خادمة البتول

☘قصيده للامام العسكري ع ☘ مشونه اليوم خل نطلع عراضات مات العسكري نلطم الهامات بيرغ بلعراضه نكطع دروب هذا ابن الصميده وداحي البوب الطمن حيل وابجن على المهيوب هذا ابن الفحل قاضي الحاجات.... مشونه اليوم خل نطلع عراضات مات العسكري نلطم الهامات ام روكان الشمري ..................... مشونه اليوم خنعازي حكيمه صاحت عمته شن هالهضيمه حسافه العسكري يسكن الهيمه هذوله اهل المعاجز والكرامات..... مشونه اليوم خل نطلع عراضات مات العسكري نلطم الهامات شيعو العسكري بالونه والدمعه واذكرو اوياه ذاك الكسرو ضلعه محزوز النحر بيه فجعو البضعه لال المصطفى نصبو العزيات...... مشونه اليوم خل نطلع عراضات مات العسكري نلطم الهامات ام حسين العسكري ...................... نعازي الزهره بالعسكري هليوم ابوالحجه ايمامي صبح مسموم ونطالب بثار ايمامنه ودوم ويه المنتضر نرفع الرايات ✍☘ام فراس الساعدي☘ نامو بالوطيه وسفه الخـيـــار تبچي شيعته والدمع مدرار گلوب الجعفريه شابه النار شلون اوجوه راحت ياحسافات.... مشونه اليوم خل نطلع عراضات مات العسكري نلطم الهامات ام رقيه الموسوي ال قطب الدين🌷 مات العسكري ياحيف مسموم صبح ركن الديانه اليوم مهدوم يستاهل عراضه ونبجي دموم مواكب تطلع وتندب السادات.... العلويه ام مهند🌹 تمت بحمد الله التاليف في مجمع الشاعرات الحسينيات ونسالكم الدعاء https://t.me/omFeras2

☘ لاستشهاد الأمام العسكري ع☘ متوفي ابو المهدي عليه الناس حزنانه وكل شيعة علي هلوم كامت تلطم اويانه ** الشيعه محزنه وتبجي ودمعها تهله من العين رايح وسفه مولانه شعدها دين الملاعين كل يوم اويفجعوها الزهره الزاجيه ام حسين كلها تنوح سامره بجي ونياح متكدره المهدي ياعظم صبره ياوسفه على ابو الطيبات مسجدة خالي امجانه ام عمار الصائغ ┄┉❈❥ًً❀)🧿(❀❥❈┉ خالي امچان ابو المهدي وعليه ارض وسما مكدره شابه جده ابو محمد فتشة عينج يا زهره هم بسم يغدرونه وهم شاب انكظه عمره دار الهادي حزنانه بالهم تنعه مولانه ونرجس بلا عوانه عگب العسكري بيا حال وياها الدنيا خوانه نبضي حسين ┄┉❈❥ًً❀)🧿(❀❥❈┉ متوفي الحسن هاليوم والسم مرد افاده بعدك ما خلص عمرك زغير ضنوة الساده يعالج بالسم اوحيده والسم بالكلب چاده شباب وما خلص عمره ميت مهجة الزهره الشيعه اعليك متكدره شنهي ذنبه شمسوي مات وغلگ ديوانه الشاعره ام حيدر الحمزه الطائيه ┄┉❈❥ًً❀)🧿(❀❥❈┉ تلطم كل مواكبنا وتواسي ولينا الغاب ننعاه بحزن والآلام ودموع بجلل المصاب ونگله العجل مولاي ثارك يابن داحي الباب حزنان لمصابة الكون وتتجارى دمه العيون نواسي العقيلة ام عون مادام النفس بينه بذكرهم نرفع الوانه ✍خادمة العقيلة ام احمد ┄┉❈❥ًً❀)🧿(❀❥❈┉ ديوانه صبح مغلوك تون بالباب خطاره مفجوعه بعظم المصاب كل احبابه محتاره جمرته بالحشا ومالوم تسعر بالگلب ناره مات انگطعت الانفاس نصيح الثار یاهلناس يلحبه فلا ينقاس جا يمته الظهور يصير شو طوّل بميحانه... ✍️☘️ام فراس الساعدي ☘️ ┄┉❈❥ًً❀)🧿(❀❥❈┉ تـــمت بــــعون اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن👉 عــليــه الســلام لايجــــوز شررررررررعاً حذفـــُ اسمــاء الشاعـــــ✍🏻رات او تغيــــ🙏ــــرررها https://t.me/omFeras2 https://t.me/joinchat/AAAAAFDeD-8dIUKfF2UaBA

