✍🏻تراتيل الرؤوس✍🏻

ذكرى استشهاد الامام علي الرضا (عليه السلام ) روح الرضا       مترمضه        للي كَضه بطف كربله وشما يمر       وقت العصر      دمعه جمر فاكدَ هله بالغربه واتمنى ايشاهد احبابه بعيد ومايشوف اخوانه واصحابه .......... هاجر اهله الحفظ دينه        وينشر اهناك الشريعه عايش الطف ابخلوده         ويشهكَ انفاسه ابفجيعه امذبله اعيونه البواجي         وعينه بالدمعه صريعه الأهم جان ابهجرته             كون يلكَه اهناكه شيعه ولدعوته           كل هيبته          وي مهجته النشر الحِكم واحساسه هَم        لهل الشييم         من انهدم سور الخيم يمشي ابوحَده وحته الهوه ايهابه بعيد ومايشوف اخوانه واصحابه ........... كل احاديثه الشريفه                 تنقذ الأمه ابنهجهه وجان محراب العباده            للصلاه روحه يشدهه من يمر ذكر المحرم               عينه تغرك من دمعهه شاعر الطف الخزاعي             ابمجلسه جابه وهتفهه أفاطمه            من الضمه            وينزف دمه مات السبط يم الفرات        مذبوح مات            بيد الطغاة قومِ السخط الرضا اعله حسين عايش روحه مرتابه بعيد ومايشوف اخوانه واصحابه ............ فارك امه والمحنه               ماتصح بالغربه يمه ابضيج لومر كون يمهه          وبالفرج تدعيله أمه هوه رحمه وهوه أعلم          الأم اشكد هيه رحمه من فكَد بوسة اديهه             يشعر بأيامه ضلمه بدمعة وفه        بكل معرفه         شيوصفه جرح الفكَد عن الوطن         وبيا محن           ماخذ زمن بي مايرد يحن كلما يشوف  الطير  واسرابه بعيد ومايشوف اخوانه واصحابه ............ وجنته بيهه المدامع                وابتسامة روحه ترفه اكَباله اذا طفله اضربوهه           يعتبرهه الأيد صلفه كلفه من يذكر رقيه                  وماينوح اعليهه كلفه من تمر عشرة محرم              وجهه بس للحزن يصفه وابو الجواد        يعلن حداد        يلبس سواد دمعه اويه دم ينعه الجره        ابسيد الورى          ودم منحره وذاك السهم يذكر من حسين اتوسد اترابه بعيد ومايشوف اخوانه واصحابه ............ سممو جبده الاعادي              وبالحقد أنهو حياته اخلافه حته اينوح لجله         قبره وي نعشه ابمماته راح مضلوم وبعيده                   عن كتبنه تضحياته مثل مابالجفن يلتف                    كون نلتف ابعباته بسم الجبد          واهل الحقد         لامايرد لهله الرضه عاش ابوضع           ماينسمع           صوت الدمع عمره الكَضه وباخر عمره غمض عينه سجابه بعيد ومايشوف اخوانه واصحابه الشاعر ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

اقصدو اخي القاسم (ع) من نزور القاسم        قبرك ابمشهد نزوره من نزور القاسم ....... يالغريب  وياعلي انت         إسمك وشخصك علي من نزورك يبو محمد          همنه  والله ينجلي بس إذا مازرنه قبرك            بينه كل هم يعتلي ونمشي للقاسم نزوره           صحنه بينه يمتلي ويشهدلنه القائم ساعة النحضه بحظوره من نزور القاسم ..... يالرضه وذكرك نعيده          ومانعوفك للابد يا إمام الشيعه كلنه           شيعتك وعله العهد اقصدو أخي كلتهه          يالرضا وهاك الوعد نكصد القاسم وحكك         بالشدد وابلا شدد بينه ربنه العالم مانبالي بأي خطوره من نزور القاسم ....... مانسيناك ابحمدنه            ياسراط المستقيم ياوعد ربنه اليتبعك             إله جنات النعيم اتغربت لجل العقيده           افراك اشد من الجحيم واصبحت باسمك نحارب        كل شيطان رجبم واصبحت للوادم صرح واسع يزهي نوره من نزور القاسم ..... ضملك المأمون حيله            والمكيده ابغايته ايسلمك بأيده الخلافه           حته تكبر سمعته تالي مانجحت عرفهه             رجع بدل خطته وسممك يبن الرساله              ابيوم اسود ساعته هسه وينه الظالم قبرك اعظم من قصوره من نزور القاسم ..... نعشك اتشيع لقبرك            وانت بديار الغرب والجواد الحظر يمك            حس بالفراك الصعب حسين ضامي ونحره دامي         ضل ثلاثه على الترب وراسه بسياط الاعادي         على اشفافه ينظرب وتدري دمع الخادم الكم الدمعه فخوره من نزور القاسم ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

