ایمگهلَر️
Статистика#Ədəbiyyat_incəsənət «ایمگهلر آخاغی، ادبیات و هنر دۆنیاسیندان دانیشیر» ادمینله ایلگی: @yara24255 https://telegram.me/imgalar @imgalar
- Последний пост
- 14 авг.
- Последнее чтение
- 15 авг.
- Постов за неделю
- 15
- Всего постов
- 56
- Тип
- открытый
- Язык
- ku
- Категория
- Искусство
- В каталоге с
- 13 авг.
- 1/24сутки в ленте
- 72
- 1/48двое суток
- 82
- 1/72трое суток
- 88
Оценка по просмотрам недавних постов: пост набирает почти всё за первые сутки.
Посты
💢💢💢 دادانان دایانماز، یێـغدیقجا دا دوْیماز. Dadanan dayanmaz, yığdıqca da doymaz. @atalar_sozu #ایمگهلر_کانالی ✔️✔️✔️ 👇👇👇 @imgalar
💢💢💢 🔷 بیری واردی، بیری یوخ… اوْلان اوْلوب، کئچن کئچیب، بلكهده ایندی داها كؤورَلمهیین یئری یوخ عؤمروم بؤیو بئله گلیب منیم كی اولیندن بیری واردی، بیری یوخ اوزاقدایدی من ایستهین اوْجاقلار اۆرگیمدن گلیب کئچدی سازاقلار آتالییدی، آنالییدی اوشاقلار بیزیم ائوده بیری واردی، بیری یوخ گؤزلریمه دوْلدورموشام یاغیشی بیر كؤینکده چیخارمیشام من قیشی شالوارـ پئنجک گئیینیردی تای توشوم منده ایسه بیری واردی، بیری یوخ قلبیم یاندی ایلک سئوگیمدن، عشقیمدن دارا دوشدوم أل اوُممادیم هئچ كیمدن مجلسلرده جان دئییب، جان ائشیدن دوستلاریمین بیری واردی، بیری یوخ اۆزۆم گۆلدۆ طلبهیم دئینده سیخیلیردیم دوست پئنجهیی گئینده معلّمله دیل تاپا بیلمهینده قیمتیمین بیری واردی، بیری یوخ من اوردویا نهلر گؤروب گئتمیشدیم اۆرک آلیب، اۆرک قیریب گئتمیشدیم ایكی قیزا كؤنول وئریب گئتمیشدیم قاییداندا بیری واردی، بیری یوخ اوزاق گزدی عمی، دایی، بیبیلر سؤز آراسی منه ائولن دئدیلر نیشان اوچون ایكی شئی ایستهدیلر منده ایسه بیری واردی، بیری یوخ واخت گلهجک بو گۆنۆ گؤرهجكسن چوخ سؤالا گؤزۆنۆ دؤیهجكسن واخت گلهجک سن اؤزۆن دئیهجكسن دئیهجكسن، بیری واردی، بیری یوخ… ✍ #نصرت_كسمنلى #ایمگهلر_کانالی ✔️✔️✔️ 👇👇👇 https://telegram.me/imgalar
без подписи
💢💢💢 🔷 "داغلاردان آشدێـم...." 🎼 قاجار ماهنێـسی #ایمگهلر_کانالی ✔️✔️✔️ 👇👇👇 @imgalar
💢💢💢 اینانیردیق گئجهدن دان چیخاجاق قارشیمیزا داغی آشساق یاشیل اورمان چیخاجاق قارشیمیزا اینانیردیق او گؤزل گزمهلی اورمانلار اگر قورخولاردان آپاراق جان چیخاجاق قارشیمیزا بیر ناغیل سحرینه آلدانمیشیدیق بیلمیردیک آجی گئرچکلر اوباشدان چیخاجاق قارشیمیزا زیروهلر آردیجا چیخدیق اوجا داغلار باشینا بیلمه دیک زیروهده وولکان چیخاجاق قارشیمیزا اووچولار گؤللـهلهدی اورمانا اوز دؤندهردیک نه بیلیردیک دلی قافلان چیخاجاق قارشیمیزا چیراغ الده گزیریک تبریزی هر دن دئییریک: گؤره سن بوردا بیر (اینسان) چیخاجاق قارشیمیزا؟ قالدیریلمیش قارا پرچملره گوز تیکمیشدیک بیز سانیردیق آپ آل عوصیان چیخاجاق قارشیمیزا سن دئدین: باخ خیاوانلار آراسی نردهلره من دئدیم: آخ یئنه زیندان چیخاجاق قارشیمیزا سن دئدین: تهلوکهلر وار تانی دوست دوشمنیوی بونو اؤیرن هرههاردان چیخاجاق قارشیمیزا دوشمن او دوستدی کی گلسه قاباقدان گله جک دوست او دوشمندی کی دالدان چیخاجاق قارشیمیزا دوشدو گؤیدن یئره بیر آلما ال آتدیم گوتوره م سن دئدین: آت یئره شیطان چیخاجاق قارشیمیزا بیز توکندیک گئجه باتدی سحری تامسینیریق زیل گونش ایندی افقدان چیخاجاق قارشیمیزا من دئدیم: زیروهده اورمان دا یالان چیخدی؟ دئدین: داغی آشساق یاشیل اورمان چیخاجاق قارشیمیزا ✍#صالح_سجادی #ایمگهلر_کانالی ✔️✔️✔️ 👇👇👇 https://telegram.me/imgalar
💢💢💢 "و زامان؛ هرکسین ایچ اۆزونو گؤستَرن اَن گؤزل آینادێر." گۆنوز آیدێن گؤنــلۆ گؤزل انسانلار 📚☕️🌺☀️☘🎼 #ایمگهلر_کانالی ✔️✔️✔️ 👇👇👇 @imgalar
💢💢💢 عؤمۆر دئدیگیمیز نهدیر کی؟ چای، بارداقدا سوْیویانادک، کئچن زامان. چایێنیز بارداقدا سوْیومادان، دادییلا ایچین حیاتێ! سئوگیلری سوْیوتمادان، سئودالاری سوْیوتمادان، دوْستلوقلاری سوْیوتمادان، یاشایێن دوْیونجان. سئویرسهنیز، قاچێن آردێندان!؛ بئش دقیقه بئله دوُراجاق زامان یوْخ. قێرمادان، اینجیتمهدن، سئوین انسانی! قێرماغا زامان یوْخ! چایێنیز بارداقدا سوْیومادان، ایچین چایێنیزی! حیات کئچیر؛ یاشاماماق، اۆرکلره ضرردیر... ✍#جان_یوجل #ایمگهلر_کانالی ✔️✔️✔️ 👇👇👇 https://telegram.me/imgalar
💢💢💢 #جواد_هیئت دوْغوم یئر: تبریز دوغوم گونو: خردادین 1304/3/4 اؤلوم تاریخ: 12 آگوست 2014 اؤلوم یئر: باکی، آزربایجان جمهوریتی مزارلیغی، فخریه دوکتور جواد هیئت، آزربایجانلی چاغداش تورکولوق، حکیم، ادبیاتتانیان، یازیچیسی، تحصیلی طب و جراحلیق ساحهسینده اولوب و آذربایجان ادبیات تاریخی و آزربایجان تورکجه تدقیقاتچی کیمی مشهور اولوب. 🔷حیاتی پروفسور دوکتور جواد هیئت 1304 گونش ایلی، 1925 ایلینده مای آیینین 24-ده تبریزده ضیالی بیر عایله ده دوغولدو. آتاسی علی هیئت، مشروطیت فرمانینی نجفدن تبریزه و تهرانا آپاران هیئتین باشیندا اولدوغو اوچون "هیئت" آدی ایله مشهور اولموشدور. علی هیئت ایراندا تمیز محکمهسی باشقانی و ایران عدلیهسینین قوروجولاریندان اولوب مشروطیت انقلابیندا آکتیو رول اوینامیشدیر. 🔷تحصیل و اثرلری دوکتور جواد هیئت ایلک و اورتا تحصیلینی تبریز، تهران و همداندا بیتیرمیش، داها سونرا طب تحصیلینه باشلامیش، آنجاق اوچونجو صینیفدان سونرا تحصیلینین داوامی اوچون استانبولا گئتمیش و جراح پاشا بیلیم یوردوندا ( اونیورسیتهسینده) دوکتوراسینی تاماملادیقدان سونرا جراحلیق تخصصینی ده استانبولدا باشلامیش لاکین اونون داوامی اوچون پاریسه گئتمیش و سونرا تهرانا دؤنهرک جراحی فعالیتینه باشلامیش، ایراندا ایلک دفعه آچیق قلب عملیاتینی، ایرانلی لار ایلک دفعه قلب کؤچورمه عملیاتینی و تهراندا ایلک دفعه بؤیرک کؤچورمه عملیاتلارینی آپارمیش و گؤستردیگی بو و بونا بنزر باشاریلاردان دولایی پاریس جراحلیق آکادمیسینین عضوو سئچیلمیشدیر. او 12 ایل دانش پزشکی آدلی طب درگیسی یایینلامیش و یوزلرجه علمی مقاله و جراحلیغا عاید اوچ کیتاب یازمیشدیر. 