☘️لاستشهادالامام الحسن العسكري ع☘️ الوزن/فائزي ،،،،،،،،،،،،،،،،،،،،،،،،،،،،،،،،،، عله الابو نعزي المنتظر ننصب عزيه مسموم عوده ابن الحسن هاي المسيه... ❁⚫❁〰️⚫❁〰️⚫❁〰️⚫ كطّع السم لجبدته من بني العباس شاف الاذه وشاف الظلم منهم الارجاس غصة امامي العسكري اتشيب الراس وشيمر على الاسلام من هاي الرزيه نبضي حسين ❁⚫❁〰️⚫❁〰️⚫❁〰️⚫❁ ويل الگلب عالعسكري يعالج ابروحه والسم مرد گلبه اوتتزايد جروحه يفارگ يويلي شيعته اوكثرّه النوحه يله استعدو للبجي يلجعفريه ام عمار الصائغ ❁⚫❁〰️⚫❁〰️⚫❁〰️⚫❁ مجلس عزيه نقيم اله بكل سنه وكل عام نعازي الامام المنتظر والساده الاعظام ويلي يعالج لصبح من سمه مانام مالوم جبده ياعظمها من بليه ✍🏻ام سجاد الشهيد ❁⚫❁〰️⚫❁〰️⚫❁〰️⚫❁ بكل بيت يالمهدي نصبناه العزانه ولوالدك يبن الحسن عالي بچانه وسود الروايا بهالعزه نعلي لوانه لمصيبتك يبن الحسن ناري سريه نبضي حسين ❁⚫❁〰️⚫❁〰️⚫❁〰️⚫❁ چانون يسعر ماهفت بالروح لهّــــــــاب تجوي جمرتك بالحشا يا عظم المصاب نارك تضل طول الوكت وبگلبي الصواب مسدوده دارك يلحسن ضلت خليه... ✍️☘️ام فراس الساعدي ☘️ ❁⚫❁〰️⚫❁〰️⚫❁〰️⚫❁ دار الحسن ضلت خليه والف وسفه والمهدي بعده ممتحن والمحنه كلفه غايب ولينه بهالارض ولا عينه تغفه مصايب تمر عليه ويلي ابن الزچيه نبضي حسين ❁⚫❁〰️⚫❁〰️⚫❁〰️⚫❁ تـــمت بــــعون اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن👉 عــليــه الســلام لايجــــوز شررررررررعاً حذفـــُ اسمــاء الشاعـــــ✍🏻رات او تغيــــ🙏ــــرررها https://t.me/omFeras2 https://t.me/joinchat/AAAAAFDeD-8dIUKfF2UaBA

☘لاستشهاد الحسن العسكري ع☘ جينه اليوم كلنه انعازي مهدينه عل مسموم ننعه بحزن ونينه 🏴🏴🏴🏴🏴 ظل  ينوح   يمّ  الوالد بعبره يويلي اعليه بعده زغيير بعمره مهموم  ويدفنه  بارض  سامره لاجادر حزن لاعزه مسوينه... ✍☘ام فراس الساعدي ☘ 🏴🏴🏴🏴🏴 يم بابه گعدنه اليوم نبچيله على الهامات نلطم عزه انسويله رواديد وخدم بالشعر ترثيله ونعازي على الكرار وبنينه... ✍☘ام فراس الساعدي ☘ 🏴🏴🏴🏴🏴 ننصبهه الماتم نترس البيده كل عام اليمر هلماتم انعيده ونوزع ثوابه بكل سنه انزيده كل ناصب عداوه احنه اتحدينه... ✍️☘️ام فراس الساعدي ☘️ 🏴🏴🏴🏴🏴 ننـصبها المآتم نگلب الصوبين يستاهل ابوالمهدي لطم عالعين وما يبطل عزانا شماتمر سنين نيشان على دربه نمشي خلينه... ✍🏻ام سجاد الشهيد 🏴🏴🏴🏴🏴 نيشان الدرب مشايه يم بابه تطوف ابحضرته هليله احبابه تنوح بمرقده و تقبل اعتابه عطر فواح بالشباج شمينه ✍🏻ام سجاد الشهيد 🏴🏴🏴🏴🏴 نواسي المهدي هاي الليله بالدمعه وندعيله بصبر نشكيله ونسمعه گلوب الشيعه ذابت مثل هلشمعه حزنك سيدي يالمهدي ياذينه ✍🏻ام سجاد الشهيد 🏴🏴🏴🏴🏴 تمت باقلام شاعرات اهل البيت عليهم السلام ✍️☘️ام فراس الساعدي ☘️ ✍️ام سجاد الشهيد غير مبري الذمه لكل من يغيير الاسم او ياخذ كلمات القصيده وينسبها اليه https://t.me/omFeras2

☘قصيده للأمام العسكري ع☘ هليله دار العسكري وحشه وخليه.. تنعه المصيبه شيعته بهاي الرزيه.. ~~~ تنعه وتواسي المنتظر بالفاجعه اليوم.. كل يوم طير النايبه بدار اهله يحوم.. خلصو ذبح بيد العده شتطلبهم الگوم متعنيه بيته شيعته تنصب عزيه.... لخادمة الحسن العسكري ع ام منتظر الركابي ❁⚫❁〰️⚫❁〰️⚫❁〰️⚫❁ خلصوا بنين ام الحسن بالذبح والسم ونور الامامه العسكري لعيونه سلهـم من سمه ايلوج ويون راحل بهل الهم ويوصي شبله المنتظر عنده وصيه نبضي ✍🏻حسين ❁⚫❁〰️⚫❁〰️⚫❁〰️⚫❁ ادعو الشبله المنتظر ياخذ الثارات للي كضو سم وذبح اهل الكلافات نوبه النبي ونوبه الحسن وزين العبادات والمعتمد ملعون سم ابن الزجيه الشاعره✍🏻 ام زين العابدين لمحمداويه ❁⚫❁〰️⚫❁〰️⚫❁〰️⚫❁ شيمة بني العباس غدروه الملاعين صايم وسموه بالتمر لاذمه لادين ماننسه يوم امصيبته ابن الميامين بكل بيت ننصبله عزه وكل حسينيه ✍️☘️ام فراس الساعدي ☘️ ❁⚫❁〰️⚫❁〰️⚫❁〰️⚫ للعسكري يحله اللطم والونه والنوح وما ننسه يومه وغصته والدمع مسفوح وكل العزه لجده الغريب الگضه مذبوح مصيبته هزت العرش بالغاضريه نبضي حسين ❁⚫❁〰️⚫❁〰️⚫❁〰️⚫❁ تـــمت بــــعون اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن👉 عــليــه الســلام لايجــــوز شررررررررعاً حذفـــُ اسمــاء الشاعـــــ✍🏻رات او تغيــــ🙏ــــرررها https://t.me/omFeras2 https://t.me/joinchat/AAAAAFDeD-8dIUKfF2UaBA