#قصائد_منبريه #استشهاد_الامام_الرضا_ع اساسيه مسافات                    اجدامك يتعبهه الدرب معانات                    من تمشي وحدك للغرب ابلا محب ولا خليل من التعب تمشي وتميل مسافات                          مسافات ......................................................... هذي يا دنيه ابوجودك             بيهه شح طعم الهوه مثل طي السجل حيلك               يالرضا بيهه انطوه مو مثل لون البواجي                    احمر ابخد نينوه ينزل الدم اعله خدك                    مو دمع هالمستوه ولا راح                    ذِكر اهل بيتك خيال بالجراح                عايش احساس العيال من السفر مثل العليل من التعب تمشي وتميل مسافات                          مسافات ......................................................... حاير تدير المن وجه             جم درب تمشي الصبر اسنينك يمرن جم سنه          يخلص ابخطوه العمر اشما ناكَتك تعثر بعد                  تِذكر ادروب اليسر جرحك غميج من السفر                 والكَلب ما ينجبر بعد وين               تكَعد ابنص عيلتك للحسين                 رحت ناذر غربتك والسفر دربه طويل من التعب تمشي وتميل مسافات                          مسافات ......................................................... العيد لو مَر واليعييد               يغبش اعله امه وابوه ايبوس اديهم من بعدهه       ايسلم اعله اهله واخوه انت رحت الدار غربه                ابسبب دينك حاربوه ابلا ذنب حرموك منهم                نور شخصك غيبوه ابدرب هَم                 وتلتفت يسره ويمين عطش غَم                وصدرك اهتز بالحنين ترفع ايدك للجليل من التعب تمشي وتميل مسافات                          مسافات ......................................................... هجرتك هجرة محمد                 وانت معجزتك دمع يالرضا اشماتحجي بالطف        ينحني ابظهرك ضلع بالتعازي اكَبال دعبل                 عالي صوتك ينسمع لو قره ابذكر الفجيعه                  ويلي كَلبك ينفجع يمظلوم              صوتك ايعيد الصده يملجوم           ويجرح احساسه النده ورده والماي القليل من التعب تمشي وتميل مسافات                          مسافات ......................................................... بآخر ايام ابحياتك                     جبدك انسم يالرضا اجفون اهل بيتك يوالي                  بالدمع مترمضه ضلت انفاسك عقيده                   ومبدأ الكل رافظه استشهدت وايام عمرك             كلهه خلصت باللضه أيا موت                      ما كَلتله يا علي برفع صوت            خل يشوفوني هَلي وتحجي بالصوت الهزيل من التعب تمشي وتميل مسافات                          مسافات ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

#قصائد_منبريه #استشهاد_الامام_الرضا_ع اساسيه روح الرضا     مترمضه        للي كَضه بطف كربلا وشما يمر       وقت العصر      دمعه جمر فاكدَ هله بالغربه واتمنى ايشاهد احبابه بعيد ومايشوف اخوانه واصحابه .......... هاجر اهله الحفظ دينه        وينشر اهناك الشريعه عايش الطف ابخلوده         ويشهكَ انفاسه ابفجيعه امذبله اعيونه البواجي         وعينه بالدمعه صريعه الأهم جان ابهجرته             كون يلكَه اهناكه شيعه ولدعوته           كل هيبته          وي مهجته النشر الحِكم واحساسه هَم        لهل الشييم         من انهدم سور الخيم يمشي ابوحَده وحته الهوه ايهابه بعيد ومايشوف اخوانه واصحابه ........... كل احاديثه الشريفه                 تنقذ الأمه ابنهجهه وجان محراب العباده            للصلاه روحه يشدهه من يمر ذكر المحرم               عينه تغرك من دمعهه شاعر الطف الخزاعي             ابمجلسه جابه وهتفهه أفاطمه            من الضمه            وينزف دمه مات السبط يم الفرات        مذبوح مات            بيد الطغاة قومِ السخط الرضا اعله حسين عايش روحه مرتابه بعيد ومايشوف اخوانه واصحابه ............ فارك امه والمحنه               ماتصح بالغربه يمه ابضيج لومر كون يمهه          وبالفرج تدعيله أمه هوه رحمه وهوه أعلم          الأم اشكد هيه رحمه من فكَد بوسة اديهه             يشعر بأيامه ضلمه بدمعة وفه        بكل معرفه         شيوصفه جرح الفكَد عن الوطن         وبيا محن           ماخذ زمن بي مايرد يحن كلما يشوف  الطير  واسرابه بعيد ومايشوف اخوانه واصحابه ............ وجنته بيهه المدامع                وابتسامة روحه ترفه اكَباله اذا طفله اضربوهه           يعتبرهه الأيد صلفه كلفه من يذكر رقيه                  وماينوح اعليهه كلفه من تمر عشرة محرم              وجهه بس للحزن يصفه وابو الجواد        يعلن حداد        يلبس سواد دمعه اويه دم ينعه الجره        ابسيد الورى          ودم منحره وذاك السهم يذكر من حسين اتوسد اترابه بعيد ومايشوف اخوانه واصحابه ............ سممو جبده الاعادي              وبالحقد أنهو حياته اخلافه حته اينوح لجله         قبره وي نعشه ابمماته راح مضلوم وبعيده                   عن كتبنه تضحياته مثل مابالجفن يلتف                    كون نلتف ابعباته بسم الجبد          واهل الحقد         لامايرد لهله الرضه عاش ابوضع           ماينسمع           صوت الدمع عمره الكَضه وبأخر عمره غمض عينه سجابه بعيد ومايشوف اخوانه واصحابه ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

