الشاعرة هاجر الزينبية

صراحةً جان لازم اكتبها من وقت لان فعلاً تستحقن كل الحب انتن خيمتنا امهاتنا بس قصرت اعذرني .. 💔 وملاياتنا حبيباتي الكلام يشملكم هم ولا تقصرن وي امهات المجالس بهيج هوسات تزيد حبها وافتخارها 👑💙 واخيراً دعواتكم للوالدة بالشفاء 🙏

هوسات للخادمة {{ يالخدمتي حسين }} 💙 من قلبي الى كل ام خادمة ما قصرت السنة بخدمتها .. 😊🙏 وينج يالخدمتي حسين واخوانه وبنتج وي اخيها وياج عوانه الزهره حاضره ابيتج يحزنانه {{ الزهره مسجله اوليدج .. وبنيتج وي اهل حسين }} ❥❥❥ـــــــــــ✿🪶✿ــــــــــــ❥❥❥ افرحي يل على الفطرة تربيهم الغير حسين لا يبجون وصيهم اطفالج كشختج واتكشخي بيهم {{ مو بالكحله عيونج .. باطفالج متكحله العين }} ❥❥❥ـــــــــــ✿🪶✿ــــــــــــ❥❥❥ المرأة الزينبية الكشخة مالتها اول شي رقم واحد عبايتها وبالمستقبل شمحلات بزرتها {{ وبيها عيون امدمعه .. حب وحنينه لعباس 🥹 }} ❥❥❥ـــــــــــ✿🪶✿ــــــــــــ❥❥❥ #الشاعرة هاجر الزينبية لا اجيز الحذف او التلاعب بالكلام ❌ https://t.me/HH_7W15

قصيده للنبي {{ فك عينك اعليه }} 💔 يا جد الولد فك عينك اعليه خل اشبع يبويه من الوداعيه ❥❥❥ـــــــــــ✿🪶✿ــــــــــــ❥❥❥ فك عينك ثواني ولا تغمضهه زهرة روحك بموتك تمرضهه يابويه دمعتي اعليك ماكضهه عايني وتشوف شلون ماذيه ياجد الولد فك عينك اعليه ❥❥❥ـــــــــــ✿🪶✿ــــــــــــ❥❥❥ كسرتني فرگتك وانت ويايه جا بيه شيظل بروحتك هايه عليك امي اريدن منك حجايه اضوگنهه گبل لا تترك ايديه يا جد الولد فك عينك اعليه ❥❥❥ـــــــــــ✿🪶✿ــــــــــــ❥❥❥ بسمار الضلع من هسه ماذيني اخذني وياك بويه ولا تخليني مني يطيح رايح يالابو جنيني اشوفه گبال عيني دموم تاليه يا جد الولد فك عينك اعليه ❥❥❥ـــــــــــ✿🪶✿ــــــــــــ❥❥❥ يغدرونك محمد من تسد عينك يصيرون ببضعتك حيل ماذينك بدمعاتي ابوس ايديك وجبينك تفرحني وتگلي ايامج شويه يا جد الولد فك عينك اعليه ❥❥❥ـــــــــــ✿🪶✿ــــــــــــ❥❥❥ اموتن بعدك ابسرعه يهنيالي !! هذا الموت من فراگك اشوالي ليش تعيش بويه الفارگت والي حگ تموت من طاري الفراگيه يا جد الولد فك عينك اعليه ❥❥❥ـــــــــــ✿🪶✿ــــــــــــ❥❥❥ #الشاعرة هاجر الزينبية لا اجيز الحذف او التلاعب بالكلام ❌ https://t.me/HH_7W15

ان يرزقك الله شخصًا يتوجه نحو الحُسين (ع) زائراً، واسمك عالقاً في ذهنه .. 😔💜!

