محطة شِعر..

"وانك تلقيني صباح الخير لامنّي صحيت ‏وانك تصدفني دروب الرزق شكل ومحتوى ‏الشكر لك والحمد لك قبل الرضى وليا رضيت ‏يافالق الاصباح يافالق من الحب النوى".

"مثلنا ما يستحق المهونه والخداع ‏ما لبيض وجيهنا منك غير اكرامها ‏عن شحيحات الموارد فجوج الله وساع ‏لا تلوم نظاف الأيدي معا من لامها ‏ما يطيب العيش والراس ما عاش ارتفاع ‏وارتفع بالنفس لو ضامها ما ضامها ‏كل ما جينا نصافح.. نصافح باندفاع ‏مشكلتنا نعطي الناس فوق احجامها ‏كم صنعنا من جميل مع العالم و ضاع ‏وكم تغير طعمها يوم كف اطعامها ‏من كثر ما نكرم الوجه ويطيح القناع ‏كل هقوة طيب صرنا نشدّ حزامها".

نبيل المشاعر راحم الناس ما ينعاف ‏تسخّر له التربه رضا و السمواتي ‏تميل القلوب لعشرة الطيب الميلاف ‏مثل ما تميل لهيبه اسمي طموحاتي ‏لو ان النوايا في وجيه البشر تنشاف ‏عما نور وجهي كل من شاف نياتي ‏مصير البنادم واضح و ما يبي عرّاف ‏تحت بند " كل اللي تودونه بياتي " ‏ولوّ مهل الله ما همل قلبي الشفاف ‏يجي يوم و الدنيا تعدّ انتصاراتي ‏تخافون دورات الليالي و انا ما اخاف ‏" تبي ترد ليّ معروفي و بيض وقفاتي "

قل للسنين اللي تراهني على كسرة عصاي ‏ضربت الأرض لين ثوّرت الغبار من الصدور ‏أنا على ما تشتهي نفسي و وين ألقى هواي ‏محدٍ يحرك وجهة شراعي على السبع البحور ‏ليا رضيت ؟ أطيّر الحاجة .. و أوصلها سماي ‏وليا زعلت ؟ أخلي الحاجة دبورٍ في دبور

تبهت الدنيا .. بعين القانع المتعامي ‏كل ما غرر طمعها بـ النفوس الخجّل ‏كم على مترامية الأطراف من مترامي ‏ياهدب سود الليال الناعسات النجّل ‏تصغر أسامي وتكبر فـ العيون أسامي ‏وكل ميقافٍ بصفحات الزمان مسجّل ‏ما يدوم إلا مقامك .. يالمقام السامي ‏لارخص من كان قدره فالضلوع مبجّل

تدور الليالي والزمن والحياه تدور ‏على محور الأرض وحسب مركز القوه ‏تحت حكمة اللي عرشه الشامخ المعمور ‏تعلى على الماء والبشر تجهل علوه ‏نعيش الحياة بطيب نيه وصدق شعور ‏ ونحفظ مقام الكفو ونقدر الخوه ‏واذا خربت الدعوى مع عيال تسع شهور ‏ما كلٍ نجي له بالسوالف على جوه ‏ما نعرف نداهن وتتسلق ونلعب دور ‏على حاجة في نفس يعقوب مرجوه ‏واذا الوقت عاند وانحنى حنية الباكور ‏ نقول استرح يا وقت واللي تبي سوه ‏واذا احلامنا كبرت وعيت تشوف النور ‏صبرنا وصبر الأدمي عزم ومروه ‏طلعنا من بطون الحراير عيال صقور ‏لنا بالسما سطوة وبالهده جروه ‏رفيق السعد والله مالحقك ردا وقصور ‏وانا وجهي أبيض والزمن وجهه مشوه ‏لاتاخذ كلام الواشي الناقص المعثور ‏ردي العلوم اللي لا مذهب حموه ‏ترا الوقت لابده يبين لك المستور ‏وترا الكفو مهما غاب يبقى على كفوه ‏بصدري كلامٍ مايحول مع الحنجور ‏لاكن كيف بشرحلك عن الوضع وأنوه ‏وانا ماعرفت الضعف لو خاطري مكسور ‏أجاهد ظروف الوقت بالعزم والقوه ‏محمد مريبد

