وهق

‏يا موجس النار ، ريح الموهبه عاتي ‏و النار ؟ ما حس فيها اللي يطفيها ‏اسامر الليل مثل مسامر ابياتي ‏كني من ضلوع جنبيني مسويها ‏كشفت للناس حزني من معاناتي ‏قصايدٍ يدرج الماء من معانيها ‏استلهم احساسها من حر عبراتي ‏وانا ماحد شاف دمعي يوم اغنيها ‏تغيب شمسي وتشرق بين رغباتي ‏و اهمها رغبةٍ بموت هاويها ‏من عادني فالمهد تطغى على سكاتي ‏كبرت وانا متجود في مباديها ‏حريصه انجح ، وتحرص تجمع شتاتي ‏و قصرت في حقها رغم مساعيها ‏تستاهل اكون معها معظم اوقاتي ‏مثل ما ترضي ضميري ودي ارضيها ‏انا شعرت بـ خطاي فـْ بعض خطواتي ‏حلفت ، في سكة التقصير ما اخطيها ‏خلوني اعيش في شعري معَ ذاتي ‏شعوري اصدق من الناس و هقاويها ‏خسرت واجد عشان اكسب قناعاتي ‏الراحه احيان تخسر .. لجل تشريها ‏يقلقني العرف ، من تحليل نظراتي ‏يكشف لي اسرار بين ضلوع راعيها ‏عالجت صدماتي ، وكثرت هقواتي ‏هقواتي اكثر ما يصدمني و امشيها ‏الطيب مبداي ، يكفي طيب نيّاتي ‏اراعي قلوب ناسٍ ماتراعيها ‏اكثر من العايش فْـ دائرتي .. امواتي ‏اموات في داخلي مامات طاريها ‏ودي اشوف الحياه بشكلها الآتي ‏هي باقي بتستمر من دون اهاليها ؟ ‏شديت ركبي على نية مسافاتي ‏بغادر الدار ، مشتاق لـ ضواحيها ‏وداعي اصدق من دموعي وزفراتي ‏مْسافر لـ ديرةٍ م أعرف احد فيها ‏صملت من دون حقي صملة زناتي ‏لكن الايام شلفا ذياب فـ يديها ‏لايطمع الذيب فـ سلاحي ولا شاتي ‏والطلقه ان صابته ماهوب موحيها

‏مواصل بطعم الجفا ما أدانيه ‏أما مواصل صح .. ولا جفا صح

‏"أوحش مسافات العمر: منتصفها" ‏عبدالعزيز العبلان يتحدّث عن عشرينيات عمرك عزيزي القارئ.

حزين جدًا، ومتعومس، وخايف ‏أحس كنّي على مهوى نهايات

أحسب إني معك قاطع حدودٍ بعيده ‏وأثرني راكض لحالي .. وواصل لحالي

أحسب إني معك قاطع حدودٍ بعيده ‏وأثرني راكض لحالي .. وواصل لحالي

‏دخيلك يالسنين المقبله لا تبخسين الكيل ‏تراني ما أخذت من السّنين الماضيه حقي

‏على الموعد وصلت وكان كفّي للسلام الحار ‏ما كنت أدري مخبّي في دفى كفّيك تلويحة!

‏كل ما قالوا لي لكل مجتهدٍ نصيب ‏قلت انا اسعى للحبايب ولا اعيّن لقا ‏ ‏وكل ما قالوا لي شوي يمكنّك تطيب ‏قلت أنا ضيعت زهرة شبابي وش بقى؟ ‏ ‏وكل ما نادى الرفيق القريّب يا الحبيب ‏انت تطرد لك سرابٍ مدي.. قلت تهقى؟ ‏ ‏والله اني شفق واني من اللهفة غريب ‏وان الايام استدارت والاوضاع مْحقا

الوكاد أني على خلّي غيور ياحسين

‏فيه كلمات تشتهي تسمعها، أكثر من شهوتك للأكل والشرب.

‏فدوة عيونك ماطلبت إلا قليلٍ من كثير ‏كلي حلالك دام كفّك عند كفي جاسره ‏لكن أنا محتاج وصلك لان أبو قلب فقير ‏يشوف كنّ أغصَان صدره من الجفا متكاسره

صباح الخير

لا تنادي لـ المقفّي .. ولا تهيم بـ كل وادي القلوب اللي تحبك ماهي بـ حاجة عزيمه

كل عام وانتم بخير وصحه وسلامه يارب ❣️

ان جيت صار العيد عيد المحبّينن وإن غبت صار العيد عيد الضحية

‏ياما من الملح في خشمك وفي عينك ‏تصدق إني عشقتك صدق من تالي ‏وأبي البشر يكرهونك وبيني وبينك ‏ أبيني أصير بس أحبك لحالي ‏بالله أبنشدك ما توجعك رجلينك ‏من كثر منت بتجي وتروح في بالي

‏نايف صقر يوم كتب في مجلة المختلف عام 2007: ‏"سيّدي يصحى على قهوة صباحه" ‏كتبها تحت تأثير نشوة صباحات الأربعاء الرائعة، وحميميّة إرتشاف كوب القهوة.

‏وش المانع أحبك و أحبك بدون أسباب!

لبيه يابو عيون وساااع