🔷وارلیق درگیسی دوکتور جواد هئیت ایران اسلام انقیلابینین ایلک ایللریندن وارلیق مجلهسینی نشر ائدیر. 1358-دن اعتباراً بیر نئچه دوستو ایله بیرلیکده وارلیق درگیسینی یایینلایان دوکتور جواد هیئت تورکولوژییه عاید یئددی جیلد کیتابین و یوزلرجه مقالهنین مولیفیدیر. دوکتور جواد هیئت عینی زاماندا آذربایجان جمهوریتی اونیورسیتهلرینین فخری دوکتورو و پروفسورو؛ تورک دیل قورومونون شرف اویهسی، استانبول اونیورسیتهسینین (هم طب هم ده تورکولوژِی دالیندا) فخری دوکتورودور. 🔷اثرلری سیری در تاریخ زبان و لهجههای ترکی (1365) ترومبوز و قلب و درمان آن (1335) نگاهی به تاریخ ادبیات آذربایجان (2جلد) مقایسه اللغتین «تورکجه و فارسجانین توتوشدورماسی» (1362) زبان و ادبیات ترکی آذربایجان در قرن بیستم «دؤردونجو اولوسلارآراسی قورلتایا گزارش - استانبول» (1364) نگاهی به تاریخ و فرهنگ ترکان (1365) آذربایجان شفاهی خلق ادبیاتی (1367) ادبیاتشناسلیق (1374) ✍#ایمگهلر_کانالی ✔️✔️✔️ 👇👇👇 https://telegram.me/imgalar
без подписи
✍️ M.Zamacois ✍️ م. زاماگویس ⭕️ منیم لهجهم 🔷 فرانسیزجادان چئویرن: #سوسن_نوادهرضی لهجهسی اوْلمایان آداما، آنجاق یازێغیم گلیر! اؤز ائلینین لهجهسینی اؤزۆنله داشێماق، اؤز توْپراغێندان بیر آزجاسێنی، باشماقلارێندا داشێماق کیمیدیر. اؤز «بریتانی»یادا «اوْوئرنی» لهجهن ایله دانێشماق بیر آز قورو یئرلریندن یا داغێندان یانێنجا داشێماق کیمیدیر. وطندن اوزاق ایکن، قایغێلار ایچینده باش آلێب قاچان زمان لهجهن؛ بیرآز وطندیر، گلیر آرخانجا سنین... سنین لهجهن، گؤز ایله گؤرۆنمهسه ده، بؤیۆك سفرلرده داشێدیغین بیر آز گۆوَنجین، بیرآز دا قێوانجیندیر سنین. جلای وطن زوْروندا قالان قارابختلر اۆچون یابانجێ سؤزلری بوْیایان دا، آغێزدیر، لهجهدیر سوْنوندا، لهجهسی اوْلماق، اوْنو ایشلتدیکجه هر ندن دانێشسان بیله، وطندن بیر نغمهدیر سانکی. 🔶 من هیچ اوتانمیرام اؤز دۆزگون لهجهمدن! ایستیرم طنطنهلی اوْلسون، هم ده آیدێن و گۆرولتولو. ایستیرم، لهجهمی ائشیدنده خُلقوم - خویوم دڲیشمهدن هم باش اوجا دایانام، هم ده وقارلێ و غرورلو! @SancaqDergisi https://t.me/Sancaq_media/8345
💢💢💢 وئره بیلهجهیین ان جسورجا قرار، قلبینی و روحونو اینجیدن شئیی بوراخماندیر. ✍ #بریگیته_نیکول #ایمگه_لر_کانالی ✔️✔️✔️ 👇👇👇 @imgalar