أحسب إن الغلا يمحى بكثر الشد والترحال ‏وأثر لك في وسط صدري حنينٍ يلغي دروبي ‏قطعت بشقّ الأنفس من مفارق يديك أميال ‏ولا أدري كيف رجعني حنيني لأول دروبي ! ‏أقول إني نسيتك وأدري إن وجهك خشير البال ‏يمرر ضحكتك وأضحك ولو ضايق علي ثوبي ..

‏قلبي اللي حب من طهر واغراه النشيد ‏جادلٍ ما شالت من الذنوب الا الوداع ‏يا وريثة كاسب الطيب والمجد التليد ‏اللي مثلك لازم يقدّر حقوق الشجاع ‏ما غويت الا بحبك وبلحون القصيد ‏المتاع اللي تمنيت والدنيا متاع ‏لا تقولي حمر عين وقلبه من حديد ‏الحديد يذوب عند اللي عيونه وساع

مجي الرسوم هموم قلب وعنا وشعاف ‏تمثنيتهـا والحــزن منهـا تمثنـانـيّ ‏احث القدم ما كنّ روحي لهـا ميلاف ‏ياليت القدر ما سـاق رجلي مسيّـاني ‏حصيـلي هموم وضيقه وونه ومنكاف ‏انـا وين حظي لـ التحـاسيف وداني؟ ‏منـازل بني عم ومداهيل حم اشعاف ‏وزمـانٍ ونيس وسجةٍ عمرهـا فانـي ..

شامخه بين البشر من سلايل شامخين ‏بنت شيوخٍ كل دعوه تجي يحمونها ‏الخصال الفارقه في الحجاج وفي الجبين ‏والنعومه والفخامه وسحر عيونها ‏مهرتن ماتنظر الناس غير بنص عين ‏ماتناظر جملة الخلق لو يدعونها ‏عينها يم ابلجٍ في المواقف مـايلين ‏ينثني من دون ربعه ويحمي كونها ..

يا وجهٍ كل ما بان الصباح .. وبنت ‏عرفت إن نور شمسك نقطة بداية ‏تعاطيتك بدون حدود ، لين أدمنت ‏وصرت أقصى الطموح وذروة الغاية ‏محد يملك زمام اللي مضا غير انت ‏هواك اللي تصرّف .. واتخذ رايه ‏ياكم بأسباب طيفٍ من غلاه أذعنت ‏سريت بـ ليلةٍ .. ما هي بـ سرّاية

اعتقيني من يدين العالم اللجاجه ‏كل ليلٍ دون وصلك ليل ما له قمرا ‏يا علاج الخافق اللي فيك كل علاجه ‏من سواليف الغرام الى الشفاه الحمرا ‏لإتجاهات القوام العدله المنعاجه ‏واستمالات التقوس والرموش السمرا ‏كل شيٍ قلت ما احتاجه انا محتاجه ‏اغمريني فيه حتى يحدث الله امرا ..

هلا بأول عظيمه عانقت قلب العتيبي لين خذت ماياخذ الصاحب من اجزل خيرة اصحابه هلا بك لو مجيّك كل مره بين حين وحين هلا بأعظم عظيمه مالك اموازي ولا مشابه ألا يا ام الأناقه والتفاخر والغنج والزين عليك الروح منقاده مثل ماهيب منصابه!

أنا سيّد أفكاري ما أحب أتبع التنوير ‏قناعاتي اللي داخلي .. موجز أحزاني ‏ما أعيش الحياه اللي تجي وفق فكر الغير ‏شعوري عميق ومنطقي منطق إنساني ‏ولاني بحاجه حُب واهم ، ولا تقدير ‏أنا نصفي الأول وأنا نصفي الثاني!

الشاعر : عبدالعزيز الوذيناني @abdazeez555