بساع خلصت 💔 مدري انقبلنا مدري لا .. #هواي ناس راحت مشي بس مو كلها راحت للحُسين ❤️‍🩹 #وهواي ناس خدمت بس مو كلها بنية خالصة هنيال اللي نقبل وبالعافية عليه واعتذر مولاي اني قصرت وما استاهل انقبل اصلاً .. 😔 بس "نطيني فرصة ثانية" 🙏

قصيده للاربعين {{ گاعده سكته }} 💔 - لسان حال الخادمة بشأن الزيارة ..😔 گاعده سكته واتاني زيارة هم انرزق اني؟ متانيه دوري يحين حسين يعرف لو نساني ❥❥❥ـــــــــــ✿🪶✿ــــــــــــ❥❥❥ حالي من حال العليلة من بقيت مناطره هسه دوري يحين لكن ماكو لسه يا ترى حسين زعلان اعله ذنبي لو الي دور احضره الناس مشايه اعتنوه ** وبينهم ضايع مكاني ❥❥❥ـــــــــــ✿🪶✿ــــــــــــ❥❥❥ الناس مشايه اعتنوه ورجعوا وانه بحزن مابقن يومين بس وكلها ترجع وابقى اون اخ يا ذنبي الحرمني وهسه يلا گمت احن يا فرحتي لو اجيت ** لحضرته آيا اماني ❥❥❥ـــــــــــ✿🪶✿ــــــــــــ❥❥❥ گاعده سكته اعله سكته ماحجيت ولا حرف ولا گلت ودوني اناطر يم امامي انعرف وهوه يدعيني واروح وروحي تزحفله زحف سكته اموتن لو بقيت ** انقهر لو ما دعاني ❥❥❥ـــــــــــ✿🪶✿ــــــــــــ❥❥❥ انقهر لو ما دعاني حسين انه لزيارته يعني مولايه رفضني السنه منهه خدمته اجر ماريد اعله تعبي بس اريد امحبته محبته نعم الاجور ** هوه جنه بكل معاني ❥❥❥ـــــــــــ✿🪶✿ــــــــــــ❥❥❥ #الشاعرة هاجر الزينبية اسألكم الدعاء كثيراً 💔🙏 https://t.me/HH_7W15

حالي من حال العليلة من بقيت مناطره هسه دوري يحين لكن ماكو لسه يا تره حسين زعلان اعله ذنبي لو الي دور احضره #الشاعرة هاجر الزينبية 😭

گاعده سكته واتاني زيارة هم انرزق اني؟ متانيه دوري يحين حسين يعرف لو نساني ❥❥❥ـــــــــــ✿🪶✿ــــــــــــ❥❥❥ #الشاعرة هاجر الزينبية 💔

قصيده ثگيله لاربعين الحسين "ع"{{الله يرحمها رقيه}} خاطرك مني ثگيل شزعلك ضعنك الناقص تراچي رد الك خاطرك لتثگله إليه والله يرحمها رقيه جيت تعبانه ردت بس اوصلك خاطرك مني ثگيل شزعلك ❥❥❥❥ـــــــــــــ❁❁ـــــــــــــ❥❥❥❥ خاطرك مني ثگيل من الهله يبان ماعفت گبرك واجت بنحور نسوان گوم لم روح الذبيحه وگلب خلصان خويه لاتزعل عليه والله يرحمها رقيه جيت تعبانه ردت بس اوصلك ❥❥❥❥ـــــــــــــ❁❁ـــــــــــــ❥❥❥❥ اگعد انكتلك عباتي دموع الايتام وخويه اخ يصيح گلبي لوصحت شام عندك بنيه أعله نحرك حالفه تنام تنام عالشيبه الدميه والله يرحمها رقيه جيت تعبانه ردت بس اوصلك ❥❥❥❥ـــــــــــــ❁❁ـــــــــــــ❥❥❥❥ جيتلك من گلبي قطعه اندفنت هناك إنه زعلانه اعله روحي خويه وياك شلون ماماتت وياها بالگبر ذاك اوحيدهه ظلت خطيه والله يرحمها رقيه جيت تعبانه ردت بس اوصلك ❥❥❥❥ـــــــــــــ❁❁ـــــــــــــ❥❥❥❥ ياسبب موت الصغيره بسك أعتاب اعله النحر بعيوني ماتت والرمش شاب بهالعمرها تشتهي نومات التراب تنضرب وتصد عليه والله يرحمها رقيه جيت تعبانه ردت بس اوصلك ❥❥❥❥ـــــــــــــ❁❁ـــــــــــــ❥❥❥❥ تنضرب واسمعها تصرخ وينه بابه مدلله ماحملت ايام الخرابه جاها نحرك حضنت الرأس بخضابه وماتت الشيله السبيه والله يرحمها رقيه جيت تعبانه ردت بس اوصلك ❥❥❥ـــــــــــ✿🪶✿ــــــــــــ❥❥❥ #الشاعره رسل الابراهيمي https://t.me/HH_7W15

