الشاعرة غدير الحساني

💚!

!💚

رحم الله من يستطيع ان يقرأ سورة الفاتحة ويهديها الى روح والدتي سهام بنت فالح جزاكم الله خير الجزاء 🙏🏻

بس احب انبهكم على شغله مو كل القصائد اكدر انزلها الكم الكتاب سعره ٣ الف دينار … تكدرون تشترونه + اني ما اجبركم تشترونه لكن مو بكل وقت اكدر البي طلبكم وفدوه كافي تحلفوني بروح امج وبروح امج جاي تأذوني منا ذمة المكتبة ومنا حلفانكم صعب عليه والله ياريت ماتزعلون مني 🙏🏻

قصيدة للوحشة {ضايع خنصر} لكثرة طلباتكم على هاي القصيدة نزلتها الكم وهيه من كتاب وانا مملوك الحُسين ج16🙏 ضايع خنصر من احسين صاحت خل ادورنه ❥❥❥❥ـــــــــــــ❁❁ـــــــــــــ❥❥❥ ضايع خنصره الوالي ادوره وشمر يبرالي يهظم بالگلب حالي آ يا راعي المحنه ❥❥❥❥ـــــــــــــ❁❁ـــــــــــــ❥❥❥ الحگ زينب الليله دمعهه من دمه اتسيله وحدهه ضلت العيله وانه جيت اشوفنه ❥❥❥❥ـــــــــــــ❁❁ـــــــــــــ❥❥❥ اشوفه جيت للهيمه اضلن وحدي اهظيمه لا عامود لا خيمه الوكت بالغربه تعبنه ❥❥❥❥ـــــــــــــ❁❁ـــــــــــــ❥❥❥ تعبت وحيل مابيه صاح الشمر مسبيه مو زينب العلويه واخ بسوط يضربنه ❥❥❥❥ـــــــــــــ❁❁ـــــــــــــ❥❥❥ ضربني وضرب بنتك مهظومه تره اختك رد الهه امناطرتك بجفاك احسين شيبنه ❥❥❥❥ـــــــــــــ❁❁ـــــــــــــ❥❥❥ #للشاعرة غدير الحساني رحم الله من قرأ سورة الفاتحة لروح والدتي سهام بنت فالح https://t.me/jkljnm

يم يا گبر اشگي اعله حالي گضيتهن گوه الليالي 💔

زينب تگول 💔 محتاره اسولف عالمصايب لو اگعد احچي اعله الخرايب دلالي من الظيم شايب😭

قصيدة للاربعين {هليوم اربعينيه} الله ايعين گلب ام عون                            هليوم اربعينيه ❥❥❥❥ـــــــــــــ❁❁ـــــــــــــ❥❥❥ الله ايعينها الحره تون وتجذب العبره بگلبها ساكنه الحسره چي صاحوها مسبيه ❥❥❥❥ـــــــــــــ❁❁ـــــــــــــ❥❥❥ نهظمت زينب اهوايه تريد البيه الكفايه آ يا صاحب الرايه جثته ويلي مرميه ❥❥❥❥ـــــــــــــ❁❁ـــــــــــــ❥❥❥ نام بمكبره اهظيمه واخته ضلت ابهيمه ماعدها بعد خيمه حگهه تمشي محنيه ❥❥❥❥ـــــــــــــ❁❁ـــــــــــــ❥❥❥ مشت محنيه من دونه وكلساه تحن لعيونه كل العمر محزونه والدمعات مجريه ❥❥❥❥ـــــــــــــ❁❁ـــــــــــــ❥❥❥ بخدها الدمعه سجابه اجته تشم بترابه والدلال عطابه يوم الاربعينيه ❥❥❥❥ـــــــــــــ❁❁ـــــــــــــ❥❥❥ #للشاعرة غدير الحساني رحم الله من قرأ سورة الفاتحة لروح والدتي سهام بنت فالح https://t.me/jkljnm