ابوذيات نعي للرضا ع عن أهلك يبو محمد                  تجد وين شتلكَه اهناكه بالغربه                تجد وين علي يالرضا مثل اهلك              تجد وين وتكَعد يمهم ابكل مغربيه ..................................................... الاهل لمسامر الكَعده                   وجدهم وبعدك يالرضا يسعر                    وجدهم تردلهم دعَو ربهم                          وجدهم ينخونه ابصبح وابكل مسيه ..................................................... يُمر اعليك ذكراهم                        يسمهم اهلك والعدو امثالث                     يسمهم شلون اسموم صابنك                    يسمهم يحش جبدك يفخر الهاشميه ..................................................... باجر بالحشر جدك                        يمَشهد على الصار وجره بيكم                  يمشهد وأريد اهناكه كون أصرخ              يمشهد اشهدي بالجره اعله ابن الزجيه ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

#قصائد_منبريه #استشهاد_الامام_الرضا_ع نزله يا أبى الجواد                        يا أبى الجواد ........................................................ لجلك انهل الدموع اعله الوجن ونلبس الاسود عليك من الحزن نذكر امصابك يبو الغيره ونون شلون عشت ايامك اعله اهلك تحن ونعلن الحداد                         يا أبى الجواد ........................................................ روحك المظلومه حملت ياقهر من الهجر وابدربك ايام السهر مو نهر دمعك جره اعله الخد بحر من تصير الكربله ابفكرك صور وتلبس السواد                      يا أبى الجواد ........................................................ مصيبتك جداً عظيمه يا علي انت كون اعله المنابر تعتلي مو يَهَجْرونك يرحمت كل هلي وعن ديار اهلك يغالي تنجلي ياباب المراد                           يا أبى الجواد ........................................................ يومك ويوم الحسن كلهن سوه اثنينكم شح يالرضا اعليكم دوه من الألم طولك على طوله التوه سيدي وابصدرك ايضيج الهوه وتفارك العباد                         يا أبى الجواد ........................................................ شيعوك ابمشهد اهناك الكَبر بالسِم ودرب الهجر راح العمر عفه صبرك يا أبو الحق والصبر على افراك اهلك واخوتك تنجبر واتحمل اضطهاد                    يا أبى الجواد ........................................................ صار قبرك لليكَصدك بالطلب والدعاء ابحضرتك لا منحِجَب تنكَضي الحاجات يمك والسبب جا غريب وجانت ايامك تعب واتشرِف البلاد                       يا أبى الجواد ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

#قصائد_منبريه #استشهاد_الامام_الرضا_ع نعي ابوذيات نعي للرضا ع عن أهلك يبو محمد                  تجد وين شتلكَه اهناكه بالغربه                تجد وين علي يالرضا مثل اهلك              تجد وين وتكَعد يمهم ابكل مغربيه ..................................................... الاهل لمسامر الكَعده                   وجدهم وبعدك يالرضا يسعر                    وجدهم تردلهم دعَو ربهم                          وجدهم ينخونه ابصبح وابكل مسيه ..................................................... يُمر اعليك ذكراهم                        يسمهم اهلك والعدو امثالث                     يسمهم شلون اسموم صابنك                    يسمهم يحش جبدك يفخر الهاشميه ..................................................... باجر بالحشر جدك                        يمَشهد على الصار وجره بيكم                  يمشهد وأريد اهناكه كون أصرخ              يمشهد اشهدي بالجره اعله ابن الزجيه ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

مو سهله يابو القاسم صعبه وتحير الوادم ربنه ابمصابك عالم يامحمد            يامحمد ........... عايش رساله وحامل الرساله وانت العرفنه ربنه من خلاله كل الخصال انجمعت ابخصاله ابدينك عداله وشخصك العداله نعمه جبيره اوجودك وتوافي كل وعودك احنه يوالي اجنودك يامحمد            يامحمد ........... يالحافظ الأمه ابعرق جبينك نبجي عليك اشما تمر سنينك من يهتف الناعي ابسكن أنينك صرختنه تكبر سيدي الحنينك وين ابحنانك رايح نعشك يتبعه الصايح من عنده عطرك فايح يامحمد            يامحمد ........... مظلوم خلصت العمر يمرسل وبحيدره دينك يغالي اتكمل مسموم جبدك يانبينه ترحل شنجاوب احنه الجاي عنك يسأل يارحمة ألله وغايب كل شاب عكَبك شايب هاي اول المصايب يامحمد            يامحمد ........... شهرين مو أكثر تمر عالزهره يخلص عمرهه ابعين تمشي حمره واضلوعهه من العصر منكسره من عصرة الباب اعله خدهه سطره محسن وكَع من عدهه من العصره وّرَم خدهه نكروهه ياسندهه يامحمد            يامحمد ........... من حيدره غصبو تره الخلافه الدينك يوالي جابو الخرافه حيدر بحر ماوصلو الضفافه جوهر ثمين ونكرو اكتشافه منهاجه نور وساطع والكل فريضه جامع ومشبع الكل جايع يامحمد            يامحمد ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

