ام حسين العسكري( ١) ثكيل شور نعي

جديد ونسألكم الدعاء

قصيده لأم البنين ع السلام طلب حاجه تقرء بعدة أطوار الحزين والشور (انعرفج الوفايه) يم البنين... اليوم الج عنايه يم البنين... انعرفج الوفايه بعباس احلفچ والدموع ابعيني وانتي الحنينه وادري مترديني چفج يفيض ويطي ندري اهوايه يم البنين انعرفچ الوفايه ..................... يم البنين وجيت الچ ملهوفه بعباس احلفچ جوده وي اچفوفه گالولي انتي بالكرم معروفه وانتي الطبيبه لكل مرض موصوفه سايل واجيتج يم هلا تلگيني وانتي الحنينه وادري مترديني نذراً اجيبن رايه وامحنايه يم البنين انعرفچ الوفايه .......................... أم الفدت اولادها تطيني لا والله فارغ ماترد چفيني هيه التنشف دمعتي من عيني لا ما أرد لو حللفت بحسيني منچ اريدن نظره واتنظريني وانتي الحنينه وادري مترديني حلفتچ بچف الكفل والرايه يم البنين انعرفچ الوفايه ...................... أم البنين وعدها سر الحاجه ماتبقه يمها گاصده ومحتاجه ويمها المريض ابچفها منه اعلاجه ياشمعه مابين الخلك وهاجه لوبييه علله هيه بس تشفيني وانتي الحنينه وادري مترديني يمج انولن مگصدي والغايه يم البنين انعرفچ الوفايه ..................... شگد. حلوه هدات الجليله اويانه بالعازه لو ردناها ما تنسانه بيت الكرم صارت اله عنوانه من ضحت باربع ولد برهانه لوبس قريت الفاتحه اتكرميني وانتي الحنينه وفدوه لترديني يم بابج ومن الهضم شكايه يم البنين انعرفچ الوفايه ........................ خلي نشيل چفوفنه وندعيها وخلي نحلفها بنحر واليها وضلع لزجيه والي صار اعليها وناتچ ابنص الگلب ننعيها ابچي اعله حرگة گلبچ اتعرفيني وانتي الحنينه وابد مترديني بداعت وليدچ والفرات ومايه يم البنين انعرفچ الوفايه .............................. تمت بحمد الله وتوفيقه بقلمي الشاعره أم حسين العسكري ناصريه يحرم الحذف والتلاعب ونسالكم الدعاء والفاتحه لولدي محمد علاء تمت بتاريخ ٢٠٢٦/٨/١٥الموافق ( ١ ربيع الاول) https://t.me/ssaakknn/12021

وبالشكر تدوم النعم بعد أن لاقت اصدارات هذا العام رواجا ونجاحا باهرا اتقدم بالحمد والثناء لله عز وجل ولمولاي الحسين ع السلام وأهل بيته للتوفيق الذي لا توفي حقه كلمات شكر أو ثناء فقط كما اتقدم بالشكر لكل من ساهم في إنجاح هذه الاصدارات من ادارة مطبعة الامير وكادرها المتميز ومن خادمات وخدام ويسعدني ايضا ويشرفني اقتناء المشايخ الاجلاء والساده المعممين والرواديد لاصداراتنا من محاضرات وكتب رثاء ونسأل الله العلي العظيم دوام التوفيق لكم ولنا والحمد. لله حمدا لا انقطاع له حمدا دائما سرمدا.... أم حسين العسكري ناصريه

جديد

..قصيده للرجوع إلى المدينه وتنفع للفواتح للاهل القصيدة (مشت ذيج الليالي) مشت ذيج الليالي وراحت البال وراحت ذيج لمتنه والعيال .................. ردنه اللمه وياكم يهلنه مايل من بعدكم ضل حملنه وباتت بالگلب ياهلي الونه حسافه الدهر بينه نوخ ومال ............. .................. نطب للدار وحشه وماكو أي صوت ردت وياهم امشي اشبيك ياموت اليه مو لهل گلبي يتابوت ضل بس الونين ودمع همال ................... ضل بس الونين وذكرياتي صارت ظلمه كل روحي وحياتي ونگعت من دمع عيني عباتي البيت اركانه وحشه ودهري عيال ................. البيت اركانه وحشه وگلبي ياذيه اذكر هالعمر عشناه تره بييه گلبي من هجركم بيش اسليه يالتنشدني حالي ارده من حال ........................... يالتنشدني حالي والله متعوب اعثر من اگومن يهلي بالثوب عكس وياي يمشي دهري مگلوب ياهم العليه ابكبر الجبال ...................... تمت بحمد الله وتوفيقه بقلمي الشاعره أم حسين العسكري ناصريه يحرم الحذف والتلاعب ونسالكم الدعاء والفاتحه لولدي محمد علاء تمت بتاريخ ٢٠٢٦/٧/١٥الموافق (١ صفر) https://t.me/ssaakknn/12021