قصيدة للاربعين {ادورك بين الگبور}كأني برملة ام القاسم (ع) عندما وصلت الئ كربلاء وهي في طريقها الئ قبر ابنها تبكي وتقول ... مشتاگتلك آ يالفارگتني بعرسك يالولد مافرحتني ادورك بين الگبور ** جبتلك ياس وبخور مشتاگتلك آ يالفارگتني ❥❥❥❥ـــــــــــــ❁❁ـــــــــــــ❥❥❥ مشتاگتلك آ يالرحت مني ماتدري المصايب عذبني مالحگت لجفوفك احني رحت للمكبره جسام عني ادورك بين الگبور ** جبتلك ياس وبخور مشتاگتلك آ يالفارگتني ❥❥❥❥ـــــــــــــ❁❁ـــــــــــــ❥❥❥ ادورك والدموع بخدي شلال هم دلالي احس بثگل الاجبال ياريت العمر يوليدي ماطال بان الكسر بأمك من الخيال ادورك بين الگبور ** جبتلك ياس وبخور مشتاگتلك آ يالفارگتني ❥❥❥❥ـــــــــــــ❁❁ـــــــــــــ❥❥❥ مالحگت يبني انسعد بيك حرامات الترب يايمه غاطيك صارت امنياتي بس الاگيك مشتاگتلك ارد اگعد واحاچيك ادورك بين الگبور ** جبتلك ياس وبخور مشتاگتلك آ يالفارگتني ❥❥❥❥ـــــــــــــ❁❁ـــــــــــــ❥❥❥ مشتاگتلك ودمعاتي بالعين شلك يالوليد ابنومة الطين افراگك يا حسافه ايطول اسنين عفتني ابساع يبني رحت لا وين ادورك بين الگبور ** جبتلك ياس وبخور مشتاگتلك آ يالفارگتني ❥❥❥❥ـــــــــــــ❁❁ـــــــــــــ❥❥❥ گضيت من الهموم اخلاف عيناك حريمه الموت ماماخذني وياك وحگ ام الحسن هيهات انساك التراب اهظيمه من الزغر ضماك ادورك بين الگبور ** جبتلك ياس وبخور مشتاگتلك آ يالفارگتني ❥❥❥❥ـــــــــــــ❁❁ـــــــــــــ❥❥❥ #للشاعرة غدير الحساني رحم الله من قرأ سورة الفاتحة لروح والدتي سهام بنت فالح https://t.me/jkljnm

قصيدة للاربعين {ونت بين الگبور} امحزمه ام عون _ ونت بين الگبور گلبي اتصيح يا عباس مطرور ❥❥❥❥ـــــــــــــ❁❁ـــــــــــــ❥❥❥ امحزمه ام عون بين اگبور اهاليها هم البيها من الشام غاطيها هليوم اربعينه واجت تحييها بين اگبورهم مهمومه وادور ❥❥❥❥ـــــــــــــ❁❁ـــــــــــــ❥❥❥ ادور اعله الگبور وتجري دمعتهه آ يالشام زينب حيل هظمتهه چي بت الحسين اهناك دفنتهه صاحت يالگلب بالفرگه مكسور ❥❥❥❥ـــــــــــــ❁❁ـــــــــــــ❥❥❥ مكسور الگلب وتجبره الملاگه هدت حيل زينب والله الفراگه لعيون الكفيل اليوم مشتاگه تهدم من وكت صاحته يالسور ❥❥❥❥ـــــــــــــ❁❁ـــــــــــــ❥❥❥ تهدم من وكت سور اهل المروه العشرتهم لذيذه ولظهر تچوه بلياهم حياتي والله مو حلوه بيهم جان گلبي اهواي مسرور ❥❥❥❥ـــــــــــــ❁❁ـــــــــــــ❥❥❥ چنت بخواني ازمط من يمر عايل هسه حمل اختهم مادروا مايل سند زينب حسافه للكبر شايل من اگفاه سندها ويلي منحور ❥❥❥❥ـــــــــــــ❁❁ـــــــــــــ❥❥❥ #للشاعرة غدير الحساني رحم الله من قرأ سورة الفاتحة لروح والدتي سهام بنت فالح https://t.me/jkljnm

