سئچیلمیش شعرلر

یاپیشیب الیندن آپاریم هارا بو یوردسوز، یوواسیز بوغاز دردیمی؟ اؤزومله قویارسیز تورپاقدا، گورا اؤده‌مز بیر پارچا کاغاذ، دردیمی. تاپشیرین قبریمی آغ یاغیشلارا، اوخشاسین روحومو، اوچان قوشلارا شعریمدن پای توتون قارانقوشلارا، اوخوسون صمده آراز، دردیمی اَیمه‌دیم باشیمی بیر اؤزگه‌سینه نه هئچ بیر مسلکه، نه هئچ بیر دینه اؤزونوز دوراسیز چییین-چییینه قیلاسیز قیبله‌یه ناماز دردیمی. #عزت_طهماسبی🍂🪸🍂🪸 @afraurmia https://t.me/secilmiseirler

#یاددان_چیخمیش_کوچه آتام اولسایدی، دئیردی: «سندن آدام اولماز». آنام آغلایاردی، اللرینی دیزینه چیرپاردی، اؤلموش آتاسینی خاطیرلایاردی. قارداشیما سوروشسانیز، دئیر کی، «او آرتیست‌دی». باجیم اولسا «گئت اؤزونه ایش تاپ!» دئیردی. من هله ده قارین یاغماسینی گؤزله‌ییرم، یوللاری یورغان تک اؤرتموش آغ‌آپپاق قار. آداملارین آیاق ایزلرینی تمیزله‌یه‌رم قار یاغسا. دوستوم «نیجات»ا قالسا بئله هاوالاردا ایچمک داها یاخشی، بوشالان ایچکی شوشه‌لرینه، قیشقیرا-قیشقیرا دانیشان دوستلارا و سیلکه‌لنن، ترپه‌نن هر شئیه باخماق. سن اولسان، «چوخ ایچمه!» دئیرسن، سرخوش اولاندا سسین آناما بنزه‌ییردی همیشه، ائوه تله‌سردیم اوندا. آغاجلار، آسیلان آداملارا بنزه‌یردی همیشه. سئودیکلریمه سوروشسانیز، منیم حاقّیمدا هئچ نه دئمزلر اصلینده، منه سوروشسانیز، بؤیوک بیر ائوین ایچینه آتیلمیش، لازیمسیز بیر اشیایام. سن اولسان دئیردین کی، «یالانچیسان». من ایسه بوتون قادینلاری آنام کیمی سئودیم، آمّا «آنامی دا آلداتمادیم» دئسم، یالان اولار. دئییم، بیله‌سینیز کی... هله ده توپ اوینایان اوشاقلارا باخان بیری‌یم. هله ده ایتلری پیشیک‌لرله دوست ائله‌مه‌یه چالیشان، و بوتون قادینلاری اونودان بیری‌یم، من بؤیوک بیر شهرین یاددان چیخمیش کوچه‌سی‌یم... #اوغوز_آیواز #دادلی_یوخولارhttps://t.me/secilmiseirler https://t.me/adabiiyatfenomenlari https://t.me/secilmiseirler

کولکلی بیر آخشام  یول اوسته اَل آچان بیر قیز اوچون یازدیغیم شعر... بوگون کولَگین قوینوندا، قیش قوجاغیندا یاپراق تک تیترَیَن قیز گؤردوم بوگون گؤزلری دولموشدو ، یاغا بیلمیردی دونان بیر سینه ده  کؤز گؤردوم بوگون آرزو دیلَکلرین سارمیشدی کولک آهینین اودوندان قورخوردو لئچَک دردینین پاییندان دولموشدو اَتَک بیر اوزده بیر دیوان  سؤز گؤردوم بوگون دیلینده سوسموشدو سویوق کلمه لر اَللری  اومودسوز، آیاقلار مَلَه ر بیر باخیش دئیردی؛ چَکیبدیر نَلَر سوسان دیل، دانیشان گؤز گؤردوم بوگون سانیردیم سئوگی سی، یاری یوخدو سوْزَن اولدوز اونا، یایسیز اوخدو بلکه ده یاشیندان، دردی چوخودو اون بئشده قوجالان، اوز گؤردوم بوگون حیاتین شله سی بوکموشدو بئلین دردی قارا  دؤنوب، سارمیشدی تئلین اورگی اودونا  توتموشدو اَلین یانان بیر سینه ده بوز گؤردوم بوگون دونیاسی یانیردی اؤز اوجاغیندا (کؤنول) ون سوسموشدو سؤز دوداغیندا کولَگین قوینوندا قیش قوجاغیندا یاپراق تک تیترَیَن قیز گؤردوم بوگون فاطمه عبدی _ کؤنول ... https://t.me/secilmiseirler https://t.me/injadilim https://t.me/secilmiseirler

