ИШҚ НУР

Alauddin Mansour Эй мўминлар, сизларнинг ичингиздан кимда-ким динидан қайтса, Аллоҳ бошқа бир қавмни келтирурки, Аллоҳ уларни яхши кўрур, улар Аллоҳни яхши кўрурлар. Улар мўминларга ҳокисор, кофирларга эса қаттиққўл, бирон маломатгўйнинг маломатидан қўрқмай Аллоҳ йўлида курашадиган кишилардир. Бу Аллоҳнинг фазлу марҳамати бўлиб, Ўзи хоҳлаган кишиларга берур. Аллоҳ фазлу карами кенг, билгувчидир. Муҳаммад Содиқ Муҳаммад Юсуф Эй иймон келтирганлар! Сизлардан ким динидан қайтса, Аллоҳ албатта Ўзи севадиган ва улар ҳам Аллоҳни севадиган қавмни келтиради. Улар мўминларга хокисор, кофирларга қаттиққўл, Аллоҳнинг йўлида жиҳод қиларлар ва маломатчининг маломатидан қўрқмаслар. Бу Аллоҳнинг фазли бўлиб, хоҳлаган одамига беради. Аллоҳ фазли-карами кенг ва билувчи зотдир. (Аллоҳ таоло динининг ер юзида барқарор бўлишни ирода этган. Бу иродани юзага чиқаришда баъзи бандаларини восита–сабаб қилади. Мана шу шарафли ишга мусулмон уммати танланган. Ким бу шарафни етарли тақдир этса, чин қалбидан ихлос билан бу динга хизмат қилади. Бу дин йўлида жонини ҳам, молини ҳам бахш этади. Аммо ким бу улкан бахтнинг қадрига етмаса, турли баҳоналар билан Исломдан қайтса–муртад бўлса, ёмонлиги ўзигадир. Исломга ҳеч қандай зарар етмайди. Қайтага, унга ўхшаган номаъқул шахслардан холи бўлади. Аллоҳ ундайларга муҳтож эмас.) Моида 54-Оят

https://youtu.be/bDV5YTqUuE8?si=Qev621XQCFGWphPv

Ҳаммод ибн Ақтаъ раҳимаҳуллоҳ: 💚“Қалблар — идишлардир. Имонга тўла қалбнинг аломати барча мусулмонларга нисбатан шафқатли бўлиш, уларнинг қайғу-ташвишлари билан яшаш ҳамда уларга манфаат ва яхшилик олиб келадиган ишларда кўмакдош бўлишдир. 🖤Нифоққа тўла қалбнинг аломати эса адоват, нафрат, алдов ва ҳасаддир», деди.   Ибн Асокирнинг «Тарихи Димашқ» асаридан.

Сизни бизни яратган, Булбул қилиб сайратган, Якка ягона Аллоҳ, лаа илааҳа иллаллоҳ Бизга Қуръонни берган, қаймоғу нонни берган, мехрибонимиз Аллоҳ, лаа илааҳа иллаллоҳ. Ким ўқиса Қуръонни, гапирмаса ёлғонни, яхши кўради Аллоҳ, лаа илааҳа иллаллоҳ. Қўлда Қуръонимиз бор, Дилда иймонимиз бор, Бизни асрайди Аллоҳ, лаа илааҳа иллаллоҳ. Ўртоқлар кела қолинг, Қуръонни ёдлаб олинг, Қачон ўқилса Қуръон, Ўтириб қулоқ солинг; лаа илааҳа иллаллоҳ.

Ҳасан ал-Басрий (раҳимаҳуллоҳ) шундай деганлар: “Одамлар сени “телба"деб атамагунча, сен солиҳлар қаторида бўла олмайсан."