كفيلي شوف .. 💔😔 جاي اجمع عيالي ولاكو بگلبي خوف كفيلي شوف .. 💔🥺 بس تسأل عله اجدامي اسأل عالجفوف

طريقتها كل شطر تقرونه الجمهور يرد المستهل وهم راح الحنها بمجموعة الصوت الزينبي .. 🎤💔

قصيده للاربعين {{ بعدني بعازتك }} 💔 بعدني بعازتك عباس يا خويه ❥❥❥ـــــــــــ✿🪶✿ــــــــــــ❥❥❥ بعدني بعزاتك وانه الهضم بيه اجيتك باربعينك خويه محنيه الدرب تعبني گد ما ليك مشتاگه يبو فاضل تهد الحيل الفراگه ام عون انه العزيزة اگعد تلگاني عمت ابنك واجيت مغيره الواني صدگ ما تگدر اتفز يا بو المروه واجيتك حرمه متعوبه وتمش گوه يبو ملگه الحلو ملگاك اريدنه تره اني بعازه اجيتك رايده امحنه ❥❥❥ـــــــــــ✿🪶✿ــــــــــــ❥❥❥ الجفوف العالنهر خلتني متعوبه اريد ابجي لحد ما تطلع الحوبه الوجع ما ينوصف بالروح ماذيني يعباس شعجب هاليوم ناسيني لعيونك ماتفز مشتاگه انه عيوني اريد انشد عليك وتنشد شلوني واگلك عالشمر شمسوي ما تدري واسوالف عالخرابه الحدبت ظهري وصلاة الليل الك گعدات اصليها ينايم ما تناشد زينب اشبيها ❥❥❥ـــــــــــ✿🪶✿ــــــــــــ❥❥❥ #الشاعرة هاجر الزينبية لا اجيز الحذف او التلاعب بالكلام ❌ https://t.me/HH_7W15

قصيده للاربعين {{يخال ابني}} .. 💔 جيت وجايبه راسك يخال ابني جبتك يالجنت عباس جايبني .. ❥❥❥ـــــــــــ✿🪶✿ــــــــــــ❥❥❥ اجيتك للگبر متعنيه مهظومه فك بابك اريدن حضنه مكتومه بلايه عتاب بس البجيه معلومه واگلك حيل مشتاگة وتجاوبني جيت وجايبه راسك يخال ابني ❥❥❥ـــــــــــ✿🪶✿ــــــــــــ❥❥❥ اجيتك يا بو فاضل والهضم بيه عفتني محيره وتذبح يهالجيه احس من المصايب روحي محنيه گلي شيوجعج يم عون ناشدني جيت وجايبه راسك يخال ابني ❥❥❥ـــــــــــ✿🪶✿ــــــــــــ❥❥❥ اجيت وجايبتلك روحي تعبانه والشوفة عزيزي روحي ولهانه هضايم شايله من اليسر نحلانه وجتالك يخويه هواي هاضمني جيت وجايبه راسك يخال ابني ❥❥❥ـــــــــــ✿🪶✿ــــــــــــ❥❥❥ معاثر بيه جلمات العتب جيتك وما لاگيتني ومحتاجة حنيتك يسبع الگنطرة وگلبي وركن بيتك بيتك منهجم والموت هادمني.. جيت وجايبه راسك يخال ابني ❥❥❥ـــــــــــ✿🪶✿ــــــــــــ❥❥❥ من درب اليسر عباس ردينه مو بس التعب بين فگد بينه شلون الداركم نرجع دحاجينه حگي لو صحت اخ الظهر محني جيت وجايبه راسك يخال ابني ❥❥❥ـــــــــــ✿🪶✿ــــــــــــ❥❥❥ #للشاعرة هاجر الزينبية #الشاعرة نور الحسناوي لا اجيز الحذف او التلاعب بالكلام ❌ https://t.me/HH_7W15

