorligingiz va yetakchilik fazilatlaringiz barchamiz uchun munosib ibratdir. Yoshlar o‘rtasida olib borayotgan faoliyatingiz, ularga doimo g‘amxo‘rlik va e’tibor ko‘rsatishingiz, shuningdek, ularni ezgu ishlarga yo‘naltirib, Vatanimizga sadoqatli va bilimli bo‘lib ulg‘ayishlariga qo‘shayotgan hissangiz alohida qadrlidir. Ishonamizki, Siz bundan keyin ham yoshlarga o‘z bilim va tajribangizni ayamagan holda ularga yo‘l ko‘rsatuvchi, ibratli sardor sifatida faoliyat yuritishda davom etasiz. Yana bir bor tug‘ilgan kuningiz muborak bo‘lsin! Sizga barcha ezgu orzu-niyatlaringiz ro‘yobga chiqishini tilaymiz. Hurmat bilan, Maktab rahbariyati va Yoshlar ittifoqi kengashi

🇺🇿 Oʻzbekiston Respublikasi Yoshlar ittifoqi 📌 Navoiy shahar 15-IDUM 2025-2026 oʻquv yili uchun Yoshlar ittifoqi sardorlari yangi tarkibi shakllantirildi. Bu yilgi sardorlarimiz maktabimizda iqtidorli, tashabbuskor va oʻz tengdoshlariga ibrat boʻla oladigan yoshlar orasidan saylab olindi. Ularning asosiy vazifasi – oʻquvchilarni birlashtirish, foydali tashabbuslarni amalga oshirish, turli yoʻnalishlarda yoshlarning qiziqishlarini qoʻllab-quvvatlash hamda maktabimiz nufuzini yanada yuksaltirishdan iboratdir. Biz ishonamizki, yangi tarkibdagi sardorlar oʻz faoliyatlari bilan maktabimizda ijobiy oʻzgarishlarga sabab boʻladilar.

Navoiy shahar "Bunyodkor" MFY hududida joylashgan 15-IDUMda 6-sentyabr sanasida 9-"A" sinf òquvchilari òrtasida "Biz korruptsiyaga qarshimiz!" mavzusida chellenj tashkil qilindi.