💢💢💢 🔷 «آغیر کئچدی بو ایل، دورنا قاطاری» آغیر کئچدی بو ایل دورنا قاطاری پاییز آیاقلادی، یاز چیچکلرین سایخاشلیق یاییلدی نفسلریمه باهار آغلار قویدو، کپنکلرین بو نه حیکایهدیر، بو نه اویوندور؟! ایشیق باغلاییبدیر، پنجرهلرین! دارالیر نفسیم، داریخیر جانیم ایت جانی وار سانکی ثانییهلرین! آغیر کئچیر گونلر، کئچمهییر زامان هوندور داغلار ایتیر، دومان ایچینده کؤلگهلر ساریلیر، یاماج بویونا بو اؤلکه قالیبدیر، ایلان ایچینده! نه سوسماغیم گلیر، نه دانیشماغیم بوراخ منی قارداش، سورما نئجهیم! ناغیللاردا قالان، ناغیلا دؤنن گوندوزو گؤزلهین، اوزون گئجهیم! بوتون آجیلارین یوخ شرفینه! دولدور سون قدحی، بیرگه ایچهییم قاطارا دوزولن دورنالار کیمی دونیانین کؤیوندن، یونگول کئچهییم... ✍ #میرحسین_دلداربناب ۱۴۰۵/۰۵/۲۰ #ایمگهلر_کانالی ✔️✔️✔️ 👇👇👇 https://telegram.me/imgalar
💢💢💢 🔷 Ölülər şəhəri 🎙 #Peyman_Keyvanı 🔷 اؤلۆلر شَـهری 🎙 #پیمان_کیوانی #ایمگهلر_کانالی ✔️✔️✔️ 👇👇👇 @imgalar
💢💢💢 🔷 Ölülər şəhəri 🎙 #Peyman_Keyvanı 🔷 اؤلۆلر شَـهری 🎙 #پیمان_کیوانی #ایمگهلر_کانالی ✔️✔️✔️ 👇👇👇 @imgalar
💢💢💢 #بادام_آغاجی سئودیم سنی، باهار گونو باغیمیزدا. آغاجلار گولدولر، چیچکلر آغ دونلارینی سنه وئردیلر، آغاردی گونلریمیز، بختور اولدوق. قیسقاندیلار، مئشهلره قارا دوْنوز دولدو قوشلار اوچدولار، قارقالار بیزیم یاشیل باغلاری قارقیدیلار بادام آغاجینین بوداغیندا، بیر جوت گؤیرچین قالدی! آغ دونلاری اللرینده. سن آغلادین! منیم سینهمه قان دامدی کیمسه بیزی تانیمادی، بیز یانلیز گؤیرچینلر کیمین بوینوموز چینیمیزده قالدی. یانلیز گلدیک، ایکیمیز، سن ـ من گئجهنین گؤزوندن ایراق بادام آغاجینین دیبینده آرزولاریمیزی اکدیک سن آغلادین، منیم اورهییمه قان دامدی بیزیم آغ گونلریمیز بختور گونلریمیز گؤیَرهجکلر باغچانین ایچینده سنسیز، منسیز قارقالار مئشهدن، باغدان گئدهجکلر قارا دونوزلاردا. بادام آغاجی گینهده گول آچاجاق بیر جوت گؤیرچین قانادلاریندا بیزیم آدیمیزی یازاجاق. گینه ده آنام سنه ـ منه آغ دون توخویاجاق قابار بارماقلاریندا. بادام آغاجی باغیمیزدا باهار گونو چیچکلرینی پایلاشاجاق. بیریسی «ساعات قاباغیندا» دار آغاجیندان آچیلاجاق اللریمیزی آچاجاق! بارماقلاریمیز بیر ـ بیر قیزاراجاق «امامیه» باشیندا بیریسی باغیراجاق - بیز قورخوروق، اولسون، یولا دوشسک هامی قورخولاریمیز بیتهجک. سئویرم سنی، باهار گونو پاییز گونو، قیش گونو، آرزولاریمین سویوقلوغونا باخما اورهییمده تونقال قالامیشام ساباحکی گونه گونه باخان کیمی دنهلریم گونشلنهجک. باغیمیزدا سئرچهلر یووا قوراجاق بالا قویاجاق. ✍#محمود_بنیآدم (دالغا) #ایمگهلر_کانالی ✔️✔️✔️ 👇👇👇 https://telegram.me/imgalar
💢💢💢 بیلمم باشین بلالی ایمیش اولدوزون سؤنۆک قان طوفانی باشیندان آشان ای آنا وطن یاسلی خزانلار سوْلدو مگر کؤیشهنین باغین؟ گئتدی موغانلی غوربته آه، کؤچدۆ شاهسون طوفان قوْپوبدا سئل سولاری باسدی هر یئری کۆل قالدی یوْللار اۆسته دئمک کؤچدۆ کاروان مسجید ده هر گئجه یاریسی یاندی تک چیراق یوردسوزلاری قوجاقلادی ویرانهلر... آمان ✍ #حبیب_ساهر #ایمگهلر_کانالی ✔️✔️✔️ 👇👇👇 https://telegram.me/imgalar