آه يبو القاسم        آه يبو القاسم        آه يبو القاسم ......................................................................... اتـروح وسـفـه يانبينه               اشـلـون بـغـيابك بـعـدك ابـيـا حـال نبقه               ابقسوه اصحابك انتَ ابونه وبالحـوائج                نـــوكَــف ابـابك مــــا تـردنــه يـامحمد                واحـنـه باعتابك بعدك الظلام ترجع تصبح الحاكم آه يبو القاسم        آه يبو القاسم        آه يبو القاسم ..................................................................... انـــتَ يــاكـعبة محنه             بالحـج انطوفك ونلفظ اســم الله لمَـن             نلـفـظ احروفك لا تــفــاركَـنـه يوالي              وهـذا معروفك هذا مطلبنه ابمضيفك             لتـرد اضيـوفك انتَ يالعاقد مضيفك تكَصده الوادم آه يبو القاسم        آه يبو القاسم        آه يبو القاسم ................................................................... ديــنـك الـمـبـدأ نريدك             تــبقى وي دينك وانـتَ لجـل الدين هذا             خلصـت اسنيـنك بـعـدك الايتـام تصرخ             ســيـــــدي وينك واليتامه اتعيش عِدما             تــنـــظـر ابعينك يغتصب حكَهم بعدما ترحل الظالم آه يبو القاسم        آه يبو القاسم        آه يبو القاسم ...................................................................... صــعـبــه الايـام ابغيـابك                احـنـه نـحـتــاجــك راح يــــتــغــيــر يـوالي                 حـتـه مـنـهـــاجـك شـــلون سِــم النـايـبـات                 ايمر على اوداجك جن سجن دنياك والرب                 أعــــلـن افـــراجك موتك استشهاد والنه للفرح هادِم آه يبو القاسم        آه يبو القاسم        آه يبو القاسم ...................................................................... راح بـــالـطف يامحمد             أمـتــك تـنـسـاك ابقتل الحسين واخوته             يـسـتـمر ذكراك ويـنـتـشر ديـنك يوالي             اشما تظل دنياك لو نعينه حسين بالطف            إنــتَ هَـم نـنعاك ابيالثارك إنتَ ايضاً يظهر القائم آه يبو القاسم        آه يبو القاسم        آه يبو القاسم ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

ابوذيات نعي على الرسول محمد صلى الله عليه واله وسلم وماجرى على الزهراء عليها السلام بعده اباب الزهره من بعدك    وجرهه النار وضيعو حكَهه        وجرهه دفعهه الباب بجفوفه    وجرهه وعشر مرات يعصر بالزجيه ............. اشهدي يانجوم اسماي     يجرام بيه العاذل ابلا دين          يجرام دفعني وجرني هم يدري   يجر أُم الحسن وحسين والمحسن سويه ............. أنيني الساكن البيده       وأن هَم وهمه وين من بجيي     وأين هم دفعت الزهره كَالوله        وَإن هم جاوبهم وشب نيران بيه .............. يبو القاسم تره البضعه          يمرهه شاجر والبجي اخلافك          يمرهه العدو اتعوف البجي بعدك     يأمرهه شلون تعوفه وانت الغاب فيه ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

كَاصدينك ياعلي                نعزيك بالهادي ..................................................... مشايه جينه الحضرتك                       يابا الحسن مشايه موكب رواديد ولطم                           وبكل مكان اقرايه قطعه وعلم اسود يرف                       واصور لها الوفايه كلما وصلنه الحظرتك                           اكثر ترف الرايه انت المعزى يالولي         كل هالجموع اتنادي كَاصدينك ياعلي                     نعزيك بالهادي ..................................................... جبنه الدرب هوسه ولطم                        تهتز شوارع بينه كلما على موكب نمر                              هالموكب ايحيينه ولمصاب ابو الزهره النعي                       كلما قره ايبجينه نوصل نريد العتبتك                               نلطم على والينه ويانه صوتك يعتلي       بالمستهل يالحادي كَاصدينك ياعلي                 نعزيك بالهادي ..................................................... لمصاب ابو القاسم نجي                  موكب نهر بجروفه اسمه مقدس وانكتب                عالقطعه حلوه احروفه من عالفرات انمر نحس                كل قطره بي ملهوفه تمشي تريد الحظرتك                   حين النطب الكوفه بالصرخه والهم يالولي       حد ما نصل للوادي كَاصدينك ياعلي                       نعزيك بالهادي ..................................................... راح النبي وبعده الوكت                       ما ينصف اويه احبابه باب الزجيه يندفع                             من جف هذوله اصحابه وينعصر صدر ام الحسن                             من تختفي بعتابه ومحسن يطيح ابلا سبب                        جداً عظيم امصابه عالتربه محسن يعتلي        هذا الحصل مو عادي كَاصدينك ياعلي                          نعزيك بالهادي ..................................................... لكَ العزا يابا الحسن                             فاكَد اخوك المرسل هاي المسيره الحضرتك                        يم الصحن من تكمل كلهه تعزيك واجت                               يا سيدي وهم تسأل عن كَبر بضعة فاطمه                         اتريد التكَصدك تندل والغيبه نأمل تنجلي       بعد الجره والسادي كَاصدينك ياعلي                    نعزيك بالهادي ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