قصيده للاربعين {{ضعون زينب}} ..💔 هاي اضعون زينب وصلت اليوم اجتي الكربله اتزورك يمضلوم ❥❥❥ـــــــــــ✿🪶✿ــــــــــــ❥❥❥ هاي ضعون مظلومة الزهره وجابت يم اخوها اليوم نحره مشتاگه اله وشمت بگبره شمت ترب گبره شمام مهظوم ❥❥❥ـــــــــــ✿🪶✿ــــــــــــ❥❥❥ للمظلوم اجتي اعزيزت احسين ترش گبره بنحيبه ودمعة العين جابتله امانه ايتام يالبين تميل ضعونهم ردت بالهموم ❥❥❥ـــــــــــ✿🪶✿ــــــــــــ❥❥❥ اجتگ مايله اختك يمذبوح فوك متونهه شالتلك جروح وجعة فاجده يم گبرك تنوح شوف عيون زينب صاحتك گوم ❥❥❥ـــــــــــ✿🪶✿ــــــــــــ❥❥❥ صار هواي مبعد صاحت ام عون وماشابگهه اخيتك يالولي شلون من ليلة وداعك محزن الكون وحزني ما يفل يحسين للدوم ❥❥❥ـــــــــــ✿🪶✿ــــــــــــ❥❥❥ اموتن ريت ما اطول بعد عام حضي ومامتت وي حرگ الخيام ارد اشلون بيتك ناقص ازلام شگل للدار من تنشد يجيدوم ❥❥❥ـــــــــــ✿🪶✿ــــــــــــ❥❥❥ #الشاعرة رسل الابراهيمي #والشاعرة هاجر الزينبية لا اجيز الحذف او التلاعب بالكلام ❌ https://t.me/HH_7W15

فأن العطايا تأتي على النوايا ..🪐💜

الطفله البگدج بديها بس لعابات وانتِ بيدج راس ابو وتنعيله 💔😔

اعرف اغلبيتكم راح تواجهون صعوبه باللحن بس راح انزله واصدمكم بمجموعة الصوت الزينبي ..🎤💜

