مهمهيَّة

­­­­­­ ­­­­­­ بين عذبات الوصوف وبين ترفات الصبايا شفت في وجهك ملامح سكرة الموت الاخيرة

_____

"معك واشتاق لك، وشلون وانا بعيد؟ المشاعر ضوامي غصب تنساق لك فيني شعور احسه نابع من الوريد من يلوم الخفوق ان صار تواق لك؟ احترق لك وله ولا انكتب لك قصيد؟ والشعر كم تباهى كل ما راق لك من وداعك ونظراتك رمتني وحيد غربة شعور ياخي هالبطى لاق لك؟"

" مرّني عامين بين احساسي و ظلّ اغترابي ‏ وأنت طرقي عجول وشاعرك راعي طويله "

" أعذريني لا طلبت العذر وارضي يا مليحه ‏واستغلي فرصة أحلامي قبل يمكن صوابي ‏كيف قلبك يخفي المشروه وعيونك صريحه ؟ ‏المعاتب بالعيون أقسى من طعون الجنابي ‏أقلطي بأسلوبك الطاغي على صدر القريحه ‏واستقري لين تجنين العذوبة من عذابي "

" أرحبي ياللي تزاحم لك أسراب القلوب كنها تزاحم الناس .. في مشعر مِنى إشكريني يوم أحنك من كبار الذنوب وإعذريني يوم أزيدك مع العنوه عنا ما قدر يكسب محبتك يالظبي اللعوب غير أنا .. وأعوذ بالله من كلمة ، أنا "

"أسامر طيوفك.. كل ما غابوا السمّار ‏مع إني وحيد شلون ما أحس بالوحدة ‏ورى كل بسمة فاتنة.. تلفت الأنظار ‏عليها المشاعر فـ آخر الليل متحدة ‏حبيبي لا تخشى ضيعتي والحياة أقدار ‏ضياعي حقيقة عمر ماهيب منجحدة ‏تبيها وصل، ولا تبيها ( فراق ) اختار ‏أنا ما قدرت أختار منها — ولا وحدة"

"ودي ارد قلبي بالغزل ياغزاله ‏لايسوي سوات اللي يهمّل رفيقه ‏الهوى لذّته في طيشه وفي هباله ‏ولذّة اول شعور وربكة اول دقيقه ‏وجهٍ اللي يشوفه ينبهر من جماله ‏وطلةٍ تجعل الرجال يشرغ بـ ريقه! ‏ودي امثل مثول المتهم للعداله ‏ماعلي دامني بين اليدين الرقيقه ‏العفو "ياشبيه اللي جفل من ظلاله" ‏نظرتي في التفاصيل الدقيقه دقيقه ‏انت حتى الذهب يزهاه جيدك لحاله ‏ويتلاشى على غيرك ويفقد بريقه"

"اتحرّى يمكن الليل يطلع منه نور ولّا يمكن تنطق شفاك: لبّيه وهلا"

‏"أعيش الصمت لا غنّا حمام الدوح ‏وآحس ان السماء والارض ممتنة ‏عسى بعض الكلام اللي يجي ويروح ‏فدى اللي ما يخيب بمسمعي ظنه ‏كلامٍ في تفاصيله .. ضماد جروح ‏ماهوب اللي بدون سروج وآعنّة ‏على كثر المديح .. اللي يرد الروح ‏ماجاني مثل “ جعل آبوك فالجنة " — عبدالله السراهيّد

"مع الصباح الله يصبحّك بالخير ومع المساء مسيّك بالشوق كله"

"رسمتك على الرمل ومسحتك.. بريش وقاف ‏لا كن كيف ابمسح رسمتي فيك من بالي ؟ ‏وكتبتك وانا ما شفت منك سوا الاجحاف ‏وقراك الغريب.. وشفت في عينه اجلالي ‏يابو عين ريميه.. يابو خصر ما ينشاف ‏يابو مبسمٍ حالي.. حسبته لي الحالي ‏لو انّ قلبك الاسود مثل قلبي الشفاف ‏ماشفت العنا منك ولا شفت… غربالي"