☘لاستشهاد الحسن العسكري ع☘ بيوم العسكري خنعازي مهدينه ونعازي حكيمه  بفگد  والينه 🏴🏴🏴🏴🏴 سموه الكفر وترادت احواله والمنتضر يبچي والدمع  ساله بس وحده وليده غسله وشاله مفجوع ويون ظل محد  ايعينه... ✍️☘️ام فراس الساعدي☘️ 🏴🏴🏴🏴🏴 وحده المنتظر واعداه تتربــه يعينه الله المصايب فطرن گلبه ولا عنده عشيره وحده بغربه و بجور العده من زغر سنينه نبضي حسين 🏴🏴🏴🏴🏴 الك يل المنتظر الگلوب وجعانه عله امصاب الحسن مايبطل ابچانه.. يموت ابعيد عن اهله واوطانه لسامره بألم كلنه تعنينه لخادمة اهل البيت ع ام منتظر الركابي 🏴🏴🏴🏴🏴 نعازيه بحزن والدمعه مذروفه نوكف بالعزه والناس مصفوفه مايبطل عزانه وريتنه نشوفه نعظمله الاجر ونصافح ايدينه ✍🏻ام محمد باقر ال عبيد 🏴🏴🏴🏴🏴 انعظمله الأجر بدموع مجريه ونواسي حيدره وامه الزچيه والشيعه اله تنصب عزيه وادموم الدمع الهم بچينه الشاعره ام ✍🏻زين العابدين لمحمداويه 🏴🏴🏴🏴🏴 لبو صالح نريد لبيته نتعنه ونصب ادموع وبعبره نجر ونه اليوم الوالي شال ومبتعد عنه وي المهدي نار وتستعر بينه لخادمة اهل البيت ع ام منتظر الركابي 🏴🏴🏴🏴🏴 تمت باقلام شاعرات رابطة الحسن المجتبى ع غير مبري الذمه لكل من يغيير الاسماء او ياخذ كلمات القصيده وينسبها اليه https://t.me/omFeras2 https://t.me/joinchat/AAAAAFDeD-8dIUKfF2UaBA

☘للامام الحسن العسكري ع☘ احاه يايوم الحسن      مفجوعه بيه الشيعه 🏴🏴🏴🏴🏴 وكت المنازع من اجه مفجوعه بيه الشيعه دموعه ابعينه مغورجه مفجوعه بيه الشيعه مولانه يل بيه الرجه مفجوعه بيه الشيعه صرنه بدونه بضيعه....٣ احاه يايوم الحسن      مفجوعه بيه الشيعه 🏴🏴🏴🏴🏴 آ  يلحسن   يايومه مفجوعه بيه الشيعه متغيرات   رسومه مفجوعه بيه الشيعه ما  لايگتله   النومه مفجوعه بيه الشيعه للموت ابد منبيعه ....٣ احاه يايوم الحسن      مفجوعه بيه الشيعه 🏴🏴🏴🏴🏴 اليوم   نِصبَوا   ماتمه مفجوعه بيه الشيعه صِبوا  مدامع من دمه مفجوعه بيه الشيعه بفگد  الامام    مئالمه مفجوعه بيه الشيعه ومتحضره لتوديعه ....٣ احاه يايوم الحسن      مفجوعه بيه الشيعه 🏴🏴🏴🏴🏴 سوو العزه بمحرابه مفجوعه بيه الشيعه نار   الحشا   لهابه مفجوعه بيه الشيعه للدوم اذكروا مصابه مفجوعه بيه الشيعه ماكو عذر وذريعه....٣ احاه يايوم الحسن      مفجوعه بيه الشيعه 🏴🏴🏴🏴🏴 تشييعه صار بكل بلد مفجوعه بيه الشيعه مولانه من راح انفگد مفجوعه بيه الشيعه مانلگه  مثله  للابد مفجوعه بيه الشيعه نمشي بنهج تشريعه....٣ احاه يايوم الحسن      مفجوعه بيه الشيعه 🏴🏴🏴🏴🏴 ياخذ  القائم  ثاره مفجوعه بيه الشيعه عنده العلم واسراره مفجوعه بيه الشيعه ننتفع  بيها   افكاره مفجوعه بيه الشيعه حگ الامام انطيعه....٣ احاه يايوم الحسن      مفجوعه بيه الشيعه 🏴🏴🏴🏴🏴 صفر / ✍بقلم شاعرة اهل البيت عليهم السلام ☘ ام فراس الساعدي ☘ غير مبري الذمه لكل من يغيير الاسم او ياخذ كلمات القصيده وينسبها اليه https://t.me/omFeras2