قصيدة للاربعين {تتعثر بممشاها} اجت لحسين _ تتعثر بممشاها چي بنته رقيه ماجت اوياها ❥❥❥❥ـــــــــــــ❁❁ـــــــــــــ❥❥❥ اجت لحسين تتعثر المهظومه چي بنته رقيه طولت النومه صاحته يبو السجاد مهمومه ايام الدلال اشلون انساها ❥❥❥❥ـــــــــــــ❁❁ـــــــــــــ❥❥❥ اشلون انسه الدلال وانسه گعدتنه مثلها بهل الزمن ماتصح خوتنه حرامات الشمر خربها جمعتنه العشره يا هظيمه اتراب غطاها ❥❥❥❥ـــــــــــــ❁❁ـــــــــــــ❥❥❥ غطاها التراب العشره يا ويلي من عاشر محرم منهدم حيلي اجيت اليوم اونن ذايب ادليلي اختك ليش ماواحد تلگاها ❥❥❥❥ـــــــــــــ❁❁ـــــــــــــ❥❥❥ ماواحد تلگاني ونشد بيه من يوم اهدعش صاحولي مسبيه اجيتك ناحله من الهظم محنيه روحي اتريد تشكي ليك بلواها ❥❥❥❥ـــــــــــــ❁❁ـــــــــــــ❥❥❥ بلاوي الشام ماتنعد يبو اسكينه من نمت الشمر بالسوط طگ بينه نضل بالغاضريه ما يخلينه اسكينه يابو سكنه الشمر طگاها ❥❥❥❥ـــــــــــــ❁❁ـــــــــــــ❥❥❥ #للشاعرة غدير الحساني رحم الله من قرأ سورة الفاتحة لروح والدتي سهام بنت فالح https://t.me/jkljnm

قصيدة للسيدة رقية ع {بارض الشام} بارض الشام عند احسين علويه شبگت راس ابوهه وماتت ابفيه ❥❥❥❥ـــــــــــــ❁❁ـــــــــــــ❥❥❥ چانت من تشوفه اتگله احبنك اموت اعليك بويه وما اعوفنك شلي بالعيون المايشوفنك تفرفح من تلاگي الوالي البنيه ❥❥❥❥ـــــــــــــ❁❁ـــــــــــــ❥❥❥ تالي الوالي نام ابسد الترابه وجابو راسه ليهه ابدمه اخضابه من شافته صاحت بابه يا بابه منو الحز النحر  ويتم ارقيه ❥❥❥❥ـــــــــــــ❁❁ـــــــــــــ❥❥❥ هظيمه ويتموني بأول اسنيني فز من نومتك يا بويه حاجيني مهظومه واجر اعليك بونيني عله راسك اموت من المهظميه ❥❥❥❥ـــــــــــــ❁❁ـــــــــــــ❥❥❥ خليني اشبگك واگطع انفاسي زغيره وشيب ترست فرگتك راسي صاحولي اليتيمه وجرحوا احساسي عيني من البواچي اعليك معميه ❥❥❥❥ـــــــــــــ❁❁ـــــــــــــ❥❥❥ فك عينك وشاهد منضري وحالي بس دمعي بفرگتك بويه يبرالي يا ثوب اليتم مو حلي يالوالي انعه اعله الهجر بليل يوميه ❥❥❥❥ـــــــــــــ❁❁ـــــــــــــ❥❥❥ للشاعرة غدير الحساني رحم الله من قرأ سورة الفاتحة لوالدتي سهام بنت فالح https://t.me/jkljnm

ترضاها نوموني بخرابه وتلچم جرح ذاني الترابه ونيت حيل وصحت بابه 💔 السلام على عزيزة الحُسين رقية ع 😭