هوسات استشهاد النبي محمد (ص واله اليموت اتكَابله الاحباب      تبجي الشدة افراكَه تحجي اعيونهم كلمات        بثكَل ادموع حراكَه ومحمد من دناهه الموت        ربعه الموته مشتاكه ها...... ومن مات عافو تشييعه ................. تعتم  خبر  مات  اشلون     النبي ياناس ضل مسموم جره باحشائه من اعداه       بطيئ  السِم  فلا  معلوم استشهد بالسِم اللي جان    نبي الامه ورحل مضلوم ها.......... مضلوم خلصت ايامه .................... بعده   امدد   الاصحاب      عافو   نعشه   واجتمعو بسقيفه والحكم مدروس      باسم   الدين   واتفقو بتشييع   النبي   الاحمد        تره الاصحاب ماحضرو ها.......... والراح  مو هيين صيته ..................... بعده اترابه اخضر جان      قبر النبي المستشهد هجمو عالزجيه الكَوم       وحركَو دارهه ابموقد فلا منهم بذاك الحين        بحرك   الدار   متردد ها......... والنار جانت تجويهه ...................... اوصية  النبي   نكروهه         ونكرو كل امور الدين خذو  من  حيدر  البيعه         ثلث ارجاس متعمدين وخلو   حيدر   الرابع            تره   وبهاي  متوهمين ها........ والحيد    الهه وراعيهه الشاعر ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

موشح نجفي لأستشهاد الرسول محمد ص واله يا نبي الرحمه فلا رحمه بقت من مشيت وعينك ابقبرك غفت .......................... بدت أنواع المصايب والهضم وامتك بعدك يمرسل تنظلم جرح فكَدك بعده واصل للعظم وهمه هاي اعيونهم كلهه افرحت .......................... كَبل ما موتك دنه تطلب قلم خافو اشتكتب وكل منهم عِلَم منعو القرطاس والدين انثلم وامتك بعدك يحيد اتشتت .......................... تجرع السِم والهوه شويه بقه تصيح باجر بالقيامه الملتقى خصمي كلمن حجته الدين ارتقه وصار عنده الحكم وعيونه عمت .......................... بعدك امدد خذو دور الحِمه ونار احقاد ابكَلبهم مضرمه السان واحدهم اشد من صارمه وحين كَالو يهجر اركَاب اكَطعت ............................ تاركٌ فيكم كتابي وعترتي وهاي فاطم هيه روحي وبضعتي بيهه اوصيكم يناسي وصحبتي وعينهه من عصرت الباب انطفت .......................... يا أبو القاسم عكس دربك مشو واتفاقيات ضلمه شكلو عالخلافه ابسيف شر اتسلطو واغصبو حق الخلافه واختفت .......................... أدخلو مجمل سُنَن بيهه الفِتن والاسلام ابدونك انت ابلا وطن يانبي واحكامك الحره انتهن وعالحكم ربع السقيفه سيطرت .......................... انتشرت اجفوف الضلام ابكل شبر امتدت احروف الظلال اعله الحبر انت ابو لأُمه ابد ماعدهه بِر ويه ما عنهه اختفيت اتفرقَت .......................... ضل غريب الدين بديار الاهل وعافو المن سيفه دين الله اكتمل رجعو لجور التعصب والجهل والخلافه كلمن وحصته صفت .......................... حته بالتشيع ماحظرو ابد بالسقيفه انشغلو وعَد العُدَد بعده جسمك سيدي لامابرد ابموتك الحار وطواغيت انكرت الشاعر ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