☘لاستشهاد الحسن العسكري ع☘ نعي// گرناوي لسان حال الشاعر 👉 تعزيه اقدمها لحضرت سيدي ومولاي  الامام صاحب العصر الزمان عجل الله فرجه الشريف 🙆‍♀ بذكرى استشهاد الامام الحسن العسكري ع شحجيلك يمهدي ايعورن الچلمات ومصاب العسكري مردلي جبدي تدري اتحمليت شكثر آهات تجي وتاخذ بثارك هسه كصدي اجيت الغيبتك والطم الهامات جهبت الباب واصرخ آيمهدي اعزيك بمصاب الولي بونات اجدد بالعزه كل عام  عهدي ولو ماوفي دين ولا امجازات انت اوسيلتي وغيرك شعندي الله يعين صبرك يبو الثارات شكثر تحمل هموم انت اوتحدي اوصلت تعبان من بُعد المسافات مره اگعد  ومره امشي الوحدي اتحمل تعب واعبر متاهات اتمنى بين اديك اصير جندي حنين بشيمتك يابو الكرامات وگفت ابابك احسبني امجدي الك متوجه الربي ابحاجات كلهه  تآمرت  مولاي  ضدي اجيتك اشتكي واجذب الونات هضموني واريدك عون ودي مشت شبسرعه ثاري العمر لحضات على مر الدهور الوعد گصدي كل جمعه اتاني احسب اللحظات اتنطر تجي ودمعتي بخدي هواي اذنوبي او كثرت الزلات شفيعي يابو صالح تحضر بلحدي ✍بقلم شاعرة اهل البيت عليهم السلام ☘ ام فراس الساعدي ☘ غير مبري الذمه لكل من يغيير الاسم او ياخذ كلمات القصيده وينسبها اليه https://t.me/omFeras2

☘️لاستشهاد الحسن العسكري ع ☘️ وزن// العكيلي التام يالحسن يومــك اذانه وضلمّت لجلك دنيانه تنوح مصابك ..كل احبابك ونعازي المهدي بااحزانه ============ يبٌـن الهــادي يومك يكلف كل عام ايـمر ليـك نذكره الـذكـرك دمع ويجري بحركه ايــواسي اولــيدك والــعتره تتـعنــه السامــره اليلــه امك فاطم وسط الحـظره تنصبــلك ماتم وتنــادي  اعلولادي روحي مــنكسره اه يوليدي …عليك اشبيدي لتعزيت القائم جيت انه... ونعازي المهدي بااحزانه ✍ام احمد العبوديه زبير 🏴🏳️🏴🏳️🏴🏳️ يوليدي لو شفت الشيعه تلطم عل هامات  احبابك اتعنت ليك وتجري الدمعه وتنوح وتنحب لمصابك مهضومه بفگدك يلغالي  مفجوعه وكعدت يم بابك چادر منصوب بهل ذكرى مالومه وتنعاك اصحابك سل بتارك ... واخذ بثارك خلصنا من جور اعدانه ونعازي المهدي باحزانه ✍☘ام فراس الساعدي ☘ 🏴🏳️🏴🏳️🏴🏳️ تعنينه اليوم السامره ذكرى استشهادك نحييها ونواسي المهدي عله مصابك وام الموعود نواسيها والرايه ترفرف بيدينه وكل عام يمر نعليها بعناها الدنيا ومن اجلك حته الارواح نضحيها بدمع الناظر... يمك حاضر نصرخ بعناد العادانه ونعازي المهدي باحزانه خادمة الموعود الغزي 🏴🏳️🏴🏳️🏴🏳️ تمنينه الليــله بشباجك نذرفها ادمــوع الـهماله ونشكي الجور المر علينه وتنضــر غــايبـنـه بياحـاله فرجها عـــلينه بضـهـوره وتنوره دنيــانه بجــالــه وينصب ماتم يحضر قاري واول  صرخـاته الـــتتعاله الذاك المنحر...الـون يكثر والجساد الضلت عريــانـه... ونعازي المهدي باحزانه ✍🏻ام احمد العبوديه زبير 🏴🏳️🏴🏳️🏴🏳️ نضحي الروح وكل ماعدنه حتى اولاد ومال لاجله دنيانه بغير اولايتهم لوماحبهم چا ماتحله وبنهج حسين بتاريخه احنه اختاريناهه السله يامرحب بالموت وياهم ونصييح هيهات الذله ونضل نخدم ...نشريه بالدم  نبقى ويه القائم عوانه... ونعازي المهدي باحزانه ✍️☘️ام فراس الساعدي ☘️ 🏴🏳️🏴🏳️🏴🏳️ ايد ابأيد احنه وي القائم حرب نشن اعله الكفار نطلب ثار ارواح العتره الماتت بيدين الاشرار احنه لمانسكت عالباطل صرخة مظلوم وجبار ياوسفه يموت ابن الهادي والمهدي  باقي  محتار وسفه اليجره.. النسل العتره همه بكل شـده  ويانه ونعازي المهدي باحزانه ✍ام سجاد الشهيد 🏴🏳️🏴🏳️🏴🏳️ تمت باقلام شاعرات اهل البيت ع غير مبري الذمه لكل من يغيير الاسماء او ياخذ كلمات القصيده وينسبها اليه https://t.me/omFeras2

☘قصيده للحسن العسكري ع☘ لطمه حيدريه// اليوم مسموم الامام خلي نلطم على الهام حيل الطم لا تمل هذا ايمامي النفل خلي عدوانك تذل٢ اطبع بصدرك وسام.... زمره وسخه السمته والدواعش هدمته الشيعه تبني قبته٢ ويه قائدنه الهمام ... من عهد ذاك الزمان افتقد بالدنيه الامان كل حقدهم بينه بان٢ عاشت الشيعه بظلام... ادعي عجًل بالفرج والله محروكه المهج هرج دنيانه ومرج٢ كثر بيها الانتقام.... يجي يحرر امته من زمان انتضرته وكل عذاب الشافته٢ يعدل بمسك الختام.... ✍بقلم شاعرة اهل البيت عليهم السلام ☘ ام فراس الساعدي ☘ غير مبري الذمه لكل من يغيير الاسم او ياخذ كلمات القصيده وينسبها اليه https://t.me/omFeras2