ناصر-داوران ائله بيل سن چؤره يين، دوزون قونشولوغوندا ياشاييرسان يقين سؤزونده وطنيمين دادي وار  ياناغيندا اهر آلماسينين. نفسين سئوينج اؤيردير بكارتين ايتيرميش گزه ين يئله. آرازين بير آز شؤوقو دوشوب سجيه لرينه بير آز دا قوش يوواسينين ايستي يومشاقليغي. هانسي باغدان كئچيرسن  يولونو گؤزله يير كپه نكلر ياغيشين يولو ياناغيندان دوشنده تورپاغين چيجكلنمه قابليتي مين بويادا گؤسترير اؤزون باشقا بير نطفه باغلانير  اوزومون بطنينده. سن جنت يوخوسونون قاناديندا گلن  ماوي دينجليك سن منيم سئوگيليمسن ائله بيل. https://t.me/Adabiyyatsevanlar

بایاق آجیقلانیب طیفیل اوشاغا تاپیم گؤیلون آلیم؛ دئییب تله‌سیر. آراییر، آختاریر باشی آشاغا ال‌لری تیتره‌ییر، اوره‌یی اسیر - هله بیر آز دا گئی بو کهنه‌لری بایراما چوخ قالیر، نه خبریندی؟ بایاق آجیقلانیب، بایاقدان بری اومودو دایازدی، غمی دریندی گؤرونمور دردینین، غمینین سونو باهار بولودو تک بوشالیر، دولور آنجاق قینامایین آ دوستلار اونو بعضا اورک دولو، جیب بوم- بوش اولور آراییر، آختاریر یادینا دوشور نازلانا- نازلانا کوسوب قاچماسی تورپاغی آریدیر، تورپاغی ائشیر تورپاقدان تاپیلیر بیر تای باشماغی بالا تک باشماغی باغرینا باسیر مله‌ییر بولود تک او یاغا- یاغا چشمه قولاق آسیر، چای قولاغ آسیر سس دوشور دره‌یه، سس دوشور داغا: - کوسولو بنؤوشه‌م، یارالی لالام! من بایرام هَوسلی نه تَهَر قالیم؟ گل تزه‌سین آللام، گل نازلی بالام! کهنه باشماغی‌نین قاداسین آلیم. ✍#نادر_الهی 📚اینجه دیلیم کانالی تقدیم ائدیر 📚@lnjadilim https://t.me/secilmiseirler

✅تلگرام ۱۳ ساله شد/ تعداد کاربران ایرانی چقدر است؟ 🔹۱۳ سال پیش در چنین روزی «تلگرام»، شبکه اجتماعی محبوب ایرانیان متولد شد. 🔹تلگرام بیش از ۴۹ میلیون کاربر ایرانی دارد. 🔹ایرانی‌ها بیش از دو میلیون و هشتصد هزار کانال دارند که در طول سال بیش از ۹۰۰ میلیون پست منتشر می‌کنند. 🔹این تعداد پست در مجموع بیش از ۱۷۰ میلیارد نمایش یونیک به خود اختصاص می‌دهد که نشانگر کاربردهای گسترده تلگرام در ایران است./اقتصادنیوز

