سَـ .

وبَعدت طيوف حبك من الاطياف وشلت لمسات شعرك من الچفوف شضمن بيك سري وأنت شفاف وشچلب بيك وأنت الرايد تعوف ! أبد ميصير طين الاصله صفصاف وچذب ماي النهر ميجازي لجروف ، ليل شما اضمك نار تنشاف وعيون الشماته مغمضه وتشوف ، نعم أني اعترفلك صرت خواف شفت الخوف يركض كاتله الخوف ودرب حبك ضياع وامشي والتاف تره اليسمع سمع مو مثل اليشوف .

وأشوفك مو اليه وبكلشي مو وياي وانت هناك واكف واكف مخصر و المعبر قريب عليك مو يمي اتمني الفاسه بيدي وأهدم المعبر

غلطة وصارحت بالچان مضموم وعلى كلمة احبك حيل ندمان لو ما گايل احسن موقفي بخير اقل شي چنة انا وياك صدقان هسه بين گلبي وگلبك جروح وسفه وما جمعني وياك عنوان لا أكدر اكمل عشرتي وياك ولا أكدر ارد وضعي كما كان

تعال نبكي علينا لأننا لم ننل شيئا وكلّ شيء نال منا

اشيلك من خيالي بطيفي اشوفك جاي انهي وياك شوكي سوالفك تبدي ، أقرر نبتعد ترجع ترد وياي معيشني بقلق جّنك مرض معدي

من شفتك هويتك واليحب مو عيب ورسمت رموش عينك بالعقل صورة وما كتلك أحبك مستحي وخجلان وتضل كلمة حبيي بكلبي محصورة وخليت المحبه بدمـي تسري هموم وروحي من الهموم عليك مسحورة

باقيلك خيال بطَرف رِمش العين كلبي اليحِب واحِد مايحِب ثنين

يناسيني الرسايل خلصتهن شم شمدريني اليحب من صدگ يندم

مثل شوك النوارس للبحر نشتاك ومثل شوك السفن من تعشك المرسى اذا ينسى الفجر خيط الشمس انساك وابطل كل حزن واتعمد الونسه بس اعرفهه روحي شما تمر ايام تضل تبجي على طيفك وابد ما تنسى.

‏جان اخر درس وانتهت كل قصه مثل درس الأخير الما ورا فرصه.

اشيلك من خَيالي وترد مثل الشيب تعبت وياك كل ماتنشلع تكثر

ويّ غيري حَنين وتسأل وزيَن وتوصّل يمي تحذف معنَى الاحسّاس بشنو قصَرت وياك خنتك؟ بعتك؟ جفيت؟ اشو يمك نسيت الدنيّا والناس .

تدري ليش!

توصيني على يا ذمه توصيني وحياتي وانت ونبض يجري بشرايني ولو أنك مودمع ما ضمتك عيني ولو انك مو كحل ما شالتك عيني ويلوموني واحسك تكبر بروحي ويلوموني وأنا بلا شوفتك شينفعن عيوني؟ يشوفي ورجوتي ودنياي ودنياتي ولوني وعذابي وبسمتي وشكواي وظنوني

ما يمشّن عليّ مشتهن مجبور والظاهر مُحب وذابح دمعي انذور ولا عبرن، عليه وحالي حال الناس اعرفهم حمام شلون آكول صكور ولو جرحي انفضح ميستره ثوب الحال يسألوني وكلك لا ع الشمس مشرور ومرت جثتك جناز بيه اليل! صرت اني السدر، والماي، والكافور ولا نفسي ذنت حطلي الطمع ماعون كلي أخذ شتريد وكلت مشكور ما دور بعد محصول لبستان لان شفت الحزامي مصاحب الناطور

العالم مدورتني بالظلمة ولكتني وانه حارك روحي الك ما شفتني

ان أفنيت عمرك في جمع السلاح متى تقاتل؟

‏لكن ما نسـيتك عايش بذكراك ، وأون ون الثكاله الفگدك وفرگاك.