☘قصيده للحسن العسكري ع☘ لطمه حيدريه// حيل حيل اعله الصدر دگي واسي المنتضر العسكري ونيله بالحزن هليله ماتمج نصبيله٢ سمموه وبالاسر.... دگي واسي المنتضر حكم عباسي ولعين همّه عالو بالسجين ظلت الشيعه بونين٢ همّه من غدروه غدر.... دگي واسي المنتضر ارتجت الارض وسمه الدنيه صارت مظلمه استشهد ابنج فاطمه٢ من استدعوه بالقصر.... دگي واسي المنتضر صاحب العصر وزمان غاب وسرى للجنان لا ابد ماكو امان٢ لوالده هوه حضر..... دگي واسي المنتضر لنرجس وام الامام نواسي ونلطم الهام الحسن ياعالي المقام٢ الما لطم ماله عذر..... دگي واسي المنتضر ✍بقلم شاعرة اهل البيت عليهم السلام ☘ ام فراس الساعدي ☘ غير مبري الذمه لكل من يغيير الاسم او ياخذ كلمات القصيده وينسبها اليه https://t.me/omFeras2

☘️ لاستشهاد الحسن العسكري ع☘️ حگ انوح للميت بسامره نعازي المنتضر ونجذب الحسره 🏴🏴🏴 خلي انوح وي المنتضر كلنه نتعنه مشي للعسكري  صحنه عراضه يابو صالح للعزاء كلنه علمسموم خل انواسي الزهره.... حگ انوح للميت بسامره نعازي المنتضر ونجذب الحسره 🏴🏴🏴 ندك علراس مهمومين اجيناله مشايه  ونون  بلدرب   ننعاله عمت عيني عليه بلظيم ياحاله نارك  بلكلب مولاي مستعره... حگ انوح للميت بسامره نعازي المنتضر ونجذب الحسره 🏴🏴🏴 غدر غدروه  ماكدرو  يكحمونه حطو  بل  عنب  سم  ويسمونه خل يحضر وليده يغمض عيونه كسرك يبو محمد گلي شيجبره.... حگ انوح للميت بسامره نعازي المنتضر ونجذب الحسره 🏴🏴🏴 الشيعه محزنه وتلطم على غيابه تحضر مجلسه وملتمه  احبابه منتضره بوجل اواكفه اب بابه الله يعين ابنه وياصبر صبره... حگ انوح للميت بسامره نعازي المنتضر ونجذب الحسره 🏴🏴🏴 الله يعين ابنه اليوم وشحاله شال جنازته وبدمعه هماله ضلت تنتحب تتلاطم عياله مجلس كون هسه بحضرتك واقره... حگ انوح للميت بسامره نعازي المنتضر ونجذب الحسره 🏴🏴🏴 مجلس كل سنه ننصبلك اليله نصيح بصوت ياشيعيه ونيله وفراكك صعب مانگدر نشيله دمعي دموم يجري اعله الوجن جمره... حگ انوح للميت بسامره نعازي المنتضر ونجذب الحسره 🏴🏴🏴 بقلم شاعرة اهل البيت عليهم السلام ✍️☘️ام فراس الساعدي☘️ وام روكان الشمري غير مبري الذمه لكل من يغيير الاسم او ياخذ كلمات  القصيده وينسبها اليه https://t.me/omFeras2

☘️هوسات للحسن العسكري ع☘️ السامره.نروح ونعتني عنايه ونوصل حضرته ونسوي قرايه مجلس بلطم يم حضرته واقره وعازي المنتضر وفاطمه الزهره ابجي عليك ياومولاي وبعبره ((يسمونه/ والمثله شلون)) ننصبله عزه كل سنه نسويله ونقره الفاتحه بشباجه نهديله ونتذكر مصابه ونبجي ننعيله ((ونعازي المهدي /بهل ليله)) عليه الطم اجيت وحيلي متهدم بل سم منچتل كل دوه مايرهم يويل القاتل يظل عمره متندم ((بالنار آخرته /// واعوانه)) اجيت اليوم اعزي جده المختار استعرت بالحشا وبگلبي شبت نار وينه المنتظر خل يجي وياخذ ثار ((يشهر بتاره/// ويمحيها)) تمحيها تجي وشمنتضر گلي تاخذ ثار اهلك يابعد اهلي وبمسجد السهله سيدي صلي ((امتانينك/ اتصلي الجمعه)) بقلم شاعرات اهل البيت عليهم السلام ✍️☘️ام فراس الساعدي☘️ وام روكان الشمري غير مبري الذمه لكل من يغيير الاسماء او ياخذ كلمات  القصيده وينسبها اليه https://t.me/omFeras2

☘لاستشهاد الحسن العسكري ع☘ فزاعيه// خنعازي حكيمه اليوم بلعسكري هليله مسموم ويون مالوم ظلت بلحزن للدوم ماينفع بعد كل لوم هلتبچي وتنعيله.... خنعازي حكيمه اليوم بلعسكري هليله خل نگعد نواسيهه ولنرجس نعازيهه والونه نعليهه والفاتِحه نهديله.... خنعازي حكيمه اليوم بلعسكري هليله ظلت حايره وتلوم ايمامي صبح مسموم ومصلاته كلهه ادموم اجا المهدي يتچيله.... خنعازي حكيمه اليوم بلعسكري هليله اجاه اوليده ايچفنه كلهه حضرت الدفنه المهدي ايعلي الونه ظل المدمع ايسيله.... خنعازي حكيمه اليوم بلعسكري هليله الساده اليوم حزنانه على المسموم مولانه مظلمه اصبحت دنيانه والعسكري ونيله.... خنعازي حكيمه اليوم بلعسكري هليله ابحزن علگنه الرايات انروح لمرقده وانبات مايرجع بعد هيهات ماتم عزه انسويله.... خنعازي حكيمه اليوم بلعسكري هليله ✍ بقلم شاعرة اهل البيت عليهم السلام        ☘ام فراس الساعدي ☘ غير مبري الذمه لكل من يحذف الاسم والرابط او ياخذ كلمات القصيده وينسبها اليه https://t.me/omFeras2