موشح نجفي للامام الحسن المجتبى ع يالحسن باب المضيف وعتبته ماكو خطار انتظرهه فتحته ............................. عادت اليكَصد لبيت اهل الكرم يطرق الباب وسمع جلمة نَعَم وانت بابك ماتسده ولا خَدم عندك وانت اليخدمه صحبته ............................. كعدتك بالباب تنتظره اليمر والجفوف من الكرم صارن سمر خلص عمرك بالمضيف وتنتظر فرحة الخطار ساعة جيته ............................. لا تدور صيت لا مال وذهب بالكرم وجه الله رايد هالسبب كبل ما سائل يسولف بالطلب اتكرمه واكثر ما يريد ابطلبته ............................. يبو محمد وانت تدري بهالامر بس جفن واعمال تمشي للقبر والكريم العاش ماراد العمر هذا دنيه واخره انحب عشرته ............................. ياحسافه ايحاربوك اهل الرجس بدل ميوافوك لعمالك أمس سمموك الجانو اضعاف النفِس وانت زادك بالبطون الخانته ............................. جبدك اتفتت يمسموم بألم عمرك ابسِم ياحسافات انختم ولاكو واحد منهم ايحس بالندم كلهم السموك ذكرك ضدته ............................. بروحك الفاضت لوجه الله ومشت جم ألم واحزان عالفقره البقت واليتامه بعدك انت اتيتمت جا ابوهم انت من دم طيبته ............................. حسين ينظر  فكَدك ابلوعه وجرِح يبجي لفراكَك يبو ملكَه السمِح شال نعشك والتوه الطوله رمح وتوكع اعله الكَاع من دم دمعته ............................. مارضو بارض المدينه تندفن وبسهام ارموك نحجيهه ابحزن كل سهم بالنعش واصل للمتن وانت ميت والاعادي جرحته ............................. وانت الموصيهم ابحقن الدمه ماكَدر عباس يجدح صارمه جان يكَطعهه الرؤوس المجرمه وبالمدينه اتصير غصبن دفنته الشاعر ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

مسموم الحسن  ...  مسموم الحسن والعقيده اتألمت بمصابه ............................ كل نبي يموت الرساله         تبقه بعده ابمشكله الحسن لجل العقيده            انطه عمره ومنزله والكرم محتاج منه              يبقه حته ايكمله من يروح الجوع يكثر       والفقير المنهو اله والجان الوطن  ....  والجان الوطن صعب كلش من يروح اغيابه مسموم الحسن  .... مسموم الحسن والعقيده اتألمت بمصابه ............................ حاربو نهجه الاعادي      ومارضو نوره يشع بالخيانه وخنجر الهم           نابت ابصف الضلع جيشه باع الدين يَمه       والحسن باصعب وضع واضطراري الصلح عنده      يحفظ الدم بالمنِع عالائمه ائتمن   ....  عالأئمه ائتمن ونار ألهم تسعر ولهابه مسموم الحسن ....  مسموم الحسن والعقيده اتألمت بمصابه ............................ سال دمه من غدرهم            مثل ما هَم دمعته جرت لمصايب زمانه         وخنكَه تكتل غربته صاح بيهم هاي فتنه           بس الاغلب رفضته واليسمعونه ابفعلهم            جن ولا هم سِمعِته واعيونه البجن  .... واعيونه البجن عالشريعه الحاربوهه اصحابه مسموم الحسن ....  مسموم الحسن والعقيده اتألمت بمصابه ............................ جعده بنت الاشعث اكثر         عدو حقق هالأمر بالسِم اتكَطع ابجبده          وانتهه ابلوعه العمر من ابوهه ومن اخوههه       ومن فعلهه تنتظر تسكن اقصور الاعادي      وتشرب وياهم خمر عبّاد الوثن     ....    عبّاد الوثن سمموو والموت حط ابابه مسموم الحسن ....  مسموم الحسن والعقيده اتألمت بمصابه ............................ كَضه عمره بالكرامه          وجفه ينطي بالطلب يلزم اتراب ابجفوفه          يحوله الناسه ذهب هذا مو شي وارد ابالغ         وابد ماعندي عَجب كن يقُل  للشيء ربه            وّ يَكون اله السبب واسبابه الحسن ... واسبابه الحسن نيته بيضه يخدم الطلابه مسموم الحسن ....  مسموم الحسن والعقيده اتألمت بمصابه الشاعر ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

الحسن المجتبى (ع) في قيادة الثوره ضد معاويه بن ابي سفيان (لعنه الله) الحسن سبط النبي الهادي وكَف وي شيعته اينادي .............. يكللهم   يشيعتنه                    عدوكم ضالم وحاقد واجينه انحاربه وهيهات               ميهمنه العدد زايد واليرتد يعيش ايام                      مثل القاتل وشارد هذوله ال اميه ارجاس                 نكرو ربكم الواحد للثوره الحسن حادي وكَف وي شيعته اينادي .............. ماسمعو كلامه الجان                     قائد  ثاير  ابعزمه صارت فرقه من الجيش              تقتل كل شخص يمه وصل من عدهم الفُصطاط            كريم اهل العبه ابهمه ضرب  خاصرته  بالخنجر            وسال من الحسن دمه تفرق جيشه بالوادي وكَف وي شيعته اينادي .............. بعد ما عاش ابو محمد                خيانه ابشيعته اتغرب اصبح بعده حفظ الدين             ابصلح  مثل النبي اتوجب لكن هالصلح مشروط                    نقاط ابورقه تترتب ونكث عهده ابن ابي سفيان            ومنه العالم اتعجب الحسن يدري الامر سادي وكَف وي شيعته اينادي .............. بعد فتره الحسن سمو                 هوه  طوله وذبل  جبده مثل ما حاربوو  بالجيش           هالمره اعله جف جعده تسمم وابطشت ياحيف                 ذب احشائه من عنده تحدب ظهر ابو محمد                  مثل ما تلتوي الورده بغضاً سمي لاجدادي وكَف وي شيعته اينادي .............. فاضت روحه واهله اهناك           نصبو فاتحه الروحه وعزه ولطم الصدر مسموع        عليهه اكَلوب مجروحه قبل موته بجه اعله حسين            جثته التبقه مطروحه باجر من كفه وعطشان              ركَبته ايكَله مذبوحه كثره الوادم اتعادي وكَف وي شيعته اينادي الشاعر ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