سنین گونئی باخیشیندان گونه باخان گزیرم سئحیرلی دیل-دوداغیندان اینان کی جان دَریرم و یادداشیمدان آجی دویغونو تومارلامادان غزل بیتن قلمیمدن تیکان-تیکان دَریرم یابان میناره ده قامچی اَزیرسه آل یارامی سسینده دوغمالاشان سئوگی دن اذان دَریرم بولود-بولود یاغیرام آلنیمین خریطه سینه الیمده یاز اَکیرمسه،ساری خزان دَریرم و سونرا یال-یاماجیمدا بیتیر بنؤوشه-لالا کی زیروه یه قوشولان کؤنلومه دومان دَریرم قارانقولوقلارا چوخ گیزله نیبدیرسه کوچه من"آیتای"ام گئجه دن جانلی-جانلی دان دَریرم #مهناز_صابونی_آیتایhttps://t.me/secilmiseirler https://t.me/turk0basi1402 https://t.me/secilmiseirler

منه قانادیمی وئرین باشقا اوزایدان دئییلم اوزاق فضادان دئییلم یوخ من سَمادان دئییلم نه دن منی دوشونمه دین؟! نه قوتسال بیر اَل چاتمازام نه قولچاق،نه جانامازام نه ذرره جه سندن آزام نه دن منی دوشونمه دین؟! سویوندوم تورکو اوزومو دئدیم آنا دیل سؤزومو آچدیم بو یئرده گؤزومو نه دن منی دوشونمه دین؟! یالنیز سوموک،اَت دئییلم عبثلره چَت دئییلم هیروگلیف خط دئییلم نه دن منی دوشونمه دین؟! سئودین منی سن قانادسیز کؤلگه لرده قالمیش آدسیز کوله لنمیش بیر آزادسیز نه دن منی دوشونمه دین؟! قانادلاریمی سَره جم رؤیالاریمی هؤره جم هامیدان اونجول سوره جم نه دن منی دوشونمه دین؟! بیر اوزومدو هله گلین دوشونورم درین-درین منه قانادیمی وئرین نه دن منی دوشونمه دین؟! ✍️ # سحر خیاوی 📚 اینجه دیلیم کانالی تقدیم ائدیر 📚 @Injadilim

ایلده بیر قوربان کسرلر خلق عالم عید اوچون دم‌ب‌دم ساعت‌ب‌ساعت من سنین قوربانینام شانه وش یوز ناوک غم سانجیلیبدیر جانیما تا اسیر حلقه‌ی گیسوی مشگ افشانینام ال چکیب قطع نظر قیلمیش علاجیمدان طبیب بیلدی گویا کیم اسیر نرگس فتّانینام غنچه قیلماز شاد و گل آچماز توتولموش کؤنلومو آرزومندِ رُخِ آل و لب خندانینام جانا مئیلین وار ایسه حکم ائیله تسلیم ائیله‌ییم پادشاهیم! من سنین بیر بنده‌ی فرمانینام قان ائدیب باغریم ایشیمدیر آه ائتمک ای فلک حؤرمتیم ساخلا، سنین، بیر نئچه گون مهمانینام، ای فضولی آتش آه ایله یاندیردین منی غالبا ساندین کی شمع کلبه ی احزانینام ✍ حكيم محمد فضولى 🔺@dushunmek🔺 https://t.me/secilmiseirler

. تو بی‌بدیل بودی، اما ما...فراوان و بیهوده و تلخی قصه از اینجا آغاز می‌شد؛ از ما گذشتی، مثل ماه از پنجره‌های تاریک... تو همه چیز ما بودی و ما هیچ چیزِ تو نبودیم... #رسول_یونان ‌https://t.me/secilmiseirler

https://t.me/ketabchilar لطفا کتابخانه را به دوستان و گروه‌هایی که عضو هستید معرفی کنید🙏