☘لاستشهاد الحسن العسكري ع☘ نعي //مجرد مسموم يابو المهدي مسموم مدري شيطلبونك يمظلوم وفجعوا الشيعه بهاي العلوم خلوني ادك والطم على الراس سمو ايمامي گوم الارجاس يلچان هيبه لهله والناس جينه نعازي القائم اليوم وامه الزچيه بحزن وهموم بالعسكري القائد الجيدوم راح الايمام الچان هيبه مليان حنيه وطيبه مسموم يلزاجي حليبه وگعد يمه٢ اجاه الحجه ابنه وگعد يمه ابحضنه ويشمه ٢ وحط راسه ابحظنه ويشمه والله هضمه٢ مسموم ابونه والله هضمه اعله الايمام٢ خلوني اون وانعى اعله الايمام فارس ومقدام٢ يل بلحرب فارس ومقدام ماترضه تنام٢ عيوني بعد ماترضه تنام خلوني اچفنه٢ ياوالدي خلوني اجفنه مشبعت منه٢ من ريحته مشبعت منه حرموني منه٢ الگوم الرجس حرموني منه ✍ بقلم شاعرة اهل البيت عليهم السلام ☘ام فراس الساعدي ☘ غير مبري الذمه لكل من يحذف الاسم والرابط او ياخذ كلمات القصيده وينسبها اليه https://t.me/omFeras2

☘لاستشهاد الحسن العسكري ع☘ نبجي ونون... للعسكري هليله جينا نعازي المهدي ونواسيله اهل الرده سموه ... ونواسيله وبسجونهم ضموه ...ونواسيله بالباطل وحكموه ...ونواسيله والمهدي مغضب شايله يتجيله.... نبجي ونون... للعسكري هليله عل الوالد المسموم... ونواسيله مستشهد الجيدوم... ونواسيله حتى الكبر مهدوم... ونواسيله ماتم نصبنا بالدمع نبجيله... نبجي ونون... للعسكري هليله ندعي على الغدروه ... ونواسيله و ايمامهم نكروه...ونواسيله دم الحسن هدروه ... ونواسيله علصدر جينه نلطم وننعيله... نبجي ونون... للعسكري هليله من حضرته الشيعه...ونواسيله وتبجي التوديعه... ونواسيله للموت منبيعه ... ومواسيله ذكرى اله بگلوبنه نخليله... نبجي ونون... للعسكري هليله ماننسه ابد المصاب ...ونواسيله لاوحك داحي الباب... ونواسيله نتوسط المحراب... ونواسيله مجلس عزاء بكل سنه نسويله.... نبجي ونون... للعسكري هليله ✍بقلم شاعرة اهل البيت عليهم السلام ☘ ام فراس الساعدي ☘ غير مبري الذمه لكل من يغيير الاسم او ياخذ كلمات القصيده وينسبها اليه https://t.me/omFeras2

☘لاستشهاد الحسن العسكري ع☘ للعسكري امشونه اليوم خل انعازي مهدينه صارت رجه بالاكوان نعازي صاحب الازمان كلهه تصيح يارحمن شهل فاجعه التلفينه..... حيف العسكري مسموم متروس الطشت بدموم فجعنه والخبر ميشوم يون وحده مخلينه..... على المسموم بلتمره نعازي علي والعتره ظلت بالگلب جمره تسعر ناره تجوينه..... الزهره خل نواسيهه ببنهه الحسن عازيهه لطمتج حيل دكيهه بالمعشر تجازينه..... نون للعسكري الليله وابنه المهدي ندعيله يحضر دفنه ويشيله نشيعه اليوم هلجينه..... بسامره الدفن غادي يم الوالد الهادي نلعن كلمن يعادي ياخذ ثاره مهدينه..... ✍ بقلم شاعرة اهل البيت عليهم السلام        ☘ام فراس الساعدي ☘ غير مبري الذمه لكل من يحذف الاسم والرابط او ياخذ كلمات القصيده وينسبها اليه https://t.me/omFeras2

☘لاستشهاد الحسن العسكري ع☘ نعي // بطور الفراق لسان حال الامام الحجه عجل الله فرجه الشريف🙆‍♀ شيكول:- ياهو غيرك بعد للشيعه يناصر ياهو غيرك بويه تتركني وتهاجر ياهو غيرك ابقى بويه لا تسافر انت غالي واغلى من روحي عليه انت غالي يلچنت هيبه وتچيه انت غالي ارجع ارجع ياشفيه شيطلبونه سمموه وراح ضامي شيطلبونه والجبد ينزف ودامي شيطلبونه چان عني اهوه يحامي بويه بويه گلي يابويه شبديه بويه بويه ظلمت ايامي عليه بويه بويه فاجعه والله ورزيه شنسه منك انت بويه الدللتني شنسه منك بيدك الطيبه شلتني شنسه منك بويه ونّاتك عمتني هذا حالي ابچي دمعاتي جريه هذا حالي البيت ظل خالي عليه هذا حالي والعدو شمتان بيه ✍ بقلم شاعرة اهل البيت عليهم السلام        ☘ام فراس الساعدي ☘ غير مبري الذمه لكل من يحذف الاسم والرابط او ياخذ كلمات القصيده وينسبها اليه https://t.me/omFeras2