جديد

.قصيده حزينه للرسول ص القصيدة ( بعد الابوا) بعد. الابو خلوني.... ابچي واودر اعيوني بيت الحزن بانيته... ريته يشوف ابنيته بعد الابو خلوني.. بعد. الابوا خلوني ........... بعد. الابو ياحاله ، مهضومه ليلي انهاري هجموا عليه اصحابه ، حرگولي بابي وداري مهيوبه چنت ابجاله، لويدري بييه اشجاري وابصدري نابت بسمار، وابابي شبت ناري هجموا عليه الظلام... سطروني بويه اعله الهام من ابجي لتلوموني... ابجي واودر اعيوني.... ابجي واودر اعيوني ....................... عصروني واصرخ بويه، ريتك تشوف احوالي ما هودت كل ليلي ، دمعي دِمه ضل هالي سطروني فوك اعيوني، گالوا جفاها الوالي واستوحدوه والينه، حيدر نه شاده بالي والمجرم امن اصحابك... لاهابني ولا هابك سبو علي وسبوني... ابچي واودر اعيوني .............. اسمع يگلله فاطم، لاذت تره خلف الباب كلله وءان ردوها ، ودفعوه عليه الاصحاب كسر الضلع اذاني ، موجر يبويه الصواب كلش عظيم امصابي، ماضن سده مثله امصاب نكروا وصيتك لييه...خلوني اون ليليه من البچي منعوني.... ابچي واودر اعيوني ........................ اوصيتك ولا راعوها ، دهر الزچيه ميال بعدك تره نكروها ، واتبدل الحال ابحال ريتك تشوف ابنيتك، طكوها گوم الانذال ابيت الحزن معتكفه، تبچي ودمعها همال حيدر يون باحزانه... وتكالبت عدوانه وبجنيني من فجعوني... ابچي واودر اعيوني ......................... اليوم الغدر يم بابي ، باچر يرد لاحبابي باچر حرك بخيامي، مثل الحرك البــ بابي وينكسر ضلع اوليدي ، واخته ابدمع سچابي وانه انزل اعله الحومه ، كلش عظيم امصابي وتسحك عليه خياله.... واخته ابهضم ياحاله كل مجلس اتشوفوني.... ابجي واودر اعيوني ...................... تمت بحمد الله وتوفيقه بقلمي الشاعره أم حسين العسكري ناصريه يحرم الحذف والتلاعب ونسالكم الدعاء والفاتحه لولدي محمد علاء تمت بتاريخ ٢٠٢٦/٧/١٥الموافق (١ صفر) https://t.me/ssaakknn/12021

عظم الله أجورهم

لايفوتكم الجزء الثاني روعه ينفع للرسول والابو للفواتح وللاخ أيضا

جديد

قصيده شور للنبي محمد ص (محمد يا محمد) محمد يامحمد يامحمد عليه عرش السمه صاح وتشهد .................. عليه عرش السمه حزنان هاليوم ماميت تره مقتول مسموم وضل گلب العقيله امحمل اهموم ذب اعمامته حيدر تنهد ...................... ذب اعمامته ضل ينعه اخيه الله يعظم اجرج يالزچيه راح السند منچ والتچيه گلبج ذاب يالبضعه وتمرد ................ تعال وشوف من هجموا على الدار شبوا بابها وشعلوها بالنار زينب صارخه واتنوح الزغار واسمع صوت صاح الله ولحد ................ ................... هذا الصوت چنه صوت الحسين يصيح هنا ييمه لاتونين يكسرون الضلع واتشوفج العين المحسن طاح عالعتبه وتمدد ................. رفسها ابخاصرتها الطاغي ياحيف هدوا عالزچيه ابنار وابسيف حلم هذا الجره ياناس لوطيف جرح امي غميج وعيب ينشد ....................... تمت بحمد الله وتوفيقه بقلمي الشاعره أم حسين العسكري ناصريه يحرم الحذف والتلاعب ونسالكم الدعاء والفاتحه لولدي محمد علاء تمت بتاريخ ٢٠٢٦/٧/١٥الموافق (١ صفر) https://t.me/ssaakknn/12021