به فلان مودوردن، فلان رئیسدن کی باش ساغلیغی وئرمک اوچون مسجده گلیبلر اؤزل تشکر ائله مک او بیری قره یاخالارا خور باخماق دئیلدیرمی؟ عرشه خان اوکو وار منی گؤیلره قالدیریب، بیر بؤیوک اوستاد کیمی، وطنین ان گؤرکملی خادیمی کیمی  یاسا گلنلره گوپلادی. من بئله سی بیر آدام اولدوغومو حیاتیمدا ندن دوشنمه​میشدیم. عرشه خانین گؤپ-گؤپ دانیشیب حوصله می آپاردیغینا رغمن اونون رولو سونا چاتینجا لوسترین اوستونده دایانا بیلدیم آنجاق موللا منبره چیخجاغین جماعتین چوخو ایله بیرگه، وار گوجوم ایله مچیددن چیخیب، اولدوقجا دیریلر دونیاسیندان اوزاقلاشدیم... تبریز ۱۴۰۵/۰۵/۲۰ https://t.me/Adabiyyatsevanlar

نادر پاشا منیم روحومون حئکایه سی گؤوده مدن آیریلماغیمین ایکینجی گونو ایدی. چوخلو آدام مزارلیقدا توپلاشیبب گؤوده می باسدیریردیلار. اونلارین باشلاریندان بیر-ایکی متیر اوجالیقدا فیرلانیردیم. یازین اورتا آیی ایدی. هاوا جانا یاتان ایدی؛ یئل- مئل ده اسمیردی. آداملارین بیر سیراسی خوسانلاشیردیلار. بیریسی دئییردی: «یاخشی آدام ایدی.» بیریسی جاواب قایتاریردی: « نه بیلیم! ائله ده قابیل آدام دئییلدی. جینی توتاندا دؤوره سینی  ایت کیمی قاپاردی. بیری ده دئییردی: -  یوخ آللاه قولو ائله دئمه. اؤز ایشی ایله داورانان آدام ایدی. یئرسیز یئره اؤزگه لرین ایشلرینه قاریشمیردی. بیر ده اؤلوب گئده نین دالیسینجا ائله دانیشمازلار. اؤزوده ائله بیل شاعیرمیش. ائلشن اللرین آغارمیش ساچلارینا چکه-چکه دانیشانلارا قوشولوب: - هه شاعرایدی! اؤزو ده پیس شاعیر دئییلدی آنجاق ادبی درنکلرده چوخ گؤرونموردو. دئدی. قادینملا اوشاغلاریم ائمیل-ائمیل آغلاییردیلار. بعضیلری جان آتیردیلار قادینیما یاخینلاشیب اونا باش ساغلیغی وئرسینلر. دده مالی اوسته بئش ایل بوندان اؤنجه باشیمی یاران بؤیوک قارداشیم اۋوونماق بیلمیردی. کیمسه اونو ساکیتلشدیرنمیردی. ایلده بیر یول کئفیمی سوروشمایان اورتانجیل باجیم ساچلارینی یولوردو. گؤوده می باسدیراندان سونرا منیم وصیتیمی وئجه قویمایان عایله م اعلان ائتدیلر صاباح آخشام ساعات ۵-ده فیلان مچیتده منه بیر گون عزا ساخلایاجاقلار. آخی اونلارا تاپیشیرمیشدیم من اؤلندن سونرا( البته بیلدیییز کیمی اؤلن گؤدم ایدی) سالون توتوب، سازلا، نئی له یاسا گلنلری قارشیلاسینلار. عایله مین ماشینلارینین اوستونده اوچا-اوچا ائویمیزه قاییتدیم. ساعات قوتوسونون اوستونده دایانیب احوالاتا فیکیر وئردیم. هامیسی کئفسیز-داماغسیز اوتورموشدولار. گؤزلرینین یاشی هله قورومامیشدی. گؤزومون آغی- قاراسی اولان تکجه قیزیم کیچیک اوغلوما دئدی: « اورمان گئت بابانین شعر دفترینی گتیر بیر شعر اوخویاق. ایللرله کیتابا الی توخونمایان اوغلوم یاریم ساعاتدان سونرا شعیر دفتریمی گتیریب قیزیما وئردی: "باییر بیر چؤلده بیتدیم چینقیللار آراسیندا ایللردیر کی بیر داملا یاغیشین حسرتینده شاپالاقلار یئییرم