قصيدة للسيدة رقية ع{عمه البنات امدلله} عمه البنات امدلله وأنه سبيه ماعندي ابو وكت العصر ينشد عليه أنه بخرابه ينوموني ** وبالسوط كلساه يضربوني عمه البنات امدلله وأنه سبيه ❥❥❥❥ـــــــــــــ❁❁ـــــــــــــ❥❥❥ عمه البنات امدلله وأنه يتيمه ماعندي ابو ينشد عليه يا حريمه تگضي العمر كله بچي الماعدها خيمه بعد الگلب المن يسولف عمه ضيمه أنه بخرابه ينوموني ** وبالسوط كلساه يضربوني عمه البنات امدلله وأنه سبيه ❥❥❥❥ـــــــــــــ❁❁ـــــــــــــ❥❥❥ أنه رقيه المالي ابو ينشد عله الحال همي بدون الدللاني ابثگل الاجبال ازغيره واحس بين كسر بيه بالخيال من يوم فارگني الولي مدوهن البال أنه بخرابه ينوموني ** وبالسوط كلساه يضربوني عمه البنات امدلله وأنه سبيه ❥❥❥❥ـــــــــــــ❁❁ـــــــــــــ❥❥❥ بالسوط كلساه يالشمر يضربني ويگول عندچ ابو ضل عالثرئ ساحگته الخيول گليلي ابوي ابكربله ياعمه مچتول آ يالهجر يمرد دليلي لمن ايطول أنه بخرابه ينوموني ** وبالسوط كلساه يضربوني عمه البنات امدلله وأنه سبيه ❥❥❥❥ـــــــــــــ❁❁ـــــــــــــ❥❥❥ يا عمه حاچيني احس گاضيني الفراگ عندي گلب كلساه يحن للوالي يشتاگ المن اروحن لو بعد آ يالخلگ ضاگ جمر البعد يچوي الگلب ياعمه حراگ أنه بخرابه ينوموني ** وبالسوط كلساه يضربوني عمه البنات امدلله وأنه سبيه ❥❥❥❥ـــــــــــــ❁❁ـــــــــــــ❥❥❥ مليت اتاني اعله الدرب ماجاني الحنين خلاني مشلوعة گلب من دونه الحسين تمطر بلياه مو دمع دم تمطر العين طشر شملنه يا هظيمه عمه البين أنه بخرابه ينوموني ** وبالسوط كلساه يضربوني عمه البنات امدلله وأنه سبيه ❥❥❥❥ـــــــــــــ❁❁ـــــــــــــ❥❥❥ #للشاعرة غدير الحساني الفاتحه لروح والدتي سهام بنت فالح https://t.me/jkljnm

لا تنسون والدتي سهام بنت فالح من قراءة سورة الفاتحة جزيتم خيراً🙏

قصيدة للسبي {ظهر اخياته} عباس الگلب _ كثرانه حسراته الاخو لو مات يكسر ظهر اخياته ❥❥❥❥ـــــــــــــ❁❁ـــــــــــــ❥❥❥ عباس الگلب حسراته كثرانه من حملت عني اموجره نيرانه تعال لخاطر ادموعي أنه تعبانه تنشدني يخويه اعليك نبضاته ❥❥❥❥ـــــــــــــ❁❁ـــــــــــــ❥❥❥ كسرت ظهري يخويه ماترد ليه بجفاك الشمر صاحالي مسبيه رد بس ساعه وحده انشد اعليه دلالي بجفاك اشكثر آهاته ❥❥❥❥ـــــــــــــ❁❁ـــــــــــــ❥❥❥ دلالي بجفاك آهاته تعبتني خويه الشام آ يالشام هظمتني ورقيه عليكم خويه نشدتني آحاه يالدهر موتتني بلواته ❥❥❥❥ـــــــــــــ❁❁ـــــــــــــ❥❥❥ بلوات اشكثر يا دهري باليني اشهگ بس وجع بعدك مخليني يادمعي يبو النوماس عاميني فص عيني عمه من كثر دمعاته ❥❥❥❥ـــــــــــــ❁❁ـــــــــــــ❥❥❥ فص عيني عمه ردلي يكفالي لتخليني وحدي ادخيل يالغالي امشي وسوط اميه والله يبرالي صدگ والله الاخو يكسر اخياته ❥❥❥❥ـــــــــــــ❁❁ـــــــــــــ❥❥❥ #للشاعرة غدير الحساني https://t.me/jkljnm