على راسك يحسين          ماتت رقيه ......................................... شبكَت الراس  وهون  دمعاتهه تنسمع   مخنوكَه  حيل آهاتهه بجه  حته  الريح  من  وناتهه ابراسك اتشم الهوه وحسراتهه اتريد شَم الطيبين              جابو هديه على راسك يحسين            ماتت رقيه ......................................... اتعاتبك  واعتاب  زاد  اجروحك اتكَول ليش اتروح عني ابروحك وابحضنهه  الراس تسمع نوحك بيدهه  المجويه  جان    اتلوحك بويه كَالت للحين           تحركني اديه على راسك يحسين           ماتت رقيه ......................................... تحجي وي الراس بس  مهمومه بالجره اعليهه وعلي مهضومه من  ابوهه  من  الزغر محرومه ياحسين  وصعبه  حيل  الحومه نادتك بويه العين             طفوهه اليه على راسك يحسين            ماتت رقيه ......................................... تشهكَ  بأخر  نفسهه  بهيده جان بس منك هواهه اتريده للطشت راسك هوت متعيده راسه صاحت هذا جاوين ايده اتريد جفك يازين                 الهه تجيه على راسك يحسين             ماتت رقيه ......................................... ماتت اعله الراس جن مذبوحه طفله  بس  امعدله   ومملوحه اكَبال  عينك  سيدي  مطروحه والدمع ضل عالرمش مرجوحه سيف جان الونين             واكبر منيه على راسك يحسين            ماتت رقيه ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

ديره غربه وتشوف الشماته بكل مكان اتيسرت زينب العاشت ابعز وأمان وعن الايتام الايادي تشكف اسياط الاعادي .............. مشت بين الغربه زينب ياهضم كَلبهه وي كَمر هاشم اجت هسا صعب دربهه بالسبي هيه أعلنت من كربله حربهه والنصر من توصل الشام وحجت خُطَبهه تسمع ايشتموهه اهل الغدر واهل الرياء ومن جفنهه الدمع ينزل مطر وي الدماء والضلم بالعيله سادي تشكف اسياط الاعادي .............. تحشم  ابروس العَله ارماح اعتلت ذِبيحه وسفه نمشي باليسر واجسادكم طريحه جن تكللهم يخوتي صوتي ما أصيحه هالشماته خاف تحجي  زينب الجريحه ما تريد ويبين عليهه كل جرح تعاتب ابسكته ذيج الرؤس العالرمح بالسفر والشمر حادي تشكف اسياط الاعادي .............. تنظر اشسوت اعاديهه بضعنهه زينب كل طفل من سوط ضالم بالبواجي ينحب امتربه اثياب اليتامه والوجه تترب وين ابوتراب ويجيهم جا وضعهم اصعب بس رقيه واجه راس ابوهه بالطشت وماتت اتكَل لبوهه ياحسين اتعذبت وانسمع صوت المنادي تشكف اسياط الاعادي .............. اتمرمرت زينب غريبه ابين اعادي تُضلَم والاشد جان القِتَلهم بالضعن تقدم اتمنت اللي راسه عالشاطي ابعمد تهشم يعتنيهه وياخذ اضعونه ويحط مخيم بس حسافه جفوفه كطيعه اعله النهر غاب عنهه الكبل بالدرب ساقي وكَمر من بعد سبع البوادي تشكف اسياط الاعادي .............. وين جانت زينب اللي امدللت أبوهه بعد ما ذبحو اهلهه باليسر خذوهه مارعو اطفال اهاليهه العده اضربوهه وي السياط العده اشما تحجي شتموهه تسمع اشلون ابوهه يشتمونه العده والسده اعليهه لاما على واحد سده زينب الجانت قيادي تشكف اسياط الاعادي الشاعر ياسر العارضي✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