ترسه اسن یئللردن" هامی سیزلایا-سیزلایا آغلاماغا باشلادیلار. قیزیم بیر باشقا شعر ده اوخودو: "آغاج دَلنلر یوخوسون آپاریردی قارقالارحؤصله سین بونونلا آغاج هرشئ دن چوخ آدامدان بئزیردی!" یئنه قیزیمی وار اولسون. او منیم شعرلریمی دوزگون اوخویا بیلیردی. قیزیم شعری باشا یئترجه​یین بیر داها هؤنکورتولر باشلادی. دیلیم اولسایدی اونلاردان سوروشاردیم " بو شعرین هاراسی آغلامالی ایدی."                                                            *     * ائوین هاواسی داریخدیریجی ایدی. ائودن چیخیب حیطده کی یام یاشی آغاجین اوستونده اوتوردوم. صاباحیسی من ده عایله مله بیرگه مچیده گئتدیم. هوندور لوسترین اوستونده اوتوروب احوالاتی گؤزآلتینا آلدیم. اوغلانلاریملا، قارداشلاریملا او بیری یاخین قوهوملاریم مچیدین گئره جه یینده استوللار اوسته اوتوروب  گلیب- گئدنلردن تشکر زامانی آیاغا قالخیب اللرین سینه لرینه قویوب منتدارلیق ائله ییردیلر. یئکه باشلاردان تشکر ائله مک داها یاغلی اولوردو. عرشه خان بیرآغیز زیریلدایاندان سونرا اعلامیه​می اوخوماغا باشلادی. یئنه ده وصیتیمه رغمن اعلامیه من دئین اولمامیشدی: "گئتمیسن سن قالمیشیق غمده آتا          قویموسان بیزلری ماتمده آتا نه قدر یاخجیلیغیندان دئسم آزدی        یوخ سنه تای بوتون عالمده آتا شعرین وزنی  مچیتده ایلشنلردن ده چوخ پیرتلاشیق ایدی. دیلیم اولسایدی اعلامیه نی یازدیرانلارا، یازانلارا دئیردیم  اؤزوزون شعیردن باشیز چیخمیردیرسا هئچ اولماسا اؤلولره شعر قوشان شاعرلرین( باغیشلایین! ناظیملرین) بیریندن ایستی​یَیدیز دوز-عملی بیر شعر اعلامیه مین باشینا حاضیرلایایدی. اعلامیه نین اتگینده قوهوملارین هامیسینین رتبه لری ذکر اولموشدو: " فرزند دلبند: مرحوم حاجی... پدر بزرگوار دکتر...مهندس... آقای...و صبیۀ محترمه. داماد گرامی: کربلایی... برادر محترم: مرحوم مشهدی...دکتر... مهندس...تکنسین... باجناق جناب سرهنگ...کربلایی... برادر خانم دکتر...دکتر...مهندس... کربلایی...مشهدی... اعلامیه نین سونوندا بیزیم عایله میزله دردلشنلرین عنوانلاری اوخوندو: اظهار همدردی کنندگان: "انجمن ادبی الدن دوشموشلر؛"" ادارۀ کل آموزش و پرورش استان...""دانشگاه آزاد اسلامی واحد تبریز""دادگستری کل..." و... هر نه ویرنیخدیم گؤرَم دادگستریده کیمیمیز وار بیر شئی یادا سالانمادیم. هه بیلدیم. خالا اوغلومون قئینینین بیبی اوغلوسو تبریزین دادگستریسینین ایشلیینلریندن بیری ایدیر. دوغال دونیادان آیریلدیغیم اوچون بعضی داورانیشلار منه بیر تَهـَر گلیردی. اؤلو تؤره نی، اعلامیه کاغاذی میه شهرت بازلیق آلانیدی.

سیبل جان و اورهان بئ🌼🍀 @afraurmia

🔺 دریاچۀ ارومیه دوباره تماشایی شد 🔹با افزایش آب دریاچۀ ارومیه، سواحل این پهنۀ آبی در روزهای اخیر بار دیگر شاهد حضور گردشگران و مسافرانی است که برای تماشای جلوه‌های دریاچه راهی این منطقه شده‌اند.