قصيدة للسبي {رااااايدتكم} رايدتكم ... تنعه روحي كل مسيه امضيعتكم ... من وكت يهل الحميه امضيعتكم بالمكابر ** وجيه من عدكم تناطر رايدتكم ...........................رايدتكم ❥❥❥❥ـــــــــــــ❁❁ـــــــــــــ❥❥❥ امضيعتكم والدمع ينشدني عنكم آخ يالعفتوني ما شبعانه منكم روحي مختنگه واريد اشتم عطركم ويا هظيمه ابعيده يا ديرة كبركم الليل اخلصنه ابونين ** وحشه بالفرگه السنين رايدتكم ...........................رايدتكم ❥❥❥❥ـــــــــــــ❁❁ـــــــــــــ❥❥❥ الليل اخلصنه ابونين اشتاگ اجيكم وداعة المذبوح طگ گلبي عليكم چانت امنيتي تضل ايدي ب ايديكم بس بعد هسه الرمل شمسوي بيكم نايمين اعله الترايب ** وانه احس دلالي ذايب رايدتكم ...........................رايدتكم ❥❥❥❥ـــــــــــــ❁❁ـــــــــــــ❥❥❥ كلشي يوجعني بلاكم حته هالروح ردوا من الفرگه بيه اغميچه الجروح حملي من عفتوني الهل ساعه مطروح والدمع طول الوكت عالوجنه مسفوح تعبت موتي اشوالي ** يمي ماضل غالي رايدتكم ...........................رايدتكم ❥❥❥❥ـــــــــــــ❁❁ـــــــــــــ❥❥❥ يمي ماضل غالي عوفوها الترابات عمري من عفتوني خلص كله حسرات رايدين ارتاح مال ارتاح هيهات هوه اليفارگ يخلص عمره شوغات حيل تعبني الهجر ** كوه ب انفاسي اجر رايدتكم ...........................رايدتكم ❥❥❥❥ـــــــــــــ❁❁ـــــــــــــ❥❥❥ حيل ماضل عندي ردوا من المكابر من بلياكم تراني اكسر خاطر عيني تربي اعله الدرب ليكم تناطر بعد مابيه عله اشواگي اصابر ردوا يعزازي الي ** بهاي دنياتي شلي رايدتكم ...........................رايدتكم ❥❥❥❥ـــــــــــــ❁❁ـــــــــــــ❥❥❥ #للشاعرة غدير الحساني https://t.me/jkljnm

قصيدة للاربعين {الليل تعبني} الليل تعبني اشكثر من فارگتكم ما تنام امگابله اعيوني صوركم ابچي ليليه واحن ** اعيوني بالفرگه عمن الليل تعبني اشكثر من فارگتكم ❥❥❥❥ـــــــــــــ❁❁ـــــــــــــ❥❥❥ الليل تعبني اشكثر ردو عليه آخ فرگاكم ثچيل شسوه بيه اون وانحب وانكسر كل مغربيه حيل مشتاگ الگلب نگعد سويه جيت اشابگ بالگبر ** روحي ونت بالهجر الليل تعبني اشكثر من فارگتكم ❥❥❥❥ـــــــــــــ❁❁ـــــــــــــ❥❥❥ امگابله اعيوني صوركم آ يالحنان اعتب اعليكم ودمعي بخدي جريان من المعاتب احس بالگلب نيران اعليه والله افراگم يعزازي ماهان بدونكم حيل تعبت ** ردو ليه شيبت الليل تعبني اشكثر من فارگتكم ❥❥❥❥ـــــــــــــ❁❁ـــــــــــــ❥❥❥ شيبت من الفراگه وگلبي ملچوم والله اگضي الليل اشم بعطر الهدوم اشلون بيه لو تطول الفرگه للدوم آخ يا حيلي عليكم حيل مهدوم لا تعوفوني وحيده ** المگبره عني بعيده الليل تعبني اشكثر من فارگتكم ❥❥❥❥ـــــــــــــ❁❁ـــــــــــــ❥❥❥ المگبره عني بعيده اصبر اشلون كل مسه اعليكم تحن وتبچي العيون گلت كون اعزاز گلبي مايموتون تالي عفتوني اون امغيره الون بهت لون ارسومي ** من كثرها اهمومي الليل تعبني اشكثر من فارگتكم ❥❥❥❥ـــــــــــــ❁❁ـــــــــــــ❥❥❥ من كثر هم العليه بهت لوني چي عليكم بس تحن كلساه عيوني مادريتوا العده من نمتوا سبوني بسوطهم كلما اونن يضربوني اشكثر ضربوني اشكثر ** باقي بمتوني اثر الليل تعبني اشكثر من فارگتكم ❥❥❥❥ـــــــــــــ❁❁ـــــــــــــ❥❥❥ #للشاعرة غدير الحساني https://t.me/jkljnm

