𖤓

- بَعدني وي الصبر صاحِب مَشاوير .

حاسبكم گلايد مُوش حبل اعدَام .

غير الروح تقنع من اگلها تهون !

اوگف واصرخ بگلبي شوف شگد يردلك صوت ؟ بَعدك ما رَهم لأحد ، گَبر ومتاني واحد جاي بالتابوت .

- السالفة المو يمك تذكرني بيك .

مايخلص بليلة ويوم هواي البيه شرد احجي انا وگلبي متعودين اذا ماعدنا شي نبجي تمشي النار بضلوعي مثل ما تمشي بالورقة اجي تعبان اريد ارتاح ينام فراشي وانا ابقى .

المشكلة ما اگدر انسه لهسه من تمطر الدنيا چَفك البارد احسه اني جاي ارسم الشامة الجوه عينك وانتَ تذكر وجهي هسه؟

علمتك عليه من الألف للباء تغلط بالإجابة وأنا أعدلك حرثت لخاطرك بالروح مثل الكاع بوسات وورد كل عمري اشتتلك شمعة أنت بحياتي وعمري ظلمة ليل أشعلت روحي وخفت ما أشعلك أشعلك خاف سنين عمرك تحترك بالشوك أظللك كمت من عمري أعتزلك

ليش تبيع روحك للتتن دخان؟ عطابك وصل للشم وليش تدور لحزنك قصيده وليل؟ الدم ما ينغسل بالدم .

تذب نفطك عليه واني بيه النار وتتحمه إعلى ناريّ وما تطفيني وصِرت مَحبس بديّك وكمت بيه تسوم سَاعة تبيع بيه وساعة تشريني .

كل شي بدونك يضرني بجفاك الفي يسومرني مو الا انت.. خوفي عليك يكسرني انام مصوب وزعلك يسهرني شهل تأثير؟ الـ بملكاك وفراكك تغيرني وبكل ليلة شوكي يزيد وصورك ماتصبرني محد مثلك يلمني ويطشرني وغيب شما ردت ماراح تخسرني .

وبَعدت طيوف حبك من الاطياف وشلت لمسات شعرك من الچفوف شضمن بيك سري وأنت شفاف وشچلب بيك وأنت الرايد تعوف ! أبد ميصير طين الاصله صفصاف وچذب ماي النهر ميجازي لجروف ، ليل شما اضمك نار تنشاف وعيون الشماته مغمضه وتشوف ، نعم أني اعترفلك صرت خواف شفت الخوف يركض كاتله الخوف ودرب حبك ضياع وامشي والتاف تره اليسمع سمع مو مثل اليشوف .

ادري الموضوع جان واضح مثل الشمس! بس منو يباوع على الشمس؟

بوجهي تبين الفرگه الحرگه الما تغير وجوه ابد ما تنحسب حرگه وانا موش اصفكت معناها عشت بخير ترا اليا حيف هم تبديها بالصفگه .

اگض راسي واضم حزني وخيالي بشمعتي يبين نشف دمعي وبچيت الطين ياهو بگدي متطين هان الچان مو هين صعب من توصل الگلبك تجاعيدك صعب من تلگه خلك كاض غير ايدك صعب من وجع عينك يدگ بالهامه وترد الرجفه لچفوفك لحد ماتوگع الشامة .

أمس رزت السوالف والمواعيد بعدهن ع الجسر كلشي بمكانه خطواتك ، لهفتك ، عرگة الايد خوفك لا عيون اتطب سمانا ونار اشواگنه الما تقبل تهيد وبير دموعنه وصحرة لقانه انتَ گبال عيني وچنك بعيد اكيد ويَ البعد يكبر هوانه ، وچفوفي ورگ غطه العناگيد ولهينه ارواحنه ودارت رحانه وصيني قبل لا اروح شتريد گتله الليل لا يخنگ ضوانه وشوصيها السنابل ع الحواصيد ؟ لو اوصي العطش بالصيف ليزيد وصيه وغيرها وخلنه بعِمانا بس عينك عليك وكلشي ما اريد يمك انتَ إلي مخليك أمانة .

تعال نبكي علينا لأننا لم ننل شيئا وكلّ شيء نال منا

واغُص بِالليل واگصَر والمَسافَه تطول وأجي وتعثر عيونِي بكل أثر عفته .