گؤر هانسی فَصیلده دوروب گَلمیسن اوشوین بوداقلار گون آختاراندا قوشلارین هامیسی کؤچوب گئدنده سَرچه‌لر سویوقدا دَن آختاراندا بویور، گَل ایچری، قاپیدا دورما کئچن چوخدان کئچیب، اؤزونو یورما مَن بئله اولورام، سَن فیکیر وئرمه بیر چَتین صؤحبته یؤن آختاراندا اوره‌ییم سونونجو یارپاق‌تَک اَسیر نه حَسرت ایسته‌ییر، نه سئوگی گَزیر ایللرله یولوندا دوردوم مونتظیر بَس نییه گَلمه‌دین مَن آختاراندا؟!... ✍️ #صابیر_ساروان #لاله‌زار_موصطافایئوا:🎙️ 🇦🇿 📚 اینجه دیلیم کانالی تقدیم ائدیر 📚 @Injadilim

آتا بابا سوزلری🌸🌸💥💥🌼🌼 @afraurmia

دیوان‌قورولموشدو،گون‌باتان‌چاغي هامی آیریلیردي ، اؤز کؤلگه‌سیندن سوچلو-سوچسوزالبت،گیلئی‌لنیردي أیری‌کؤلگه‌سیندن‌-دوزکؤلگه‌سیندن ! دیزلگه‌ سئچیردي دولو بیر اوغلان گؤزونه ایچیردي ، بالي بیر اوغلان آیاغي قاندال‌لي، دلي بیر اوغلان... آیا دون‌بیچیردي‌قیز کؤلگه‌سیندن ! خالچا باغلانیردي‌ایت‌خالتاسي‌نا دنیز دئیینیردي لیل دالغاسي‌نا گونش‌سیخیلمیشدي‌داغ‌دالداسی‌نا او بیزدن‌قورخوردو،بیز‌کؤلگه‌سیندن ! ظلمت قویلادیقجا اته دیرناغین غیفلت دوغراییردی سوته دیرناغین دهشت توشلامیشدي لَت‌ه دیرناغین قورخوب‌تیتره‌ییردی‌دیز،کؤلگه‌سیندن ! سیرا یئتیشینجه‌ مهربان‌لیغا اومود بورونموشدو زیل قارانلیغا قولدور، قلمینه ساپلاییب لیغا... فلسفه تیکیردي سؤز کؤلگه‌سیندن ! یوخسول یایینیردي یاناغیندا تر چرچي چاغیریردي یایینماق یئتر ! بیر اورك سینیردي ، آینادان بتر... آمان آلله‌ آمان ! گؤز کؤلگه‌سیندن !! #صابیرباقیرزاده @qanadli_duyqular https://t.me/secilmiseirler

paeizanam سایا گلمزلی بایات سئوگی‌، دیلک وار منده ایلغیم-ایلغیم سوسامیش‌، یانغی گرک وار منده چاتلادان‌، قوپ-قورولوقدان سولونوب سنده باهار یوخسا یئتمیش گؤزه‌، مین باللی سنک وار منده من یاشیل یال-یاماجین‌، گوللو گونئی شئح‌له‌مه‌سی قو دؤشوندن یوموشاق‌، اینجه اورک وار منده حئیف اولسون هئچه سیندیردیغین ایلقارلارا آه! سن دئمیردین مییه‌؟ مین باللی پتک وار منده! نئیه یانمیش غزلیم‌، لاله‌لی داغلاردا أسیر؟ یئل‌آپارمیش کپه‌نکدن‌، دؤگنک وار منده! بوغاناق‌، کول یاغیر آنجاق‌، کؤزه‌رن شام باشینا چاش هاواندان دولو-چالقینلی کولک وار منده قارا-میخ تیر-تیکانیندان توخونوب سنلی قفس قانادیمدان- اوره‌گه قانلی للک وار منده! بو قوراقلیقدا هایاندان أسیسن چات یاراما؟ گرمیج آیسان‌، باهار- اورمانلی چیچک وار منده #قاسم_نوربخش( غزللی) 🍂🍁 @paeizanam 🍁🍂 https://t.me/secilmiseirler