قصيده للامام السجاد ع{ختم بالسم حياته} ختم بالـــسم حياته تــهد قصـــة وفـاته مات وحيله مهدود بس هايـــه امنياته ** ختم بالسم حياته ❥❥❥❥ـــــــــــــ❁❁ـــــــــــــ❥❥❥❥ اول امنـــــــيه مــن بعــد الطفوف بس الموت صاح لمهجتي ايروف من ضيم العليه اعـيوني متشوف سكن هالليله اللحود مــات وحيله مهدود بس هايه امـــــنياته ** ختم بالسم حياته ❥❥❥❥ـــــــــــــ❁❁ـــــــــــــ❥❥❥❥ مســـــموم وعليل وگلبه مكسور بحيله شخله يا هالنـاس عاشور نام الليـــله ويلي ابوسط الكبور الجسد بترابه ممدود مــات وحيله مـهدود بس هايه امـــــنياته ** ختم بالسم حياته ❥❥❥❥ـــــــــــــ❁❁ـــــــــــــ❥❥❥❥ الجسد بترابه مده وسبـل ايديه ميت والگــــــــلب مشتاگ ياذيه اريد اعــــزازي آه يا علي يناديه الگلب بالفرگه ممرود مــات وحيله مهدود بس هاي امـــــنياته ** ختم بالسم حياته ❥❥❥❥ـــــــــــــ❁❁ـــــــــــــ❥❥❥❥ الفرگه يـــاخلـــگ تاخذ تره الحيل وفوگ الفرگه سموا جسمه النحيل مايدرون ابـــو باقر عــلــــي اعليل نــــام وكبره مسدود مــات وحيله مهدود بس هاي امـــــنياته ** ختم بالسم حياته ❥❥❥❥ـــــــــــــ❁❁ـــــــــــــ❥❥❥❥ غمض عينـــــه نام وكبره سداه عمت عين الوكت مانصف وياه الله ينــــــــــــتقم من الي سماه بعد لــــديارة ميعود مــات وحيله مهدود بس هاي امـــــنياته ** ختم بالسم حياته ❥❥❥❥ـــــــــــــ❁❁ـــــــــــــ❥❥❥❥ #للشاعرة غدير الحساني https://t.me/jkljnm

قصيده للامام السجاد ع{شفت كلشي} شفت كلشي بعيني من ذبح وسحگ خل اموتــن كافي كل ساعة اختـنگ آخ والحسره الجبيره لملمت جسمه ابحصيره خل اموتــن كافي كل ساعة اختـنگ ❥❥❥❥ـــــــــــــ❁❁ـــــــــــــ❥❥❥❥ من تطول الصــــــفنه واتذكر ذبحته اختنگ كل ساعة چـــي بيدي دفنته لسه افكر خـــــاف بالـــــدفنه لجمته لآن يـــــجروحه جثيره لملمت جسمه ابحصيره خل اموتــن كافي كل ساعة اختـنگ ❥❥❥❥ـــــــــــــ❁❁ـــــــــــــ❥❥❥❥ اجروح جسمه ردت اعدها وما نعدت والحصـــيره من جبتـــها بگلبي هدت لملميت اوصاله بيها وعــــيني صدت صدت النــظرة الاخيره لملمت جسمه ابحصيره خل اموتــن كافي كل ساعة اختـنگ ❥❥❥❥ـــــــــــــ❁❁ـــــــــــــ❥❥❥❥ آآآخ يالنظــرة الاخــيره هــدت الحيل صعب ايدي فوگ جرحه بتربته اتهيل حمل دلالي هــظــايم وانــــــــه اعليل اعليل والـــــعله خطيره لملمت جسمه ابحصيره خل اموتــن كافي كل ساعة اختـنگ ❥❥❥❥ـــــــــــــ❁❁ـــــــــــــ❥❥❥❥ اعليل والعلــــه الخطيره تريد حيلين وانه حيـــلي بكــــربله دفنته الايدين شكد احن لشــــوفته وعيونه الحنين شلي بالعــــمر ومصيره لملمت جسمه ابحصيره خل اموتــن كافي كل ساعة اختـنگ ❥❥❥❥ـــــــــــــ❁❁ـــــــــــــ❥❥❥❥ وحشه عمري مــن دفنت اعزيزي لليوم الغالي گطعوا راسه اله وسلبوله الهدوم خل اموتــــــــن كافي مو دلالي مهظوم اجروحي ياهلناس ديره لملمت جسمه ابحصيره خل اموتــن كافي كل ساعة اختـنگ ❥❥❥❥ـــــــــــــ❁❁ـــــــــــــ❥❥❥❥ للشاعرة غدير الحساني https://t.me/jkljnm