. من الذي غسّل الإمام العسكري (ع)؟ لا ريبَ في أنَّ الإمامَ المنتظَر (ع) هو مَن تصدَّى لتغسيل والدِه الإمامِ العسكريِّ (ع)، ويكفي لإثباتِ ذلك الرواياتُ العامَّة التي استفاضَ نقلُها عن أهلِ البيت (ع) والتي أفادت أنَّ الإمامَ أو الصدِّيقَ لا يُغسِّله إلا صدِّيقٌ مثلُه. وأوردَها الشيخُ الطوسي في (التهذيب) وفي الاستبصار من طريقِه الصحيح إلى الكليني بذات السند، وأوردها الصدوقُ مرسلةً في كتابِه (مَن لا يحضره الفقيه). ومن ذلك: ما رواه القطبُ الراوندي في الخرائج والجرائح قال: روى أبو بصير، عن أبي جعفر قال: كان فيما أوصى به إليَّ عليُّ بنُ الحسين (عليهما السلام) أنَّه قال: يا بُني إذا أنا متُّ فلا يلي غُسلي غيرُك، فإنَّ الامامَ لا يُغسِّلُه إلا إمامٌ بعده..". ومن ذلك: ما أورده في مختصر البصائر بسنده عن إبراهيم بن أبي سماك قال: كتبتُ إلى أبي الحسن الرضا (عليه السلام): إنَّا قد رَوينا عن أبي عبد الله (عليه السلام) أنَّ الامامَ لا يُغسِّلُه إلا الامام، وقد بلغنا هذا الحديثُ، فما تقولُ فيه؟ فكتبَ (ع) إليَّ: إنَّ الذي بلغَك هو الحقُّ". والرواياتُ في ذلك مستفيضة وقد تلقَّاها الفقهاءُ بالقبول والاعتماد، فهي كافيةٌ لإثبات أنَّ الإمام لا يتولَّى تغسيلَه إلا الإمامُ الذي يليه، على أنَّ لدينا روايةً خاصَّة تصلحُ لتأييد أنَّ الإمام المهديَّ (ع) هو مَن تصدَّى لتغسيل والدِه الإمامِ الحسنِ العسكريِّ (ع) أورد هذه الرواية الصفَّار في بصائر الدرجات عن أحمد بن محمد وأحمد بن إسحاق عن القاسم بن يحيى، عن بعض أصحابنا، عن أبي عبد الله (عليه السلام) قال: "لمَّا قُبض رسولُ الله (صلى الله عليه وآله) هبطَ جبرئيلُ ومعه الملائكةُ والروحُ الذين كانوا يهبطون في ليلة القدر، قال: ففُتحَ لأميرِ المؤمنين بصرَه فرآهم في منتهى السماوات إلى الأرض، يُغسِّلون النبيَّ معه، ويُصلِّون معه عليه، ويحفرونَ له، واللهِ ما حفَرَ له غيرُهم حتَّى إذا وُضع في قبرِه، نزلوا مع مَن نزل، فوضعوه فتكلَّم وفُتح لأمير المؤمنين سمعه فسمعَه يُوصيهم به فبكى، وسمعهم يقولون: لا نألوه جهدًا، وإنَّما هو صاحبُنا بعدك إلا أنَّه ليس يُعايننا ببصره بعد مرَّتنا هذه، حتى إذا مات أميرُ المؤمنين (عليه السلام) رأى الحسنُ والحسينُ مثل ذلك الذي رأى، ورأيا النبيَّ (ص) أيضًا يُعينُ الملائكةَ مثل الذي صنعوا بالنبيِّ(ص) حتى إذا مات الحسنُ رأى منه الحسينُ مثل ذلك، ورأى النبيَّ(ص) وعليًّا (ع) يُعينان الملائكة، حتى إذا مات الحسينُ رأى عليُّ بن الحسينِ منه مثلَ ذلك، ورأى النبيَّ(ص) وعليًّا والحسنَ يُعينون الملائكة، حتى إذا مات عليُّ بنُ الحسين رأى محمدُ بن عليٍّ مثل ذلك، ورأى النبيَّ(ص) وعليَّا والحسنَ والحسينَ يُعينون الملائكةَ، حتَّى إذا مات محمدُ بنُ عليٍّ رأى جعفرُ مثلَ ذلك، ورأى النبيَّ وعليًّا والحسنَ والحسينَ وعليَّ بن الحسين يُعينون الملائكة، حتى إذا مات جعفر رأى موسى منه مثل ذلك، هكذا يجري إلى آخرنا". ورواه القطبُ الراوندي في الخرائج والجوارح عن عبد الرحمن بن كثير عن الإمام أبي الحسن موسى بن جعفر عليه السلام. فقولُه (ع): "هكذا يجري إلى آخرِنا" صريحٌ في أنَّ ما وقع للإمام الحسنِ العسكري (ع) هو ذاتُه الذي كان قد وقعَ لآبائه (ع) فالإمامُ الذي بعده وهو الإمامُ الحجَّةُ (ع) هو مَن تولَّى تغسيلَه وأعانَه على ذلك النبيُّ (ص) والأئمةُ من آبائه (ع) والملائكةُ (ع). الشيخ محمد الصنقور · موقع الائمة الاثني عشر العتبة الحسينية المقدسه