للسيده رقيه ع {{ بعد شحجيله }} 💔 حسين من ارجع بعد شحجيله ارقيه ماكو اويه البنات الليله آ يخويه بنيته ماتت .. ❥❥❥ـــــــــــ✿🪶✿ــــــــــــ❥❥❥ ارقيه ماكو وي البنات الليله يمي نعادت الوحشه اعله زينب آ يهمي چنت اشاگف الها بيدي ويجري دمي وتمشي من دون البنات انحيله حسين من ارجع بعد شحجيله آ يخويه بنيته ماتت .. ❥❥❥ـــــــــــ✿🪶✿ــــــــــــ❥❥❥ شرد اگله حسين لو هالليله اجاني لو نشد بالطيف عنها وعاتباني هاي اذا غمضت عيني ونامت اني بالبنات احسب وعيني اهميله حسين من ارجع بعد شحجيله آ يخويه بنيته ماتت .. ❥❥❥ـــــــــــ✿🪶✿ــــــــــــ❥❥❥ بالبنات احسب واعاين عالمسافات يا رقيه ام عون انه گلبي الج مات الطفله البگدج بديها بس لعابات وانتي بيدج راس ابو وتنعيله حسين من ارجع بعد شحجيله آ يخويه بنيته ماتت .. ❥❥❥ـــــــــــ✿🪶✿ــــــــــــ❥❥❥ شافت الشيب التحبه مخضب دموم مسحت عيونه الحنينه بگلب مالوم بابا گالت ما سمعها وماتت اليوم ورادت الروحه گبل تمشيله حسين من ارجع بعد شحجيله آ يخويه بنيته ماتت .. ❥❥❥ـــــــــــ✿🪶✿ــــــــــــ❥❥❥ لو رجعت لاربعين حسين يا ناس شرد اگله ارقيه ماكو والطم الراس حسين كلهم فارگتهم مثل عباس انه ظل بس عمري شيعديله حسين من ارجع بعد شحجيله آ يخويه بنيته ماتت .. ❥❥❥ـــــــــــ✿🪶✿ــــــــــــ❥❥❥ #الشاعرة هاجر الزينبية لا اجيز الحذف او التلاعب بالكلام ❌ https://t.me/HH_7W15

ليش بجيت! 💔😔 هو اني استاهل ابجي عليك

قصيده للسبي {{ حالي اشوه }} 💔 كأني بلسان حال السيدة زينب (ع) وهي تنظر إلى حالها وتتذكر ما جرى على اخوتها في كربلاء.. حالي اشوه من الجفوني حيل ما بيهم يجوني بعد ما اعتب عليهم ** عليهم حيلهم مات شبديهم ** شبديهم حالي اشوه من الجفوني ❥❥❥ـــــــــــ✿🪶✿ــــــــــــ❥❥❥ حالي اشوه من اخوتي واحسن هواي انه لا مسحوگه لا متطشره اعضاي سالمات اجفوف اديه وهايه عيناي شصار اخوتي اخ بيهم ** اخ بيهم حيلهم مات شبديهم ** شبديهم حالي اشوه من الجفوني ❥❥❥ـــــــــــ✿🪶✿ــــــــــــ❥❥❥ بعد ما اعتب اعرفه يأذي العتاب حيل لو بيهم يجوني من التراب وما يخلوني سبيه بيد الاجناب انه بالله اگدر اجيهم ** اجيهم حيلهم مات شبديهم ** شبديهم حالي اشوه من الجفوني ❥❥❥ـــــــــــ✿🪶✿ــــــــــــ❥❥❥ انه اگدر امشي ازور خواني الحنان صح تأذيت بفگدهم گلبي تعبان بس ولا اوصل التعبه المات عطشان تعبي فدوة راح ليهم ** راح ليهم حيلهم مات شبديهم ** شبديهم حالي اشوه من الجفوني ❥❥❥ـــــــــــ✿🪶✿ــــــــــــ❥❥❥ ياهو مثل حسين مات وسحگته الخيل وظل ثلث تيام عاري امفرهد الحيل حگهن عيوني اذا خلصتله بالليل تخلص عيوني ابچيهم ** بچيهم حيلهم مات شبديهم ** شبديهم حالي اشوه من الجفوني ❥❥❥ـــــــــــ✿🪶✿ــــــــــــ❥❥❥ اعتذر منكم يخوتي بعتبي واللوم انتم بيا حاله رحتوا الحيل مهدوم بس احبنكم واحن وگلبي مهضوم احن واتذكر حجيهم ** حجيهم حيلهم مات شبديهم ** شبديهم حالي اشوه من الجفوني ❥❥❥ـــــــــــ✿🪶✿ــــــــــــ❥❥❥ #الشاعرة هاجر الزينبية لا اجيز الحذف او التلاعب بالكلام ❌ https://t.me/HH_7W15