منهه أطلبهه التراجي              هيه من نسل الكرام لا تجي اتسلبهه تجرح             يا لعدو  كَلب الامام خايفه وتسحكَ جمر شارده ابحر الظهر لا تجي اتسلبهه تجرح             يا لعدو  كَلب الامام ....................  ياسر العارضي  ..................... هذي حيدر جان جدهه              والد   الكل   اليتامه والحسن عمهه ابمظيفه         بِنَت عِش حته الحمامه حسين ابوهه الماكو سائل         رده خالي ابلا كرامه تنطي بالطلبه التراجي           هذي من نسل الامامه ليش ترعب كَلب طفله             ** **              شارده من الحركَ اتشوف الاطفال البقيه            **   **             بالخيول وتنسحكَ حايره بذاك الامر شارده ابحر الظهر لا تجي اتسلبهه تجرح             يا لعدو  كَلب الامام ....................  ياسر العارضي  ..................... طلعت   ومجويه  اديهه           من   جمر  نار  المخيم ويه  كل  باقي اليتامه                وي  جمع  كله  تيتم ماكو نار الكَاع تجوي            وما جدم من عدهه يسلم شلون اذا بس نار بيهه             وانتَ  عالطفله  تحزم حايره ابجويات اديهه         ** **            تركض ابرجيلهه نار تجي اتسلبهه اليتيمه        **    **         ما تجي تطفي الشرار اعيونهه تبجي وحمر شارده ابحر الظهر لا تجي اتسلبهه تجرح             يا لعدو  كَلب الامام ....................  ياسر العارضي  ..................... طالعه ادور اعله ابوهه               شارده من الاعادي ياحسين اتصيح ساعه               وساعه للكافل تنادي تعثر  ابتله  ابدربه                 ومره لا بتراب وادي تشكي رادت يم اهلهه            عالجره واعليهه سادي اجدامهه المحروكَه بيهه         ** **            شوك سعدان الارض اشما بعد تركض جدمهه         ** **               باللحم أكثر يمض وجانت ابعازة صبر شارده ابحر الظهر لا تجي اتسلبهه تجرح             يا لعدو  كَلب الامام ....................  ياسر العارضي  ..................... اتفاجأت  بيك   اليتيمه          من  جفوفك  زاد  ونهه ناسيه   من   المصايب         عدهه   ترجيه   بأذنهه طاحت اعله الكَاع تبجي        من العطش ناحل بدنهه اتجرأت أيدك عليهه                تاخذ الترجيه منهه ألمصيبه ألأكبر انت         ** **             تجر وياهن إذن انجرحت الطفله اعله أيدك       ** **            طاح دمهه اعله المتن ابد ما لَك اي عذر شارده ابحر الظهر لا تجي اتسلبهه تجرح             يا لعدو  كَلب الامام ....................  ياسر العارضي  ..................... وي كل هذا الجره الهه            اتيسرت   وي الضعينه طفله مجروحه وزغيره           من الجره بالطف حزينه من البواجي شويه نامت           شافت  حسين   بأدينه جانت ابحضنه وشبكَهه             شلونج ايكَلهه الحنينه فزت ورادت ابوهه         ** **            راس جبتلهه ابطشت جنك ابروح الزغيره       ** **                تسحب تريد وتعت هذي بت فارس بدر شارده ابحر الظهر لا تجي اتسلبهه تجرح             يا لعدو  كَلب الامام ((  ياسر العارضي  ))✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........

الطفله السيده رقيه ع تركض وتعثر          ترجع اتكَوم طفله ماتكدر           ترجع اتكَوم الجانت امدللهه شارده بالفله رقيه      رقيه ................ احتركت خيم بيت النبي          وطلعت رقيه منهه تركض وتوكَع والرمل              بالطف ترس جفنهه مجويه اديهه من الجمر              واديهه يوجعنهه تتوجه بيهن عالارض               من تنهض يلجمنهه حيل مابيهه        والرمل حار يجوي رجليهه     والرمل حار طفله وابمشكله شارده بالفله رقيه      رقيه ................ مذعوره من كثر العدو            ينبض كَلبهه ابسرعه مُر الموادع بالحرب                  والطفله ما تجرعه صوت الحوافر ينسمع         اترض الحسين وضلعه اتحط الادين اعله الاذن                تتمنه ما تسمعه صدر ابو اليمه           تسمع انرض تركض ابهمه              تسمع انرض وجع ماتقبله شارده بالفله رقيه      رقيه ................ كَوه صاحت بويه وينك         كَوه تحجي من العطش حين وصلت يمه شافت         بالسحك جسمه انفرش اسهام وارماح واعادي          وضاربه السيف اثنعش ابشوفته مرعوبه طاحت            راسهه يمه ارتعش وترتجف حسره       طاح ابوهه بالكَلب جمره          طاح ابوهه ومن سهم حرمله شارده بالفله رقيه      رقيه ................ بيهه يجر جف العدو                 رد للتراجي يسلِب السطره عمتهه من الرجس          ومن البواجي تنحِب مثل الحسين ابضماهه               هيه محرومه العذِب وتلتفت يمنه اعله يسره            دمعه لخوهه تكتب علي جا وينك          ما تجيني بداعت حسينك         ماتجيني تصرخ ابمعضله شارده بالفله رقيه      رقيه ................ طفت نار الخيم لكن                 بس رماد الهن بقه وجمعو العدوان اهلهه               ودرب كوفه الملتقه وبالطف اتحاول رقيه                  اتريد ابوهه اتعانقه وبترب وارماد خيمه                  صار لون المنطقه هواي متغيره      جن ولا طفله العالم اتحيره       جن ولا طفله والمسير اتواصله شارده بالفله رقيه      رقيه الشاعر ياسر العارضي ✍لناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩‍🚀........