*🏴زيارة الامام الحسن بن علي العسكري عليهما السلام🏴* اهداء الزيارة  أزور سيدي و مولاي و معتمدي و رجائي و ذخري و ذخيرتي في آخرتي و دنياي سيدي ومولاي *الامام الحسن بن علي العسكري ( عليهما السلام )* زيارة مني نيابة عن سيدي ومولاي نبي الرحمة البشير النذير ابا القاسم محمدٍ و آله الأطهار ( صلوات الله عليهم اجمعين ) ونيابة عن سيدي ومولاي صاحب الزمان ( عجل الله فرجه الشريف ) ونيابة عن جميع المؤمنين والمؤمنات  احياءا واموات طاعة قربة الى الله تعالى بسم الله الرحمن الرحيم *🌻 اَلسَّلامُ عَلَيْكَ يا مَوْلايَ يا اَبا مُحَمَّد الْحَسَنَ بْنَ عَلِيٍّ الْهادِيَ الْمُهْتَدِيَ، وَرَحْمَةُ اللهِ وَبَرَكاتُهُ، اَلسَّلامُ عَلَيْكَ يا وَلِيَّ اللهِ وَابْنَ اَوْلِيآئِهِ، اَلسَّلامُ عَلَيْكَ يا حُجَّةَ اللهِ وَابْنَ حُجَجِهِ، اَلسَّلامُ عَلَيْكَ يا صَفِيَّ اللهِ وَابْنَ اَصْفِيآئِهِ، اَلسَّلامُ عَلَيْكَ يا خَليفَةَ اللهِ وَابْنَ خُلَفآئِهِ وَاَبا خَليفَتِهِ، اَلسَّلامُ عَلَيْكَ يَا بْنَ خاتَمِ النَّبِيّينَ، اَلسَّلامُ عَلَيْكَ يَا بْنَ سَيِّدِ الْوَصِيّينَ، اَلسَّلامُ عَلَيْكَ يَا بْنَ اَميرِ الْمُؤْمِنينَ، اَلسَّلامُ عَلَيْكَ يَا بْنَ سَيِّدَةِ نِسآءِ الْعالَمينَ، اَلسَّلامُ عَلَيْكَ يَا بْنَ الاَْئِمَّةِ الْهادينَ، اَلسَّلامُ عَلَيْكَ يَا بْنَ الاَْوْصِيآءِ الرّاشِدينَ، اَلسَّلامُ عَلَيْكَ يا عِصْمَةَ الْمُتَّقينَ، اَلسَّلامُ عَلَيْكَ يا اِمامَ الْفآئِزينَ، اَلسَّلامُ عَلَيْكَ يا رُكْنَ الْمُؤْمِنينَ، اَلسَّلامُ عَلَيْكَ يا فَرَجَ الْمَلْهُوفينَ، اَلسَّلامُ عَلَيْكَ يا وارِثَ الاَْنْبِيآءِ الْمُنْتَجَبينَ، اَلسَّلامُ عَلَيْكَ يا خازِنَ عِلْمِ وَصِيِّ رَسُولِ اللهِ، اَلسَّلامُ عَلَيْكَ اَيُّهَا الدّاعي بِحُكْمِ اللهِ، اَلسَّلامُ عَلَيْكَ اَيُّهَا النّاطِقُ بِكِتابِ الله، اَلسَّلامُ عَلَيْكَ يا حُجَّةَ الْحُجَجِ، اَلسَّلامُ عَلَيْكَ يا هادِيَ الاُْمَمِ اَلسَّلامُ عَلَيْكَ يا وَلِيَّ النِّعَمِ، اَلسَّلامُ عَلَيْكَ يا عَيْبَةَ الْعِلْمِ، اَلسَّلامُ عَلَيْكَ يا سَفينَةَ الْحِلْمِ، اَلسَّلامُ عَلَيْكَ يا اَبَا الاِْمامِ الْمُنْتَظَرِ الظّاهِرَةِ لِلْعاقِلِ حُجَّتُهُ، وَالثّابِتَةِ فِي الْيَقينِ مَعْرِفَتُهُ، الْمُحْتَجَبِ عَنْ اَعْيُنِ الظّالِمينَ، وَالْمُغَيَّبِ عَنْ دَوْلَةِ الْفاسِقينَ، وَالْمُعيدِ رَبُّنا بِهِ الاِْسْلامَ جَديداً بَعْدَ الاِْنْطِماسِ، وَالْقُرْآنَ غَضّاً بَعْدَ الاِْنْدِراسِ، اَشْهَدُ يامَوْلايَ اَنَّكَ اَقَمْتَ الصّلوةَ، وَآتَيْتَ الزَّكاةَ، وَاَمَرْتَ بِالْمَعْرُوفِ، وَنَهَيْتَ عَنِ الْمُنْكَرِ، وَدَعَوْتَ اِلي سَبيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ، وَعَبَدْتَ اللهَ مُخْلِصاً، حَتّي اَتيكَ الْيَقينُ، اَسْئَلُ اللهَ بِالشَّاْنِ الَّذي لَكُمْ عِنْدَهُ اَنْ يَتَقَبَّلَ زِيارَتي لَكُمْ، وَيَشْكُرَ سَعْيي اِلَيْكُمْ، وَيَسْتَجيبَ دُعائي بِكُمْ، وَيَجْعَلَني مِنْ اَنْصارِ الْحَقِّ وَاَتْباعِهِ، وَاَشْياعِهِ وَمَواليهِ وَمُحِبّيهِ، وَالسَّلامُ عَلَيْكَ وَرَحْمَةُ اللهِ وَبَرَكاتُهُ.🌻*