💢💢💢 🔷 Dostlarım 🎼 #Can_sever Məkanın cənnət olsun acılar qadını 🥀 #ایمگهلر_کانالی ✔️✔️✔️ 👇👇👇 @imgalar
💢💢💢 🔷 Dostlarım 🎼 #Can_sever Məkanın cənnət olsun acılar qadını 🥀 #ایمگهلر_کانالی ✔️✔️✔️ 👇👇👇 @imgalar
💢💢💢 یوخولار یامان آغیرلاشیب یامان برکیییب یوخولار من کی قوش یوخوسونا دا حسرتم یانی یوخو باشیما دوشور آخی غریب وطندهیم یامان آیاقدا. دوزونو؛ قیلینج آغلاماغیندان گؤزوم قورخوب گولله قهقههسیندن جانیما اود قالانیر گئجهلرده اوزوم، گولومسهین کیمیده اولماییب هله. بیلیرم آزادلیق دوغولان دئییل بوغولاندیر بلکهده قیسیر اؤلکهده. آمما من دوغولاندان، باهار باشین یئره قویوب کاهاللیقلا گولوش زاد بوغولوب گؤزومده. من گلمهمیشدن، کال آرزولاریم دوغرانیلمیشدی زنگاندا شیرین یارامی دوزا باغلامیشدیلار اورمودا سینیقلاریمین اوستوندن آت چاپیلمیشدی تبریزده یاس توتولموشدو اورهییمه اردبیلده. شیطانین قولاغی باتسین! سینسیمهییم، سسسیزجه سینیرلاری سینهمده سیندیرا بیلمهدییمدن یارانیب. دونیانین، نه سوتول اوغلو اولا بیلدیم نه سوبای قارداشی نه دّیمیش باجیسی نه دول گلینی. یالنیز، آدامسیز بیر آدامام سادهجه گونش، آیاغینی کسیب اوتاغیمدان ماهنی، دوداغیمدان گؤروش، اللریمدن. گوله توخونماغا، تامارزی قالیب گؤزلریم کؤنلومده داریخان آرزولاریم دیلیمده بوغولان سؤزلریم. بوردا؛ سئوینج آدینی توتان اولماییب گیلهسی! سئوگینین باشینا دولانماق گولونج ساییلیر داش اولوب، دوشور باشلارا و سئودا دالینجا ایمکلهمک. منایسه اونوتموشام دینج یاشاماغی گلمهیهجهییندن؛ چپر چکیلیب یوللاریمدا اؤزوم بویدا بولود گؤزلریمی یامسیلاییر آغیر گؤز داغینی دولانیر خیاللاریم.... منی آزادلیغا باغیشلا دوستوم! منی گیزلت اورهیینده! قانیقلیق وئرمهدی دوننکی گولوش چکیلمهمیش بو گونکی آه. قوی حیاتا قاییدیب، اوزومه سالیب، سنی قیزقین_قیزقین سئوهجهیم و اوزومه اوز باغلاییب گلهجهیم رؤیالارینا گؤزومدن سو ایچن غزللریمه ایناندیراجایام گؤزلرینی و... کلمهلرله سردیییم اورهییمه. اوندا، دوغروسو گؤرهجهییک؛ اوتانا_ اوتانا سئویشمهیین چیلقینیییق سنلی، منلی ایکی کؤرپو آراسیندا. ایندی بیزه، بیر قاب ایت عاراقی بیر ده، ایکی گیله سیقارئت کفایت ائدر کئفلیجهم! بیر ساعات یاشاییب، مین مزار بویو تورپاغا تاپشیریلماق. ✍ #یعقوب_نیکزاد #ایمگهلر_کانالی ✔️✔️✔️ 👇👇👇 https://telegram.me/imgalar
💢💢💢 گؤرمهمیشدیر گرچه کیمسه جان بدندن گئتدیگین ایشته بن گؤردۆم کی، شیمدی کندی جانێمدیر گئدن. @mollafuzuli گۆن آیدؽن تۆرک ائلـــــــیم☕️📚🎼🕊 📸 تانسو ـ خیاو شهری - یای ۱۴۰۵ #ایمگهلر_کانالی ✔️✔️✔️ 👇👇👇 @imgalar